Tag: عبوری ضمانت

  • 53 کروڑ روپے کا فراڈ کیس : اداکارہ نادیہ حسین کے لیے نئی مشکل کھڑی ہوگئی

    53 کروڑ روپے کا فراڈ کیس : اداکارہ نادیہ حسین کے لیے نئی مشکل کھڑی ہوگئی

    کراچی : سیشن عدالت نے 53 کروڑ روپے جعلسازی اور فراڈ کیس میں نادیہ حسین کی عبوری ضمانت پرفیصلہ مؤخر کردیا، فیصلہ ہفتہ کوسنایا جائے گا۔

    تفصیلات کے مطابق کراچی میں سیشن عدالت میں 53 کروڑ روپے جعلسازی اور فراڈ کیس کی سماعت ہوئی۔

    اداکارہ نادیہ حسین ودیگرملزم فیصل اور امتیاز عدالت میں پیش ہوئے تاہم عدالت نے نادیہ حسین ودیگر کی عبوری ضمانت پرفیصلہ مؤخر کردیا۔

    سرکاری وکیل نے کہا ملزم ضمانت کے مستحق نہیں عبوری ضمانت منسوخ کی جائے۔

    وکیل محمد فارق کا کہنا تھا کہ نادیہ حسین کا کیس میں کردار کیا ہے وہ نہیں بتایاجارہا، ان کاقصور صرف یہ ہے کہ ملزم عاطف خان کی بیوی ہیں۔

    مزید پڑھیں : بینک فراڈ کیس : اداکارہ نادیہ حسین کی عبوری ضمانت پر فیصلہ محفوظ

    عدالت کی جانب سے ضمانت کی درخواست پر فیصلہ ہفتہ کوسنایا جائے گا۔

    پولیس نے بتایا کہ دونوں ملزمان کی ملی بھگت سےعاطف خان نے53 کروڑ روپے بزنس میں لگائے اور تینوں ملزمان نے  نجی کمپنی کو  530ملین روپے کا نقصان پہنچایا۔

  • جناح ہاؤس اور عسکری ٹاور حملہ  کیس: بانی پی ٹی آئی کو ویڈیو لنک کے ذریعے پیش کرنے کا حکم

    جناح ہاؤس اور عسکری ٹاور حملہ کیس: بانی پی ٹی آئی کو ویڈیو لنک کے ذریعے پیش کرنے کا حکم

    لاہور : انسداد دہشت گردی عدالت نے جناح ہاؤس اور عسکری ٹاور حملہ کیس میں بانی پی ٹی آئی کی ویڈیو لنک کے ذریعے پیشی یقینی بنانے کا حکم دے دیا۔

    تفصیلات کے مطابق انسداد دہشت گردی عدالت میں جناح ہاؤس ، عسکری ٹاور حملہ اور پولیس اسٹیشن جلانے کے 3 مقدمات کی سماعت ہوئی۔

    عدالت نے بانی پی ٹی آئی کی عبوری ضمانت میں 24 مئی تک توسیع کردی اور آئندہ سماعت پر بانی پی ٹی آئی کی ویڈیو لنک کے ذریعے پیشی یقینی بنانے کا حکم دے دیا۔

    انسداد دہشت گردی عدالت نے بانی پی ٹی آئی کے وکیل کو دلائل کیلئے طلب کر لیا۔

    گذشتہ سماعت میں انسداد دہشتگردی عدالت کے جج ارشد جاوید نے جناح ہاؤس، عسکری ٹاور حملہ اور تھانہ شادمان نذر آتش کرنے کے مقدمات میں بانی پی ٹی آئی کی عبوری ضمانتوں میں 17 مئی تک توسیع کی تھی۔

    عدالت نے آئندہ سماعت پر فریقین سے دلائل طلب کر لئے تھے۔

    یاد رہے گذشتہ روز سپریم کورٹ‌ میں نیب ترامیم کیس میں بانی پی ٹی آئی کو ویڈیو لنک کے زریعے پیش کیا گیا تھا۔

  • بشریٰ بی بی کی 12 ستمبر تک عبوری ضمانت میں توسیع

    بشریٰ بی بی کی 12 ستمبر تک عبوری ضمانت میں توسیع

    اسلام آباد: سیشن عدالت نے بشریٰ بی بی کی 12 ستمبر تک عبوری ضمانت میں توسیع کر دی۔

    تفصیلات کے مطابق بشریٰ بی بی کے خلاف توشہ خانہ تحائف کی جعلی رسیدوں سے متعلق کیس میں سیشن عدالت نے 12 ستمبر تک ان کی عبوری ضمانت میں توسیع کر دی۔

    بشریٰ بی بی اپنے وکلا سلمان صفدر، انتظار پنجوتھہ اور نعیم پنجوتھہ کے ہمراہ عدالت میں پیش ہوئے، تفتیشی افسر عدالت کے روبرو پیش ہوا اور استدعا کی کہ بشریٰ بی بی کی گرفتاری مطلوب ہے، ان کی آڈیو ایف آئی اے کو فرانزک کے لیے بھیجی ہوئی ہے۔

    وکیل سلمان صفدر نے عدالت کو بتایا کہ تفتیش کے لیے ہمیں تین تین گھنٹے بلایا جاتا ہے اور بٹھائے رکھتے ہیں، تفتیش کے دوران بتایا بھی گیا کہ آڈیو بشریٰ بی بی کی نہیں ہے۔

    عدالت نے کہا کہ یہ معاملہ توشہ خانہ کے تحائف کی جعلی رسیدوں کا ہے تو آڈیو کہاں سے آ گئی؟ ایف آئی آر کے مطابق کیس کو لے کر چلیں۔ تاہم تفتیشی افسر نے استدعا کی کہ بشریٰ بی بی کی وائس میچنگ کے لیے انھیں وقت دیا جائے، عدالت نے یہ استدعا منظور کرتے ہوئے سماعت 12 ستمبر تک ملتوی کر دی۔

  • گرفتاری سے بچنے کے لیے خرم شیر زمان کی عبوری ضمانت منظور

    گرفتاری سے بچنے کے لیے خرم شیر زمان کی عبوری ضمانت منظور

    کراچی: گرفتاری سے بچنے کے لیے خرم شیر زمان کی عبوری ضمانت منظور ہو گئی۔

    تفصیلات کے مطابق جوڈیشل کمپلیکس، انسداد دہشت گردی عدالت میں چیئرمین پی ٹی آئی کی گرفتاری کے خلاف کراچی میں احتجاج کا کیس چل رہا ہے، جس میں گرفتاری سے بچنے کے لیے خرم شیر زمان نے عدالت سے رجوع کیا، جہاں ان کی ایک لاکھ روپے کے عوض عبوری ضمانت منظور کر لی گئی۔

    خرم شیر زمان نے دو مقدمات میں عبوری ضمانت کی درخواست دائر کی تھی، عدالت نے پی ٹی آئی رہنما خرم شیر زمان کی فی کیس ایک لاکھ روپے کی عبوری ضمانت منظور کر لی۔

    پولیس کے مطابق خرم شیر زمان سمیت دیگر ملزمان پر شاہراہ فیصل پر ہنگامہ آرائی کے الزامات ہیں، 9 مئی کو ہنگامہ آرائی کے دوران توڑ پھوڑ اور پولیس پر حملہ کیا گیا تھا، ملزمان نے سرکاری املاک کو نقصان بھی پہنچایا، پولیس کا کہنا ہے کہ پی ٹی آئی رہنماوٴں کے اکسانے پر کارکنان نے جلاوٴ گھیراوٴ اور ہنگامہ آرائی کی۔

    عدالت نے خرم شیر زمان کی 26 اگست تک دوبارہ پیش ہونے کا حکم دے دیا ہے، خرم شیر زمان کی فیروز آباد اور ٹیپو سلطان تھانے میں درج مقدمات میں ضمانت منظور کی گئی ہے۔

  • عمران خان کی 8 مقدمات میں عبوری ضمانت میں 8 جون تک توسیع

    عمران خان کی 8 مقدمات میں عبوری ضمانت میں 8 جون تک توسیع

    اسلام آباد : اسلام آباد کی انسداد دہشت گردی عدالت نے 8 مقدمات میں  سابق وزیراعظم عمران خان کی عبوری ضمانت میں 8 جون تک توسیع کردی۔

    تفصیلات کے مطابق اسلام آباد کی انسداد دہشت گردی عدالت میں چیئرمین پی ٹی آئی عمران خان کے کیسز کی سماعت ہوئی، انسداد دہشت گردی عدالت کے جج راجہ جواد عباس نے سماعت کی۔

    وکیل سلمان صفدر نے بتایا کہ عمران خان کے خلاف 8کیسزہیں، جے آئی ٹی ٹیم عمران خان کو شامل تفتیش کر چکی ہے، ہم پرصرف109کاالزام ہے، جس پر جج نے ریمارکس دیئے آپ صرف ابھی تک ایک مقدمےمیں شامل تفتیش ہوئےہیں۔

    وکیل سلمان صفدر کا کہنا تھا کہ تمام مقدمات میں جوائنٹ انویسٹی گیشن بنائی گئی ہے، جے آئی ٹی بنی اور ہم شامل تفتیش ہو گئے ہیں ، انا کا مسئلہ نہیں ہے، لاہور اےٹی سی نےتفتیشی سے کہا جو پوچھنا ہے ابھی پوچھ لیں ، یہاں بھی اگر کوئی اضافی سوالات ہیں تو جواب دینے کو تیارہیں۔

    سلمان صفدر نے بتایا کہ عمران خان اوربشریٰ بی بی کو ابھی نیب میں بھی پیش ہونا ہے، اسلام آبادہائیکورٹ میں8جون کی تاریخ ہے، گزارش ہے تمام مقدمات میں ایک ہی دن دلائل دینے کی اجازت دی جائے۔

    جس پر عدالت نے کہا کہ آپ ایک کیس میں تو دے ہی سکتے ہیں، عمران خان شامل تفتیش ہوچکے ہیں، وکیل نے بتایا کہ ہم نے نیب میں بھی پیش ہونا ہے، عمران خان کی اہلیہ بھی ساتھ ہیں،عدالت اجازت دے تو آئندہ سماعت پر دلائل دوں گا۔

    پراسیکیوٹر نے عدالت کو بتایا کہ 4 کیسز میں جے آئی ٹی بنی ہے، انہوں نے جے آئی ٹی کو انویسٹی گیشن کیلئے جوائن نہیں کیا، اسلام آباد ہائیکورٹ نے انویسٹی گیشن جوائن کرنے کا کہا، عمران خان کی جانب سے جواب آیا کہ ٹانگ ٹھیک نہیں، ضمانت قبل از گرفتاری کا مطلب ہی یہ ہوتا ہے کہ انویسٹی گیشن کو جوائن کیا جائے۔

    جس پر عدالت نے ریمارکس دیئے ہائی کورٹ نے کہا کہ انہوں نے نہیں آپ نے انویسٹی گیشن کیلئے جانا ہے، کیا آپ نے عمران خان کو سوالنامہ دیا۔

    وکیل سلمان صفدر نے بتایا کہ لارجر بینچ کے حکم پر جے آئی ٹی زمان پارک آئی، ایک شخص نے جانا ہو تو اس کے خزانے پر کیا اخراجات آتے ہیں ، اگر جے آئی ٹی آتی ہے تو اس کے اخراجات کیا ہونگے ،درخواست گزارکو سیکیورٹی خدشات ہیں۔

    جج راجہ جواد عباس نے سوال کیا کہ 2دن عمران خان تحویل میں تھے تب آپ کہاں تھے، لاہور کی جے آئی ٹی زمان پارک جاکر تفتیش کرسکتی ہے تو اسلام آباد کی جے آئی ٹی کیوں نہیں۔

    وکیل کا کہنا تھا کہ عمران خان پر 160 مقدمات ہو چکے ہیں، انویسٹی گیشن آفیسر اپنی کرسی سے اٹھنے کو تیار نہیں، ایک بیان ہی تو ریکارڈ کرنا ہے، سوالنامہ دیں ہم3دن میں جواب دے دیں گے، سامنے بیٹھ کر کونسی چائے پینا ہے۔

    انسداد دہشت گردی عدالت نے عمران خان کی عبوری ضمانت میں 8جون تک توسیع کردی۔

  • 9 مقدمات میں عبوری ضمانت ختم، عمران خان کی آج پیشی

    9 مقدمات میں عبوری ضمانت ختم، عمران خان کی آج پیشی

    اسلام آباد: 9 مقدمات میں عبوری ضمانت آج ختم ہونے پر سابق وزیر اعظم عمران خان کی اسلام آباد ہائیکورٹ میں پیشی ہے۔

    تفصیلات کے مطابق پی ٹی آئی چیئرمین آج اپنے مقدمات کے سلسلے میں اسلام آباد ہائیکورٹ میں پیش ہوں گے، اسلام آباد ہائیکورٹ کی جانب سے آئی جی اور ضلع انتظامیہ کو سیکیورٹی انتظامات کی ہدایت کر دی گئی۔

    عمران خان کی 9 مقدمات کی عبوری ضمانت آج ختم ہو رہی ہے، ان کی درخواست ضمانت پر سماعت دن 2:30 بجے ہوگی۔

    ہائیکورٹ کے مطابق کورٹ روم نمبر 1 میں وکلا اور صحافیوں کا داخلہ خصوصی پاس کے ذریعے ہوگا، اسلام آباد ہائیکورٹ کے ملازمین اور عدالتی عملہ خصوصی پاس سے مستثنیٰ ہوں گے۔

    عمران خان کے ساتھ 15 وکلا کو کمرہ عدالت جانے کی اجازت ہوگی، اٹارنی جنرل اور ایڈووکیٹ جنرل آفس سے 10 وکلا کمرہ عدالت جا سکیں گے، اسلام آباد ہائیکورٹ جرنلسٹس ایسوسی ایشن کے 30 ممبران کو کمرہ عدالت جانے کی اجازت ہوگی۔

    ہائیکورٹ کے مطابق انتظامیہ کو خصوصی پاس اور ڈیپارٹمنٹ کارڈ ہونے والوں کو احاطہ عدالت سے نہ روکنے کی ہدایت کی گئی ہے، خصوصی پاسز رکھنے والے افراد کو کمرہ عدالت نمبر ایک میں جانے کی اجازت ہوگی۔

    واضح رہے کہ چیف جسٹس عامر فاروق اور جسٹس میاں گل حسن اورنگزیب آج کیسز پر سماعت کریں گے۔

  • عمران خان کی  2 مقدمات میں عبوری ضمانت میں 4 مٸی تک  توسیع

    عمران خان کی 2 مقدمات میں عبوری ضمانت میں 4 مٸی تک توسیع

    لاہور : انسداد دہشت گردی عدالت نے چیئرمین پی ٹی آئی عمران خان کی دو مقدمات میں عبوری ضمانت میں چار مٸی تک توسیع کرتے ہوئے ویڈیو لنک کے ذریعے ایک روز پیشی کی درخواست منظور کرلی۔

    تفصیلات کے مطابق لاہور کی انسداد دہشت گردی عدالت میں چیئرمین پی ٹی ٓئی عمران خان کی 2 مقدمات میں عبوری ضمانت کے کیس کی سماعت ہوئی۔

    انسداد دہشت گردی عدالت لاہور کے جج اعجاز بٹر نے سماعت کی، عمران خان اپنی عبوری ضمانت کی معیاد ختم ہونے کے باوجود عدالت میں پیش نہیں ہوئے۔

    عمران خان کے وکیل بیرسٹر سلمان صفدر نے ویڈیو لنک کے ذریعے پیشی کی استدعا کی، وکیل نے کہا کہ عمران خان کو سیکیورٹی کے مسائل ہیں اور سابق وزیر اعظم کی زندگی کو خطرات کے بارے میں دستاویزات بھی پیش کیں ۔

    وکیل کا کہنا تھا کہ عمران خان عدالت میں ہر بار پیش ہوتے اور باہر آتے تو نیا مقدمہ درج ہوتا ہے، جس پر عدالت نے استفسار کیا کہ سابق وزرائے عظم اور بھی ہیں، عمران خان نے ایسا کیا کام کیا جس کی وجہ سے انھیں اس لیول کے سیکیورٹی خدشات ہیں۔

    عدالت نے کہا کہ ویڈیو لنک کے ذریعے پیشی پر اگر ضمانت خارج ہوتی ہے تو گرفتاری کیسے ہوگی، جس پر عمران خان کے وکیل نے یقین دہانی کرواٸی ایسا ہوا تو وہ خود گرفتاری کرواٸیں گے۔

    ڈپٹی پراسکیوٹر نے بتایا کہ پولیس رپورٹ کے مطابق عمران خان کو کوئی خطرہ نہیں ہے، پراسیکیوٹر نے ویڈیو لنک سے حاضری کی استدعا مسترد کرنے کی درخواست کی۔

    عدالت نے ایک روز کیلئے عمران خان کی ویڈیو لنک کے ذریعے حاضری لگوائی اور عبوری ضمانت میں 4 مٸی تک توسیع کر دی ۔

    عدالت نے حماد اظہر، فواد چوہدری میاں محمود الرشید، اعجاز چودھری کی عبوری ضمانت میں توسیع اور فرخ حبیب کی بھی 4 مئی تک عبوری ضمانت منظور کی۔

  • توشہ خانہ کیس، ہائیکورٹ نے عمران خان کی عبوری ضمانت منظور کر لی

    توشہ خانہ کیس، ہائیکورٹ نے عمران خان کی عبوری ضمانت منظور کر لی

    اسلام آباد: توشہ خانہ کیس میں اسلام آباد ہائیکورٹ نے عمران خان کی عبوری ضمانت منظور کر لی۔

    تفصیلات کے مطابق اسلام آباد ہائیکورٹ نے توشہ خانہ کیس میں پی ٹی آئی چیئرمین عمران خان کی عبوری ضمانت 9 مارچ تک منظور کر لی۔

    اسلام آباد ہائیکورٹ میں عمران خان کی پیشی کے موقع پر بدترین بدنظمی دیکھنے میں آئی، پولیس نے میڈیا کو بھی اندر داخلے سے روک دیا اور اہل کاروں نے صحافیوں پر تشدد کر کے انھیں دھکے دیے۔

    ہائیکورٹ کے باہر بھی اے آر وائی نیوز کے صحافی شاہ خالد، اور صحافی ثاقب بشیر سمیت متعدد صحافیوں پر پولیس اہل کاروں نے تشدد کیا، اسلام آباد پولیس نے صحافیوں کے موبائل فون بھی چھین لیے۔

    عمران خان کے ناقابل ضمانت وارنٹ گرفتاری جاری

    دوسری طرف سیشن عدالت نے توشہ خانہ کیس میں پاکستان تحریک انصاف کے چیئرمین اور سابق وزیر اعظم عمران خان کے ناقابل ضمانت وارنٹ گرفتاری جاری کر دیے ہیں۔

  • عدالت نے سابق صدر نیشنل بینک اقبال اشرف کی عبوری ضمانت منظور کر لی

    عدالت نے سابق صدر نیشنل بینک اقبال اشرف کی عبوری ضمانت منظور کر لی

    کراچی: سندھ ہائیکورٹ نے سابق صدر نیشنل بینک اقبال اشرف کی عبوری ضمانت منظور کر لی۔

    تفصیلات کے مطابق نجی پٹرولیم کمپنی میں 54 ارب روپے سے زائد کے فراڈ اور منی لانڈرنگ کیس میں عدالت نے سابق صدر نیشنل بینک اقبال اشرف کی عبوری ضمانت منظور کر لی۔

    عدالت نے اقبال اشرف کو 5 لاکھ روپے کے مچلکے جمع کرانے کا حکم دے دیا ہے۔

    ملزم کے وکیل محسن شہوانی نے کہا کہ ملزم اقبال اشرف نے کوئی غیر قانونی کام نہیں کیا تھا، وہ جب نیشنل بینک کا صدر تھا تو حیسکول سے نیشنل بینک کو ادائیگی ہو رہی تھی۔

    واضح رہے کہ اسپیشل بینکنگ کورٹ نے چند روز قبل کیس میں 17 ملزمان کی ضمانت مسترد کر دی تھی۔

    ایف آئی اے نے حیسکول اور نیشنل بینک کے 26 افسران کے خلاف مقدمہ درج کیا ہے، ایف آئی اے کا کہنا ہے کہ نجی پٹرولیم کمپنی پر 54 ارب سے زائد بینک ڈیفالٹ، مالیاتی فراڈ، منی لانڈرنگ کا الزام ہے۔

    ایف آئی اے کے مطابق نیشنل بینک اور نجی پٹرولیم کمپنی کے سابق اور موجودہ افسران سمیت 30 ملزمان کے خلاف مقدمہ درج کیا گیا ہے، ان ملزمان نے ملی بھگت سے قومی مالیاتی ادارے سے اربوں روپے کا قرضہ حاصل کیا، اور اس رقم کو مالیاتی فراڈ کے ذریعے منی لانڈرنگ کے لیے استعمال کیا گیا۔

  • عثمان بزدار کی عبوری ضمانت میں توسیع ، نیب کے پاس شامل تفتیش ہونے کا حکم

    عثمان بزدار کی عبوری ضمانت میں توسیع ، نیب کے پاس شامل تفتیش ہونے کا حکم

    لاہور : احتساب عدالت نے سابق وزیراعلیٰ عثمان بزدار  کی عبوری ضمانت میں7مارچ تک توسیع کرتے ہوئے نیب کے پاس شامل تفتیش ہونے کا حکم دے دیا۔

    تفصیلات کے مطابق احتساب عدالت میں عثمان بزدار کی عبوری ضمانت پر سماعت ہوئی۔

    عثمان بزدار کو انکوائری کی کاپی نہ دینے پر عدالت نے نیب پراسیکیوٹر کی سرزنش کی، فاضل جج نے کہا کہ ملزم کوعلم ہوناچاہیےان پر کیا الزام ہے۔

    نیب پراسیکیوٹر نے بتایا کہ عثمان بزدارنےتحریری جواب نیب کوبھجوایاہےشامل تفتیش نہیں ہوئے ، جس پر عدالت نے عثمان بزدار سے استفسار کیا کہ آپ شامل تفتیش کیوں نہیں ہو رہے۔

    عثمان بزدار نے کہا کہ میں جلدشامل تفتیش ہوجاؤں گا، جس پر فاضل جج کا کہنا تھا کہ آج ہی جاکرشامل تفتیش ہو۔

    عثمان بزدار نے عدالت کو بتایا کہ آج ڈیرہ غازی خان میں ایک شادی کی تقریب ہے مہلت دیں تو فاضل جج نے جواب دیا کہ آپ بہانےنہ بنائیں شادی کوئی بہانہ نہیں ہے۔

    عثمان بزدار کا کہنا تھا کہ نیب والے کہتے ہیں میرے10ارب کےاثاثےہیں، میرے پورے قبیلے کے 10ارب کےاثاثےنہیں ہیں۔

    فاضل جج نے کہا کہ بزدارصاحب نےشادی میں کیاکرناہے10دن کی تاریخ مانگ رہےہیں ، آپ شامل تفتیش نہیں ہوتےتوآپ مجھ سےریلیف کانہیں کہنا۔

    احتساب عدالت نے عثمان بزدارعبوری ضمانت میں7مارچ تک توسیع کردی اور عثمان بزدارکونیب کےپاس شامل تفتیش ہونےکاحکم دے دیا۔