Tag: عالمی ادارے

اسلام آباد: حریت رہنما یاسین ملک کی بیوی مشال ملک نے مطالبہ کیا ہے کہ اقوام متحدہ اور عالمی برادری کشمیر پر اپنی ذمہ داریاں پوری کرے.

ان خیالات کا اظہار انھوں نے میڈیا سے گفتگو کرتے ہوئے کیا. مشال ملک کا کہنا تھا کہ دنیا بھر میں مقیم پاکستانی و کشمیری بھارتی بربریت بے نقاب کریں.

نوجوان سوشل میڈیاکےذریعےبھارتی مظالم سےدنیا کوآگاہ کریں، انتہاپسندمودی نے جمہوریت کالبادہ اوڑھ رکھا ہے، مقبوضہ کشمیرمیں قیامت کاسماں، کرفیو کی وجہ سے قحط ہے.

مشال ملک نے کہا کہ مقبوضہ وادی میں اشیائے خورونوش، ادویات کی قلت ہے، بھارتی فورسزکشمیری نوجوانوں کو لاپتا اور تشدد کررہی ہے.

انھوں نے عالمی برادری سے مقبوضہ کشمیرپرتوجہ دینے کی اپیل کرتے ہوئے کہا کہ بھارتی حکومت مقبوضہ کشمیرمیں ریاستی دہشت گردی کررہی ہے.

مزید پڑھیں:44 روز کے کرفیو کے باوجود بہادر کشمیریوں کے حوصلے بلند ہیں: راجہ فاروق حیدر

خیال رہے کہ مودی سرکار 5 اگست کو غیر قانونی اقدام کرتے ہوئے مقبوضہ وادی کی خصوصی اہمیت ختم کر دی تھی.

آرٹیکل 370 کے خاتمے کے ساتھ ہی بھارت نے کشمیر میں کرفیو نافذ کر دیا، جو گزشتہ ڈھائی ماہ سے جاری ہے.

اس عرصے میں کشمیر میں ایک انسانی المیہ جنم لے چکا ہے، جس کے خلاف دنیا بھر کی سماجی تنظیمیں آواز اٹھار رہی ہیں.

اسلام آباد: کشمیری حریت رہنما یاسین ملک کی اہلیہ مشعال ملک کا کہنا ہے کہ مقبوضہ کشمیر میں طبی سہولتوں کی عدم فراہمی دنیا کے تمام قوانین کی خلاف ورزی ہے، مقبوضہ وادی میں طبی سہولیات عالمی ادارے طاقت سے پہنچائیں۔

تفصیلات کے مطابق کشمیری حریت رہنما یاسین ملک کی اہلیہ مشعال ملک نے کہا ہے کہ جنگ کی صورتحال میں بھی علاج اور خوراک پر پابندی نہیں ہوتی، مقبوضہ کشمیر کی صورتحال جنگ زدہ علاقوں سے بری ہے۔

مشعال ملک کا کہنا ہے کہ طبی سہولتوں کی عدم فراہمی دنیا کے تمام قوانین کی خلاف ورزی ہے، طبی سہولتوں کی فراہمی کے لیے عالمی تحریک کی ضرورت ہے۔ عالمی سطح پر بھی اس ظلم کو محسوس کیا جا رہا ہے۔

انہوں نے کہا کہ مقبوضہ کشمیر میں کرفیو کی پابندیاں ایک سال تک رہ سکتی ہیں، یہ صدی کا سب سے بڑا ظلم ہے۔ مقبوضہ وادی میں طبی سہولیات عالمی ادارے طاقت سے پہنچائیں۔

مشعال ملک کا کہنا تھا کہ اقوام متحدہ کے اداروں میں کشمیر کا معاملہ موجود ہے، بھارت پر عالمی دباؤ اقوام متحدہ سے ہی آئے گا۔ ایٹمی جنگ پوری دنیا کے لیے خطرناک ہوگی۔

اس سے قبل مشعال ملک کا کہنا تھا کہ 6 ماہ سے شوہر سے بات نہیں ہوئی ہے، یاسین ملک کو ڈیتھ سیل میں رکھا گیا ہے۔ یاسین ملک کی حالت دن بہ دن خراب ہو رہی ہے، پاکستانی کشمیر کی آزادی کے لیے بھرپور جدوجہد کریں۔

مشعال ملک نے کہا تھا کہ سلامتی کونسل کا اجلاس بڑا بریک تھرو ہے، ہمیں اب اقوام متحدہ کی قراردادوں کے مطابق مسئلے کے حل پر فوکس کرنا ہے۔ پوری دنیا میں ہمارا پیغام اس وقت پہنچ رہا ہے۔

انہوں نے کہا تھا کہ لوگ کہتے ہیں ہندوستان بڑی مارکیٹ ہے اس لیے کوئی اسے کچھ نہیں کہے گا، میں اس بات سے اختلاف کرتی ہوں، ہمیشہ ایسا نہیں رہے گا۔