کراچی میں عبداللہ شاہ غازی مزار کے قریب ٹریفک حادثے کا ایک اور افسوسناک واقعہ پیش آیا ہے جس کے نتیجے میں راہ گیر جاں بحق ہوگیا۔
تفصیلات کے مطابق بوٹ بیسن پولیس کا کہنا ہے کہ کراچی میں عبداللہ شاہ غازی مزار کے قریب تیز رفتار کار کی ٹکر سے ایک راہ گیر جاں بحق ہوگیا۔
بوٹ بیسن پولیس کے مطابق حادثے کے بعد کار ڈرائیور فرار ہو گیا جس کی تلاش جاری ہے جبکہ جاں بحق شخص نشے کا عادی معلوم ہوتا ہے اس کی تحقیقات بھی جاری ہے۔
https://urdu.arynews.tv/hangu-bikes-collision-leaves-3-dead/
واضح رہے کہ گزشتہ دنوں کراچی کے علاقے گلشن اقبال میں ڈسکو بیکری کے قریب تیز رفتار گاڑی کی ٹکر سے ایک شخص جاں بحق اور ایک زخمی ہوگیا تھا، جبکہ مشتعل افراد نے گاڑی کو آگ لگادی تھی۔
ذرائع نے اس حوالے کہا کہ گلشن اقبال میں تیز رفتار گاڑی مسکن چورنگی کی جانب جاتے ہوئے گرین بیلٹ توڑتی ہوئی مخالف سمت میں چلی گئی تھی جس سے 2 راہ گیر شدید زخمی ہوگئے جن میں سے ایک جاں بحق ہوگیا تھا۔
