Tag: عامر خان

ممبئی: بالی وڈ کے مسٹر پرفیکٹ عامر خان نے اندسٹری کے ’بھائی‘سلمان خان کے ساتھ کام کرنے کے تجربے کے بارے میں بات کی ہے۔

عامر خان اور سلمان خان ایک دوسرے کے بہترین دوست مانے جاتے ہیں اور دونوں عوامی طور پر ایک دوسرے کی تعریف بھی کرتے رہتے ہیں، لیکن ایک وقت ایسا تھا جب عامر خان، سلمان کو بالکل پسند نہیں کرتے تھے۔

کرن جوہر کے چیٹ شو ’کافی ود کرن‘ میں اداکار عامر خان نے سلمان خان کے بارے میں انکشاف کیا کہ ’فلم انداز اپنا اپنا‘ میں میرا سلمان کے ساتھ کام کرنے کا بے حد برا تجربہ رہا، میں نے انھیں انتہائی لاپروا پایا۔

عامر خان نے کہا کہ اس کے بعد اگرچہ میں ان سے جب بھی ملتا تو شائستگی سے بات کرتا لیکن انداز اپنا اپنا کے بعد میں ان سے دور ہی رہنے کی کوشش کرتا تھا۔

عامر خان نے بتایا کہ مگر بعد میں سلمان سے متعلق میری رائے مکمل طور پر بدل گئی، سلمان دوبارہ میری زندگی میں اس وقت آئے جب میں اپنی بیوی رینا سے علیحدہ ہوا تھا۔

انھوں نے کہا کہ اس وقت میں اپنی زندگی کے بے حد مایوس کن دور سے گزر رہا تھا، میں ڈیڑھ سال تک تقریباً اپنے گھر میں ہی بند رہا تھا اس دوران میری سلمان کے ساتھ ایک ڈرنک پر ملاقات ہوئی اور ہم دونوں ایک دوسرے کے قریب ہو گئے اور ہماری دوستی بڑھتی چلی گئی۔

ممبئی: بالی وڈ کے مسٹر پرفیکٹ عامر خان اور کپل شرما‌کے درمیان دلچسپ نوک جھونک کی ویڈیو وائرل ہوگئی۔

سوشل میڈیا پر وائرل ہونے والی ویڈیو میں بالی وڈ کے مسٹر پرفیکٹ کہلائے جانے والے عامر خان نے کپل شرما‌شو کے میزبان کپل سے ایک پروگرام کے دوران آمنا سامنا ہوا۔

اس دوران عامر خان نے کپل شرما کو کہا کہ ’میں نے کپل جی کو فون کرکے ان کا شکریہ ادا کیا، میں نے انہیں کہا آپ لوگوں کو خوب انٹرٹین کرتے ہیں، لوگوں کو دل بہلانا بہت بڑا کام ہے‘۔

Aamir Khan and Kapil Sharma on why he never went to the show#AamirKhan #KapilSharma #TheKapilSharmaShow #TKSS pic.twitter.com/CrvDFCR5lV

— $@M (@SAMTHEBESTEST_) May 30, 2023

انہوں نے کپل سے پوچھ لیا کہ آپ نے مجھے آج تک اپنے شو میں نہیں بلایا، کپل شرما نے کہا کہ میں نے دعوت دی تھی، آپ جب ہمارے شو میں آئیں گے تو یہ ہمارے لیے بہت بڑی بات ہوگی۔

کپل شرما نے کہا کہ میں نے آپ سے کئی بار گفتگو کے دروان اپنے شو میں آنے کی درخواست کی ہے، لیکن ہر بار یہ مجھے بعد میں بات کرنے کا کہہ کر 3 سال بعد ملاقات کرتے ہیں۔

بالی ووڈ سپر اسٹار عامر خان نے ایک بار فلم ’اکیلے ہم اکیلے تم‘ میں اپنے ساتھ مرکزی کردار ادا کرنے والی اداکارہ منیشا کوئرالہ کے ساتھ پیش آنے والے ایک واقعہ کے بارے میں گفتگو کرتے ہوئے بتایا تھا کہ منیشا فلم کی شوٹنگ کے دوران ناراض ہوگئی تھیں۔

سپر اسٹار عامر خان نے یہ واقعہ ماضی کی معروف اداکارہ سیمی گریوال کے شو میں بطور مہمان گفتگو کے دوران بتائی تھی۔

سیمی نے سوال کیا کہ  ان کا خواتین اداکاراؤں کے ساتھ بطور جنس مخالف معاملہ کس طرح کا ہوتا ہے جس پر عامر خان نے کہا کہ جب میں کسی اداکارہ کے ساتھ کام کرتا ہوں تو میں اسے یہ ظاہر کرتا ہوں کہ میں اس سے پیار کرتا ہوں میری کوشش ہوتی ہے کہ اس کردار میں حقیقت کا رنگ بھروں۔

انہوں نے کہا کہ جب میں اس کی آنکھوں میں دیکھتا ہوں تو بھی یہی ظاہر کرتا ہوں لیکن جیسے ہی شوٹ ختم ہوتا ہے تو پھر میں اس رول سے باہر آجاتا ہوں۔

سیمی گریوال کے مطابق ایک مرتبہ منیشا نے انہیں فلم اکیلے ہم اکیلے تم میں کام کے دوران عامر خان کے رویے کی شکایت کی تھی۔ اس پر عامر خان کا کہنا تھا کہ یہ اسکرپٹ کی ضرورت تھی، اس کے علاوہ کچھ اور نہیں تھا۔ تاہم جب فلم میں کام شروع کیا تو ان سے کچھ فاصلہ برقرار رکھا۔

واضح رہے اکیلے ہم اکیلے تم  منصور خان کی ہدایتکاری میں  1995 کی ایک رومانی فلم تھی جس میں عامر خان اور منیشا کوئرالہ کے ساتھ ماسٹر عادل نے کام کیا تھا۔

بالی ووڈ کے مسٹر پرفیکشنسٹ عامر خان نے اپنے فلمی کیریئر میں پہلی بار اداکاری سے بریک لے لیا۔

عامر خان نے حال ہی میں دلی میں ایک ایونٹ میں شرکت کی، جہاں انہوں نے اپنے کیرئیر پر بات کرتے ہوئے اس بارے میں بتایا کہ وہ ایکٹنگ سے بریک لے رہے ہیں اور آنے والے دیڑھ سالوں تک وہ ایکٹر کے طور پر کام نہیں کریں گے۔

عامر خان کا کہنا تھا کہ مجھے لال سنگھ چڈھا کے بعد چیمپئنز میں بھی اداکاری کرنی تھی لیکن میں اب ایک وقفہ لینا چاہتا ہوں، اپنے خاندان کے ساتھ، اپنی ماں، اپنے بچوں کے ساتھ رہنا چاہتا ہوں۔

عامر خان نے بتایا کہ میں اداکاری سے تھوڑی دیر کے لیے بریک لینا چاہتا ہوں، جب میں ایک اداکار کے طور پر کوئی فلم کرتا ہوں تو میں اس میں اتنا کھو جاتا ہوں کہ میری زندگی میں اور کچھ نہیں ہوتا۔

بالی ووڈ کے اداکار نے بتایا کہ میں 35 سالہ طویل فلمی کیریئر میں اداکاری کرنے کے بعد پہلی بار ڈیڑھ سال کا بریک لئے رہا ہوں۔

ان کا کہنا تھا کہ میں 35 سال سے کام کر رہا ہوں اور میں نے اپنے کام پر پوری توجہ مرکوز رکھی  لیکن اب مجھے لگتا ہے کہ میرے قریب رہنے والوں کے ساتھ یہ مناسب نہیں ،اب مجھے کچھ وقت نکالنا ہوگا۔ تاکہ ان کے ساتھ رہوں۔

واضح رہے کہ عامر خان کی آخری فلم فلاپ رہی ہے، لال سنگھ چڈھا ہالی ووڈ فلم ’فاریسٹ گمپ‘ کا ہندی ری میک تھی، 100 کروڑ میں بننے والی فلم نے دنیا بھر میں صرف 80 کروڑ کمائے تھے۔