فلوریڈا : امریکہ میں رہائش پذیر ایک بھارتی شہری کو عمر قید کی سزا سنائی گئی ہے جس نے اپنی بیوی کو انتہائی وحشیانہ طریقے سے قتل کیا تھا۔
بھارتی میڈیا رپورٹ کے مطابق یہ واقعہ 2020 میں ایک ہسپتال کے پارکنگ ایریا میں پیش آیا تھا جہاں اس شخص کی بیوی بطور نرس کام کرتی تھیں۔
رپورٹ میں کہا گیا ہے کہ 26سالہ میرن جوئی ایک ہسپتال میں بحیثیت نرس ملازمت کرتی تھی، پولیس کے مطابق سال 2020 میں اس کے شوہر گلپ میتھیو نے اس پر چاقو کے 17 وار کیے۔
پولیس کے مطابق شوہر نے میرن جوئی کو گاڑی میں بند کرکے اس پر چاقو کے وار کیے اور بعد اسے نیچے گرا کر اس کے جسم پر گاڑی بھی چڑھا دی تھی۔
میرن جوئی کے دفتری ساتھیوں میں سے ایک نے بعد میں بتایا کہ میتھیو نے جوئی پر گاڑی ایسے چلائی جیسے وہ کسی سڑک کا اسپیڈ بریکر ہو۔ جب وہاں جوئی کے دیگر ساتھی جمع ہوئے تو وہ چیخ رہی تھی کہ ’میرا ایک بچہ بھی ہے۔
پولیس کا کہنا ہے کہ میرن جوئی نے اپنی موت سے قبل خود پر حملہ کرنے والے ملزم کی شناخت بھی ظاہر کر دی تھی۔
ریاستی اٹارنی کے دفتر کی ترجمان پاؤلا میک موہن نے کہا کہ سزائے موت کو معاف کرنے کا فیصلہ عمر قید کے یقینی ہونے کی وجہ سے کیا گیا تھا اور کیونکہ مدعا علیہ اپیل کے اپنے حق سے دستبردار ہو رہا تھا۔
