Tag: عالمی بینک

اسلام آباد : عالمی بینک نے پاکستان کو درپیش6بڑے مسائل کی نشاندہی کر دی ، مسائل میں ہیومن کیپٹل کا بحران، بلند مالی خسارے ، قرضے اور گردشی قرضے شامل ہیں۔

تفصیلات کے مطابق عالمی بینک نے پاکستان کے روشن مستقبل کیلئے ممکنہ اصلاحات پر مبنی رپورٹ جاری کر دی ، جس میں پاکستان کو درپیش6بڑے مسائل کی نشاندہی کی گئی ہے۔

رپورٹ میں کہا گیا ہے کہ پاکستان کا سرکاری شعبہ غیرمؤثر ہے، پالیسی فیصلوں کا محور زاتی مفادات ہیں، پاکستان کو ہیومن کیپٹل کے بحران کا سامنا ہے، دستیاب انسانی وسائل کا کم استعمال پیداوار اور ترقی کو متاثر کر رہا ہے۔

عالمی بینک کا کہنا تھا کہ پاکستان میں پانچ سال سے کم عمرچالیس فیصد بچے اسٹنٹنگ کا شکار ہیں، دنیا میں سب سے زیادہ دو کروڑ سے زیادہ بچے اسکول سے باہر ہیں اور دس سال سے کم عمر کےاناسی فیصد بچے پڑھنے کی صلاحیت سے محروم ہیں۔

پاکستان کو بلند مالی خسارے کا سامنا ہے، مالی سال دوہزاربائیس کے اختتام تک مالی خسارہ بائیس سال کی بلند ترین شرح سات اعشاریہ نو فیصد تک پہنچ گیا ہے۔

پاکستان کے ذمے قرضے مقررہ قانونی حد سے زیادہ اٹھہترفیصد کی بلند شرح پر ریکارڈکئےگئے، پالیسیوں میں عدم تسلسل کی وجہ سے سرمایہ کاری اور برآمدات کا فقدان ہے۔

پاکستان کا زرعی شعبہ غیر پیداواری اور جمود کا شکار ہے، جس کا جی ڈی پی میں حصہ تئیس فیصد ہے، شعبہ چالیس فیصد لیبر فورس کو روزگار فراہم کرتا ہے۔

توانائی کا شعبہ ناقابل انحصار اور معیشت پر بھاری ہے، توانائی شعبے میں گردشی قرضہ مالی مشکلات پیدا کر رہا ہے۔

اسلام آباد : عالمی بینک کا کہنا ہے کہ پاکستان میں 40 فیصد بچے غذائی عدم تحفظ سے دوچار ہیں، پانچ سال سے کم عمر بیشتر بچوں کیلئے صاف پانی تک دستیاب نہیں۔

تفصیلات کے مطابق پاکستان میں بچوں کی صحت کے بارے میں عالمی بینک نے رپورٹ جاری کردی ، جس میں کہا ہے کہ پاکستان میں 40 فیصد بچے غذائی عدم تحفظ سے دوچار ہیں، 5 سال سے کم عمر بیشتربچوں کے لیے صاف پانی دستیاب نہیں اور بیت الخلا کی سہولت بھی نہیں۔

رپورٹ میں کہا گیا ہے کہ پاکستان میں 5 سے کم عمر بیشتر بچے کے ساتھ مویشی بھی پلتے ہیں،پیدائش کے بعد پہلے 1000 دن بچے کی ذہنی صحت کے لیے انتہائی اہم ہے، پیدائش کے بعد پہلے 1000 دن میں بچے کا 80 فیصد ذہن بنتا ہے۔

عالمی بینک کا کہنا تھا کہ پاکستان میں 5 سال سے کم بچوں کی اموات میں 45 فیصد وجہ خوراک کی کمی ہے،خوراک کی کمی کا شکار بچے مٹی کھانے کی عادت کا شکار ہوجاتے ہیں،خوراک کی کمی کا شکار بچے ایسی مٹی بھی کھا جاتے ہیں جس میں مویشیوں کا فضلا بھی شامل ہوتا ہے۔

رپورٹ میں یہ بتایا گیا ہے کہ سندھ میں بچوں کو پلائے جانے والے 50 فیصد پانی میں بیکٹریاز شامل ہوتے ہیں ، مویشیوں کے ساتھ کام کرنے والی مائیں ہاتھ دھوئے بغیر بچوں کو دودھ پلاتی ہیں۔

عالمی بینک نے روز دیا کہ پاکستان میں خوراک کی کمی کا بچوں کا مکمل ڈیٹا اکھٹا کیا جانا ضروری ہے، اور بچوں کی خوراک پر ہنگامی بنیادوں پر پروگرامز شروع کرنے کی ضرورت ہے۔

رپورٹ میں تجویز دی گئی ہے کہ پاکستان میں وفاق اور صوبے بچوں کی صحت کیلئے ترجیحی بنیادوں پر پروگرامز کا آغاز کریں، آیندہ 15 سال تک بچوں کی صحت کیلئے سالانہ 3 سے 4 ارب ڈالرخرچ کرنےکی ضرورت ہے۔

اسلام آباد : عالمی بینک نے پاکستان میں قرضوں کے بوجھ کو کم کرنے کے لیے ٹیکس اصلاحات کا مشورہ دے دیا اور کہا ریٹیل سیکٹر سے سیلز ٹیکس گنجائش کے مطابق وصول کیا جانا چاہئے۔

تفصیلات کے مطابق عالمی بینک کی جانب سے بیان میں کہا گیا ہے کہ پاکستان میں قرضے خطرناک حد تک پہنچ رہےہیں، قرضوں کا بوجھ کم کرنے کے لیے آمدن بڑھانا ہوگی۔

عالمی بینک کا کہنا تھا کہ پاکستان 737 ارب روپے کے ٹیکس گنجائش سے کم جمع کررہا ہے، ٹیکسوں میں چھوٹ کم کرنے کی شدید ضرورت ہے، ٹیکس آمدن بڑھانے کے لیےٹیکس اصلاحات پر توجہ دی جائے۔

عالمی بینک نے کہا کہ ریٹیل سیکٹر سےسیلز ٹیکس گنجائش کے مطابق وصول کیا جانا چاہئے، ریٹل سیکٹر 402 ارب روپے کم ٹیکس دے رہاہے، صوبے زرعی آمدن پر ٹیکس کی وصولی بہتر بنائیں۔

عالمی بینک نے پراپرٹی سیکٹر میں ٹیکس وصولی کیلئے اصلاحات پر زور دیتے ہوئے کہا کہ سگریٹس پر فیڈرل ایکسائز ڈیوٹی بڑھانی چاہئے، سگریٹس پر ٹیکس بڑھاکر 268ارب روپے زیادہ جمع ہوسکتےہیں اور انکم ٹیکس میں رعایت ختم کرنے سے 67 ارب روپےکاٹیکس جمع ہوسکتا ہے۔

اسلام آباد : عالمی بینک نے پاکستان کو اخراجات میں کمی کا فارمولہ دیتے ہوئے تحلیل ہونیوالی وزارتوں کی فنڈنگ بتدریج ختم کرنے کا مطالبہ کردیا۔

تفصیلات کے مطابق عالمی بینک نے پاکستان کے 1124 ارب روپے کے اخراجات پر تحفظات کا اظہار کرتے ہوئے پاکستان کواخراجات میں کمی کا فارمولہ دے دیا۔

ذرائع نے کہا کہ وفاقی حکومت مختلف اخراجات کم کرکےبچت کرسکتی ہے ، ٹیرف ڈیفرنشل سبسڈی کےخاتمےسے167ارب روپےکی بچت اور ٹیوب ویلز سبسڈی ختم یا کم کرنے سے 20 ارب روپےکی بچت ہوسکتی ہے۔

عالمی بینک نے تحلیل ہونیوالی وزارتوں کی فنڈنگ بتدریج ختم کرنے کا مطالبہ کرتے ہوئے کہا ہے کہ اس اقدام سے وفاقی حکومت کو328ارب روپے کی بچت ممکن ہے۔

عالمی بینک نے مطالبہ کیا کہ بی آئی ایس پی کےاخراجات میں صوبوں کاحصہ شامل کیا جائے اور فنڈزمیں صوبوں کی شمولیت سےوفاق کو217ارب روپے کی بچت ہوسکتی ہے۔

وفاقی حکومت صوبوں میں سروسز دینےوالے پروگراموں کی فنڈنگ کررہی ہے، اخراجات کےازسرنوتعین سے 315ارب روپے اور ویٹ اسپورٹ پرائس سبسڈی کےخاتمےسے7ارب روپے کی بچت ممکن ہے۔

اسلام آباد : عالمی بینک نے پاکستان میں ٹیکس محاصل کوناکافی قرار دیتے ہوئے ماہانہ پچاس ہزار سے کم آمدنی والوں کو بھی ٹیکس نیٹ میں لانے کا مشورہ دے دیا۔

تفصیلات کے مطابق عالمی بینک نے پاکستان میں مالی ضروریات پوری کرنے کیلئے ٹیکس محاصل کو ناکافی قرار دیتے ہوئے کہا ہے کہ پاکستان میں ٹیکس آمدن خطے میں سب سے کم ہے اور صوبے گنجائش سے بہت کم ٹیکس وصول کرتے ہیں۔

عالمی بینک کا کہنا تھا کہ پاکستان میں ٹیکس محاصل جی ڈی پی کا 11.6 فیصد ہے جبکہ ترقی پزیر ملکوں کی ٹیکس ٹو جی ڈی پی شرح کم از کم 15 فیصد ہونی چاہئے، اصلاحات کی کئی کوششوں کے باوجود پاکستان میں ٹیکس محاصل کم ہیں۔

عالمی بینک نے بڑے اور اہم شعبوں سے ٹیکس وصولی بڑھانے کا مطالبہ کرتے ہوئے لینڈ اورنرشپ ریکارڈ کو قومی شناختی کارڈ اور نیشنل ٹیکس نمبر سے لنک کرنے پر زور دیا۔

عالمی بینک نے پراپرٹی ٹیکس ریٹس میں مارکیٹ ویلیو کے مطابق اضافے کی سفارش کرتے ہوئے انکم ٹیکس، سیلز ٹیکس اور کسٹمز ڈیوٹیز پر دی جانے والی چھوٹ ختم کرنے پر زور دیا۔

ورلڈ بینک مختلف اشیاپر 18 فیصد اسٹینڈرڈ جی ایس ٹی عائد کرنے کی سفارش کرتے ہوئے سالانہ 6 لاکھ روپے سے کم آمدن والے افراد کو بھی ٹیکس نیٹ میں لانے کا مشورہ دے دیا۔

زراعت، پراپرٹی، رئیل اسٹیٹ، ری ٹیل، سگریٹس سیکٹر سے اضافی ٹیکس وصولی پر زور دیتے ہوئے لگثرری اشیاپر ٹیکس بڑھانے، درآمدی اشیاپر ٹیکس چھوٹ کم کرنے کی تجویز دی۔

رپورٹ میں کہا کہ پاکستان کو ٹیکس چھوٹ کی مد میں بڑے پیمانے پر ریونیو کا نقصان ہو رہا ہے، پاکستان میں کارپوریٹ انکم ٹیکس کا نظام انتہائی پیچیدہ ہے، کئی کمپنیوں کو ترجیحی ٹیکس اسکیمز کی سہولت حاصل ہے،پاکستان کے مالی استحکام کا دارومدار ریونیو اصلاحات پر ہے۔