ARYNews.tv | Urdu – Har Lamha Bakhabar

Tag: عالیہ بھٹ

  • ہالی وڈ میٹ گالا میں عالیہ بھٹ چھاگئیں

    ہالی وڈ میٹ گالا میں عالیہ بھٹ چھاگئیں

    نیویارک: بھارتی اداکارہ عالیہ بھٹ نے ہالی ووڈ فلم میں اپنی پرفارمنس کے بعد میٹ گالا 2023 میں ڈیبیو دیا ہے۔

    غیر ملکی میڈیا رپورٹ کے مطابق نیویارک کے میٹروپولیٹن میوزیم آف آرٹ میں ہالی ووڈ کے میٹ گالا 2023 کا رنگا رنگ میلا سجا جس میں منفرد کاسٹیومز میں دلچسپ روپ دھارے فلمی ستاروں نے میلے کو چار چاند لگا دیے۔

     

    View this post on Instagram

     

    A post shared by Met Gala 2023 (@metgalaofficial)

    اس تقریب میں دنیا بھر سے مشہور شخصیات نیویارک میوزیم آف آرٹ پہنچیں وہی بالی وڈ کی اداکارہ عالیہ بھٹ اور پرینکا چوپڑا اپنے شوہر کے ساتھ شریک ہوئی ہیں۔

    تقریب کے لیے عالیہ نے موتیوں سے مزین بغیر آستین کے سفید گاؤن کا انتخاب اور اس خوبصورت سفید گاؤن میں انہوں نے میٹ گالا 2023 میں اپنا ڈیبیو دیا۔

    میٹ گالا میں عالیہ بھٹ جب ریڈ کارپیٹ پر آتے ہی چھاگئیں اداکارہ کے غیر ملکی مداح ان کی ایک جھلک دیکھنے کیلئے انہیں پکارتے نظر آئے۔

     

    View this post on Instagram

     

    A post shared by Alia Bhatt 💛 (@aliaabhatt)

    سوشل میڈیا پر بھی عالیہ بھٹ کے میٹ گالا ڈیبیو کی تصاویر اور ویڈیوز خوب وائرل ہو رہی ہیں صارفین کا کہنا ہے کہ عالیہ بھٹ کی خوبصورتی نے گوروں کو بھی اپنے سحر میں جکڑ لیا ہے۔

     

    View this post on Instagram

     

    A post shared by Met Gala 2023 (@metgalaofficial)

    یاد رہے کہ حال ہی میں عالیہ بھٹ نے فلم ’ہارٹ آف اسٹون‘ سے ہالی ووڈ میں ڈیبیو دیا ہے جو رواں سال 11 اگست کو سنیما گھروں کی زینت بنے گی۔

  • اداکارہ عالیہ بھٹ کی اپنی بلی کے ہمراہ خوبصورت تصاویر 

    ممبئی: بالی وڈ اداکارہ عالیہ بھٹ نے اپنی پالتو بلی کے ساتھ اپنی تصاویر شیئر کی ہیں۔

    اداکارہ عالیہ بھٹ کی جانب سے انسٹاگرام پر شیئر کی گئی تصویر میں دیکھا جاسکتا ہے کہ وہ اور بلی دونوں بیڈ پر بیٹھے سورج کی روشن کرنوں سے لطف اندوز ہوتے دکھائی دے رہے تھے۔

    پہلی تصویر میں عالیہ ایڈورڈ کو پیار بھرے انداز میں دیکھ رہی ہیں جبکہ بلی انتہائی غصہ میں انہیں یکسر نظر انداز کرتی دکھائی دے رہی ہے۔

     

    View this post on Instagram

     

    A post shared by Alia Bhatt 💛 (@aliaabhatt)

    واضح رہے کہ عالیہ بھٹ اور رنبیر کپور رواں ماہ 14 تاریخ کو رشتہ ازدواج میں منسلک ہوئے، شادی میں بھی عالیہ بھٹ نے اپنی پالتو بلی کے ساتھ دلکش تصاویر شیئر کی تھی۔

     

    View this post on Instagram

     

    A post shared by Alia Bhatt 💛 (@aliaabhatt)

    اس تصویر پر اداکارہ کی ساس نیتو کپور اور نند ردھما نے بھی تعریف کی، عالیہ کی ساس نیتو نے تصاویر کے کومنٹ باکس پر دل کا ایموجی شیئر کرکے اپنے پیار کا اظہار کیا جبکہ نند ردھما نے لکھا ’میرے لیے ایک خوبصورت لڑکی‘۔

  • عالیہ کے وزن پر بھونڈا مذاق، رنبیر کپور مشکل میں پھنس گئے

    عالیہ کے وزن پر بھونڈا مذاق، رنبیر کپور مشکل میں پھنس گئے

    معروف بھارتی اداکار رنبیر کپور اپنی حاملہ اہلیہ عالیہ بھٹ کا مذاق اڑانے پر سخت تنقید کی زد میں ہیں، سوشل میڈیا صارفین نے ان کے بھونڈے مذاق پر سخت ردعمل کا اظہار کیا ہے۔

    عالیہ بھٹ اور رنبیر کپور نے اپنی آنے والی نئی فلم براہماسترا کی تشہیر کے لیے حال ہی میں بھارتی میڈیا کو ایک ساتھ انٹرویو دیا۔

    اس لائیو شو کے دوران میزبان نے عالیہ بھٹ سے پوچھا کہ کیا آپ اپنی آنے والی فلم کی تشہیر کرتی دکھائی دیں گی؟ جس پر عالیہ بھٹ کا کہنا تھا کہ کیوں نہیں، میں کیوں نہیں اپنی فلم کی تشہیر میں نظر آؤں گی یا اپنی فلم کو عوام میں پھیلاؤں گی۔

    انٹرویو کے دوران عالیہ بھٹ کے لفظ پھیلاؤ استعمال کیے جانے پر رنبیر کپور عالیہ کی جانب اشارہ کرتے ہوئے بے ساختہ کہتے ہیں کہ ویسے میں دیکھ رہا ہوں کہ کوئی بہت زیادہ پھیل رہا ہے۔

    اس پر عالیہ بھٹ اپنا جواب بیچ میں ہی چھوڑ کر حیرانی سے انہیں دیکھتی ہیں اور پھر ہنسنے لگتی ہیں، رنبیر کپور فوراً عالیہ کے کندھے پر ہاتھ رکھ کر کہتے ہیں کہ یہ صرف ایک مذاق تھا، آپ خوبصورت انداز میں پھیل رہی ہیں۔

    عالیہ کے مداحوں کو رنبیر کپور کا یہ مذاق قطعی نہ بھایا اور انہوں نے رنبیر پر خوب تنقید شروع کردی۔

     

    View this post on Instagram

     

    A post shared by Instant Bollywood (@instantbollywood)

    انٹرنیٹ صارفین کا کہنا ہے کہ رنبیر کپور نے اپنی حاملہ بیوی کے جسمانی خدو خال کا مذاق اڑایا ہے، انہیں رنبیر سے ایسے بھونڈے مذاق کی توقع نہیں تھی۔

    بعض صارفین نے کہا کہ رنبیر کپور کو شرم آنی چاہیئے، ان کی بیوی ایک مشکل وقت سے گزر رہی ہے اور ایسے میں وہ لائیو انٹرویو کے دوران ان کا مذاق اڑا رہے ہیں۔

    کچھ صارفین کا کہنا تھا کہ رنبیر کا یہی رویہ اپنی پچھلی گرل فرینڈز دپیکا اور کترینہ کے ساتھ بھی تھا یہی وجہ ہے کہ وہ انہیں چھوڑ کر چلی گئیں۔

  • عالیہ بھٹ سے مشابہت نے بھارتی لڑکی کی قسمت کھول دی

    عالیہ بھٹ سے مشابہت نے بھارتی لڑکی کی قسمت کھول دی

    معروف بھارتی اداکارہ عالیہ بھٹ کی حال ہی میں ریلیز ہونے والی فلم ڈارلنگ خاصی پسند کی جارہی ہے، کچھ عرصے سے ان کی ایک ہم شکل بھی انٹرنیٹ پر دھوم مچائے ہوئے ہے۔

    بھارتی ریاست آسام سے تعلق رکھنے والی سلسٹی انسٹاگرام پر خاصی متحرک ہیں اور وہ اکثر عالیہ بھٹ کے جیسی ڈریسنگ اور لباس کے ساتھ اپنی تصاویر پوسٹ کرتی رہتی ہیں۔

     

    View this post on Instagram

     

    A post shared by (@celesti.bairagey)

     

    View this post on Instagram

     

    A post shared by (@celesti.bairagey)

    اب اسی مشابہت نے ان کے لیے قسمت کا دروازہ کھول دیا اور انہیں ایک فلم میں کاسٹ کرلیا گیا۔

    انہیں یہ آفر ان کی ایک وائرل ویڈیو کے بعد آئی، اس ویڈیو میں انہوں نے عالیہ کی ہٹ فلم گنگو بائی کاٹھیا واڑی کے ایک سین کی نقل کی تھی جسے مداحوں نے بے حد پسند کیا تھا۔

    انسٹاگرام پر سلسٹی کے 4 لاکھ سے زائد فالوورز ہیں، جہاں وہ اپنی مختلف تصاویر اور ویڈیوز پوسٹ کرتی رہتی ہیں۔

     

    View this post on Instagram

     

    A post shared by (@celesti.bairagey)

  • عالیہ بھٹ میڈیا پر برس پڑیں

    عالیہ بھٹ میڈیا پر برس پڑیں

    بالی ووڈ اداکارہ عالیہ بھٹ خود سے متعلق بے بنیاد خبریں شائع ہونے پر میڈیا پر برس پڑی ہیں۔

    حال ہی میں اداکار رنبیر کپور کے ساتھ شادی کے بندھن میں بندھنے والی خوب صورت اداکارہ عالیہ بھٹ نے حمل اور نجی زندگی سے متعلق خبریں شائع کرنے پر میڈیا کو کڑی تنقید کا نشانہ بنایا۔

    عالیہ بھٹ نے انسٹاگرام پر اپنے ردعمل میں کہا کہ ’میں خاتون ہوں، کوئی پارسل نہیں!‘

    دراصل بالی ووڈ کی خبریں شائع کرنے والی ایک ویب سائٹ ’پنک ولا‘ امریکا نے انسٹاگرام پر پوسٹ میں کہا تھا کہ عالیہ بھٹ جولائی کی وسط میں ممبئی واپس آئیں گی، اور رنبیر کپور اپنی اہلیہ کو لینے لندن جائیں گے۔

    ویب سائٹ نے یہ خبر بھی دی کہ چوں کہ وہ ماں بننے والی ہیں اس لیے عالیہ شوٹنگ کے بعد آرام کریں گی۔

    خبر میں یہ دعویٰ بھی کیا گیا کہ اداکارہ نے حمل کی منصوبہ بندی اس طرح کی ہے کہ ان کا کوئی کام ادھورا نہ رہے، وہ اپنی فلم ’ہارٹ آف سٹون‘ اور ’راؤکی اور رانی کی پریم کہانی‘ کو جولائی سے پہلے مکمل کرلیں گی۔

    یہ خبر شائع ہونے کے بعد عالیہ بھٹ نے پنک ولا سمیت میڈیا چینلز کو شدید تنقید کا نشانہ بنایا۔ انھوں نے انسٹاگرام پر اسٹوری شیئر کرتے ہوئے کہا ہم ابھی بھی لوگوں کے دماغ میں رہتے ہیں، اور ابھی بھی پدر شاہی دنیا میں رہتے ہیں۔

    خبروں پر عالیہ بھٹ کا ری ایکشن خاصا تیز رہا، رنبیر کپور کے لینے آنے کی خبر پر کہا کہ کسی کو ضرورت نہیں ہے کہ وہ کسی کو لینے آئیں، میں خاتون ہوں کوئی پارسل نہیں ہوں۔

    اداکارہ نے یہ بھی کہا کہ مجھے آرام کی بالکل ضرورت نہیں ہے، لیکن اچھی خبر یہ ہے کہ آپ کو خبر دینے کے لیے ڈاکٹرز ہوں گے، یہ 2022 ہے، کیا ہم پرانی قدیم سوچ سے باہر بھی آئیں گے؟

    عالیہ بھٹ نے غصے میں طنز بھی کیا کہ ’کیا اب مجھے جانے کی اجازت ہے، کیوں کہ میرا شاٹ (شوٹنگ کے لیے) تیار ہے۔‘

    واضح رہے کہ عالیہ بھٹ نے پیر کے روز انسٹاگرام پر اپنے حمل کے بارے میں پوسٹ لگائی تھی جس کے بعد انٹرنیٹ پر عالیہ بھٹ اور رنبیر کپور کے بارے میں خوب چرچا ہو رہا ہے۔

    عالیہ بھٹ رواں برس اپنے شوہر رنبیر کپور کے ساتھ ’براہمسترا‘ فلم میں نظر آئیں گی، وہ نیٹ فلکس کی فلم ’ڈارلنگ‘ بھی کر رہی ہیں، جب کہ 2023 میں ان کی دو فلمیں ’جی لے ذرا‘ اور ’راؤکی اور رانی کی پریم کہانی‘ ریلیز کی جائیں گی۔ وہ فلم ’ہارٹ آف سٹون‘ میں گال گیڈٹ کے ساتھ ہالی وڈ میں بھی ڈیبیو کریں گی۔

  • رنبیر اور عالیہ کی شادی میں کون کون مدعو ہے؟

    رنبیر اور عالیہ کی شادی میں کون کون مدعو ہے؟

    نئی دہلی: بھارتی میڈیا میں اس وقت بالی ووڈ اداکاروں رنبیر کپور اور عالیہ بھٹ کی شادی کی خبریں گردش میں ہیں اور اس حوالے سے نئی نئی تفصیلات سامنے آرہی ہیں۔

    انڈیا ٹو ڈے کی رپورٹ کے مطابق رنبیر کپور اور عالیہ بھٹ نے اپنے قریبی رشتہ داروں اور دوستوں کو رواں ماہ کی 13 سے 17 تاریخ تک ہر قسم کی مصروفیات سے فارغ ہونے کی ہدایت کر دی ہے۔

    رپورٹ کے مطابق رنبیر کپور اور عالیہ بھٹ کی شادی 13 سے 17 اپریل کے درمیان کسی بھی دن ہو سکتی ہے اور مداحوں کو اس دن کا شدت سے انتظار ہے۔

    اب حال ہی میں بھارتی میڈیا نے دعویٰ کیا ہے کہ انہوں نے شادی میں مدعو کیے جانے والے مہمانوں کی فہرست بھی حاصل کرلی ہے۔

    مہمانوں میں فلم انڈسٹری کے بے شمار نام شامل ہیں جیسے سنجے لیلا بھنسالی، ورون دھون، شاہ رخ خان، کرن جوہر، زویا اختر، ایان مکھرجی، ارجن کپور، منیش ملہوترا، نیتو کپور، کرینہ کپور، کرشمہ کپور، سیف علی خان، مہیش بھٹ، مکیش بھٹ، رنویر سنگھ، دپیکا پڈوکون اور ادیتیہ چوپڑا۔

    رپورٹس کے مطابق جوڑا رواں ماہ کے اختتام پر اپنی شادی کا گرینڈ ریسپشن دینے کا بھی ارادہ رکھتا ہے۔

  • رنویر سنگھ اور شاہ رخ خان کا سامنا ہوگیا

    رنویر سنگھ اور شاہ رخ خان کا سامنا ہوگیا

    ممبئی: بالی وڈ کے کنگ خان اور نوجوان نسل کے سپر  اسٹار  رنویر سنگھ کا سامنا ہوگیا.

    تفصیلات کے مطابق باکس آفس پر کنگ خان کی "دل والے” اور "زیرو” کو شکست دینے والے رنویر  سنگھ کا ایک بار پھر سپر اسٹار سے سامنا ہوا، مگر یہ سامنا بڑے پردے کے بجائے ایک تقریب میں‌ ہوا.

    گذشتہ دنوں‌ معروف ہدایت کار مہیش بھٹ کی بیٹی ساکشی کی شادی کی تقریب منعقد ہوئی، جس میں بالی وڈ کی معروف شخصیات نے شرکت کی.

    اس تقریب میں دولہا دلہن کے علاقے عالیہ بھٹ بھی توجہ کا مرکز بنی رہیں، مگر کنگ خان اور رنویر تقریب میں پہنچتے ہی موضوع بحث بن گئے.

    مہیش بھٹ‌ کی بیٹیوں پوجا بھٹ‌ اور عالیہ بھٹ نے اپنے اپنے انسٹا گرام اکاؤنٹس سے اس خوب صورت ایونٹ کی تصاویر شیئر کیں.

    ان میں سے ایک تصویر میں جہاں‌ شاہ رخ خان اور عالیہ بھٹ خوش گوار موڈ میں نظر آرہے ہیں، وہیں دوسری تصویر میں کنگ خان اور رنویر سنگھ کو بات چیت کرتے ہوئے دیکھا جاسکتا ہے.

    پوجا بھٹ نے اپنی چھوٹی بہن اور والد کی بھی تصاویر شیئر کیں، جنھیں‌ ان کے فالورز کی جانب سے خاصا سراہا گیا.

  • مہیش بھٹ نے اپنی بیٹی عالیہ کو ’غنڈی‘ قرار دے دیا

    مہیش بھٹ نے اپنی بیٹی عالیہ کو ’غنڈی‘ قرار دے دیا

    ممبئی: بالی ووڈ ہدایت کار مہیش بھٹ نے گلی بوائے کا ٹریلر دیکھنے کے بعد اپنی بیٹی کو ’غنڈی‘ کا لقب دے دیا۔

    تفصیلات کے مطابق تین روز قبل بالی ووڈ اداکارہ عالیہ بھٹ اور رنویر سنگھ کی نئی آنے والی فلم ’گلی بوائے‘ کا پہلا آفیشل ٹریلر جاری کیا گیا۔

    دپیکا پڈوکون نے ٹریلر کو دیکھ کر اپنے خاوند کی عالیہ بھٹ کے ساتھ بننے والی جوڑی کی تعریف کی جبکہ بالی ووڈ کی دیگر شخصیات نے بھی اسے بہت زیادہ سراہا۔

    مہیش بھٹ نے گلی بوائے کا ٹریلر دیکھا اور سماجی رابطے کی ویب سائٹ پر بیٹی کی تصویر شیئر کرتے ہوئے لکھا کہ ’عالیہ ایک غنڈی ہے‘۔

    بالی ووڈ کی نئی آنے والی فلم ’گلی بوائے‘ کا پوسٹر چار جنوری کو ریلیز کیا گیا تھا۔

    مزید پڑھیں: عالیہ اور رنویر دھوم مچانے کے لیے تیار، تصویر سامنے آگئی

    فلم رواں برس 14 فروری کو سینیما گھروں میں نمائش کے لیے پیش کی جائے گی، فلم کی شوٹنگ مکمل ہوچکی جس کے بعد اب اس کی تشہیر کا سلسلہ شروع ہوگیا۔

    یاد رہے کہ زویا اختر کی ہدایت کاری میں بنائی جانے والی فلم میں رنویر سنگھ ایک ایسے نوجوان کا کردار ادا کررہے ہیں جو غربت کی چکی کے نیچے اپنی زندگی بسر کرتا ہے اور غریبوں کے مسائل کو اپنے گانوں کے ذریعے اجاگر کرتا ہے۔

    فلمی کردار کو  اچھے طریقے سے ادا کرنے کے لیے رنویر نے اپنے وزن میں 20 کلو گرام تک کمی کی تھی۔ اُن کا کہنا تھا کہ ’میں نے گلی بوائے بننے کے لیے سخت محنت، ورزش کے ساتھ کھانے پینے میں بہت زیادہ احتیاط کی اور روزانہ پانچ گھنٹے چہل قدمی بھی کی۔‘

    یہ بھی پڑھیں: عالیہ بھٹ کی حجاب والی تصاویر سامنے آگئیں

    ’گلی بوائے‘ کی کہانی معاشرے میں غریبوں کے ساتھ ہونے والے مظالم اور عدم مساوات پر مبنی ہے، قبل ازیں اس فلم کو برلن 69ویں فیسٹیول میں بھی نمائش کا اعزاز حاصل ہوا۔

  • گیارہ سال کی عمر میں رنبیر سے محبت کا فیصلہ کیا، عالیہ بھٹ

    گیارہ سال کی عمر میں رنبیر سے محبت کا فیصلہ کیا، عالیہ بھٹ

    ممبئی: بھارتی میڈیا میں چہ مگوئیاں جاری تھیں کہ عالیہ بھٹ اور رنبیر کپور ایک دوسرے کی محبت میں گرفتار ہیں تاہم دونوں اداکاروں کی طرف سے اس کی تردید یا تصدیق نہیں ہوئی تھی البتہ اب اداکارہ نے خاموشی توڑ دی۔

    بھارتی میڈیا رپورٹ کے مطابق حال ہی میں اداکارہ نے نجی شو میں گفتگو کرتے ہوئے اعتراف کیا کہ وہ رنبیر کپور سے محبت کرتی ہیں اور چاکلیٹی ہیرو اُن کی زندگی میں بہت زیادہ اہمیت رکھتے ہیں۔

    عالیہ بھٹ کا کہنا تھا کہ وہ جب گیارہ سال کی تھیں تو اُس دوران رنبیر کو دیکھا اور اُن سے محبت کر بیٹھیں جس کا اظہار بھی انہوں نے مختلف اوقات میں اداکار سے کیا۔

    اداکارہ کے بقول وہ گیارہ برس کی عمر میں بطور چائلڈ اسٹار آڈیشن کے لیے گئیں تو وہاں رنبیر موجود تھے ، عالیہ کا کہنا تھا کہ ’پہلی نظر پڑتے ہی میں رنبیر کی دیوانی ہوگئی تھی‘۔

    مزید پڑھیں: عالیہ بھٹ کم عمری میں شادی سے خوف زدہ

    عالیہ بھٹ نے دعویٰ کیا کہ وہ رنبیر کپور کو فلم ’سانوریا‘ سے پہلے نہ صرف دیکھ چکی تھیں بلکہ ریلیز سے قبل ہی دونوں میں گہری دوستی ہوگئی تھی۔

    یاد رہے کہ بھارتی میڈیا نے گزشتہ برس دعویٰ کیا تھا کہ بالی ووڈ اداکارہ عالیہ بھٹ اور  اُن کے ساتھی رنبیر کپور دو برس بعد ازدواجی بندھن میں بندھ جائیں گے۔

    رپورٹ میں دعویٰ کیا گیا تھا عالیہ بھٹ اور رنبیر کے مابین گہری دوستی تھی جو بعد میں محبت میں تبدیل ہوئی اور دونوں نے شادی کا فیصلہ کیا۔

    ایک اور رپورٹ کے مطابق دونوں اداکاروں کے اہل خانہ بھی رشتے پر راضی ہیں اور وہ 2020 تک شادی کا ارادہ رکھتے ہیں۔

    یہ بھی یاد رہے کہ عالیہ بھٹ آج کل امریکا کے شہر نیویارک میں رنبیر کپور کے خاندان کے ساتھ موجود ہیں، انہوں نے اپنے ہونے والے سسرالیوں کے ہمراہ نئے سال کی آمد کا جشن منایا اور امریکا میں مقیم رشی کپور سے ملاقات بھی کی تھی۔

    یہ بھی پڑھیں: عالیہ بھٹ کم عمری میں شادی سے خوف زدہ

    رنبیر کی والدہ نیتو کپور نے سماجی رابطے کی ویب سائٹ پر تصویر شیئر کی تھی جس میں اُن کی بہن، بہنوئی، والدین اور عالیہ بھٹ موجود تھیں۔

    اس بات کا بھی خیال رہے کہ عالیہ بھٹ اور رنبیر کپور کی عمر میں گیارہ سال کا فرق ہے، اداکارہ 25 جبکہ اداکار 36 برس کے ہیں، یعنی چاکلیٹی ہیرو عالیہ سے 11 سال بڑے ہیں۔

    View this post on Instagram

    [Another Picture] Ranbir Kapoor and Alia Bhatt clicked in New York. #RanbirKapoor #Ranbir #AliaaBhatt #Bollywood

    A post shared by Ranbir Kapoor Universe (@ranbirkapooruniverse) on

    واضح رہے کہ عالیہ بھٹ اور رنبیر کپور آج کل اپنی نئی آنے والی فلم ’براہمسٹرا‘ کی شوٹنگ میں مصروف ہیں جو رواں سال ریلیز کی جائے گی،  فلم میں لیجنڈری اداکار امیتابھ بچن سمیت دیگر نامور اداکار بھی مختصر کردار ادا کرتے نظر آئیں گے۔

  • عالیہ اور رنویر دھوم مچانے کے لیے تیار، تصویر سامنے آگئی

    عالیہ اور رنویر دھوم مچانے کے لیے تیار، تصویر سامنے آگئی

    ممبئی: بالی ووڈ کی نئی آنے والی فلم ’گلی بوائے‘ کا پوسٹر سامنے آگیا جس میں رنویر سنگھ اور عالیہ بھٹ مرکزی کردار ادا کررہے ہیں۔

    تفصیلات کے مطابق گلی بوائے رواں برس 14 فروری کو سینیما گھروں میں نمائش کے لیے پیش کی جائے گی، فلم کی شوٹنگ مکمل ہوچکی اور اب اس کی تشہیر کا سلسلہ شروع ہوگیا۔

    اداکار رنویر سنگھ نے سماجی رابطے کی ویب سائٹ پر فلم کا پوسٹر شیئر کی جس کے ساتھ انہوں نے لکھا کہ ’اپنا وقت آئے گا۔‘

    دوسری جانب اداکارہ عالیہ بھٹ نے بھی سماجی فلم کا پوسٹر شیئر کیا۔

    یاد رہے کہ زویا اختر کی ہدایت کاری میں بنائی جانے والی فلم میں رنویر سنگھ ایک ایسے نوجوان کا کردار ادا کررہے ہیں جو غربت کی چکی کے نیچے اپنی زندگی بسر کرتا ہے اور غریبوں کے مسائل کو اپنے گانوں کے ذریعے اجاگر کرتا ہے۔

    دیکھیں: رنویر سنگھ کا کارنامہ: وزن میں حیرت انگیز کمی، تصاویر وائرل

    یہ بھی دیکھیں: عالیہ بھٹ کی حجاب والی تصاویر سامنے آگئیں

    فلمی کردار کو  اچھے طریقے سے ادا کرنے کے لیے رنویر نے اپنے وزن میں 20 کلو گرام تک کمی کی تھی۔ اُن کا کہنا تھا کہ ’میں نے گلی بوائے بننے کے لیے سخت محنت، ورزش کے ساتھ کھانے پینے میں بہت زیادہ احتیاط کی اور روزانہ پانچ گھنٹے چہل قدمی بھی کی۔‘

    ’گلی بوائے‘ کی کہانی معاشرے میں غریبوں کے ساتھ ہونے والے مظالم اور عدم مساوات پر مبنی ہے، قبل ازیں اس فلم کو برلن 69ویں فیسٹیول میں بھی نمائش کا اعزاز حاصل ہوا۔