Tag: عامر خان

ممبئی: بالی ووڈ مسٹرپرفیکشنسٹ عامرخان نے سنجے دت کی زندگی پر بننے والی فلم میں ان کے باپ کا کردار ادا کرنے سے معذرت کر لی.

تفصیلات کے مطابق بالی ووڈ سپر اسٹار عامرخان کے بارے میں کہا جاتا ہے کہ وہ جس فلم کاحصہ بن جائیں وہ سپرہٹ ہوجاتی ہے یہی وجہ ہے کہ مداحوں کو ان کی فلوں کا شدت سے انتظار رہتا ہے تاہم عامر خان نے سنجے دت کی زندگی پر بننے والی فلم میں ان کے باپ کا کردار ادا کرنے سے انکار کردیا.

میڈیا رپورٹس کے مطابق عامرخان نے کچھ روزقبل اداکارسنجے دت کی زندگی پربننے والی فلم میں ان کے باپ اور اپنے وقت کے لیجنڈ اداکارسنیل دت کا کردارادا کرنے کے لیے حامی بھر لی تھی تاہم اب بالی ووڈ سپر اسٹار نے سنیل دت کا کردارادا کرنے سے معذرت کرلی.

مسٹرپرفیکشنسٹ عامرخانکی جانب سے سنیل دت کا کردار ادا کرنے سے انکارکی وجہ نہیں بتائی گئی جبکہ ان کے انکار کے بعد فلم کے ہدایت کار نےسنجےدت کے باپ کے کردارکے لیے دوسرے اداکارکی تلاش شروع کردی ہے.

واضح رہےکہ سنجے دت کی زندگی پربننے والی فلم کے لیے اداکارہ سونم کپور سے بھی رابطہ کیا گیا ہے جبکہ عامر خان خان کے منع کرنے کے بعد فلم 2017 تک کے لیے ملتوی کردی گئی ہے.

ممبئی : بالی ووڈ مسٹر پرفیکشنسٹ عامر خان نے بالی ووڈ کے شہنشاہ امیتابھ بچن کے ساتھ کام کرنے کی خواہش کا اظہار کردیا.

تفصیلات کے مطابق رپورٹس ہیں کہ مسٹر پرفیکشنسٹ عامر خان اور امیتابھ بچن ایک ساتھ ہدایت کار ویجے کرشنہ اچاریا کی فلم ’ٹھگ‘ میں کام کریں گے.

بالی ووڈ اسٹار عامر خان سےجب اس حوالے سے پوچھا گیا تو انہوں نے کہا کہ ابھی اس فلم کےبارے میں کچھ بھی کہنا قبل ازوقت ہوگا.

انہوں نے کہا کہ میں میں امیتابھ بچن کا بہت بڑا مداح ہوں،ان کی فلمیں دیکھ کر بڑاہوا،میں نے ان سے بہت کچھ سیکھا اگر مجھے ان کے ساتھ کرنے کا موقع ملا تو یہ میرے لیےایک خواب پورا ہونے جیسا ہوگا.

یاد رہے کہ عامر خان اور امیتابھ بچن نے اس سے قبل ایک ساتھ کسی فلم میں کام نہیں کیا تاہم عامر خان ویجے کرشنہ اچاریا کے ساتھ ’دھوم 3‘ میں کام کرچکے ہیں جبکہ امیتابھ بچن نے ہدایت کار کے ساتھ اب تک کسی فلم میں کام نہیں کیا.

واضح رہے کہ عامر خان اس وقت اپنی فلم ’دنگل‘ میں مصروف ہیں جو پہلوان مہاویر سنگھ کی زندگی پر ہے.فلم رواں سال کرسمس پر سینما گھروں میں ریلیز کی جائے گی.

ممبئی: بالی ووڈ انڈسٹری کےمسٹر پرفیکشنسٹ عامر خان کا کہنا ہے کہ ان کے ساتھی اداکار شاہ رخ خان اور سلمان خان ان سے بڑے سپر اسٹارز ہیں.

تفصیلات کے مطابق بالی ووڈ کے تینوں خانز شارخ خان،سلمان خان اور عامر خان کا شمار اندسٹری کے صف اول کے اداکاروں میں ہوتا ہے.، تینوںاسٹارز نے اندسٹری کو کئی سپر ہٹ فلمیں دی ہیں.

بالی ووڈ کے تینوں خانر کی نہ صرف ہندوستان بلکہ پوری دنیامیں بہت بڑی فین فالوونگ ہے اور یہی وجہ ہے کہ انہیں اندسٹری کے صف اول کے اداکاروں میں شمار کیا جاتاہے.

گذشتہ روز بالی ووڈ کے مسٹر پرفیکشنسٹ عامر خان نے اپنی نئی آنے والی فلم دنگل کا پوسٹر ریلیز کیا،تقریب کے دوران عامر خان نے شارخ خان اور سلمان خان کو خود سے بڑا اسٹار کہا، مسٹر پرفیکشنسٹ کا کہنا تھا’جب سلمان اور شاہ رخ کمرے میں آتے ہیں تو ایسا لگتا ہے کوئی اسٹار آیا ہے،مجھ میں ایسی خصوصیات موجود نہیں‘.

یاد رہے کہ عامر خان اپنی فلم’دنگل‘میں مہاویر سنگھ پھوگٹ نامی ریسلر کا کردار ادا کر رہے ہیں،جنکہ ان کی فلم رواں سال 23 دسمبر کو سنیما گھروں میں مداحوں کے لیے ریلیز کی جائے گی.

ممبئی: بالی ووڈ کے اسٹار عامر خان کی فلم دنگل کے حوالے سے افواہیں تھیں کہ مسٹرپرفیکشنسٹ فلم کی ریلیز کی تاریخ تبدیل کرنے جارہے ہیں، لیکن انہوں نے ان افواہوں کی تردید کردی.

تفصیلات کے مطابق گذشتہ کئی دنوں سے افواہیں گردش کررہی تھیں کہ عامر خان اپنی فلم دنگل کی ریلیز کی تاریخ تیئس دسمبر سے سولہ دسمبر کر رہے ہیں.

میڈیا نمائندوں سے گفتگو کرتے ہوئے مسٹر پرفیکشنسٹ کا کہنا تھا کہ فلم کرسمس ویکنڈ پر پی ریلیز کی جائے گی، فلم کی ریلیز سے متعلق تمام افواہیں بے بنیاد ہیں، فلم سولہ دسمبر کو نہیں بلکہ تیئس دسمبر کو جمعے کے دن ریلیز کی جائے گی.

یاد رہے فلم ’دنگل‘ مہاویر سنگھ پھوگٹ نامی پہلوان کی زندگی پر مبنی ہے،جس میں عامر خان مرکزی کردار ادا کررہے ہیں،جن کی بیٹی کامن ویلتھ گیمز میں وومن ریسلنگ کے لیے گولڈ میڈل حاصل کرنے والی پہلی ہندوستانی تھی.

فلم کی آفرملنے کے حوالے سے عامر کا کہنا تھا کہ مجھے اس فلم کی آفر پی کےکی شوٹنگ کے دوران کی گئی تھی،فلم کے ہدایت کار نے مجھے اس کردار کے لیے منتخب کیا.

ان کا کہنا تھا کہ میں مہاویر پھوگٹ اور ان کی بیٹیوں پر ایک شو کرچکا تھا تو مجھے ان کی زندگی کے حوالے سے کافی معلومات تھیں.

واضح رہے کہ صرف عامر خان ہی نہیں سلمان خان بھی اس سال ریلیز ہونے والی فلم ’سلطان‘ میں ایک پہلوان کا کردار ادا کر رہے ہیں تاہم عامر خان کا کہنا ہے کہ دونوں فلموں کی کہانی مختلف ہے.