ARYNews.tv | Urdu – Har Lamha Bakhabar

Tag: عام تعطیل کا اعلان

  • 4 اپریل کے بعد 5 اپریل کو بھی عام تعطیل کا اعلان

    4 اپریل کے بعد 5 اپریل کو بھی عام تعطیل کا اعلان

    خیرپور : سچل سرمست کےعرس کے موقع پر 5 اپریل کو عام تعطیل کا اعلان کردیا گیا ، جس کے بعد ایک ہفتے میں 2 دن کی تعطیل ہو جائے۔

    تفصیلات کے مطابق خیرپور میں 5 اپریل کو عام تعطیل کا اعلان کردیا گیا، سچل سرمست کےعرس کے موقع پر ڈپٹی کمشنر نے چھٹی کا اعلان کیا۔

    ڈپٹی کمشنرشرجیل نورنے5اپریل کی چھٹی کانوٹی فکیشن جاری کردیا، جس میں بتایا گیا ہے کہ 4اپریل کوشہیدذوالفقارعلی بھٹو کی برسی کی عام چھٹی ہوگی اور دوسرے روز5 اپریل کوسچل سرمست کے عرس کے موقع پر چھٹی ہوگی، اس طرح ایک ہفتے میں 2 دن کی تعطیل ہو جائے گی۔

    یاد رہے سندھ حکومت نے ذوالفقار علی بھٹو کی یوم شہادت پر عام تعطیل کا اعلان کرتے ہوئے کہا تھا کہ 4 اپریل کو صوبے بھر میں عام تعطیل ہوگی۔

    سندھ حکومت کے نوٹیفکیشن کے مطابق ذوالفقار علی بھٹو کی برسی کے موقع پر صوبائی حکومت کے تحت چلنے والے تمام ادارے بند رہیں گے۔

    نوٹیفکیشن میں بتایا گیا تھا کہ صوبائی حکومت کے ماتحت چلنے والی خودمختار و نیم خود مختار ادارے، کارپوریشنز اور لوکل کونسلز کے دفاتر بند رہیں گے۔

  • وفاقی حکومت کا کل عام تعطیل کا اعلان

    وفاقی حکومت کا کل عام تعطیل کا اعلان

    اسلام آباد : وفاقی حکومت نے کل 9 نومبر کو علامہ اقبال کے یوم پیدائش کے موقع پر عام تعطیل کا اعلان کردیا۔

    تفصیلات کے مطابق وفاقی حکومت نے علامہ اقبال کے یوم پیدائش کے موقع پر کل چھٹی کا اعلان کردیا، وزیراعظم ہاؤس کی جانب سے چھٹی کا نوٹی فکیشن جاری کردیا گیا ہے۔

    واضح رہے کہ 9 نومبر علامہ اقبال کا یوم پیدائش منایا جاتا ہے، علامہ اقبال برصغیر پاک و ہند کے عظیم شاعر تھے جنہوں پاکستان کے بنے کا خواب دیکھا تھا۔

    خیال رہے کئی برس قبل یوم اقبال کی تعطیل ختم کر دی گئی تھی۔ گزشتہ حکومت کے دور میں بھی یوم اقبال کی چھٹی بحال کروانے کی کوشش کی گئی تھی تاہم اس حوالے سے کوئی سنجیدہ پیش رفت نہیں ہوئی تھی۔

  • 14 اکتوبر کو عام تعطیل کا اعلان

    14 اکتوبر کو عام تعطیل کا اعلان

    کراچی : سندھ حکومت نے معروف صوفی بزرگ شاہ عبدالطیف بھٹائی کے عرس کے موقع پر 14 اکتوبر کو صوبے بھر میں عام تعطیل کا اعلان کر دیا اور نوٹی فکیشن جاری کردیا ہے۔

    تفصیلات کے مطابق ہر سال کی طرح اس سال بھی صفر کی 14 تاریخ کو معروف صوفی بزرگ شاہ عبدالطیف بھٹائی کا 276 واں عرس انتہائی عقیدت و احترام سے منایا جائے گا۔

    اس ضمن میں سندھ حکومت نے صوبے میں تعطیل کا اعلان کرتے ہوئے نوٹی فکیشن جاری کردیا ہے۔

    نوٹی فکیشن کے مطابق 14 صفر یعنی 14 اکتوبر کو سندھ میں سرکاری دفاتر، اسکولز بند رہیں گے

    خیال رہے ہر سال شاہ عبد الطیف بھٹائی کے عرس کی مناسبت سے سندھ میں عام تعطیل ہوتی ہے، معروف صوفی بزرگ کا مزار سندھ کے علاقے بھٹ شاہ میں واقع ہے جہاں عرس کے موقع پر تین روزہ تقاریب کا انعقاد کیا جاتا ہے، عرس کی تقریبات کا افتتاح مزار پر چادرچڑھا کرکیا جائے گا۔

    عرس میں شرکت کے لیے ملک بھر سے زائرین آتے ہیں جن کی آمد پرسیکیورٹی کے سخت ترین انتظامات کئے جائیں گے۔

    واضح رہے  شاہ عبداللطیف بھٹائی سندھی زبان کے عظیم صوفی شاعر 18نومبر1689میں مٹیاری کے تعلقہ ہالا میں پیدا ہوئے، والد سید حبیب شاہ کا شمار برگزیدہ ہستیوں میں تھا، دینی تعلیم والد سے حاصل کی، اخوند نور محمد کی مشہور درسگاہ سے تعلیم حاصل کی۔

    آپ نے سندھی شاعری سے لوگوں کی اصلاح کی آپ کا کلام شاہ جو رسالو کے نام سے مشہور ہے، شاہ عبداللطیف بھٹائی کا انتقال 63سال کی عمر میں بھٹ شاہ میں ہوا۔

    عظیم صوفی بزرگ نے ساری زندگی لوگوں کو انسانیت کا درس دیا، ان کی تصنیف شاہ جو رسالو کا کئی زبانوں میں ترجمہ ہوچکا ہے۔

  • بھٹو کی برسی : صوبہ سندھ میں چار اپریل بروز جمعرات عام تعطیل کا اعلان

    بھٹو کی برسی : صوبہ سندھ میں چار اپریل بروز جمعرات عام تعطیل کا اعلان

    کراچی : حکومت سندھ نے 4اپریل کو صوبے بھر میں عام تعطیل کا اعلان کردیا، سابق وزیراعظم ذوالفقار علی بھٹو کی برسی کے موقع پر صوبے کے تمام سرکاری و نیم سرکاری دفاتر بند رہیں گے۔

    تفصیلات کے مطابق سابق وزیراعظم ذوالفقار علی بھٹو کی 40ویں برسی کے سلسلے میں حکومت سندھ نے4اپریل کو صوبے بھر میں عام تعطیل کا اعلان کردیا۔

    اس سلسلے میں چیف سیکریٹری سندھ سید ممتاز علی شاہ کی جانب سے نوٹیفکیشن جاری کردیا گیا ہے، حکم نامہ کے مطابق چار اپریل کو صوبہ سندھ کے تمام سرکاری و نیم سرکاری محکموں تعلیمی اداروں، خودمختار کارپوریشنز اورحکومت سندھ کے زیرکنٹرول لوکل کونسلز میں عام تعطیل ہوگی، تاہم اس کا اطلاق لازمی سروس کے اداروں پر نہیں ہوگا۔

  • یوم یکجہتی کشمیر، حکومت پاکستان کا کل عام تعطیل کااعلان

    یوم یکجہتی کشمیر، حکومت پاکستان کا کل عام تعطیل کااعلان

    اسلام آباد : یوم یکجہتی کشمیر پر حکومت پاکستان نے کل عام تعطیل کا اعلان کردیا ہے ، صبح دس بجےایک منٹ کی خاموشی اختیارکرکے شہدائےکشمیرکوخراج عقیدت پیش کیا جائے گا۔

    تفصیلات کے مطابق وفاقی حکومت نے 5 فروری کو یوم یکجہتی کشمیر پر عام تعطیل کا اعلان کردیا ہے، مرکزی تقریب ڈی چوک اسلام آبادپرہوگی اور صبح دس بجےایک منٹ کی خاموشی اختیارکرکے شہدائےکشمیرکوخراج عقیدت پیش کیا جائےگا۔

    تعطیل کے باعث ملک بھر میں تمام تعلیمی ادارے ، سرکاری و نجی دفاتر، اور بینک بند رہیں گے۔

    یومِ یکجہتی کشمیر کے سلسلہ میں چاروں صوبائی اور وفاقی دارالحکومت سمیت ملک بھر کے چھوٹے بڑے شہروں میں جلسے ،جلوس ، ریلیاں اور سیمینارز منعقد کئے جائیں گے۔

    یوم یکجہتی کشمیر کا دن منانے کا آغاز 1990 میں ہوا تھا ، اس دن کو منانے کا مقصد بھارتی مظالم کے شکار کشمیریوں کی حمایت کا دنیا بھر میں اعلان کرنا ہے۔

    پاکستان نے برسوں پہلے کشمیر کا ایک حصہ آزاد کرایا تھا، جسے آج دنیا آزاد کشمیر کہتی ہے، جہاں کے لوگ آزاد فضا میں سانس لیتے ہیں۔ اور دوسری طرف کشمیر کا وہ حصہ ہے جس پر بھارتی فوج قابض ہے، اس وادی سے ستر برس سے ایک ہی نعرہ بلند ہورہا ہے کہ۔ کشمیر بنے گا پاکستان۔

  • شاہ عبدالطیف بھٹائی کا عرس، 24 اکتوبرکو عام تعطیل کا اعلان

    شاہ عبدالطیف بھٹائی کا عرس، 24 اکتوبرکو عام تعطیل کا اعلان

    کراچی : سندھ حکومت نے معروف صوفی بزرگ شاہ عبدالطیف بھٹائی کے عرس کے موقع پر 24 اکتوبر کو صوبے بھر میں عام تعطیل کا اعلان کردیا اور نوٹی فکیشن جاری کردیا ہے۔

    تفصیلات کے مطابق ہر سال کی طرح اس سال بھی صفر کی 14 تاریخ کو معروف صوفی بزرگ شاہ عبدالطیف بھٹائی کا 275 واں عرس انتہائی عقیدت و احترام سے منایا جائے گا۔

    اس ضمن میں سندھ حکومت نے صوبے میں تعطیل کا اعلان کردیا ہے اور چیف سیکریٹری نے عام تعطیل کا نوٹی فکیشن جاری کردیا ہے۔

    نوٹی فکیشن کے مطابق 14 صفر یعنی 24 اکتوبر کو صوبائی محکموں ،خودمختارکارپوریشنز ،بلدیاتی اداروں میں چھٹی ہوگی۔

    خیال رہے ہر سال شاہ عبد الطیف بھٹائی کے عرس کی مناسبت سے سندھ میں عام تعطیل ہوتی ہے۔

    سندھ کے صوفی شاعر حضرت شاہ عبداللطیف بھٹائی کا یہ 275 عرس ہے۔

    معروف صوفی بزرگ کا مزار سندھ کے علاقے بھٹ شاہ میں واقع ہے جہاں عرس کے موقع پر تین روزہ تقاریب کا انعقاد کیا جاتا ہے، عرس کی تقریبات کا افتتاح مزار پر چادرچڑھا کرکیاجائے گا۔

    عرس میں شرکت کے لیے ملک بھر سے زائرین آتے ہیں جن کی آمد پرسیکیورٹی کے سخت ترین انتظامات کئے جائیں گے۔

  • ذوالفقارعلی بھٹو کی برسی، چاراپریل کو سندھ میں عام تعطیل کا اعلان

    ذوالفقارعلی بھٹو کی برسی، چاراپریل کو سندھ میں عام تعطیل کا اعلان

    کراچی : پاکستان پیپلز پارٹی کے بانی اور پاکستان کے سابق وزیر اعظم ذوالفقارعلی کی برسی کے موقع پر حکومت سندھ نے چار اپریل کو صوبے بھر میں عام تعطیل کا اعلان کیا ہے، اس حوالے سے حکومت سندھ نے نوٹیفکیشن بھی جاری کردیا گیا ہے۔

    قائد عوام شہید ذوالفقار علی بھٹو کی 37ویں برسی کے موقع پر گڑھی خدا بخش لاڑکانہ میں عظیم الشان جلسہ عام منعقد ہوگا، جس میں ملک بھر سے لاکھوں کی تعداد میں عوام اور کارکنان شرکت کریں گے اور جلسے سے پارٹی کے چیئرمین بلاول بھٹو زرداری اور دیگر مرکزی رہنما اور پارٹی کے صوبائی صدور خطاب کریں گے۔

    یاد رہے کہ ذوالفقار علی بھٹو 1963 سے 1966 تک ملک کے پہلے فوجی صدر جنرل ایوب خان کی کابینہ میں وفاقی وزیر تھے جبکہ 1971 سے 1973 تک ملک کے پہلے سویلین صدر اور 1973 سے 5 جولائی 1977تک ملک کے وزیر اعظم رہے۔

    5 جولائی کو ملک میں جنرل ضیاء الحق نے مارشل لاء لگایا، اور ذوالفقار علی بھٹو کو گرفتار کر لیا گیا، ان پر ایک شخص کے قتل کا مقدمہ چلا، جس میں 18 مارچ 1978 کو ان کو ہائی کورٹ نے سزائے موت سنائی۔

    6 فروری 1979 کو سپریم کورٹ نے بھی سزا کو برقرا رکھا اور 4 اپریل 1979 کو ذوالفقار علی بھٹو کو پھانسی دے دی گئی۔

     

  • پانچ فروری یومِ یکجہتی کشمیر پر ملک بھر میں عام تعطیل کا اعلان

    پانچ فروری یومِ یکجہتی کشمیر پر ملک بھر میں عام تعطیل کا اعلان

    اسلام آباد: پانچ فروری کو یومِ یکجہتی کشمیر کے موقع پر ملک بھر میں عام تعطیل کا اعلان کردیا گیا ہے۔

    زرائع کے مطابق تعطیل کے باعث تمام تعلیمی ادارے ، سرکاری و نجی دفاتر، اور بینک بند رہیں گے۔

    یومِ یکجہتی کشمیر کے سلسلہ میں چاروں صوبائی اور وفاقی دارالحکومت سمیت ملک بھر کے چھوٹے بڑے شہروں میں جلسے ،جلوس ، ریلیاں اور سیمینارز منعقد کئے جائیں گے۔

    پاکستان میں یوم یکجہتی کشمیر انیس سو نوے سے منایا جا رہا ہے، اس کا مقصد کشمیریوں کے حق خودارادیت کو دنیا کے سامنے اجاگر کرنا ہے۔

     پاکستان میں ہر سال 5 فروری کو یوم یکجہتی آزاد کشمیر منایا جانا ایک مستقل روایت بن گیا ہے۔