Tag: عالمی چیمپئن

اسلام آباد: بھارت کے یک طرفہ اقدامات اور مقبوضہ کشمیر میں وحشیانہ بربریت پر عالمی چیمپئن لائٹ ویٹ باکسر عامر خان نے لائن آف کنٹرول کا دورہ کرنے کا اعلان کر دیا ہے۔

تفصیلات کے مطابق پاکستانی نژاد برطانوی باکسر عامر خان نے کہا ہے کہ وہ پاکستان کا دورہ کر رہے ہیں اور لائن آف کنٹرول جائیں گے اور مقبوضہ کشمیر کے سلسلے میں اپنی آواز بلند کریں گے۔

عامر خان نے کہا کہ وہ کشمیر میں بد ترین صورت حال کے حوالے سے وسیع سطح پر آگاہی پھیلانا چاہتے ہیں۔

I’m visiting Pakistan, Line of Control( LOC), to make my voice heard, bring greater awareness to the terrible situation in Kashmir and call for peace @UN charter Thank you @officialdgispr for the opportunity

— Amir Khan (@amirkingkhan) August 24, 2019

پاکستان نژاد باکسر کا یہ بھی کہنا تھا کہ وہ اقوام متحدہ چارٹر کی خلاف ورزیوں اور کشمیر میں نسل کشی کے خلاف آواز بنیں گے۔

انھوں نے کہا کشمیریوں کی آواز بننے کے لیے لائن آف کنٹرول کا دورہ کروں گا۔ باکسر عامر خان نے ڈی جی آئی ایس پی آر سے خصوصی اظہار تشکر بھی کیا۔

یہ بھی پڑھیں:  مقبوضہ کشمیر میں تشویش ناک صورت حال پر نظر ہے: یو این سیکریٹری جنرل

واضح رہے کہ آج اقوام متحدہ کے سیکریٹری جنرل انتونیو گوٹیرس نے کہا ہے کہ مقبوضہ کشمیر میں تشویش ناک صورت حال پر ان کی نظر ہے، اقوام متحدہ اس سلسلے میں اپنا کردار ادا کرتا رہے گا۔

قبل ازیں، وزیر خارجہ شاہ محمود نے یو این سیکریٹری جنرل سے ٹیلی فونک رابطہ کیا، جس میں مقبوضہ کشمیر میں جاری انسانی حقوق کی سنگین خلاف ورزیوں پر گفتگو کی گئی اور بھارت کے مقبوضہ کشمیر میں یک طرفہ اقدامات پر تبادلہ خیال کیا گیا، خطے میں امن و امان کی مخدوش صورت حال پر بھی گفتگو کی گئی۔