Tag: عالمی بینک

اسلام آباد : عالمی بینک کا کہنا ہے کہ پاور سیکٹر سبسڈیز سے 5 سال میں حکومت کے بوجھ میں 400 فیصد سے زائد کا اضافہ ہوا۔

تفصیلات کے مطابق بجلی کی تیزی سے بڑھتی قیمتوں نےوفاقی حکومت کےمالی بوجھ میں اضافہ کردیا ، پاور سیکٹر سبسڈیز سے 5 سال میں حکومت کے بوجھ میں 400 فیصد سے زائد کا اضافہ ہوا۔

عالمی بینک نے بتایا کہ بجلی کی تیزی سے بڑھتی قیمتوں نے پروٹیکٹڈ گھریلو صارفین کی تعدادمیں اضافہ کیا، پروٹیکٹڈ صارفین کی تعداد میں اضافے سے حکومت پر سبسڈی کا بوجھ بڑھ گیا۔

دستاویز میں کہا گیا ہے کہ سال 2024 میں 94 فیصد گھریلو صارفین نے بجٹ وکراس سبسڈی سے فائدہ اٹھایا، پاور سیکٹر کی سبسڈی 5 سال کے دوران 954 ارب روپے بڑھ گئی۔

ورلڈ بینک کا کہنا تھا کہ مالی سال 2020 میں پاورسیکٹر کی بجٹ سبسڈی 236 ارب روپے تھی اور پاور سیکٹر کی بجٹ سبسڈی رواں مالی سال 1190 ارب روپے پر پہنچ گئی ہے۔

دستاویز کے مطابق بجلی ٹیرف بڑھنے سے نقصانات کی کمی میں ناکامی سے سرکلر ڈیٹ میں اضافہ ہوا اور بجلی بلوں کی کم ریکوریز بھی سرکلر ڈیٹ میں اضافے کی وجہ بنا ہے تاہم اصلاحات کے باوجود 4 سال سے سرکلر ڈیٹ کا فلو اوسط سالانہ 400 ارب روپے ہے۔

اسلام آباد : عالمی بینک نے پاکستانی حکومت کے سامنے بڑے مطالبات رکھ دیے، جس میں ٹیکس نظام میں اصلاحات سمیت ڈیوٹیز اور سیلز ٹیکس کی چھوٹ ختم کرنے کا مطالبہ ہیں۔

تفصیلات کے مطابق عالمی بینک نے پاکستان سے متعلق رپورٹ جاری کردی ، جس میں پاکستانی حکومت کومعاشی اور سماجی بہتری کیلئے تجاویز پیش کی گئیں ہیں۔

ورلڈ بینک کی رپورٹ میں کہا گیا ہے کہ بچوں کی نشوونما کے لیے قومی پالیسی بنائی جائے، بجٹ میں توانائی اوراجناس پرسبسڈی کم کی جائے، اور عوامی فلاح و بہبود پر رقم خرچ کی جائے۔

تجاویز دیتے ہوئے کہا ہے کہ حکومت کفایت شعاری کے اقدامات نافذ کرے، سرکاری کمپنیوں میں نجی شراکت داری کو فروغ دیا جائے۔

رپورٹ میں کہنا ہے کہ ٹیکس نظام میں اصلاحات لائی جائیں، ڈیوٹیزاورسیلز ٹیکس کی چھوٹ ختم کی جائے، زمین اورزراعت پر نئے ٹیکسز لگائے جائیں۔

اس کے علاوہ اور طویل مدتی تجارتی ٹیرف حکمت عملی تشکیل دینے اور صارفین کیلئے گیس ٹیرف کو سپلائی کی لاگت سے ہم آہنگ کئے جانے کی بھی تجویز دی ہے۔

اسلام آباد : وزیرخزانہ محمد اورنگزیب نے عالمی بینک سے ایف بی آر میں اصلاحات اور سیلاب زدہ علاقوں کیلئے قرض جاری کرنے کی درخواست کردی۔

تفصیلات کے مطابق وزیر خزانہ محمد اورنگزیب سے عالمی بینک کے کنٹری ڈائریکٹرکی ملاقات ہوئی، جس میں انہوں نے وزیر خزانہ کو چارج سنبھالنے پر مبارک باد دی۔

وزیرخزانہ اورکنٹری ڈائریکٹرورلڈ بینک نے معیشت کو مستحکم بنانے کیلئے وزیرخزانہ کے ویژن کوسراہتے ہوئے تعاون بڑھانے پراتفاق کیا۔

وزیرخزانہ نے کنٹری ڈائریکٹرعالمی بینک کواصلاحاتی ایجنڈے سے آگاہ کیا، بریفنگ میں بتایاتوانائی اورایف بی آرمیں اصلاحات سے پاکستان کو فائدہ ہوگا۔

وزیرخزانہ نے اصلاحات اور معیشت کو مستحکم بنانے، انرجی سیکٹر، ایف بی آرمیں اصلاحات کے لیے عالمی بینک سے فنانسنگ کی بھی درخواست کی۔

ملاقات میں رواں مالی سال کے دوران عالمی بینک سےفنانسنگ کے حصول پربھی بات کی گئی، رواں مالی سال کےدوران پاکستان کو عالمی بینک سے مجموعی طورپر دو ارب ڈالرقرض ملنےکی توقع ہے۔