Tag: عالمی بینک

اسلام آباد : عالمی بینک نے پاکستان کے لئے 4 کروڑ 60 لاکھ ڈالر کا قرض دینے کا اعلان کردیا، رقم خیبرپختونخوامیں ضم شدہ اضلاع میں معیار زندگی بہتر بنانے کیلئے خرچ ہو گی۔

تفصیلات کے مطابق عالمی بینک نے خیبرپختونخواہ کیلئے 4 کروڑ 60 لاکھ ڈالر قرض کی منظوری دے دی اور اعلامیہ جاری کردیا۔

اعلامیے میں کہا گیا ہے کہ رقم خیبرپختونخوامیں ضم شدہ اضلاع میں معیار زندگی بہتر بنانے کیلئے خرچ ہو گی، رقم چائلڈہیلتھ کیئرسروسزکےمنصوبوں پر خرچ کی جائے گی۔

عالمی بینک کا کہنا تھا کہ تقریباً3لاکھ بچے کو ہیلتھ کیئر سروسز کی سہولتیں میسر ہو سکیں گی، رقم شہریوں کیلئے قائم سروسز سینٹرکے معیار کو بہتر بنانے پر خرچ ہو گی۔

اسلام آباد: عالمی بینک نے پاکستانی معیشت کی گروتھ کی سمت منفی قرار دے دی اور کہا گروتھ 1.6 فیصد کے بجائے 0.4 فیصد رہنے کا خدشہ ہے۔

تفصیلات کے مطابق عالمی بینک نے گلوبل اکانومک جائزہ رپورٹ جاری کر دی، جس میں پاکستانی معیشت کی گروتھ کا گراف نیچے جاتا دکھایا گیا ہے۔

گلوبل اکنامک جائزے میں کہا گیا ہے کہ 2022-23 کی گروتھ 1.6 فیصد کے بجائے 0.4 فیصد رہنے کا خدشہ ہے جبکہ آئندہ مالی سال کے دوران ترقی کی شرح دو فیصد تک رہنے کی پیش گوئی کر دی ہے۔

گلوبل اکنامک جائزے میں کہنا ہے کہ گروتھ گرنےکی وجہ سیلاب، سماجی تناؤ،بڑھتی مہنگائی اورجاری پالیسیاں ہیں، مختلف عوامل کے باعث متعدد شعبوں کی گروتھ میں نمایاں کمی آئی۔

زرعی پیداوار میں کمی سے خوراک کی دستیابی کم اور قیمتیں بڑھتی رہیں جبکہ گروتھ کم اور ریکوری کا عمل سست رہا اور مہنگائی کا گراف 38فیصد تک جا پہنچا۔

غربت کی شرح میں اضافے کا خدشہ ہے، آبادی کی بڑی تعداد کا غربت سے نکلنے کا امکان کم ہوتا جارہاہے،گلوبل اکنامک جائزہ

عالمی فنانشل بحران،ملکی پالیسیوں کےباعث صورتحال بہتر نہ ہوسکی، جنوبی ایشیامیں موسمیاتی بحران نے بھی معیشت پر برے اثرات مرتب کئے۔

اسلام آباد : ورلڈ ہنگر انڈیکس کے بعد عالمی بینک نے بھی پاکستانیوں کیلئے خطرے کی گھنٹی بجادی اور مہنگائی نے عوام کی قوت خرید کو شدید متاثر کیا۔

تفصیلات کے مطابق ورلڈ ہنگر انڈیکس کے بعد عالمی بینک نے پاکستان کے حوالے سے فوڈ سیکیورٹی رپورٹ جاری کردی۔

رپورٹ میں کہا گیا کہ پاکستان میں مہنگائی نے عوام کی قوت خرید کو شدید متاثر کیا جبکہ پاکستان میں بھی بچے ضرورت کے مطابق غذائیت سے محروم ہے۔

رپورٹ میں بتایا کہ پاکستان میں خوراک مہنگی ہونے سے گھرانوں کی قوت خرید میں 38 فیصد کمی ریکارڈ کی گئی۔

عالمی بینک نے فوڈ سیکیورٹی اپ ڈیٹ رپورٹ میں انکشاف کیا خوراک کی قیمتوں میں مسلسل 11 ماہ سے اضافہ، قیمتیں 47 فیصد تک بڑھ گئیں، تباہ کن سیلاب سے بھی گندم سمیت بنیادی اشیاکے نرخوں میں نمایاں اضافہ ہوا۔

سیلاب سے متاثرہ علاقوں میں لائیو اسٹاک کو نقصان پہنچا، لائیو اسٹاک کے نقصان کی وجہ سے سیلاب متاثرین دودھ اور انڈے کی بنیادی خوراک سے محروم ہوئے جبکہ عالمی سطح پر ایندھن اور کھاد کی قیمتوں میں کمی ہوئی اور خوراک تاحال نسبتا ًمہنگی ہوگئیں۔

عالمی بینک کا کہنا تھا کہ ہمسایہ ملک افغانستان میں 60 لاکھ افراد کو قحط کی صورت حال کا سامنا ہے ، افغانستان میں ہر 10 میں سے 9 خاندانوں کیلئے خوراک ناکافی ہے۔

اسلام آباد : عالمی بینک کا کہنا ہے کہ پاکستان کی معیشت کو سنگین چیلنجزکا سامنا ہے، پاکستان کے زرمبادلہ ذخائرایک ماہ کی درآمد سے بھی کم ہیں۔

تفصیلات کے مطابق عالمی بینک نے پاکستان سےمتعلق رسک آؤٹ لک جاری کردیا، جس میں کہا ہے کہ پاکستان کی معیشت کو تاحال سنگین چیلنجز کا سامنا ہے۔

رپورٹ میں کہا گیا ہے کہ پاکستان میں مزید 39 لاکھ افرادغربت کی لکیر سےنیچےچلےگئے، جس کی وجہ سیلاب کی تباہی، مہنگائی، غربت اور بے روزگاری ہے۔

عالمی بینک کا کہنا ہے کہ پاکستان کے زرمبادلہ کے ذخائر ایک ماہ کی درآمد سے بھی کم ہیں ، پاکستان میں مہنگائی 25 فیصد سے زائد ہے، سیلاب سے متاثرہ علاقوں میں زرعی پیداوار بڑھانے کی ضرورت ہے۔

رپورٹ میں بتایا گیا کہ پاکستان میں قرضے معیشت کا74 فیصدہیں، پاکستان کے ایف آر ڈی ایل قانون کے تحت قرضے معیشت کا 60 فیصد ہونے چاہئیں۔

عالمی بینک نے پیش گوئی کی ہے کہ پاکستان میں مالیاتی خسارہ 6.7 فیصد تک پہنچنےکا اندیشہ ہے اور معاشی ترقی کی شرح 0.4 فیصد رہنے کا امکان ہے۔

رپورٹ کے مطابق پاکستان میں رواں مالی سال پٹرولیم مصنوعات 55فیصد اور بجلی 47 فیصد مہنگی ہوئی۔