Tag: عبدالعلیم خان

اسلام آباد(22 اگست 2025): استحکام پاکستان پارٹی (آئی پی پی) نے ملک میں نئے صوبوں کے قیام کا مطالبہ کر دیا۔

تفصیلات کے مطابق استحکام پاکستان پارٹی نے ملک میں نئے صوبوں کے قیام کا مطالبہ کر دیا، آئی پی پی کا کہنا ہے کہ چاروں صوبوں کو موجودہ تقاضوں کے مطابق 3،3 نئے صوبوں میں تقسیم کیا جائے۔

صدر آئی پی پی عبدالعلیم خان کی زیر صدارت اجلاس میں نئے صوبوں کے قیام کی سفارشات پیش ی گئی، آئی پی پی کے صدر عبدالعلیم خان نے کہا کہ آبادی میں اضافے کے بعد نئے صوبوں کا قیام ناگزیر ہو چکا ہے،  پنجاب سندھ، کے پی کے اور بلوچستان میں نئے صوبے بننے چاہئیں۔

پارٹی اجلاس میں گفتگو میں عبدالعلیم خان نے کہا کہ ہر صوبے میں اسی نام کے ساتھ نارتھ، ساؤتھ اور سینٹرل نئے صوبے بنانے ہونگے، استحکام پاکستان پارٹی کی سینٹرل کمیٹی پہلے ہی نئے صوبوں کے قیام کی قرارداد پیش کر چکی ہے۔

آئی پی پی پارٹی کے صدر نے کہا کہ آئی پی پی نے اپنے قرداد میں کہا ہے کہ نئے صوبوں سے عوام کے مسائل کا حل ان کی دہلیز پر ممکن ہو گا، نئے صوبوں میں ہائیکورٹس، چیف سیکرٹری اور آئی جی بہتر کام کر سکیں گے۔

عبدالعلیم خان نے کہا کہ عوام کی شکایات کے ازالے کے لئے نئے صوبے جلد بنائیں جائیں، سیکرٹریٹ میں میلوں دور سے آنے والے شہریوں کو ریلیف ملے گا، موجودہ صوبوں کو اسی شناخت کے ساتھ 3 حصوں میں تقسیم کیا جا سکتا ہے، گزشتہ 25 سال سے صوبوں کی تقسیم کی بات چل رہی ہے۔

انہوں نے مزید کہا کہ اب تک نئے صوبوں پر صرف سیاست ہوئی، زبانی جمع خرچ کے سوا کچھ نہیں ہوا لیکن اب وقت آگیا ہے کہ باہمی مشاورت سے نئے صوبوں کے قیام کی راہ ہموار ہو، نئے صوبے ملکی استحکام اور معیشت کی بہتری میں معاون ثابت ہو نگے۔

اسلام آباد : حکومت نے پی آئی اے کی نجکاری کے حوالے سے اہم فیصلہ کرلیا ، وزیر نجکاری نے کہا کہ اگلے 3 ماہ میں تمام مراحل طے کرلیں گے۔

تفصیلات کے مطابق وزیر نجکاری ، سرمایہ کاری بورڈ و مواصلات عبدالعلیم خان نے گفتگو کرتے ہوئے کہا کہ اگلے 3 ماہ میں پی آئی اے نجکاری کےتمام مراحل طے کرلیں گے۔

وفاقی وزیر کا کہنا تھا کہ ایئرلاین نجکاری میں دلچسپی رکھنے والوں کے تحفظات دور کر دیے ہیں اور حکومت نے خواہشمند پارٹیوں کے مطابق تبدیلیاں لانے کا فیصلہ کر لیا۔

انھوں نے بتایا کہ نجکاری کو زیادہ سے زیادہ پر کشش بنانے کیلئے نیالائحہ عمل دے رہے ہیں، نجکاری میں سرمایہ کاروں سے بہت بہتر اظہار دلچسپی آنے کی توقع ہے۔

علیم خان نے کہا کہ یورپ کیلئے قومی ایئرلائن فلائٹس کے آغاز سے نجکاری کا ماحول مزید سازگار ہوگا، حالیہ اقدامات کے باعث پی آئی اے دوبارہ منافع بخش ہو رہا ہے۔

انھوں نے خوشخبری سناتے ہوئے کہا کہ آئندہ 3 ماہ میں برطانیہ کیلئے بھی فلائٹس شروع ہونے جارہی ہیں، یورپ اور برطانیہ کے بعد امریکا اور مشرق بعید کیلئے فلائٹس کھولنی ہیں۔

اسلام آباد : یونیورسٹیوں کے فارغ التحصیل ہونے والے نوجوان کے لیے نوکری کے حوالے سے بڑی خوشخبری آگئی۔

تفصیلات کے مطابق وفاقی وزیر سرمایہ کاری بورڈ و نجکاری عبدالعلیم خان نے زیر تعمیر بزنس سہولت مرکز کا دورہ کیا۔

اس موقع پر وفاقی وزیر نے بزنس سینٹر کے لے آؤٹ پلان میں تبدیلی کی ہدایت کرتے ہوئے کہا بیک وقت 40کاؤنٹرز کام کریں گے۔

عبدالعلیم خان نے کہا کہ بورڈ آف انویسٹمنٹ سہولت مرکز پرکاروبارکرنیوالےکوون ونڈو سہولتیں دے گا۔

وفاقی وزیر سرمایہ کاری بورڈ نے بڑی خوشخبری سناتے ہوئے کہا کہ سینٹر میں یونیورسٹیوں کے فارغ التحصیل نوجوان بہتر پیکج پر بھرتی کئےجائیں گے۔

ان کا کہنا تھا کہ بزنس فیسیلیٹیشن سینٹر آنیوالوں کیلئےکافی شاپ کی سہولت دیں گے، بورڈ آف انویسٹمنٹ اور سی ڈی اےکے اشتراک سےسہولت مرکزکی جلد تعمیریقینی بنائیں۔

وفاقی وزیر نے کہا کہ کاروبار سے متعلقہ محکموں کے مسائل ایک چھت تلے حل ہوں گے اور اسلام آباد کے سوادیگر صوبوں کے بزنس مینوں کو بھی سہولتیں دی جائیں۔

لاہور : صدر استحکام پاکستان پارٹی عبدالعلیم خان نے دعویٰ کیا ہے کہ آئندہ دنوں میں ملک بھر سے اہم شخصیات پارٹی میں شامل ہوں گی۔

تفصیلات کے مطابق شیخوپورہ سے سابق ایم پی اے علی عباس گل آغا نے استحکام پاکستان پارٹی میں شمولیت کا اعلان کردیا۔

علی عباس گل آغا نے صدر استحکام پاکستان پارٹی عبدالعلیم خان سے پارٹی سیکرٹریٹ میں ملاقات کی ، صدرعبدالعلیم خان نے سابق ایم پی اے علی عباس گل آغا کا پارٹی میں شمولیت کے فیصلے کا خیر مقدم کیا۔

صدر استحکام پاکستان پارٹی عبدالعلیم خان نے کہا کہ پارٹی کے دروازے کھلے ہیں، ہر محب وطن کو ساتھ لے کر چلیں گے ، آئندہ دنوں میں ملک بھر سے اہم شخصیات پارٹی میں شامل ہوں گی۔

عبدالعلیم خان کا کہنا تھا کہ وطن عزیزکےمفادکابھرپورتحفظ استحکام پاکستان پارٹی کی اولین ترجیح ہے، ملک و قوم کے 5سال ضائع ہوئے، 9مئی تشدد کی علامت کا دن بن چکا۔

انھوں نے کہا کہ عام آدمی ملک میں نئی قیادت اور اسے ترقی و خوشحالی کی راہ پر گامزن دیکھنا چاہتا ہے، استحکام پاکستان پارٹی عوامی امنگوں کے عین مطابق منشور سامنے لائے گی۔