Tag: عثمان بزدار

پنجاب حکومت کو سابق وزیر اعلیٰ عثمان بزدار کے دور حکومت میں میونسپل کارپوریشن ڈی جی خان کے اخراجات کا ریکارڈ نہ مل سکا۔

اے آر وائی نیوز کے مطابق پنجاب حکومت کو سابق وزیراعلیٰ عثمان بزدار کے دور حکومت میں ڈی جی خان کی میونسپل کارپوریشن کے اخراجات کا ریکارڈ نہ مل سکا ہے جس کے بعد آڈٹ ڈیپارٹمنٹ سے ریکارڈ فراہم نہ کرنے والوں کیخلاف سخت کارروائی کی سفارش کر دی ہے۔

ڈی جی خان میونسپل کارپوریشن میں مذکورہ دور میں 179 ملین روپے خرچ کی دستاویز آڈٹ ڈیپارٹمنٹ کو نہیں ملی ہے۔ اس حوالے سے آڈٹ رپورٹ میں کہا گیا ہے کہ 19-2018 کا ڈی جی خان مونسپل کارپوریشن کے اخراجات کا ریکارڈ نہیں دیا گیا۔

رپورٹ میں مزید بتایا گیا ہے کہ مالی سال 20-2019 میں میونسپل کارپوریشن ڈی جی خان میں 81 ملین جب کہ 21-2020 میں 98 ملین روپے خرچ کیے گئے اور یہ ریکارڈ بھی آڈٹ ڈیپارٹمنٹ کو نہیں ملے۔

https://urdu.arynews.tv/usman-buzdar-punjab-school-funds-corruption/

لاہور : قومی احتساب بیورو نیب ہیڈ کوارٹر کی جانب سے آمدن سے زائد اثاثہ جات کیس میں سابق وزیر اعلی کی گرفتاری کے حوالے سے حتمی فیصلہ نہ کیا سکا۔

تفصیلات کے مطابق قومی احتساب بیورو (نیب) کی جانب سے آمدن سے زائد اثاثہ جات کیس میں سابق وزیر اعلی کی گرفتاری ٹل گئی۔

ذرائع نے بتایا کہ نیب ہیڈ کوارٹر نے سابق وزیر اعلی کی گرفتاری کے حوالے سے حتمی فیصلہ نہ کیا، نیب آرڈیننس میں ترامیم کے بعد قانونی نقاط پر کام جاری ہے۔

ذرائع کا کہنا تھا کہ انکوائری کی سطح پر عثمان بزدار کی گرفتاری کا فیصلہ نہیں کیا جا سکتا، عثمان بزدار کی گرفتاری کیلئے کیس انویسٹی گیشن سطح پر اپگریڈ ہونا ضروری یے۔

ذرائع نے مزید بتایا کہ عثمان بزدار کیس میں انکوائری کم از کم چھ ماہ چلنا ضروری ہے تاہم ان کو دوبارہ طلب کرنے کے حوالہ سے اعلی حکام نے سر جوڑ لئے۔

یاد رہے نیب لاہور نے عثمان بزدار کی گرفتاری کا فیصلہ کرتے ہوئے چیئرمین نیب سے وارنٹ گرفتاری جاری کرنے کیلئے استدعا کی تھی، نئے آرڈیننس کےتحت عثمان بزدار کو دوران انکوائری بھی گرفتار کیا جا سکتا ہے۔

ذرائع کا کہنا تھا کہ عثمان بزدار پر نئےآرڈیننس کااطلاق کرنے کافیصلہ کیا گیا، عثمان بزدار طلبی کےباوجود 14ویں مرتبہ نیب لاہور میں پیش نہیں ہوئے۔

لاہور: قومی احتساب بیورو ( نیب) نے سابق وزیر اعلیٰ پنجاب عثمان بزدار کو گرفتار کرنے کا فیصلہ کرلیا اور چیئرمین نیب سےوارنٹ گرفتاری جاری کرنے کیلئے استدعا کردی۔

تفصیلات کے مطابق سابق وزیراعلیٰ پنجاب عثمان بزدار پر نیب تحقیقات کے معاملے پر نیب لاہور نے عثمان بزدار کی گرفتاری کا فیصلہ کرلیا۔

ذرائع نے بتایا کہ چیئرمین نیب سے وارنٹ گرفتاری جاری کرنے کیلئے استدعا کردی ہے ، نئے آرڈیننس کےتحت عثمان بزدار کو دوران انکوائری بھی گرفتار کیا جا سکتا ہے۔

ذرائع کا کہنا ہے کہ عثمان بزدار پر نئےآرڈیننس کااطلاق کرنے کافیصلہ کیا گیا، عثمان بزدار طلبی کےباوجود 14ویں مرتبہ نیب لاہور میں پیش نہیں ہوئے۔

ذرائع نے کہا ہے کہ وکیل نے استدعا کی تھی کہ عثمان بزدار نیب لاہور پیش نہیں ہو سکتے، جس پر نیب نےعثمان بزدار کےوکیل کی استدعا مسترد کردی۔

ذرائع کے مطابق نیب نے عثمان بزدار کے وکیل سے جواب وصول کرنے سے بھی انکار کردیا ہے، عثمان بزدار کیخلاف آمدن سےزائداثاثہ جات، تقرر و تبادلے اور ٹھیکوں میں بےضابطگی کا کیس چل رہا ہے۔

عثمان بزدار سمیت خاندان پر 9 ارب سے زائد اثاثہ جات بنانے کا کیس زیر تفتیش ہے جبکہ ان کے خلاف گندم برآمد کیس بھی زیر تحقیقات ہے۔

لاہور: سابق خاتون اول کی قریبی دوست فرحت شہزادی اور سابق وزیراعلیٰ پنجاب عثمان بزدار کے خلاف مقدمہ درج کر لیا، جس میں سابق خاتون اول بشریٰ بی بی کے بیٹے کو بھی نامزد کیا گیا ہے۔

تفصیلات کے مطابق اینٹی کرپشن نے سابق خاتون اول بشریٰ بی بی قریبی دوست فرحت شہزادی اور سابق وزیراعلیٰ پنجاب عثمان بزدار کے خلاف مقدمہ درج کر لیا۔

مقدمے میں سابق خاتون اول بشریٰ بی بی کے بیٹے ابراہیم مانیکا سمیت چھ بیوروکریٹس کو بھی نامزد کیا گیا ہے۔

لاہور اینٹی کرپشن نے بتایا کہ عثمان بزدار کے دور میں سابق خاتون اول بشریٰ بی بی کی دست راست فرحت شہزادی کی ہدایات پر پنجاب میں افسران کے اعلی انتظامی اور پرکشش عہدوں پر تقرو تبادلے ہوئے۔

اینٹی کرپشن کا کہنا تھا کہ سینئر بیوروکریٹس طاہر خورشید ، احمد عزیز تارڑ ، صالحہ سعید ، عثمان معزم ، سہیل خواجہ اور دیگر تعینات ہونے والے افسران اور ملازمین سے کروڑوں روپے بطور رشوت وصول کرتے تھے۔

حکام نے مزید بتایا کہ بھاری رشوت وصول کرکے کروڑوں روپے فرحت شہزادی کو انکے ڈی ایچ اے گھر میں پہنچایا جاتے تھے، جس کے بعد فرحت شہزادی اپنے ملازمین اکاونٹس مینجر احمد منصور اور پرنسپل سیکرٹری محمد آصف کے ذریعے اپنے ذاتی بینک اکاونٹ لبرٹی مارکیٹ میں جمع کرواتی تھی۔

اینٹی کرپشن حکام نے کہا کہ سابق خاتون اول بشریٰ بی بی کا بیٹا ابراہیم مانیکا اپنے حصے کی رقم لینے کے لیے فرحت شہزادی کے گھر آتا تھا۔

حکام کے مطابق انکوائری میں 45 کروڑ روپے فرحت شہزادی پر رشوت ثابت ہوئی ہے ، نامزد ملزمان نے اربوں روپے رشوت وصول کرکے جرم کا ارتکاب کیا ہے۔

لاہور : قومی احتساب بیورو نیب نے آمدن سے زائد اثاثہ جات کیس میں ایک بار پھر سابق وزیراعلیٰ پنجاب عثمان بزدارکوطلب کرلیا۔

تفصیلات کے مطابق آمدن سے زائد اثاثہ جات کیس میں قومی احتساب بیورو نیب نے ایک بار پھر سابق وزیراعلیٰ پنجاب عثمان بزدارکوطلب کرلیا۔

ذرائع نے بتایا کہ عثمان بزدار نیب تحقیقاتی ٹیم کومطمئن کرنےمیں ناکام رہے ، جس پر نیب نے عثمان بزدار کو 9 مئی دن 11 بجے طلب کیا ہے۔

نیب ذرائع کا کہنا ہے کہ سابق وزیراعلیٰ پنجاب کو 30 سوالات پر مشتمل سوالنامہ کے جوابات دینے کیلئے طلب کیا گیا ہے۔

عثمان بزدارسے 40 ارب روپے کے منصوبوں کا ایک ہی روز میں افتتاح سمیت ڈی جی خان میں ڈیم کی تعمیر کا ٹھیکہ من پسند افراد کو دینے سے متعلق بھی جواب طلب کیا ہے۔

یاد رہے 2 مئی کو آمدن سے زائد اثاثہ جات کیس میں سابق وزیراعلیٰ پنجاب عثمان بزدار نیب آفس میں پیش ہوئے تھے۔

گزشتہ پیشی پر عثمان بزدار سے جواب نامہ طلب کیا تھا تاہم عثمان بزدار نے گزشتہ پیشی پر سوالنامہ کے جوابات دینے سے معذرت کی تھی۔

ذرائع کا کہنا تھا کہ نیب حکام نے تونسہ ،ڈی جی خان کےترقیاتی فنڈز کی تفصیلات بھی پوچھ رکھی ہیں جبکہ عثمان بزدار سے مبینہ فرنٹ مینوں کا بھی ریکارڈ طلب کر رکھا ہے۔

لاہور : لاہور ہائی کورٹ نے سابق وزیراعلیٰ پنجاب عثمان بزدار کو گرفتار نہ کرنے کے حکم میں 8مئی تک توسیع کردی۔

تفصیلات کے مطابق لاہور ہائی کورٹ میں سابق وزیراعلیٰ پنجاب عثمان بزدارکی اپیل پر سماعت ہوئی، جسٹس طارق سلیم شیخ نے ریمارکس دیے سمجھ نہیں آتی ہر کیس میں گرفتاری کیوں ضروری ہوتی ہے۔

جسٹس طارق سلیم نے سرکاری وکیل سے استفسار کیا پرویز الٰہی کے گھر جو کچھ ہوا اس کے بعد آپ کو اپنی آنکھیں بند نہیں کرنی چاہئیں، پیر تک گرفتار نہیں ہوں گے تو کچھ فرق نہیں پڑتا،ان کا ویک اینڈ اچھا گزر جائے گا۔

وکیل عثمان بزدار نے بتایا کہ آئے روز چھاپے مارے جا رہےہیں ،مقدمات کو خفیہ رکھا جا رہا ہے، جس پر عدالت نے وکیل سے استفسار کیا کیاآپ شامل تفتیش ہوئے ہیں۔

جس پر سرکاری وکیل نے بتایا کہ عثمان بزدارابھی تک شامل تفتیش نہیں ہوئے تو عدالت نے کہا کہ آپ وزیراعلیٰ رہے ہوں گے مگر یہ بات ذہن نشین کرلیں قانون کا سامنا کرنا ہوگا۔

سابق وزیراعلیٰ پنجاب عثمان بزدار نے عدالت کو بتایا کہ مجھے جب بلایا گیا تب کورونا میں مبتلا تھا، کل بھی 3گھنٹے اینٹی کرپشن میں موجود رہا بتایا گیا کہ کوئی کیس نہیں ہے۔

عدالت نے سرکاری وکیل کی عثمان بزدارکو گرفتار نہ کرنے کا حکم واپس لینے کی استدعا مسترد کرتے ہوئے ان کو گرفتار نہ کرنے کے حکم میں 8 مئی تک توسیع کردی۔