Tag: عبدالقادر پٹیل

  • عبدالقادر پٹیل کا قومی ٹیم کے کپتان بابر اعظم کو دلچسپ مشورہ

    عبدالقادر پٹیل کا قومی ٹیم کے کپتان بابر اعظم کو دلچسپ مشورہ

    اسلام آباد : پیپلز پارٹی رہنما عبدالقادر پٹیل نے قومی ٹیم کے کپتان بابر اعظم کو دلچسپ مشورہ دیتے ہوئے کہا کہ وہ اپنے خلاف سازش ہونے کا دعویٰ کر دے ایک خط لہرائے اور پھر کہہ دے خط گم ہوگیا۔

    تفصیلات کے مطابق پیپلز پارٹی رہنما عبدالقادر پٹیل نے قومی اسمبلی کے اجلاس میں اظہار خیال کرتے ہوئے قومی ٹیم کے کپتان بابر اعظم کو دلچسپ مشورہ دے دیا۔

    رکن پیپلز پارٹی نے کہا کہ میری بات کو سنجیدہ نہ لیاجائے مذاق کر رہا ہوں ، بابر اعظم کو مشورہ ہے وہ اپنے خلاف سازش ہونے کا دعویٰ کر دے، وہ ایک خط لہرائے اور پھر کہہ دے خط گم ہوگیا ہے جان چھوٹ جائے گی۔

    اس دوران سنی اتحاد کونسل کے رکن جمشید دستی کی جانب ے شور پر پی پی رہنما کا کہنا تھا کہ آپ چپ کر جائیں آپ جگہ جگہ سے ہوکر آئے ہیں۔

    رکن پیپلزپارٹی نے پی ٹی آئی پر تنقید کرتے ہوئے کہا کہ ہم نےتو دیکھ لیا کہ ہماری تباہی کا ذمہ دار کون ہے، 4سال تک آپ کو برداشت کیا گیا، ملک معاشی دلدل میں ہےتواسکا بہت بڑاحصہ آپکی طرف جاتا ہے، صرف 76فیصدقرضہ آپ کی وجہ سے4سالوں میں بڑھا۔

    ان کا مزید کہنا تھا کہ کیوں بھول جاتےہیں ایک سابق وزیراعظم سرکاری ٹی وی سے چپک گیا تھا، ایک ایک وزیر کے ساتھ 20،20 گاڑیاں ہوتی تھیں جو کہتا تھا سائیکل پر آؤ، صرف 18 لاکھ آپ کو گائے بھینسیں بیچ کر ملے 35 لاکھ کاآپ نے مشاعرہ کروا دیا۔

  • چیئرمین تحریک انصاف نے  عبدالقادر پٹیل کیخلاف قانونی کارروائی کا آغاز ‌‌کردیا

    چیئرمین تحریک انصاف نے عبدالقادر پٹیل کیخلاف قانونی کارروائی کا آغاز ‌‌کردیا

    لاہور : چیئرمین تحریک انصاف نے وفاقی وزیر صحت عبدالقادر پٹیل کیخلاف قانونی کارروائی کا آغاز کرتے ہوئے 10 ارب کے ہرجانے کا دعویٰ دائر کردیا، جس پر سیشن عدالت نے عبدالقادر پٹیل کو نوٹس جاری کردیا۔

    تفصیلات کے مطابق چیئرمین پی ٹی آئی کی میڈیکل رپورٹ پر عبدالقادر پٹیل کی پریس کانفرنس کے معاملے پر چیئرمین تحریک انصاف نے عبدالقادر پٹیل کیخلاف قانونی کارروائی کا آغاز کردیا۔

    چیئرمین تحریک انصاف کے وکیل ابوذرسلمان خان نیازی عدالت میں پیش ہوئے ، عبدالقادر پٹیل کیخلاف 10 ارب کے ہرجانے کا دعویٰ دائرکیا گیا، انھوں نے پریس کانفرنس میں جھوٹا پروپیگنڈا کیا تھا اور پریس کانفرنس میں جھوٹے، بے بنیاد الزامات لگائے گئے۔

    درخواست میں کہا گیا کہ الزامات پر چیئرمین پی ٹی آئی نے لقادر پٹیل کو 10 ارب ہرجانے کا نوٹس بھجوایا تھا ،استدعا ہے کہ عدالت قادر پٹیل کو10 ارب ہرجانے کی ادائیگی،غیر مشروط معافی مانگنے کا حکم دے۔

    سیشن عدالت کی جانب سے عبدالقادر پٹیل کو نوٹس جاری کردیا۔

    یاد رہے عمران خان نے عبدالقادرپٹیل کو 10 ارب ہرجانے کا نوٹس بھجوایا تھا، نوٹس چیئرمین تحریک انصاف کےوکیل ابوذرسلمان نیازی کی جانب سے بھجوایا گیا تھا۔

    نوٹس میں کہا گیا تھا کہ عبدالقادرپٹیل15روز میں اپنےبیہودہ الزامات واپس لیں اور فوری چیئرمین تحریک انصاف سےغیرمشروط معافی مانگیں، عبدالقادرپٹیل 10 ارب بطور ہرجانہ اداکریں جسےشوکت خانم اسپتال میں جمع کرایا جائےگا، اگر معافی نہ مانگی تو قانونی کارروائی آگے بڑھائیں گے۔

  • عمران خان نے  عبدالقادر پٹیل کو 10 ارب روپے ہر جانے کا نوٹس بھجوادیا

    عمران خان نے عبدالقادر پٹیل کو 10 ارب روپے ہر جانے کا نوٹس بھجوادیا

    اسلام آباد : تحریک انصاف کے چیئرمین عمران خان نے وزیرصحت عبدالقادر پٹیل کو 10 ارب روپے ہرجانے کا نوٹس بھجوا دیا، وزیر صحت نے پریس کانفرنس میں عمران خان کی میڈیکل رپورٹ میڈیا سے شیئر کی تھی۔

    تفصیلات کے مطابق چیئرمین تحریک انصاف کی جانب سے وزیر صحت عبدالقادرپٹیل کیخلاف قانونی چارہ جوئی کا آغاز کردیا گیا۔

    عمران خان نے عبدالقادرپٹیل کو 10 ارب ہرجانے کا نوٹس بھجوا دیا، نوٹس چیئرمین تحریک انصاف کےوکیل ابوذرسلمان نیازی کی جانب سے بھجوایا گیا۔

    نوٹس میں کہا گیا ہے کہ عبدالقادرپٹیل15روز میں اپنےبیہودہ الزامات واپس لیں اور فوری چیئرمین تحریک انصاف سےغیرمشروط معافی مانگیں۔

    نوٹس میں کہا ہے کہ عبدالقادرپٹیل 10 ارب بطورہرجانہ اداکریں جسےشوکت خانم اسپتال میں جمع کرایاجائےگا، اگر معافی نہ مانگی تو قانونی کارروائی آگے بڑھائیں گے۔

    یاد رہے وزیر صحت عبد القادر پٹیل نے پریس کانفرنس میں عمران خان کی میڈیکل رپورٹ میڈیا سے شیئر کی تھی، جس میں اہم انکشافات کئے گئے تھے۔

    انہوں نے بتایا تھا کہ میڈیکل رپورٹ میں لکھا ہے کہ عمران خان کے دماغی توازن پر سوالیہ نشان ہے، میڈیکل رپورٹ کے مطابق ان کی دماغی حالت ہی ٹھیک نہیں ہے۔

    وزیر صحت نے کہا تھا کہ قوم سے اپیل ہے اپنے بچوں کو اس عمران خان کے حوالے نہ کریں، پاگل سے لین دین ہی نہیں کرنی چاہیے۔

    وزیر صحت کا کہنا تھا کہ یورین رپورٹ کے مطابق عمران خان منشیات کا استعمال کرتے رہے، رپورٹ میں منشیات کے استعمال کی تصدیق ہوئی ہے۔

  • ڈی جی اے ایس ایف سے متعلق بیان پر قادر پٹیل کی وضاحت

    ڈی جی اے ایس ایف سے متعلق بیان پر قادر پٹیل کی وضاحت

    اسلام آباد: وفاقی وزیر صحت عبدالقادر پٹیل نے ڈائریکٹر جنرل ایئر پورٹ سیکیورٹی فورسز (اے ایس ایف) پر اپنی تنقید کی وضاحت کردی۔

    تفصیلات کے مطابق ایک بیان میں عبدالقادر پٹیل نے کہا کہ نہ چاہتے ہوئے ایسا تاثر بن گیا جس کیلئے وہ بات نہیں کی گئی تھی، ایئر پورٹ پر آتے جاتے کچھ ایسے معاملات ہوئے جن سے یہ تاثر مل رہا تھا کہ شاید کوئی زیادہ معتبر ہے یا کوئی زیادہ چھوٹا ہے، اس پر میں نے بات کی تھی جو تھوڑی تفصیل کے ساتھ ہوگئی۔

    قادر پٹیل نے کہا کہ اس وقت مجھے پتا نہیں تھا کہ ان کا تعلق سیکیورٹی فورسز سے ہے اور وہ حاضر سروس ہیں، ہمارا اصولی موقف رہا ہے کہ سیکیورٹی ادارے ہمارے کل کیلئے اپنا آج قربان کرتے ہیں، اس ملک کے دفاع کیلئے فرنٹ لائن ہیں، چاہتا ہوں کہ ان کو بھی بھرپور سیکیورٹی ملے۔

    وفاقی وزیر صحت نے کہا کہ اگر کسی کی ان کے بیان سے دل آزاری ہوئی ہے تو وہ ہرگز نہیں ہونی چاہیے تھی، ہمارا مقصد ہرگز یہ نہیں تھا کہ اپنے اداروں کے حاضر سروس افراد کے بارے میں ایسی بات کریں جو ان کی حوصلہ شکنی کا باعث بنے، روانی میں اگر ایسی باتیں ہوگئی ہیں یا ان کا تاثر ایسا گیا ہے تو میرا مطلب ہرگز یہ نہیں تھا۔

    واضح رہے کہ چند روز قبل وزیر صحت عبدالقادر پٹیل نے قومی اسمبلی میں اظہار خیال کرتے ہوئے کہا تھا کہ اسمبلی اجلاس کے لیے آتے ہوئے تین وفاقی وزرا مجھے، شازیہ مری اور عابد بھیو کو دھکے پڑے۔ پوچھنے پر معلوم ہوا کہ وہ ڈی جی اے ایس ایف تھا اور اس کا پروٹوکول سربراہانِ مملکت جیسا تھا۔ افسوس ہمیں کفایت شعاری پر لگا دیا گیا ہے، دوسری طرف بھی غور کریں، حقیقت پسند بنیں۔

  • حکومت پولیو کے خاتمے کے لیے پر عزم ہے: وزیر صحت

    حکومت پولیو کے خاتمے کے لیے پر عزم ہے: وزیر صحت

    اسلام آباد: وفاقی وزیر صحت عبدالقادر پٹیل کا کہنا ہے کہ حکومت پولیو کے خاتمے کے لیے پر عزم ہے، انسداد پولیو کے لیے ہم سب کو مل کر کام کرنا ہوگا۔

    تفصیلات کے مطابق وفاقی وزیر صحت عبدالقادر پٹیل کا کہنا ہے کہ حکومت پولیو کے خاتمے کے لیے پر عزم ہے، پولیو کے خاتمے کے لیے ہر ممکن اقدامات کیے جائیں گے۔

    عبدالقادر پٹیل کا کہنا تھا کہ پولیو کے خاتمے کے لیے مؤثر اور مربوط حکمت عملی تشکیل دی ہے، حکومت ملک کو پولیو سے پاک بنانے کے لیے جدوجہد کر رہی ہے۔

    انہوں نے کہا کہ والدین اپنے بچوں کو پولیو مہم کے دوران پولیو کے قطرے ضرور پلائیں، سول سوسائٹی، میڈیا اور علمائے کرام بھی پولیو کے خاتمے کے لیے مؤثر کردار ادا کریں۔

    وفاقی وزیر صحت کا کہنا تھا کہ پولیو کے خاتمے کے لیے ہم سب کو مل کر کام کرنا ہوگا۔

    خیال رہے کہ گزشتہ روز صوبہ خیبر پختونخواہ میں پولیو کیس رپورٹ ہوا تھا جس کے بعد رواں برس رپورٹ ہونے والے پولیو کیسز کی تعداد 3 ہوگئی، تینوں کیسز پختونخواہ میں رپورٹ ہوئے ہیں۔

    گزشتہ برس انسداد پولیو کے لیے ہنگامی اور مؤثر اقدامات اٹھائے گئے تھے جن کی بدولت سال 2021 میں پورے ملک سے صرف ایک پولیو کیس رپورٹ ہوا تھا جبکہ اس سے قبل سنہ 2020 میں 84 پولیو کیسز رپورٹ کیے گئے تھے۔

  • پولیو جائزہ اجلاس: وفاقی وزیر صحت عبدالقادر پٹیل اجلاس کی صدارت کریں گے

    پولیو جائزہ اجلاس: وفاقی وزیر صحت عبدالقادر پٹیل اجلاس کی صدارت کریں گے

    اسلام آباد: ملک میں پولیو وائرس کی موجودہ صورتحال کا جائزہ لینے کے لیے اجلاس طلب کرلیا گیا، اجلاس کی صدارت وفاقی وزیر صحت عبدالقادر پٹیل کریں گے۔

    تفصیلات کے مطابق ترجمان وزارت صحت کا کہنا ہے کہ پولیو کی موجودہ صورتحال کا جائزہ لینے کے لیے اجلاس طلب کرلیا گیا ہے جس کی صدارت وفاقی وزیر صحت عبدالقادر پٹیل کریں گے۔

    ترجمان کا کہنا ہے کہ ڈی جی ہیلتھ پولیو کے کوآرڈینیٹر وزیر صحت کو موجودہ صورتحال بریفنگ دیں گے، اجلاس میں پولیو کے خاتمے کے لیے مؤثر حکمت عملی ترتیب دی جائے گی۔

    خیال رہے کہ گزشتہ برس انسداد پولیو کے لیے ہنگامی اور مؤثر اقدامات اٹھائے گئے جن کی بدولت سال 2021 میں پورے ملک سے صرف ایک پولیو کیس رپورٹ ہوا۔

    اس سے قبل سنہ 2020 میں 84 پولیو کیسز رپورٹ کیے گئے تھے، رواں سال اب تک کوئی بھی پولیو کیس رپورٹ نہیں کیا گیا۔

  • نازیبا الفاظ کااستعمال، اسپیکرقومی اسمبلی کا عبدالقادر پٹیل کیخلاف سخت کارروائی کا عندیہ

    نازیبا الفاظ کااستعمال، اسپیکرقومی اسمبلی کا عبدالقادر پٹیل کیخلاف سخت کارروائی کا عندیہ

    اسلام آباد : اسپیکرقومی اسمبلی اسدقیصر نے عبد القادرپٹیل کےغیرپارلیمانی الفاظ پر ایکشن لینے کا عندیہ کرتے ہوئے کہا کل عبدالقادرپٹیل نے ایسے الفاظ ادا کیے جو ایوان کے وقار کے منافی ہیں، معاملے کی ویڈیو نکلواؤں گا اور جائزہ لےکر ایکشن لوں گا۔

    تفصیلات کے مطابق اسپیکر قومی اسمبلی اسد قیصر نے اجلاس کے دوران کہا کہ بعض ارکان ایسےالفاظ ادا کرتے ہیں جس سے ایوان کی توہین ہوتی ہے ، نکل عبدالقادرپٹیل نےایسےالفاظ ادا کیےجوایوان کےوقارکےمنافی ہیں، قواعدکےتحت ایسےرکن کوایوان سےنکالنےیارکنیت معطل کرنےکااختیارہے، اختیارات کے تحت الزامات اور تضحیک آمیزریمارکس پرکارروائی کرسکتا ہوں۔

    اسپیکر قومی اسمبلی کا کہنا تھا کہ ایسے الفاظ کی اجازت نہیں دی جائے گی جن سے ایوان یاارکان کی توہین ہو، کئی ارکان نازیبا الفاظ کااستعمال کرتے ہیں جن سےدیگر کی دل آزاری ہوتی ہے، ایوان کاکسٹوڈین ہوں نامناسب زبان پرسخت کارروائی کروں گا۔

    اسد قیصر نے اعلان کیا کہ کل اورپہلے بھی ایوان میں عبدالقادر پٹیل نےغیر پارلیمانی الفاظ استعمال کیے، معاملےکی ویڈیو نکلواؤں گا اور جائزہ لےکر ایکشن لوں گا ، میرا ساتھ دیں میں ہرصورت ایکشن لوں گا۔

    اسپیکر کےکارروائی کےعندیے پرنوید قمر نے حکومتی ارکان کی نشاندہی کرتے ہوئے کہا ایوان میں کل جوباتیں کی گئیں اس میں حکومتی رکن بھی شامل تھے، ہم بھی چاہتے ہیں کہ ایوان کی کارروائی بہتر طریقے سے چلے، نلیکن آپ نے صرف ایک ممبر کا نام لیا ہے، اسپیکرکودونوں طرف کودیکھنا ہوگا۔

    اسپیکر قومی اسمبلی کا کہنا تھا کہ بھلے سےحکومتی رکن ہو کسی کوایوان کی توہین کی اجازت نہیں ، کئی دن پارلیمنٹرین نےایسےالفاظ کہے ہیں جن پرشرم محسوس کررہا ہوں ، رول 284 واضح ہےکہ جو الفاظ ٹھیک نہ ہو ں تو ان کونکال دیا جائے۔

  • قادرپٹیل نے عمران خان کے بغیر کارڈ کے ووٹ کاسٹ کرنے پر اعتراض اٹھادیا

    قادرپٹیل نے عمران خان کے بغیر کارڈ کے ووٹ کاسٹ کرنے پر اعتراض اٹھادیا

    اسلام آباد : پیپلز پارٹی کے رکن اسمبلی عبدالقادر پٹیل نے نامزد وزیراعظم عمران خان کو قومی اسمبلی کے اسپیکر  کیلئے کارڈ کے بغیر ووٹ کاسٹ کرنے پر اعتراض اٹھا دیا۔

    تفصیلات کے مطابق پیپلز پارٹی کے رہنما قادر پٹیل نے پی ٹی آئی چیئرمین عمران خان کو قومی اسمبلی میں اسپیکر کے انتخاب کیلئے کارڈ کے بغیرکارڈ ووٹ ڈالنے کی اجازت دینے پر اعتراض اٹھا دیا۔

    قادرپٹیل کا کہنا تھا کہ میرے پاس کارڈ نہیں تھا، مجھے ووٹ کاسٹ کرنے نہیں دیا گیا، عمران خان کے پاس کارڈ نہیں تھا، انہیں اجازت دے دی گئی۔

    جس پر اسپیکر قومی اسمبلی ایازصادق نے کہا عمران خان نے مجھ سے اجازت مانگی میں نے دے دی ، آپ بھی مجھ سے اجازت لیتے میں دے دیتا، 3میرے لیے تمام ارکان برابر ہی ہیں۔


    مزید پڑھیں : عمران خان رجسٹریشن اور شناختی کارڈ ساتھ لانا بھول گئے


    یاد رہے قومی اسمبلی میں اسپیکر کے انتخاب کے لئے عمران خان ووٹ ڈالنے گئے تو پتہ چلا وہ اپنا رجسٹریشن اور شناختی کارڈ ساتھ لانا بھول گئے ہیں۔

    جس کے بعد عمران خان کو ووٹنگ کے لئے اسپیکرسےاجازت لینا پڑی اور ایازصادق نے عمران خان کو ووٹ ڈالنے کی اجازت دے دی۔

    خیال رہے کہ قومی اسمبلی کا اجلاس جاری ہے۔ قومی اسمبلی کے اسپیکراورڈپٹی اسپیکر کے عہدوں کے انتخاب کے لیے اسد قیصراور خورشیدشاہ کے درمیان سخت مقابلے کی توقع کی جارہی ہے۔

    ڈپٹی اسپیکرقومی اسمبلی کے لئے پاکستان تحریک انصاف کے نامزد اُمیدوار قاسم سوری اوراپوزیشن کے اُمیدواراسد محمود کے مابین مقابلہ ہوگا۔

    اسپیکر اور ڈپٹی اسپیکر کا انتخاب خفیہ رائے شماری سے ہوگا۔ پہلے مرحلے میں اسپیکر کا انتخاب قاعدہ 9 باب 3 کے تحت ہوگا۔

    واضح رہے قومی اسمبلی میں اسپیکر اور ڈپٹی اسپیکر کے انتخاب کے بعد وزیر اعظم کے عہدے کے لیے اُمیدواروں کے کاغذات نامزدگی جمع ہوں گے, جس کے بعد 18 اگست کو عمران خان عہدے کا حلف اٹھائیں گے۔ْ

  • پیپلزپارٹی کے رہنما عبدالقادر پٹیل نےگرفتاری دے دی

    پیپلزپارٹی کے رہنما عبدالقادر پٹیل نےگرفتاری دے دی

    کراچی: پیپلزپارٹی کے رہنما عبدالقادر پٹیل نے بوٹ بیسن تھانے پہنچ کر گرفتاری دے دی۔

    تفصیلات کے مطابق عدالت کی جانب سے ناقابل ضمانت وارنٹ گرفتاری کا فیصلہ آیا تو عبدالقادر پٹیل کو گاڑی میں بیٹھتے اور انسداد دہشتگردی عدالت سے روانہ ہوتے دیکھا گیا، جس کے بعد پولیس نے ان کو مفرور قرار دے کر چھاپہ مار کارروائیاں شروع کردیں۔

    اسی دوران عبدالقادر پٹیل نے اے آر وائی نیوز سے خصوصی گفتگو میں فرار ہونے کی تردید کی اور بوٹ بیسن تھانے میں گرفتاری دینے کا اعلان کیا، عبدالقادر پٹیل درجنوں کارکنوں کے ساتھ گرفتاری دینے بوٹ بیسن تھانے پہنچے۔

    اس سے کچھ دیر پہلےوزیراعلٰی قائم علی شاہ نے کہہ دیا تھا کہ پولیس قادرپٹیل کو گرفتارکرے گی، عبدالقادرپٹیل پیپلزپارٹی کے ٹکٹ پرقومی اسمبلی کے رکن رہے ہیں۔

    بوٹ بیسن تھانے میں گرفتاری کے وقت عبدالقادر پٹیل نے میڈیا سے گفتگو میں کہا کہ عدالت سے بھاگا نہیں تھا، میں تاخیر سے عدالت پہنچا تو عدالت کا دروازہ بند تھا۔

    انہوں نے کہا کہ عدالتی ریکارڈ کے مطابق آج میری غیر حاضری ہے، عدالت پہنچنے میں 20، 25 منٹ دیرہوئی،میرے وکیل نے پیروی کی، عدالت سے سیدھا اپنے وکیل دوست کے پاس گیا کہ کیا کرنا چاہیے، انہوں نے بتایا کہ میں آرام سے چلتا ہوا آیا کہ وکلاء سے مشورہ کرنا ہوگامیں نے کچھ دیر گاڑی کا بھی انتظار کیا، گاڑی آئی تو وہاں سے چلا گیا،دوست کے گھر پہنچا تو پتا چلا کہ میرے فرار ہونے کی خبریں چل رہی ہیں۔

    عبدالقادر پٹیل کا کہنا تھا کہ رینجرز نے مجھے خط لکھا تولندن سے واپس آیا، عدالتوں سے بھاگنے والے نہیں سامنا کرنے والے ہیں، عدالت میں مجھے کسی نے نہیں روکا، ٹی وی اسکرین پر دیکھ کر علم ہوا کہ میں فرار ہوا۔

    منفی پروپیگنڈے کا مقابلہ کرنے لیے خودکوگرفتاری کے لیے پیش کرنے کا فیصلہ کیا، میں نے پارٹی میں کسی سے رابطہ نہیں کیا، میں نےکوئی جرم نہیں کیا میں کیس سے کیوں فرارہوں گا، ہمارےخلاف منفی باتیں ہو رہی ہیں تو کیوں چھپوں،مجھ پرالزام ہے کہ لیاری سے زخمی ملزم کو رکشے میں نارتھ ناظم آباد بھیجا ہے۔

  • عبدالقادر پٹیل سے دوسرے روز بھی تفتیش، اہم راز اگل دیئے

    عبدالقادر پٹیل سے دوسرے روز بھی تفتیش، اہم راز اگل دیئے

    کراچی : رینجرز ہیڈ کوارٹر میں دوسرے روز بھی پیپلز پارٹی کے رہنما عبدالقادرپٹیل کو تفتیش کیلئے بلایا گیا، آٹھ گھنٹے تک پوچھ گچھ کی گئی۔

    تفصیلات کے مطابق طبیعت کی خرابی کا بہانہ کام نہ آیا تھوڑا سا آرام کرواکر رینجرز نے پیپلزپارٹی کے رہنما عبدالقادر پٹیل کو پھر تفتیش کے لئے بلالیا۔

    پیپلز پارٹی کے رہنما عبدالقادر پٹیل نے دوسرے دن رینجرز ہیڈ کوراٹرمیں بہت کچھ اگل دیا، ذرائع کے مطابق قادر پٹیل نے پیپلز پارٹی کی اہم شخصیات کے حوالے سے اہم انکشافات کردیئے ۔

    خالد شہنشاہ کے قتل، لیاری میں قتل و غارت گری کے واقعات سے بھی پردہ اٹھا دیا، ذرائع کے مطابق عبدالقادر پٹیل نے دوران تفتیش سندھ پولیس میں افسران کی تعیناتی کا بھی بھانڈا پھوڑ دیا۔

    انہوں نے بتایا کہ اسی فیصد پولیس افسران بنگلے پر حاضری دے کر تعیناتی حاصل کرتے ہیں، ذرائع کا کہنا ہے عبدالقادرپٹیل نے لیاری گینگ وار اور بھتہ خوری کے حوالے سے بھی اہم سوالوں کے جواب دے دیئے۔

    ذرائع کے مطابق عبدالقادرپٹیل نے تفتیش کاروں کو بتایا کہ سابق وزیرداخلہ ذوالفقار مرزا، اویس مظفر اور جاوید ناگوری گینگ وار سے رابطے میں تھے۔

    ذرائع کے مطابق عبدالقادر پٹیل منی لانڈرنگ حوالے سے تفتیش کاروں کو دوسرے دن بھی مناسب جواب نہ دے سکے. گزشتہ روز رینجرز ہیڈکوارٹرمیں عبدالقادر پٹیل سے تفتیش کی گئی تھی جہاں دوران تفتیش ان کی اچانک طبیعت بگڑ گئی اور وہ سرمیں درد اور بلڈ پریشر کی شکایت کرتے رہے جس پر تفتیش روکنا پڑی تھی۔

    ذرائع کے مطابق عبدالقادر پٹیل نے شازیہ ناز اور گینگ وار سے تعلق کے جواب میں کہا کہ آپ لوگ خود تحقیقات کریں،

    انہوں نے منی لانڈرنگ میں جائیدادیں خریدنے پر بھی تفتیشی ٹیم کو مناسب جواب نہیں دیا، ذرائع کے مطابق قادر پٹیل سے آئندہ بھی تحقیقات کا سلسلہ جاری رہے گا۔