Tag: عبدالرزاق

کراچی (17 اگست 2025): پاکستان کرکٹ ٹیم کے سابق کپتان سرفراز احمد اور عبدالرزاق نے ایشیا کے لیے اعلان کردہ قومی اسکواڈ پر ردعمل کا اظہار کیا ہے۔

اے آر وائی نیوز کے مطابق رواں ماہ اگست اور اگلے ماہ ستمبر میں متحدہ عرب امارات میں کھیلی جانے والے ٹرائی نیشن سیریز اور ایشیا کپ کے لیے پی سی بی نے قومی اسکواڈ کا اعلان کر دیا ہے۔ اسکواڈ میں تجربہ کار بیٹر اور سابق  کپتان بابر اعظم اور ون ڈے ٹیم کے موجودہ کپتان محمد رضوان کو نظر انداز کیا گیا ہے۔

بابر اعظم کو ایشیا کپ کے اسکواڈ میں جگہ نہ دینے پر کرکٹ کے مختلف حلقے اپنی اپنی رائے کا اظہار کر رہے ہیں۔

کراچی میں پاکستان کرکٹ ٹیم کے سابق کپتان سرفراز احمد نے میڈیا سے گفتگو کرتے ہوئے کہا کہ سہ فریقی سیریز اور ایشیا کپ کے لیے اچھی ٹیم کا اعلان ہوا ہے۔ یو اے ای کی پچز پر پاکستان کا ریکارڈ شاندار رہا ہے۔ ٹیم سیریز اور ٹورنامنٹ دونوں جیت سکتی ہے۔

سرفراز احمد کا کہنا تھا کہ گزشتہ تین چار سالوں میں نئی ٹیم ابھر کر سامنے آ رہی ہے۔ حسن نواز، حسین طلعت، صائم ایوب سمیت نوجوان کھلاڑیوں کو موقع دیا گیا ہے۔ فخر زمان میچ ونر اور گزشتہ کچھ عرصہ سے بہت اچھا پرفارم کر رہے ہیں۔

انہوں نے اولمپک میں کرکٹ کی شمولیت کو خوش آئند قرار دیتے ہوئے کہا کہ امید ہے کہ پاکستان کرکٹ ٹیم اولمپک میں بھی گولڈ میڈل جیت کر لائے گی۔

سابق قومی آل راؤنڈر عبدالرزاق نے کہا کہ میرٹ پر ٹیم بن رہی ہے اور امید ہے کہ اچھا پرفارم کرے گی۔ نیک تمنائیں ٹیم کے ساتھ ہیں۔

عبدالرزاق نے مزید کہا کہ ٹیم میں نوجوان کھلاڑیوں کو موقع دیا گیا ہے۔ اب قومی ٹیم جارحانہ انداز میں کھیل رہی ہے، جس کو دیکھ کر مسرت ہوتی ہے۔ پاکستان کو ان میں سے جلد پاور ہٹرز ملیں گے۔

https://urdu.arynews.tv/pcb-pakistan-squad-for-tri-series-asia-cup-2025-17-august-2025/

پاکستان کے سابق کرکٹر عبدالرزاق نے پاکستان کرکٹ ٹیم کی کارکردگی کو تنقید کا نشانہ بناتے ہوئے کہا ہے کہ جب نیتیں ہی صاف نہیں تو نتیجہ کیسے اچھا آسکتا ہے۔

چیمپیئن آل راؤنڈر کا ایک ڈشکشن کے دوران کہنا تھا کہ میں بات کرتا ہوں نیت کی، انھوں نے اپنے وقت کے بارے میں بتاتے ہوئے کہا کہ مجھے پتا تھا کہ ہمارا جو کپتان یونس خان ہے اس کی نیت بہت اچھی ہے اس چیز نے مجھے اعتماد دیا۔

انھوں نے کہا کہ اگر ان کی نیت اچھی ہے اور یہ چاہتے ہیں کہ میں پاکستان کے لیے کچھ کروں تو مجھ میں بھی ہمت آئی اور اللہ کا شکر ہے کہ میں نے بھی وہاں پر ڈلیور کیا۔

بابر اعظم @babarazam258
کی کپتانی کو مخاطب کرتے ہوئے چیمپیئن آل راؤنڈر عبدالرزاق نے کہا کہ جب نیتیں ہی صاف نہیں تو نتیجہ کیسے اچھا آسکتا ہے۔۔عبدالرزاق نے بڑی مثال بھی دی ۔@TheRealPCBMedia pic.twitter.com/YoSx44DQjv

— ZAHID GHAFFAR (@zahidghaffar) November 13, 2023

پاکستا کرکٹ ٹیم کے حوالے سے گفتگو کرتے ہوئے ان کا مزید کہنا تھا کہ یہاں بڑی باتیں چل رہی ہیں پاکستان ٹیم کی اور پلیئرز کی، تو بات یہ ہے کہ ہماری نیت ہے ہی نہیں کہ کسی چیز کو پالش کیا جائے، پلیئرز کو ڈیولپ کیا جائے۔

انھوں نے مثال دیتے ہوئے کہا کہ اگر آپ کی سوچ یہ ہے کہ میں اس وجہ سے شادی کروں اور وہاں سے بڑا نیک اور پرہیزگار بچہ پیدا ہوجائے تو کبھی بھی نہیں ہوتا، آپ کو پہلے نیت اپنی ٹھیک کرنی پڑی گی۔

پاکستان کرکٹ ٹیم کے سابق کھلاڑی عبدالرزاق نے کہا ہے کہ ہم تنقید نہیں ٹیم کی غلطیوں کی نشاندہی کرتے ہیں۔

ایک نجی ٹی وی شو میں گفتگو کرتے ہوئے عبدالرزاق نے کہا کہ افغانستان سے میچ ہارنے کے بعد ہماری ٹیم اس اسٹیج پر پہنچی ہے،  اب بھی ہم چاہتے ہیں کہ پاکستان ٹیم سیمی فائنل کے لیے کوالیفائی کرے لیکن جب ٹیم اتنا برا کھیلتی ہے تو ہمیں بھی تکلیف ہوتی ہے۔

انہوں نے کہا کہ اس طرح کی کارکردگی پر ہم ٹیم کی غلطیوں کی نشاندہی کرتے ہیں لیکن اس کا مطلب یہ نہیں کہ ہم تنقید کررہے ہیں، اور اگر کوئی منفی تبصرہ کر بھی دیں تو وہ گراؤنڈ کی حد تک ہی ہوتا ہے۔

سابق کرکٹر عبدالرزاق نے کہا کہ میں 1999 کے ورلڈ کپ میں بنگلا دیش کے خلاف نہیں کھیلا، اگر میں کھیلتا تو ان کے خلاف سنچری اسکور کرتا لیکن مجھے کھیلنے کا موقع نہیں دیا۔

دوسری جانب محمد عامر نے کہا کہ پاکستان کو کل انگلینڈ کے خلاف میچ میں پہلے بیٹنگ کرنا ہوگی، اگر وہ 400 رنز کر لے تو پھر اس کا کچھ چانس بن سکتا ہے جب کہ عماد وسیم نے کہا کہ امید پر دنیا قائم ہے۔

آئی سی سی کرکٹ ورلڈکپ میں پاکستان ٹیم کی خراب پرفارمنس اور منظور نظر پلیئرز کو ٹیم کا حصہ بنانے پر سابق کرکٹرز کی تنقید جاری ہے۔

پاکستان کرکٹ ٹیم کے سابق آل راؤنڈر عبدالرزاق نے اسپورٹس پروگرام میں تجزیہ کرتے ہوئے قومی کپتان کی جانب سے ٹیم میں موجود چند پلیئرز کے لیے دہرا معیار اپنانے کے حوالے سے سوالات اٹھائے ہیں۔

سابق کرکٹر نے آسٹریلیا کے خلاف میچ میں اسامہ میر کے کیچ چھوڑنے کا حوالہ دیتے پچھلے ٹی ٹوئنٹی ورلڈکپ کا ایک قصہ چھیڑ دیا اور کہا کہ ایک میچ تھا دبئی میں، اس کرکٹر کا میں نام نہیں لوں گا انھوں نے کیچ چھوڑا ہم سیمی فائنل میچ ہار گئے۔

عبدالرزاق نے زور دیتے ہوئے کہا کہ میں نے اس پلیئر کا نام نہیں لینا۔ تاہم کیچ ڈراپ کرنے کے بعد قومی کپتان کی اسٹیٹمنٹ آئی کہ کوئی اس کیچ کا ذکر نہیں کرے گا۔

Razzaq bhai itna sach

lekin sanp to Imad, Malik, Saifi thay Babar to wholesome player hai pic.twitter.com/dmoDiGlmAw

— Sohaib (@Sohaib_Iqbal_) October 24, 2023

انھوں نے کہا کہ سیمی فائنل ہارنے کے بعد یہاں تک کہ میٹنگ میں بھی کہا گیا کہ کوئی اس کیچ کا ذکر نہیں کرے گا۔

عبدالرزاق نے موجودہ آئی سی سی ورلڈکپ میں آسٹریلیا اور پاکستان کے میچ کا حوالہ دیتے ہوئے کہا کہ یہاں پر بھی ہمارے ایک پلیئر سے اہم کیچ چھوٹا ہے۔

پاکستان کرکٹ ٹیم کے کپتان نے مائیک پر آکر اس کیچ کی نشاندہی کی اور کہہ دیا کہ جی ہم کیچ کی وجہ سے میچ ہارے ہیں۔ یہ تو حوصلہ شکنی کرنے والی بات ہوگئی۔

سابق اسٹار آل راؤنڈر عبدالرزاق نے قومی ٹیم کے کپتان پر تنقید کے نشتر برسا دیے، بابر اعظم کے سیدھا چھکا مارنے کی صلاحیت پر بھی سوالات اٹھا دیے۔

ورلڈکپ کے حوالے سے منعقدہ ایک اسپورٹس پروگرام میں شرکت کے دوران عبدالرزاق کا کہنا تھا کہ ہمارے جتنے بھی لوگ ہیں نمبر ون، لیکن وہ کون سے نمبر ون ہیں کہ جنھیں سیدھا چھکا نہیں مارنا آتا۔

انھوں نے مزید کہا کہ آپ دیکھیں بابر جس طرح آؤٹ ہوا ہے آپ اس کی باڈی کا بیلنس چیک کرلیں اور شارٹ چیک کرلیں اور آگے بولر کون ہے نور جو اپنا ڈیبیو کررہا ہے۔

ان کی بات سن کر پروگرام کے میزبان نے لقمہ دیتے ہوئے کہا کہ ایسا لگ رہا تھا کہ اسپنر نور بہت سالوں سے کھیل رہا ہے۔

Abdull Razzaq on Babar Azam innings Yesterday

Ye Konsa No 1 jisku Straight par Six nh maarna ata pic.twitter.com/wfoyS0Azlb

— ٰImran Siddique (@imransiddique89) October 24, 2023

عبدالرزاق نے کہا کہ بابر جس گیند پر آؤٹ ہوئے وہ آؤٹ ہونے والی گیند ہی نہیں تھی۔ ون ڈے میچز میں ایک ایک بال کی بڑی اہمیت ہوتی ہے۔

قومی کپتان نے افغانستان کے خلاف 92 بالز پر 74 رنز بنائے۔ یہ تین اوورز کا فرق ٹیم کو لے کر بیٹھ گیا۔ اگر افتخار یا شاداب کے پاس اوور زیادہ بچے ہوتے تو ہم زیادہ اسکور کرسکتے تھے۔