گورنر سندھ کامران ٹیسوری نے اپنا وعدہ پورا کر دکھایا، سال نو پر گورنر ہاؤس میں ہونے والی آتش بازی کا عالمی توڑ دیا۔
اے آر وائی نیوز کی رپورٹ کے مطابق گورنر ہاؤس میں عالمی طرز پر 34منٹ کے مقابلے میں 45 منٹ کی آتش بازی کرکے پرانا ریکارڈ ٹوڑ دیا گیا۔
کراچی کے شہریوں کی بڑی تعداد گورنر ہاؤس میں نئے سال کی آمد کا جشن منا رہے ہیں، جہاں شہر کی سب سے بڑی عالمی سطح کی آتش بازی کا مظاہرہ کیا گیا۔
آسمان روشنیوں سے جگمگا اٹھا، اس خوبصورت نظارے کو دیکھ کر شہری دیکھ کر خوشی سے نہال ہوگئے۔
اس موقع پر گورنر سندھ کامران ٹیسوری نے ترکیہ کے شہر استنبول سے جشن سال نو کی تقریب سے ویڈیو لنک کے ذریعے پیغام دیا۔
انہوں نے کہا کہ تمام پاکستانیوں کو نئے سال کی مبارکباد دیتا ہوں، نئے سال کے لیے عہد کریں کہ اسے خوشیوں کا سال بنائیں گے۔
ان کا کہنا تھا کہ نئے سال میں مزید ایسے کام کریں گے جس سے ملک کی عزت کو بڑھائیں، میں عہد کرتا ہوں کہ پچھلے سال 50 ہزار بچوں کو آئی ٹی کورسسز کروائے آنے والے نئے سال میں پانچ لاکھ بچوں کو کورسسز کرائیں گے۔
اپنے پیغام میں انہوں نے اس عزم کا اعادہ کیا کہ سندھ کو آئی ٹی صوبہ بنائیں گے۔ یہ جشن میں نے صوبے کی عوام کے لیے رکھا ہے، ہم ایک عالمی سطح کا ریکارڈ بنانے جارہے ہیں۔
ان کا مزید کہنا تھا کہ یہ آتش بازی عوام کے ٹیکس یا حکومتی پیسوں سے نہیں کرائی
لندن، فرانس، نیو یارک میں بھی نئے سال کا آغاز آتش بازی سے کیا جاتا ہے، پاکستان میں اس گورنر ہاؤس سے اس آتش بازی کا آغاز کیا جارہا ہے
کامران ٹیسوری نے کہا کہ ہم لوگوں کو روزگار کے مواقع فراہم کریں گے، پانی ، بجلی ، گیس کی فراہمی کے لیے اقدامات کریں گے
اس شہر میں لاکھوں ٹن کچرا پڑا ہوا ہے اس کو اٹھانے اور شہر کو صاف ستھرا شہر بنانے کے لیے کوشش کریں گے۔
