Tag: عامر خان

ممبئی: بھارت کے نامور اداکار شاہد کپور نے انکشاف کیا ہے کہ عامر خان کی بلاک بسٹر فلم ’رنگ دے بسنتی‘ انہیں آفر کی گئی تھی۔

بھارتی میڈیا رپورٹ کے مطابق نامور اداکار نیہا دھوپیا کے شو ’نو فلٹر نیہا‘ میں گفتگو کرتے ہوئے اداکار نے اس بات کا انکشاف کیا کہ فلم رنگ دے بسنتی انہیں آفر کی گئی تھی لیکن وہ اسے نہیں کرسکے۔

اداکار شاہد کپور نے اس کی وجہ بتائی کہ اُس وقت کے دیگر فلمیں اور شوٹنگ کی تاریخیں موجود تھیں اس لئے انہوں نے انکار کردیا لیکن جب میں نے فلم کو دیکھا تو وہ مجھے بہت پسند آئی اور پھر مجھے یہ فلم نہ کرنے کا افسوس ہوا۔

فلم رنگ دے بسنتی تقریباً 19 سال قبل ریلیز ہوئی تھی جس میں عامر خان، سوہا علی خان، کنال کپور، شرمن جوشی، اتل کلکرنی اور سدھارتھ سمیت کئی نامور اسٹارز جلوہ گر ہوئے تھے۔

اس فلم میں آر مادھون نے فلم میں ایک پائلٹ کا کردار نبھایا تھا اور وہی کردار فلم کی کہانی بنا تھا، فلم کے ہدایت کار اوم پرکاش مہرا نے آر مادھون سے قبل شاہ رخ خان کو اس کردار کی پیشکش کی تھی۔

بالی ووڈ کے مسٹر پرفیکشنسٹ عامر خان اپنی سُپر ہٹ فلم ’دنگل‘ کی اداکارہ سہانی بھٹناگر کی موت کے چند دن بعد ان کے گھر پہنچ گئے۔

بھارتی میڈیا رپورٹ کے مطابق بالی ووڈ کے معروف اداکار عامر خان اپنی فلم کی چائلڈ اداکارہ سوہانی بھٹناگر کی انتقال کے بعد ان کی فیلمی سے تعزیت کے لیے ان کے گھر پہنچ گئے۔

اداکار عامر خان نے اس ملاقات کے دوران سہانی بھٹناگر کے والدین سے اداکارہ کی بیماری کے بارے میں بات کی اور ان کی اچانک موت پر تعزیت کا اظہار کیا۔

فلم ’دنگل‘ کی اداکارہ کی موت سے قبل آخری انسٹاگرام پوسٹ کیا تھی؟

واضح رہے کہ سہانی بھٹناگر نے عامر خان کی سُپر ہٹ فلم ’دنگل‘ میں اُن کی بیٹی ببیتا کماری کے بچپن کا کردار ادا کیا تھا۔

میڈیا رپورٹس کے مطابق دنگل کے بعد سوہانی بھٹناگر نے اداکاری سے وقفہ لے لیا تھا کیونکہ وہ اپنی پڑھائی پر توجہ دینا چاہتی تھیں تاہم بیماری کے باعث وہ چل بسیں۔

عامر خان کے مداحوں کے لیے اچھی خبر آگئی، مسٹر پرفیکشنسٹ جلد ہی شائقین کو بڑے پردے پر نظر آئیں گے۔

کافی عرصے سے بالی وڈ سے دور رہنے والے والے عامر خان ہسپانوی فلم ’چیمپئنز‘ کے ہندی ری میک کیساتھ اداکاری کی دنیا میں پھر سے اپنے جلوے بکھیرنے کا ارادہ رکھتے ہیں۔ فلم کی شوٹنگ اور دیگر چیزیں فائنل کرنے کے سلسلے میں وہ بھارتی دالحکومت روانہ ہوگئے ہیں۔

بھارتی ذرائع ابلاغ پر سامنے آنے والی خبروں میں یہ دعویٰ کیا جارہا ہے کہ ‘تھری ایڈیٹس‘ کے اداکار اپنی نئی فلم کی شوٹنگ کیلئے اگلے ایک ماہ تک دہلی میں قیام کریں گے۔

مسٹر پرفیکشنسٹ نئی فلم کی شوٹنگ کے لیے دہلی میں ایک ماہ تک رکیں گے جبکہ اگلے ماہ فروری میں فلم کے فلور پر جانے کا امکان ظاہر کیا جارہاہے۔

میڈیا رپورٹس میں یہ بھی بتایا جارہا ہے کہ عامر خان ہسپانوی فلم ’چیمپئنز‘ کے ری میک میں ایک ’مینٹور‘ کا کردار میں نظر آئیں گے۔

اداکار فلم ’لال سنگھ چڈھا’ میں آخری بار نظر آئے تھے، تاہم یہ فلم ناکامی سے دوچار ہوئی تھی۔ اس کے بعد 2022 میں عامر خان نے بھارتی میڈیا سے بات کرتے ہوئے کہا تھا کہ میں اداکاری سے تھوڑی دیر کے لیے بریک لینا چاہتا ہوں۔

ان کا کہنا تھا کہ جب میں ایک اداکار کے طور پر کوئی فلم کرتا ہوں تو میں اس میں اتنا کھو جاتا ہوں کہ میری زندگی میں اور کچھ نہیں ہوتا۔

عامر خان نے کہا تھا کہ مجھے لال سنگھ چڈھا کے بعد فلم چیمپئنز میں بھی اداکاری کرنی تھی لیکن میں اب ایک وقفہ لینا چاہتا ہوں، اپنے خاندان کے ساتھ، اپنی ماں، اپنے بچوں کے ساتھ رہنا چاہتا ہوں۔

واضح رہے کہ حال ہی میں عامر کی صاحبزادی ایرا خان کی شادی ان کے پرانے دوست نوپور شیکھرے سے انجام پائی ہے۔ شادی کی استقبالیہ تقریب میں کئی بالی وڈ ستاروں نے شرکت کی تھی۔

بالی وڈ کے جانے مانے اداکار عامر خان نے ایک بار کہا تھا کہ میں اپنی بیٹی کی شادی پر بہت روؤں گا، اداکار نے اپنا کہا سچ کردکھایا۔

مسٹر پرفیکشنسٹ اپنی صاحبزادی ایرا خان کی شادی پر جذبات پر قابو نہ رکھ سکے، ان کے رونے اور آنسو پوچھنے کے لمحات کیمرے میں قید ہوگئے جس کی ویڈیوز سوشل میڈیا پر وائرل ہورہی ہیں۔

ماضی میں ایک انٹرویو میں عامر خان نے کہا تھا کہ وہ اپنی بیٹی ایرا کی شادی میں بہت روئیں گے۔ انھوں نے کہا تھا کہ میں بہت جذباتی ہوں، اُس دن میں یقیناً بہت رونے والا ہوں، میں اپنی مسکراہٹ اور آنسوؤں پر قابو نہیں رکھ سکتا۔

جب گزشتہ دنوں ایرا اور نوپور باقاعدہ شادی کے بندھنے میں بندھے تو کسی بھی عام باپ کی طرح اس لمحے عامر بھی جذبات کے ہاتھوں مجبور ہوکر روتے نظر آئے۔

شادی کی تقریب سے وائرل کلپ میں دیکھا جاسکتا ہے دولہا اور دلہن نے انگوٹھیوں کا تبادلہ کیا۔ اس دوران ایرا کے والد عامر خان جو کہ سیاہ سوٹ میں ملبوس تھے روتے ہوئے نظر آئے جبکہ وہاں موجود اکثر مہمان بھی جذباتی ہو گئے۔

اس کے علاوہ شادی کی تقریب سے وائرل ہونے والی ایک ویڈیو میں عامر خان اور ان کی سابق اہلیہ رینا دتہ بھی اپنے آنسو صاف کرتے نظر آرہے ہیں۔

خیال رہے کہ پچھلے دنوں شادی کی رجسٹریشن کے بعد بھارتی ریاست راجھستان کے شہر ادے پور میں گزشتہ شب ایرا خان اور نوپور شیکھرے کی شادی کی شاندار تقریب منعقد ہوئی۔

ایرا نے اپنی شادی کے دن مسیحی طرز کی دلہن بننے کا انتخاب کیا اور وہ سفید رنگ کے گاؤن میں نظر آئیں جبکہ اُن کے شوہر نوپور شیکھرے خاکی رنگ کے سوٹ میں ملبوس تھے۔