کراچی : پاکستان تحریک انصاف کے رہنما عامرلیاقت حسین نے قومی اسمبلی کی رکنیت سےاستعفیٰ دے دیا اور کہا اللہ تعالی عمران خان اورپی ٹی آئی کاحامی وناصرہو۔
تفصیلات کے مطابق پاکستان تحریک انصاف کے رکن قومی اسمبلی عامرلیاقت حسین اپنی نشست سے مستعفیٰ ہوگئے ، انھوں نے سماجی رابطے کی ویب سائٹ ٹوئٹر پر اس بات کی تصدیق کرتے ہوئے کہا کہ قومی اسمبلی کی رکنیت سےاستعفیٰ ارسال کردیا، اللہ تعالی عمران خان اورپی ٹی آئی کاحامی وناصرہو، اللہ حافظ۔
قومی اسمبلی سے استعفی ارسال کردیا ہے اللہ تعالی عمران خان اور پی ٹی آئی کا حامی و نا صر ہو ۔ اللہ حافظ
— Aamir Liaquat Husain (@AamirLiaquat) October 3, 2021
یاد رہے جولائی 2020 میں بھی عامر لیاقت نے وزیر اعظم عمران خان سے ملاقات میں استعفیٰ پیش کیا تھا ، جسے وزیراعظم عمران خان نے مسترد کرتے ہوئے کہا تھا کہ تم تحریک انصاف کا اثاثہ ہو، مجھے خوشی ہے کہ عامر تحریک انصاف میں ہے۔
