کراچی: عالمی منڈی میں خام تیل کی قیمت پچاس ڈالر سے کم ہونے بعد پاکستان میں پیڑولیم مصنوعات کی قیمت میں بھی چار روپے پینتیس پیسے تک کی کمی متوقع ہے۔

عالمی منڈی میں خام تیل کی قیمت ایک بار پھر پچاس ڈالر فی بیرل سےنیچے جا چکی ہے۔ عالمی منڈیوں میں خام تیل کی قیمت میں کمی کی وجہ ایران اور سعودیہ کی جانب سے سپلائی میں کمی نہ کرنا اور چینی طلب میں کمی ہے، مگر پاکستانی عوام کیلئے خوشی کی خبریہ ہے کہ پیٹرولیم مصنوعات کی قیمتوں میں چار روپے پینتس فی لیٹر تک کمی متوقع ہے۔

اوگرا ذرائع کے مطابق پیٹرول کی قیمت میں دو روپے ساٹھ پیسے کمی کا امکان ہے، ڈیزل تین روپے چھیالیس پیسے اور لائٹ ڈیزل دو روپے اسی پیسے سستا ہونے کا امکان ہے ۔

غریبوں کے ایندھن مٹی کے تیل میں بھی تین روپے تک کمی متوقع ہے،ایک لیٹر ہائی اوکٹین چار روپے پینتیس پیسے سستا ہونے کا امکان ہے ۔

ذرائع کے مطابق حکومت پٹرولیم لیوی اور جی ایس ٹی میں اضافے پر غور کررہی ہے جس سے عوام ریلیف سے محروم ہوجائیں گے۔

کراچی / نیو یارک : گرتی اسٹاک مارکیٹ اور خام تیل کی قیمتوں کو بریک لگ گئے۔ عالمی منڈی میں خام تیل کی قیمت میں دس فیصد کا اضافہ ریکارڈ کیاگیا۔ بارہ سال کی کم تریں سطح کو چھونے کے بعد خام تیل کی قیمت میں اضافہ ریکارڈ کیا گیا ۔

امریکی خام تیل کی قیمت نو فیصد اضافے کے ساتھ بتیس ڈالر انیس سینٹس فی بیرل ہوگئی جبکہ نارتھ برینٹ خام تیل کی قیمت دس فیصد اضافے ساتھ بتیس ڈالر اٹھارہ سینٹس اور عرب لائٹ میں بھی معمولی اضافہ ریکارڈ کیا گیا۔

معاشی تجزیہ کاروں کے مطابق امریکہ میں آنے والے شدید طوفان اور یورپی سنٹرل بینک کی جانب سےمعاشی استحکام کیلئے ممکنہ پیکج کے اعلان کی وجہ سے خام تیل کی قیمتوں میں اضافہ دیکھاجا رہاہے۔

تیل مہنگا ہونے کے باعث عالمی اسٹاک مارکیٹ میں استحکام دکھا گیا۔ معاشی تجزیہ کاروں کا کہنا ہے کہ قیمتوں میں اضافے کے باوجود خام تیل قیمتوں کا آوٹ لک ابھی بھی غیر مستحکام ہے۔

آئی ای اے نے اپنی ماہانہ رپورٹ میں منگل کو ہی کہاتھاکہ مزید کم ازکم ایک سال تک مارکیٹ میں تیل کی فراہمی زیادہ ہی رہے گی ۔

برینتھ آئل کی قیمتیں 1.50ڈالر اضافے کے ساتھ 30.75ڈالر فی بیرل ہوگئی ہیں اور یوں ایک ہفتے میں قیمتوں میں چھ فیصد اضافہ کیاگیا۔ امریکی خام تیل کی قیمتیں 1.26ڈالر اضافے کے ساتھ 30.79ڈالر فی بیرل ہوگئی ہیں۔