Tag: عام انتخابات

لاہور : لاہور پائیکورٹ نے عام انتخابات کی تاریخ مقرر کرنے کی درخواست پر صدر کے پرنسپل سیکرٹری ، الیکشن کمیشن سمیت فریقین کو نوٹس جاری کر دیئے عدالت نے ریمارکس دیئے کہ عام انتخابات نوے دن میں ہی کرانے ہوں گے۔

لاہور ہائیکورٹ کے جسٹس عابد عزیز شیخ نے مقسط سلیم ایڈووکیٹ کی صدرمملکت کوعام انتخابات کی تاریخ مقرر کرنے کےاحکامات کیلئے درخواست پر سماعت کی۔

جس میں انتخابات کیلئے تاریخ نہ مقرر کرنے کے کے اقدام کو چیلنج کیا گیا، سماعت کے دوران ایڈیشل اٹارنی جنرل نے کہا کی کہ نئی حلقہ بندیوں کیلئے مختلف ٹائم لائنز ہیں اور ان ٹائم لائنز کو کم کرنا الیکشن کمیشن کےلئے ممکن نہیں، ٹائم لائن کےمطابق نئی حلقہ بندیوں کےلئےکم از کم چار ماہ چاہیں ہیں۔

عدالتی استفسار پر وفاقی حکومت کے وکیل نے بتایا کہ مردم شماری 2022 میں ہوئی، جس پر عدالت نے استفسار کیا کہ سوال یہ ہے کہ جون میں مردم شماری کا پراسس مکمل ہوگیا تو سی سی آئی نے اس وقت منظوری کیوں نہیں دی۔

عدالت کا کہنا تھا کہ الیکشن تو آئین کے تحت نوے دنوں میں ہونا چاہئے، الیکشن کمیشن آئینی مدت نوے دنوں میں تمام انتظامات کرسکتا ہے۔

عدالت نے ریمارکس دیئے کہ الیکشن کمیشن کو اپنی تیاری ہرصورت مکمل رکھنی چاہیےتھی ، الیکشن اچانک تو نہیں ہورہے سب کو پہلے سے علم تھا کہ اسمبلیاں تحلیل ہو رہی ہیں، سب کو معلوم ہے کہ الیکشن نوے روز کی آئینی مدت میں ہونا ہیں۔

لاہور ہائی کورٹ کا کہنا تھا کہ جون میں مردم شماری ہوگئی تھی تومنظوری کیوں نہیں دی گئی۔۔ جو بھی ٹائم لائن بنتی ہے اسے نوے دن کے اندر اندر لانا چاہیے۔

عدالت نے فریقین کو نوٹس جاری کرتے ہوٸے اٹارنی جنرل کو معاونت کے لیے طلب کرلیا۔

عام انتخابات میں تاخیر کے معاملے پر سیاسی جماعتوں اورقانون دانوں کا شدید ردعمل سامنے آگیا ہے۔

تفصیلات کے مطابق عام انتخابات میں تاخیر کے معاملے پر پاکستان پیپلز پارٹی (پی پی پی) کے رہنما نیئربخاری کہتے ہیں آرٹیکل 48 میں واضح ہے نوے دن میں الیکشن کرانا ہوں گے۔

پاکستان تحریک انصاف(پی ٹی آئی) کے رہنما بابر اعوان کا کہنا ہے الیکشن الیکشن نہ کھیلیں، الیکشن تو کرانا پڑے گا۔

خیبرپختونخوا اسمبلی کے اسپیکر مشتاق غنی کہتے ہیں الیکشن کمیشن انتخابات نہیں کرا سکتا تو اسے تالے لگا دیں۔

ماہر قانون لطیف کھوسہ کہتے ہیں سپریم کورٹ سی سی آئی کے فیصلے کو اُڑائے گی تو نوے دن میں الیکشن کرانا پڑیگا۔

پاکستان کی سیاست پر نظر رکھنے والے دنیا کے اہم ممالک کی نظریں بھی پاکستان میں آزادانہ اور شفاف الیکشن کے انعقاد پر ہیں، کیا عام انتخابات نوے دن کے اندر ہوں گے ؟ یہ ایک ملین ڈالر سوال بن گیا۔

تفصیلات کے مطابق اسمبلی اپنی مدت پوری کرکے تحلیل ہوچکی ہے اور وفاق اور صوبوں میں نگراں حکومتیں بھی تشکیل پاچکیں ، اب پاکستانیوں ہی نہیں پاکستان کی سیاست پر نظر رکھنے والے دنیا کے اہم ممالک کی نظریں بھی پاکستان میں آزادانہ اور شفاف الیکشن کے انعقاد پر ہیں۔

نوے دن کی آئینی مدت شروع ہوتے ہی الیکشن الیکشن کا کھیل شروع کیا گیا اب سوال یہ اٹھتا ہے کہ کیا نگراں حکومت شفاف الیکشن وقت پرکراسکےگی ؟ اس حوالے سے اندازے، چہ میگوئیاں اور سرگوشیاں ہورہی ہے۔

نگراں وزیراعلیٰ سندھ نے صاف کہہ دیا کہ الیکشن کی تاریخ دینا الیکشن کمیشن کا کام ہے، وہ خود کسی غیرآئینی کام کاحصہ نہیں بنیں گے۔

نگراں وفاقی وزیراطلاعات مرتضی سولنگی نے بھی سارا ملبہ الیکشن کمیشن پرڈال دیا اور کہا ہے کہ الیکشن کمیشن انتخابات نوے دن میں کرائے یا فروری میں ہم حاضر،ہماری اپنی کوئی چوائس نہیں۔

ماہرقانون بابراعوان کہتے ہیں الیکشن توکرانا پڑیں گے کیونکہ آئین کی کتاب میں لکھا ہے نوے دن میں الیکشن ہونے ہیں۔

سینیٹرمشتاق احمد خان کا بھی کہنا ہے کہ الیکشن کمیشن نے نئی حلقہ بندیوں اورانتخابات میں تاخیرکافیصلہ کرکے اپنے وجود کی نفی کردی، الیکشن کمیشن انتخابات نہیں کراسکتا تو اسے تالے لگا دیں۔

پاکستان بار کونسل کی ایگزیکٹو کمیٹی نےانتخابات میں تاخیرکے فیصلےکی مذمت کرتے ہوئے کہا ہے کہ الیکشن کمیشن مقررہ مدت کے اندر آزادانہ، منصفانہ اور شفاف انتخابات کرائے، شفاف الیکشن ہی مسائل کا حل ہے۔

پشاور : عام انتخابات میں تاخیر کے خلاف ہائیکورٹ میں درخواست دائر کردی گئی ، جس میں کہا ہے کہ الیکشن کمیشن کا پریس ریلیز آئین اور سپریم کورٹ فیصلے کی خلاف ورزی ہے۔

تفصیلات کے مطابق پشاور ہائی کورٹ میں عام انتخابات میں تاخیر کے خلاف درخواست دائر کردی گئی ، درخواست میں چیف الیکشن کمشنر،الیکشن کمیشن ممبران ،سیکرٹری جوڈیشل کمیشن فریق بنایا گیا ہے۔

درخواست میں مؤقف اختیار کیا ہے کہ الیکشن کمیشن نے 17 اگست کو پریس ریلیز جاری کیا کہ انتخابات 3ماہ میں نہیں ہوسکتے، کےپی اسمبلی تحلیل کے 3ماہ میں الیکشن آئینی تقاضا ہے۔

درخواست میں کہا گیا کہ الیکشن کمیشن نے کہا ہے ابھی حلقہ بندیاں شروع ہے 2023 تک جاری رہے گی، الیکشن کمیشن کا پریس ریلیز آئین اور سپریم کورٹ فیصلے کی خلاف ورزی ہے۔

درخواست گزار کا کہنا تھا کہ سپریم کورٹ نے فیصلے میں قرار دیا ہے آئینی مدت میں انتخابات آئینی تقاضا ہے، الیکشن التوا کے پیچھے ایسے عوامل ہے جو آئینی عمل کو سبوتاژ کرنا چاہتے ہیں، استدعا ہے کہ عدالت الیکشن کمیشن کے اس اقدام کو کالعدم قرار دے۔

اسلام آباد: وفاقی حکومت نےعام انتخابات کے لیے فنڈزجاری کرنے کی حکمت عملی طے کرلی، پہلی سہہ ماہی میں تمام فنڈز جاری کرنے کی الیکشن کمیشن کی تجویز ماننے سے انکار کردیا گیا۔

اے آر وائی نیوز کے مطابق عام انتخابات کے سلسلے میں وفاقی حکومت کی طرف سے فنڈزجاری کرنے کی حکمت عملی طے کرلی گئی ہے، حکومت نے الیکشن کمیشن کو ضرورت کے مطابق مرحلہ وار فنڈز جاری کرنے کا فیصلہ کیا ہے۔

ذرائع کا کہنا ہے کہ گزشتہ مالی سال کے 10 ارب روپے دوبارہ فراہم کرنے کی منظوری دیدی گئی ہے، عام انتخابات کے لیے مجموعی طور پر 42 ارب 42 کروڑ روپے فراہم کیے جائیں گے۔

حکومتی ذرائع نے بتایا کہ فنڈز ضرورت کے مطابق مرحلہ وار بنیادوں پر جاری کیے جائیں گے، الیکشن کمیشن ضرورت کے مطابق فنڈز کے لیے وزارت خزانہ سے رجوع کرے گا، انتخابات کے حوالے سے پہلے مرحلے میں 10 ارب روپے جاری کرنے کی منظوری دی گئی ہے۔

کُل 42 ارب 42 کروڑ کی رقم میں سے 10 ارب روپے گزشتہ مالی سال مختص کیے گئے تھے، الیکشن کمیشن نے گزشتہ مالی سال عام انتخابات کے لیے 47 ارب 42 کروڑ روپے مانگے تھے۔

الیکشن کمیشن کو گزشتہ مالی سال 15 ارب روپے جاری کرنے کی منظوری دی گئی تھی جب کہ گزشتہ مالی سال الیکشن کمیشن کو 5 ارب روپے جاری کیے گئے تھے۔

ذرائع کا کہنا ہے کہ 5 ارب میں سے 4 ارب 47 کروڑ روپے استعمال کیے گئے، الیکشن کمیشن نے رہ جانے والے 53 کروڑ روپے واپس وزارت خزانہ کو جمع کرائے تھے، الیکشن کمیشن نے گزشتہ سال کے 10 ارب 53 کروڑ روپے دوبارہ فراہم کرنے کی درخواست کی ہے۔