Tag: عتیق میر

کراچی: چیئرمین آل کراچی تاجر اتحاد عتیق میر کا کہنا ہے کہ پیر سے افطار کے بعد رات12 بجے تک کاروبار کا وقت بڑھا دیا جائے۔

تفصیلات کے مطابق چیئرمین آل کراچی تاجر اتحاد عتیق میر نے سندھ حکومت سے کل سے افطار کے بعد رات 12 بجے تک کاروبار کھولنے کا مطالبہ کر دیا۔

انہوں نے کہا کہ چاند رات تک افطار کے بعد رات12 بجے تک کاروبار کی اجازت دی جائے،اجازت نہ دی تو تاجر ازخود ایس او پی کے تحت افطار کے بعد دکانیں کھول دیں گے۔

عتیق میر کا کہنا تھا کہ حقوق کے لیے جیل جانا پڑا تو سب سے پہلے میں جاؤں گا،سیل شدہ مارکیٹوں کو فوری کاروبار کی مشروط اجازت دی جائے۔

دوسری جانب کراچی چیمبر آف کامرس نے کل سے 6 دن کے لیے لاک ڈاؤن ختم کرنے کا مطالبہ کرتے ہوئے کہا کہ پیر سے ہفتے تک 6 دن کے لیے مکمل نرمی کرنی ہی ہوگی۔

سراج تیلی کا کہنا تھا کہ کرونا کہیں جانے والا نہیں،یہ زندگی کا حصہ بن گیا ہے،ہم اپنے کاروبار ہمیشہ کے لیے بند نہیں کرسکتے،کرونا کی موجودگی میں کاروبار کے طریقے وضع کرنے ہوں گے۔

کراچی: چیئرمین آل کراچی تاجر اتحاد عتیق میر نے حکومت سے مطالبہ کیا ہے کہ شہرقائد میں سیل شدہ مارکیٹوں کو فوری کاروبار کی مشروط اجازت دی جائے اور افطار کے بعد رات 12 بجے تک کاروبار کا وقت بڑھایا جائے۔

تفصیلات کے مطابق اپنے ایک بیان میں عتیق میر کا کہنا تھا کہ اہم تجارتی مراکز سیل ہونے سے دیگر مارکیٹس میں رش بڑھ رہا ہے، سیل شدہ مارکیٹوں کو کام کرنے کی اجازت دی جائے۔

انہوں نے کہا کہ ادارے عید تک مارکیٹوں میں عوام کو محدود رکھنے میں مدد کریں، کاروبار کا وقت کم ہونے سے خریدار ہڑبڑاہٹ کا شکار ہیں، افطار کے بعد رات 12 بجے تک کاروبار کا وقت بڑھایا جائے۔

ایس او پیز کی خلاف ورزی، زینب مارکیٹ کے بعد گل پلازہ سمیت مختلف مارکیٹیں سیل

خیال رہے کہ دو روز قبل ایس او پی کی خلاف ورزی پر زینب مارکیٹ کے بعد گل پلازہ سیل کردیا گیا تھا، اسسٹنٹ کمشنر اسمابتول نے بتایا کہ سینی ٹائزر، ماسک اور دستانوں کااستعمال نہیں کیا جارہا تھا۔

شہر کے تاجروں نے حکومت سے مطالبہ کیا ہے سیل شدہ مارکیٹیں دوبارہ بحال کی جائیں۔

کراچی: کراچی تاجر اتحاد کے رہنما عتیق میر نے سندھ حکومت سے مطالبہ کیا ہے کہ چھوٹی مارکیٹیں کھولنے کی اجازت دی جائے۔

تفصیلات کے مطابق کراچی تاجر اتحاد کے رہنما عتیق میر نے اے آر وائی نیوز کے پروگرام ’سوال یہ ہے‘ میں گفتگو کرتے ہوئے کہا کہ لاک ڈاؤن کی کوئی حقیقی شکل نہیں تھی، مکمل لاک ڈاؤن وفاقی یا صوبائی حکومت کے بس کی بات نہیں ہے، 15 دن بھی حقیقی لاک ڈاؤن ہوتا تو صورتحال الگ ہوتی۔

انہوں نے کہا کہ غریب عوام 2 ماہ سے گھر پر بیٹھی ہے اور کوئی مدد نہیں کی جارہی، ایسی صورتحال میں غریب باہر نکلے گا اور روزگار مانگے گا، لوگوں کا باہر نکلنا بھی مجبوری ہے انہیں کھانا کون دے گا۔

تاجر رہنما نے کہا کہ ہم نے سندھ حکومت کو مارکیٹوں کی فہرست فراہم کردی ہے، ہماری بھی پہلی ترجیح کرونا وائرس کا پھیلاؤ روکنا ہے، سندھ حکومت سے کہا ہے چھوٹی مارکیٹیں کھولنے کی اجازت دیں۔

مزید پڑھیں: ایم کیو ایم وفد کی وزیر اعلیٰ سندھ سے ملاقات، تاجروں کے تحفظات دور کرنے کا مطالبہ

عتیق میر نے کہا کہ خوشحال ممالک میں بھی لوگ باہر نکل آئے ہیں، معاشی لحاظ سے بہتر ممالک میں لوگ کاروبار کھولنے کا مطالبہ کررہے ہیں۔

واضح رہے کہ گزشتہ روز سندھ تاجر اتحاد کے چیئرمین جمیل احمد پراچہ کا کہنا تھا کہ وفاق نے مارکٹیں کھولنے کی اجازت دے دی تو سندھ حکومت کو بھی اعلان کرنا ہوگا۔

اُن کا کہنا تھا کہ سندھ حکومت نے مایوس کیا کیونکہ وہ امید دلا کر پیچھے ہٹ جاتی ہے، اُن کے اس عمل سے تاجر تباہ اور مزدور بے روزگار ہوگیا ہے۔