ARYNews.tv | Urdu – Har Lamha Bakhabar

Tag: عامر جمال

  • اوپنر ‘رافیل’ ڈک پر آؤٹ ہوا، ہر میچ ‘فکس’ نہیں ہوسکتا، عامر کی پوسٹ وائرل

    اوپنر ‘رافیل’ ڈک پر آؤٹ ہوا، ہر میچ ‘فکس’ نہیں ہوسکتا، عامر کی پوسٹ وائرل

    پاکستان کے ہاتھوں بھارت کی شرمناک رسوائی اور ذلت کے بعد قومی کرکٹر عامر جمال کی سوشل میڈیا پر کی گئی پوسٹ وائرل ہوگئی۔

    عامر جمال نے اپنے انسٹا گرام اکاؤنٹ پر ایک پوسٹ شیئر کی جس میں انھوں نے لکھا کہ پاور پلے کا اسکور زیرو، سکس ڈاؤن، اوپنر رافیل ڈک پر آؤٹ! 10 اوورز میں میچ منسوخ، پاکستانیوں شاہینوں کا غلبہ واضح طور پر نظرآرہا ہے کہ ہر میچ فکس نہیں ہوتا۔

    قومی آل راؤنڈر نے اس کے ساتھ ہی پاکستان زندہ باد لکھا، ساتھ ہی انھوں نے آپریشن سندور کو آپریشن سہاگ رات سے تشبیح دی۔

    اس کے ساتھ ہی عامر جمال نے اپنی پوسٹ کے کیپشن میں لکھا کہ فاتح جنگجو پہلے جیتتے ہیں اس کے بعد جنگ کو جاتے ہیں جبکہ شکست خوردہ جنگجو جنگ شروع ہونے کے بعد جیت تلاش کرتے ہیں۔

    خیال رہے کہ بھارت نے رات کی تاریکی میں پاکستان پر بزدلانہ حملہ کیا تھا جس کے بعد پاک فوج آپریشن بنیان مرصوص لانچ کرتے ہوئے مودی سرکاری اور بھارت کو منہ توڑ جواب دیا۔

    پاکستان کی تابڑتوڑ کارروائی کے 24 گھنٹے کے اندر ہی بھارت کے ہوش ٹھکانے آگئے اور انھوں نہ صرف سیزفائر پر رضامندی ظاہر کی بلکہ باقاعدہ بھارتی سیکریٹری خارجہ نے اس کا اعلان بھی کیا۔

  • بھارت کی جگ ہنسائی پر قومی آل راؤنڈر عامر جمال کی دلچسپ کمنٹری

    بھارت کی جگ ہنسائی پر قومی آل راؤنڈر عامر جمال کی دلچسپ کمنٹری

    پاکستان پر حملے کے بعد منفی پروپیگنڈے پر بھارت کو جگ ہنسائی کا سامنا ہے پاکستانی آل راؤنڈر عامر جمال نے اس پر دلچسپ کمنٹری کی ہے۔

    پاکستان پر رات کی تاریکی میں بزدلانہ حملے کے بعد پاک فوج کی بھرپور کارروائی پر اپنی پسپائی کی خفت مٹانے کے لیے مودی سرکاری اور گودی میڈیا پاکستان کے خلاف مسلسل منفی پروپیگنڈے میں مصروف ہے۔

    تاہم بھارت کا جنگی جنون خود اس کی انڈین پریمیئر لیگ کو لے ڈوبا اور بی سی سی آئی کو بڑھتی کشیدگی کے بعد اس کو معطل کرنا پڑا ہے۔ گزشتہ رات بھی آئی پی ایل کے جاری ایک میچ کو درمیان میں روک دیا گیا اور پھر ختم کرنے کا اعلان کر دیا گیا تھا۔

    بھارت کی اس جنگ ہنسائی پر بھارت کے اندر سے بھی باشعور عوام آواز اٹھا رہے ہیں۔ تاہم پاکستان کرکٹ ٹیم کے نوجوان آل راؤنڈر عامر جمال نے اس صورتحال پر دلچسپ کمنٹری کی ہے۔

    عامر جمال نے اپنے انسٹا گرام اکاؤنٹ پر لکھا کہ ’’پاور پلے کا اسکور زیرو۔۔۔ سکس ڈاؤن، اوپنر رافیل ڈک پر آؤٹ۔۔ دس اوورز میں میچ منسوخ‘‘۔

    انہوں نے مزید لکھا کہ پاکستانیوں شاہینوں کا غلبہ واضح دکھ رہا ہے کہ ہر میچ فکس نہیں ہوتا۔

    نوجوان قومی آل راؤنڈر نے اپنی اس دلچسپ کمنٹری کے آخر میں بانی پاکستان قائداعظم محمد علی جناح کا یہ تاریخی جملہ ’’پاکستان کو دنیا کی کوئی طاقت نہیں مٹا سکتی‘‘ بھی شیئر کیا ہے۔

     

    View this post on Instagram

     

    A post shared by Aamir Jamal (@aamir.jamal)

    عامر جمال کی بھارتی صورتحال پر یہ دلچسپ کمنٹری تیزی سے سوشل میڈیا پر وائرل ہو رہی ہے اور اب تک ہزاروں صارفین اس کو دیکھ اور لائیک کر چکے ہیں۔

    واضح رہے کہ اس سے قبل پاکستانی کرکٹرز نے ’’فنٹاسٹک ٹی‘‘ سے لطف اٹھا کر بھارتیوں کے زخموں کو پھر سے ہرا کر دیا تھا۔

    https://urdu.arynews.tv/pahalgam-pakistani-cricketers-trolled-indians-fantastic-tea/

  • پی سی بی نے عامر جمال پر جرمانہ عائد کردیا

    پی سی بی نے عامر جمال پر جرمانہ عائد کردیا

    پاکستان کرکٹ بورڈ (پی سی بی) نے کراچی کنگز کے آل راؤنڈر عامر جمال پر پشاور زلمی کیخلاف میچ میں پیش آئے واقعے پر میچ فیس کا 5 فیصد جرمانہ عائد کردیا۔

    کراچی کنگز نے گزشتہ روز پشاور زلمی کیخلاف کھیلے گئے مقابلے میں سنسنی خیز مقابلے کے بعد 2 وکٹوں سے فتح حاصل کی تھی،اس میچ میں ضابطہ اخلاق کی خلاف ورزی پر آل راؤنڈر عامر جمال پر میچ فیس کا 5 فیصد جرمانہ عائد کیا گیا ہے۔

    واضح رہے کہ یہ واقعہ پہلی اننگز کے 15ویں اوور میں رونما ہوا تھا، جب عامر جمال نے حسین طلعت کو آؤٹ کرنے کے بعد ان کے قریب جاکر جملے کسے تھے۔

     

    View this post on Instagram

     

    A post shared by Pakistan Super League (@thepsl)

    عامر جمال نے الزامات کا اعتراف کیا اور میچ ریفری افتخار احمد کی تجویز کردہ سزا کو قبول کیا، یہ الزامات آن فیلڈ امپائر فیصل خان آفریدی اور پال ریفل نے لگائے۔

    واضح رہے کہ پی ایس ایل 10 کے 11ویں میچ میں کراچی کنگز نے پشاور زلمی کو 2 وکٹوں سے شکست دے دی۔

    کراچی کے نیشنل بینک اسٹیڈیم میں کھیلے گئے میچ میں کراچی کنگز نے پشاور زلمی کی جانب سے دیا جانے والا 148 رنز کا ہدف آخری اوورز میں 8 وکٹوں کے نقصان پر حاصل کرلیا، خوشدل شاہ کو آل راؤنڈ کارکردگی پر میچ کا بہترین کھلاڑی قرار دیا گیا۔

    کپتان ڈیوڈ وارنر نے 60 رنز کی میچ وننگ اننگز کھیلی، ٹم سائفرٹ بغیر کوئی رن بنائے پویلین لوٹ گئے۔خوشدل شاہ 23 رنز کے ساتھ ناٹ آؤٹ رہے۔

    ’اسلام آباد کی ٹیم اچھی ہے اس لیے شاداب کی کپتانی اچھی لگ رہی ہے‘

    جیمز ونس 11، سعد بیگ 9 رنز بنا کر آؤٹ ہوئے، عرفان خان بھی 10 رنز بناسکے، محمد نبی کو 14 رنز پر عارف یعقوب نے آؤٹ کیا۔

    پشاور زلمی کی جانب سے لک ووڈ نے تین کھلاڑیوں کو آؤٹ کیا، علی رضا نے 2 وکٹیں حاصل کیں۔

  • رضوان کی انگریزی کا مذاق اڑانے پر عامر جمال نے بریڈ ہوگ کو کرارا جواب دیدیا

    رضوان کی انگریزی کا مذاق اڑانے پر عامر جمال نے بریڈ ہوگ کو کرارا جواب دیدیا

    پاکستان کے ون ڈے ٹیم کے کپتان محمد رضوان کی انگریزی کا مذاق اڑانے پر آل رائونڈر عامر جمال نے سابق اسپنر بریڈ ہوگ کو آڑے ہاتھوں لےلیا۔

    پاکستان ٹیم کے آل رائونڈر عامر جمال نے سابق آسٹریلوی اسپنر بریڈ ہوگ کو آئینہ دکھاتے ہوئے ان کے طرز عمل پر شدید تنقید کی ہے، قومی کرکٹر عامرجمال نے بریڈ ہوگ کی جانب سے محمد رضوان کی انگریزی کا مذاق بنانے پر ان کےلیے سوشل میڈیا پوسٹ شیئر کی ہے۔

    عامر جمال نے اپنے پیغام میں بریڈ ہوگ کو ایک کرکٹر کے طور پر مخاطب کرتے ہوئے کہا کہ انٹرنیشنل کرکٹرکو محمد رضوان کی انگریزی کا مذاق بنانے پر آپ کو شرم آنی چاہیے۔

    انھوں نے بریڈ ہوگ کو یاد دلایا کہ محمد رضوان کی مادری زبان انگریزی نہیں ہے بلکہ یہ تو ان کی تیسری زبان ہے۔

    عامر جمال نے آسٹریلوی اسپنر کو کھری کھری سناتے ہوئے کہا کہ آپ کرکٹ کے بجائے سوشل میڈیا پر مسخرہ پن کریں، آپ کےفالوورز بھی بڑھیں گے، عامر کی پوسٹ کو کافی لوگ لائیک کررہے ہیں۔

  • جنوبی افریقا کے خلاف دوسرا ٹیسٹ، پاکستان ٹیم میں فاسٹ بولر کو ڈراپ کیے جانے کا امکان

    جنوبی افریقا کے خلاف دوسرا ٹیسٹ، پاکستان ٹیم میں فاسٹ بولر کو ڈراپ کیے جانے کا امکان

    جنوبی افریقا کے خلاف دوسرے ٹیسٹ میں پاکستان ٹیم کی جانب سے ایک فاسٹ بولر کو ڈراپ کیے جانے کا امکان ہے۔

    پاکستان اور جنوبی افریقا کے درمیان دوسرا اور آخری ٹیسٹ میچ کل نیولینڈز میں کھیلا جائے گا، میزبان ٹیم کو پاکستان کے خلاف 1-0 کی برتری حاصل ہے۔

    جنوبی افریقا نے سنچورین ٹیسٹ میں پاکستان کو سنسنی خیز مقابلے کے بعد دو وکٹوں سے شکست دی تھی۔

    دوسرے ٹیسٹ میچ کے لیے پاکستان ٹیم میں ایک تبدیلی کا امکان ہے، عامر جمال کی جگہ فاسٹ بولر میر حمزہ کو پلیئنگ الیون میں شامل کیا جاسکتا ہے۔

    عامر جمال نے سنچورین ٹیسٹ میں جنوبی افریقا کے کپتان ٹمبا باووما اور کاگیسو ربادا کی وکٹیں حاصل کی تھیں۔

    فاسٹ بولر نے دوسری اننگز میں صرف ایک اوور کروایا گیا جس کی وجہ سے کہا جارہا ہے کہ ٹیم انتظامیہ دوسرے ٹیسٹ میں میر حمزہ کو شامل کرسکتی ہے۔

    نیولینڈز کی پچ اسپنرز کے لیے سازگار ہونے کے باوجود اس بات کا امکان نہیں ہے کہ پاکستان پلیئنگ الیون میں کسی اسپنر کو شامل کرے گا۔

    اسپنر نعمان علی جنہوں نے اکتوبر 2024 میں انگلینڈ کے خلاف دو ٹیسٹ میچوں میں 13.85 کی اوسط سے 20 وکٹیں حاصل کی تھیں اور توقع کی جارہی ہے کہ وہ ٹیم سے باہر ہوجائیں گے۔

    ٹیم انتظامیہ نعمان علی کے بجائے واحد اسپنر  آغا سلمان پر انحصار کرے گی، انہوں نے 18 ٹیسٹ میچوں میں 58.75 کی اوسط سے 16 وکٹیں حاصل کیں۔

    واضح رہے کہ جنوبی افریقا پہلے ٹیسٹ میچ میں پاکستان کو شکست دے کر ورلڈ ٹیسٹ چیمپئن شپ کے فائنل میں کوالیفائی کرنے والی پہلی ٹیم بن گئی ہے۔

  • عامر جمال فٹنس مسائل سے دوچار ہوگئے

    عامر جمال فٹنس مسائل سے دوچار ہوگئے

    ملتان: انگلینڈ کے خلاف دوسرے ٹیسٹ میچ میں قومی ٹیم کے واحد فاسٹ بولرعامر جمال فٹنس مسائل سے دوچار ہوگئے۔

    ذرائع کا کہنا ہے کہ فزیو نے قومی ٹیم کے واحد فاسٹ بولرعامر جمال کی ٹریٹمنٹ بھی کی ہے۔ انہوں نے اپنی تکلیف کے دوران پاکستان کے لئے بیٹنگ کی اور 4 چوکوں کی مدد سے 34رنز بنائے۔

    پاکستان اور انگلینڈ کے درمیان ملتان اسٹیڈیم میں دوسرا ٹیسٹ کھیلا جارہا ہے، پہلی اننگ میں پاکستانی اسپنرز انگلینڈ پر قہر بن کر ایسا ٹوٹے کہ پوری انگلش ٹیم 291 رنز پر ڈھیر ہوگئی۔

    دوسرے ٹیسٹ میچ کے تیسرے دن پہلے سیشن میں انگلینڈ کی پوری ٹیم پہلی اننگ میں 291 رنز بنا کر آؤٹ ہوگئی اور پاکستان کو 75 رنز کی برتری حاصل ہوگئی۔

    پاکستانی اسپنرز انگلش بیٹرز پر قہر بن کر ایسا ٹوٹے کہ پہلے ٹیسٹ میچ میں 800 سے زائد رنز بنانے والی ٹیم کو پہلی اننگ میں 300 رنز بھی نہ بنانے دیے۔ ساجد خان اور نعمان علی کی جوڑی نے تمام وکٹیں حاصل کیں۔ ساجد نے 7 اور نعمان علی نے 3 کھلاڑیوں کو آؤٹ کیا۔

    واضح رہے کہ ملتان میں کھیلے گئے پہلے میچ میں انگلینڈ نے پاکستان کو اننگ اور 47 رنز کی عبرت ناک شکست دے کر تین ٹیسٹ میچوں کی سیریز میں ایک صفر کی برتری حاصل کر لی تھی۔

    شکیب الحسن 3 ماہ بعد بنگلادیش روانہ ہو گئے

    مذکورہ سیریز آئی سی سی ورلڈ ٹیسٹ چیمپئن شپ کا حصہ ہے اور پاکستان مسلسل شکستوں کے بعد پوائنٹ ٹیبل پر سب سے آخری نویں نمبر پر پہنچ چکا ہے جس کے بعد اس کے فائنل کھیلنے کا خواب چکنا چور ہوچکا ہے۔

  • ’ابھی یہ نہیں کہہ سکتے عامر جمال کی صورت میں اچھا آل راؤنڈر مل گیا‘

    ’ابھی یہ نہیں کہہ سکتے عامر جمال کی صورت میں اچھا آل راؤنڈر مل گیا‘

    سابق ٹیسٹ کرکٹر باسط علی کا کہنا ہے کہ ابھی یہ نہیں کہہ سکتے کہ عامر جمال کی صورت میں ہمیں اچھا آل راؤنڈر مل گیا ہے۔

    اے آر وائی نیوز کے پروگرام ’اسپورٹس روم‘ میں گفتگو کرتے ہوئے سابق کرکٹر باسط علی نے کہا کہ یہ کہنا قبل از وقت ہوگا کہ ہمیں عامر جمال کی صورت میں عبدالرزاق اور اظہر محمود جیسا آل راؤنڈر مل گیا ہے۔

    باسط علی نے کہا کہ آسٹریلیا سے سیریز میں عامر جمال نے اچھی کارکردگی دکھائی ہے لیکن یہ کہنا کہ ایک اچھا آل راؤنڈر مل گیا قبل از وقت ہوگا۔

    میزبان نے پوچھا کہ کیا آپ سمجھتے ہیں کہ وائٹ بال کے کھلاڑیوں کو بہت جلدی ریڈ بال میں موقع مل رہا ہے، صائم ایوب اس کی ایک مثال ہیں؟

    باسط علی نے کہا کہ اب دنیا میں جتنی لیگز ہورہی ہیں اب یہی ہوگا، جنوبی افریقہ نے نیوزی لینڈ سے ٹیسٹ سیریز کے لیے اپنی پوری ٹیم ہی تبدیل کردی۔

    انہوں نے کہا کہ آنے والے دنوں میں بھارت کے علاوہ دیگر ممالک کی ٹیسٹ ٹیموں میں وائٹ بال کے کھلاڑی ہی دکھائی دیں گے۔

    باسط علی نے کہا کہ پاکستان کو چاہیے کہ آسٹریلیا کی طرح ٹیسٹ اور ون ڈے، ٹی 20 کی ٹیم علیحدہ بنائے۔

  • عامر جمال کا آسٹریلوی بیٹر سے مذاق، ویڈیو وائرل

    عامر جمال کا آسٹریلوی بیٹر سے مذاق، ویڈیو وائرل

    سڈنی ٹیسٹ میں عامر جمال نے پہلے بلے اور پھر گیند سے کمال دکھایا لیکن میچ کے دوسرے روز آسٹریلوی بیٹر سے شرارت بھی کی جو کیمرے کی آنکھ میں محفوظ ہو گئی۔

    پاکستان کرکٹ ٹیم کے نوجوان آل راؤنڈر عامر جمال جن کا دورہ آسٹریلیا بالخصوص سڈنی ٹیسٹ میں شاندار کارکردگی کے باعث اس وقت دنیائے کرکٹ میں ہر طرف چرچا ہو رہا ہے میدان میں شرارتیں کرنے سے باز نہیں رہتے۔ ایسی ہی ایک شرارت میچ کے دوسرے روز کی جو کیمرے کی آنکھ میں محفوظ ہو گئی۔

    عامر جمال سڈنی ٹیسٹ کے دوسرے روز آسٹریلیا کی پہلی اننگ میں بولنگ کے لیے بھاگتے ہوئے آئے اور سامنے موجود لبوشن انہیں کھیلنے کے لیے تیار ہوئے لیکن اس سے قبل ہی بولر نے بیٹر کو حیران کر دیا۔

    ہوا یوں کہ عامر جمال بولنگ کرانے کے لیے مکمل ایکشن کے ساتھ بھاگتے ہوئے بولنگ اینڈ کی طرف آئے۔ لبوشن جو اس وقت 22 رنز پر کھیل رہے تھے ان کا سامنا کرنے کے لیے تیار ہوگئے لیکن آسٹریلوی بیٹر کی اس وقت حیرت کی انتہا نہ رہی جب بولنگ اینڈ پر پہنچ کر عامر جمال نے اپنے ہاتھ کھول دیے جس میں گیند تھی ہی نہیں۔

    دراصل یہ قومی بولر کا آسٹریلوی بیٹر سے مذاق مستی تھا جس سے کمنیٹرز بھی خوب محظوظ ہوئے جب کہ اس منظر کو کیمرے کی آنکھ نے بھی محفوظ کر لیا۔

    یہ ویڈیو سوشل میڈیا پر بھی وائرل ہو گئی جس کو اب تک لاکھوں صارفین دیکھ کر پسندیدگی کا اظہار کر چکے ہیں جب کہ بڑی تعداد عامر کے اس مذاق کو سراہ رہی ہے۔

    واضح رہے کہ عامر جمال نے سڈنی ٹیسٹ کے پہلے روز مشکلات کا شکار پاکستانی بیٹنگ کو سہارا دیا اور نویں نمبر پر بیٹنگ کرتے ہوئے 82 رنز کی شاندار اننگ کھیلی جس کے باعث قومی ٹیم 313 رنز اسکور بورڈ پر سجانے میں کامیاب ہوئی۔

    سڈنی ٹیسٹ کا تیسرا دن، عامر جمال کی محنت پر پاکستانی بیٹرز نے پانی پھیر دیا

    بعد ازاں عامر جمال نے ٹیسٹ کے تیسرے روز گیند سے بھی کارنامہ انجام دیتے ہوئے 6 آسٹریلوی بلے بازوں کو گھر بھیجا۔ اس سے قبل وہ اپنے ڈیبیو ٹیسٹ میں پرتھ میں پانچ وکٹیں حاصل کرنے کا اعزاز بھی رکھتے ہیں۔

  • ‘جس ٹیم کے لیے بحیثیت نیٹ بائولر آیا آج اسی اسکواڈ کا حصہ ہوں’

    ‘جس ٹیم کے لیے بحیثیت نیٹ بائولر آیا آج اسی اسکواڈ کا حصہ ہوں’

    لاہور: قومی کرکٹر عامر جمال نے کہا ہے کہ وہ جس ٹیم کے لیے نیٹ بائولر کے طور پر آئے تھے آج اسی اسکواڈ کا حصہ بن گئے ہیں، موقع ملا تو اچھا پرفارم کرنے کی کوشش کریں گے۔

    اے آر وائی نیوز کے مطابق دورہ سری لنکا کے لیے منتخب ہونے والے قومی فاسٹ بائولر عامر جمال نے کہا کہ جس ٹیسٹ ٹیم کے نیٹ بولرکے طور پر آیا اب اسی اسکواڈ کا حصہ ہوں، اگر سری لنکا میں موقع ملے گا تو کوشش کروں گا کہ اچھا پرفارم کروں۔

    انھوں نے کہا کہ میں ایسی پرفارمنس چاہتا ہوں جس سے ٹیم کا فائدہ ہو، ایک آل راؤنڈر کے طور پر ٹیم میں جگہ حاصل کر کے اس خلا کو پُر کرنا چاہتا ہوں۔ اس کے لیے محنت کر رہا ہوں۔

    کرکٹر نے میڈیا سے گفتگو کرتے ہوئے کہا کہ ہمیشہ مثبت رہا ہوں، سری لنکا میں ٹیسٹ میں موقع ملا تو فائدہ اٹھائوں گا، میں نے بھرپور محنت کی ہے سری لنکا کی کنڈیشنز کے مطابق ٹریننگ کی ہے۔