عالیہ بھٹ کا شمار فلم انڈسٹری کی صف اول کی اداکاراؤں میں ہوتا ہے، جہاں عالیہ بھٹ سوشل میڈیا پر بہت سارے مداحوں کی جانب سے کی جانے والی تعریفوں سے خوش ہوتی ہیں،وہیں سوشل میڈیا پر ٹرول کرنے والوں کا ایک خاص طبقہ ہے، جو ان کی ہر بات پر انہیں ٹرولنگ کا نشانہ بناتا ہے۔
بھارتی اداکار رنبیر کپور کی اہلیہ عالیہ بھٹ نے اپنی بغیر کسی فلٹر یا میک اپ کے ویڈیو شیئر کی تھی، جس کے بعد سے انہیں ٹرولنگ کا سامنا کرنا پڑ رہا ہے۔
ویڈیو سامنے آنے کے بعد بہت سے لوگوں نے ان کی جلد اور ان کے بولنے کے انداز پر کچھ منفی تبصرے کئے۔ ایک صارف نے لکھا، ”کیا یہ صرف میں نے دیکھا ہے، ان کی ناک کے بائیں جانب ایسا لگتا ہے جیسے کسی نے اسے گھونسا مارا تھا“۔ ایک اور صارف نے لکھا، ”گال اور ناک میں سیاہ دھبوں سے بھرا عالیہ کا اصلی چہرہ۔”
ایک سوشل میڈیا صارف نے تبصرہ کرتے ہوئے کہا کہ ”ان کی باتیں سن کر تھک گئی ہوں، وہ اس طرح کی باتیں کیسے کرتی ہے، رنبیر کے بارے میں سوچو کہ اس کا سارا دن اس کے ساتھ کیسے گزرتا ہے اور وہ انہیں برداشت کرتا ہے۔
بہت سے لوگوں نے ان کے دفاع میں بات کی، ایک صارف نے لکھا، ”آپ کو آج کل اپنا اصلی چہرہ دکھانے کے لیے ہمت کی ضرورت ہے۔ ایک اور صارف نے تبصرہ کیا۔ ”دیپیکا سے 100 گنا بہتر” ہیں۔
