بالی ووڈ کی سپراسٹار اداکارہ عالیہ بھٹ نے اپنے شوہر رنبیر کی سالگرہ پر ان کی اور بیٹی راہا کپور کی اب تک کی سب سے بہترین تصویر شیئر کردی۔
رنبیر کپور 28 ستمبر کو اپنی 42ویں سالگرہ منارہے ہیں، ان کے مداح اور ساتھ فنکار اس موقع پر ان کے لیے پیار کا اظہار کررہے ہیں، ایسے میں عالیہ بھٹ نے ان سے اپنی محبت کا اظہار کرنے کےلیے انسٹاگراہم پر ایک دلکش فیملی پوسٹ شیئر کی جس نے سب کی توجہ حاصل کرلی۔
سالگرہ پر رنبیر کے پرستاروں کو بھی بہترین تحفہ ملا ہے، ہفتے کے روز ان کی اہلیہ عالیہ بھٹ نے 42 ویں سالگرہ کے موقع پر سب سے پیاری خاندانی تصویروں کا ایک سیٹ شیئر کیا۔
ان تصاویر میں رنبیر کی بہترین فیملی لائف کی جھلکیاں دکھائی دیتی ہیں، پہلی تصویر میں دیکھا جاسکتا ہے کہ وہ تینوں ایک درخت کو گلے لگا رہے ہیں اور صرف راہا کیمرے کے لیے پوزنگ پر فوکس کر رہی ہیں۔
دوسری تصویر میں رنبیر کے بازوؤں میں راہا نظر آرہی ہیں جبکہ وہ کسی غیرملکی سیاحتی مقام پر نظر آرہے ہیں، تیسری تصویر میں عالیہ رنبیر کی گود میں بیٹھی ہیں مسکراہی ہیں۔
عالیہ بھٹ نے پوسٹ میں لکھا کہ ’بعض اوقات آپ کو صرف اس کی ضرورت ہوتی ہے کوئی آپ کو گلے لگائے، آپ زندگی میں محسوس کریں آپ ایک ہیں، سالگرہ مبارک ہو۔
رنبیر کپور کو کئی دیگر مشہور شخصیات نے بھی مبارکباد دی جن میں کرن جوہر، گنیت مونگا اور کچھ دوسرے لوگ شامل ہیں، ایک مداح نے اس تصویر پر لکھا کہ ’دن کی بہترین تصویر۔‘ ایک اور نے تبصرہ کیا، ’میرے پسندیدہ اداکار کو سالگرہ مبارک ہو۔‘
