Tag: عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ 2 برس کے دوران دن رات عوام کی خدمت کی ہے۔

تفصیلات کے مطابق وزیراعلیٰ پنجاب سردار عثمان بزدار سے رکن قومی اسمبلی رخسانہ نوید نے ملاقات کی جس میں حکومت کی کارکردگی اور دیگر معاملات پر بات چیت کی گئی۔

اس موقع پر وزیراعلیٰ پنجاب کا کہنا تھا کہ دیگر صوبوں کے مقابلے میں اشیا ضروریہ کے نرخ کم ہیں،پنجاب واحد صوبہ ہے جہاں 20 کلو آٹے کا تھیلا 860 روپے میں دستیاب ہے۔

وزیراعلیٰ پنجاب کا کہنا تھا کہ عوام کو ریلیف مہیا کرنے کے اقدامات کو خود مانیٹر کرتا ہوں،مہنگائی کےمستقل سدباب کے لیے پرائس کنٹرول اتھارٹی بنا رہے ہیں،لوگوں کے لیے آسانیاں پیدا کرنا فرض بھی ہے اور ذمہ داری بھی۔

سردار عثمان بزدار نے کہا کہ ہمارے2 برس عوامی خدمت سے عبارت ہیں، 2 برس کے دوران دن رات عوام کی خدمت کی ہے، فیصلےکرتے ہوئے ہمیشہ عوامی مفاد کو مدنظر رکھا۔

انہوں نے کہا کہ میری ٹیم عوام کی عدالت میں سرخرو ہے، دامن صاف ہے،پنجاب شفافیت،میرٹ،گڈ گورننس میں دیگر صوبوں سے آگے ہے۔

دوسری جانب رکن قومی اسمبلی رخسانہ نوید کا کہنا تھا کہ پنجاب سے ون مین شو کے منفی کلچر کے خاتمے کا کریڈٹ آپ کو جاتا ہے،آپ نے تمام فیصلے اجتماعی طور پر عوام کے مفاد میں کیے، تنقید برائے تنقیدکی پرواہ کیے بغیر عوامی خدمت کے سفر کو تیزی سے بڑھایا۔

لاہور: وزیراعلیٰ پنجاب سردار عثمان بزدار کا کہنا ہے کہ جدید ٹیکنالوجی سے سرویلنس نظام کو بہتر بنایا گیا ہے۔

تفصیلات کے مطابق وزیراعلیٰ پنجاب سردار عثمان بزدار نے پنجاب سیف سٹیز اتھارٹی کے ہیڈ آفس کا دورہ کیا اور جدید کیمروں کے ذریعے یوم عاشور کی سیکیورٹی کا جائزہ لیا۔

وزیراعلیٰ پنجاب نے سی سی ٹی وی کیمروں سے جلوسوں کی مانیٹرنگ کا معائنہ کیا۔عثمان بزدار کو مانیٹرنگ کے نظام کے بارے میں بریفنگ د ی گئی۔

سردار عثمان بزدار نے لاہور سمیت پنجاب بھر میں سکیورٹی انتظامات پر اطمینان کا اظہار کرتے ہوئے کہا کہ یوم عاشور کے جلوسوں کے لیے فول پروف انتظامات کیےگئے ہیں۔

انہوں نے کہا کہ سی سی ٹی وی کیمروں ،جدید ٹیکنالوجی سےسیکیورٹی کے لیے موثر اقدامات کیے،جدید ٹیکنالوجی سے سرویلنس نظام کو بہتر بنایا گیا ہے۔

وزیراعلیٰ پنجاب کا کہنا تھا کہ ملک دشمن کے ناپاک عزائم ناکام بنانے کے لیے پوری فورس چوکس ہے،قانون نافذ کرنے والے اداروں کے افسر، اہلکار بہترین فرائض سرانجام دے رہے ہیں۔

عثمان بزدار نے پولیس،انتظامیہ کو سیکیورٹی پلان پر عملدرآمد یقینی بنانے کی ہدایت کرتے ہوئے کہا کہ جلوس کے آخری شرکا کے پرامن منتشر ہونے تک اہلکار ڈیوٹی پر موجود رہیں۔

لاہور: وزیراعلیٰ پنجاب سردار عثمان بزدار کا کہنا ہے کہ پنجاب کو ہر لحاظ سے پاکستان کا بہترین صوبہ بنانا چاہتے ہیں۔

تفصیلات کے مطابق وزیراعلیٰ پنجاب سےگورنر پنجاب چوہدری محمد سرور کی ملاقات ہوئی جس میں ترقیاتی منصوبوں،انتظامی معاملات، سیاسی صورتحال پر تبادلہ خیال کیا گیا۔

وزیراعلیٰ پنجاب سردار عثمان بزدار نےگورنر کو محرم الحرام سے متعلق اقدامات سے آگاہ کیا۔

اس موقع پر گورنر پنجاب چوہدری محمد سرور کا کہنا تھا کہ اپوزیشن شور شرابے کی بجائے انتخابات کا انتظار کرے،صوبے میں ترقی و خوشحالی لانا ہمارا عزم ہے۔

انہوں نے کہا کہ مخالفین کا وتیرہ منفی سیاست ہے،مل جل کر اپوزیشن کی منفی سیاست کو ناکام بنائیں گے۔

دوسری جانب وزیراعلیٰ پنجاب کا کہنا تھا کہ ہم پاکستان کو آگے،اپوزیشن تنزل کی طرف لے جانا چاہتی ہے۔

سردار عثمان بزدار کا مزید کہنا تھا کہ پنجاب کو ہر لحاظ سے پاکستان کا بہترین صوبہ بنانا چاہتے ہیں،ترقی اورخوشحالی کے لیے تمام ممکنہ اقدامات کر رہے ہیں۔