Tag: عثمان بزدار

لاہور: وزیراعلیٰ پنجاب سردار عثمان بزدار نے کہا ہے کہ آٹے اور دیگر اشیائے ضروریہ کے نرخ میں اضافہ برداشت نہیں کیا جائے گا۔

تفصیلات کے مطابق لاہور میں وزیراعلیٰ پنجاب عثمان بزدار سے چیف سیکریٹری پنجاب جواد رفیق نے ملاقات کی۔اس موقع پر پرنسپل سیکرٹری افتخار علی سہو بھی موجود تھے۔

چیف سیکرٹری پنجاب جواد رفیق نے کرونا وائرس،ٹڈی دل،گندم خریداری اور بجٹ پر وزیراعلیٰ پنجاب کو بریفنگ دی۔

اس موقع پر عثمان بزدار کا کہنا تھا کہ آٹے اور دیگر اشیائے ضروریہ کے نرخ میں اضافہ برداشت نہیں کیا جائے گا۔انہوں نے کہا کہ بجٹ میں کرونا سے پیدا اقتصادی صورت حال کو مدنظر رکھا جائے۔

وزیراعلیٰ پنجاب نے صوبائی امور میں بہتری لانے پر چیف سیکرٹری جواد رفیق کی خدمات کو بھی سراہا۔

مشکل وقت میں لندن کی فضاؤں سے لطف اندوز ہونے والوں کو قوم جان چکی ہے،عثمان بزدار

یاد رہے کہ دو روز قبل وزیراعلیٰ پنجاب سردار عثمان بزدار کا کہنا تھا کہ مشکل وقت میں لندن کی فضاؤں سے لطف اندوز ہونے والوں کو قوم جان چکی ہے۔

لاہور: وزیراعلیٰ پنجاب سردار عثمان بزدار کا کہنا ہے کہ مشکل وقت میں لندن کی فضاؤں سے لطف اندوز ہونے والوں کو قوم جان چکی ہے۔

تفصیلات کے مطابق وزیراعلیٰ پنجاب عثمان بزدار نے کہا کہ اپوزیشن انسداد کرونا نہیں،کرپشن بچانے کا ایجنڈا لے کر چل رہی ہے،کرونا پر سیاست کر کے اپوزیشن نے ثابت کیا ان کے سینے میں دل نہیں ہے۔

وزیراعلیٰ پنجاب کا کہنا تھا کہ اپوزیشن کرونا جیسے قومی مسئلے پر بھی پوائنٹ اسکورنگ کر رہی ہے،یہ وقت سیاست چھوڑ کر دکھی انسانیت کے ساتھ کھڑے ہونے کا ہے۔

انہوں نے کہا کہ وزیراعظم کی قیادت میں حکومت متاثرہ بہن بھائیوں کے شانہ بشانہ کھڑی ہے،پہلے بھی متاثرین کے ساتھ کھڑے تھے، کھڑے ہیں اور کھڑے رہیں گے۔

سردار عثمان بزدار کا کہنا تھا کہ اپوزیشن کی حسرتیں نہ پہلے پوری ہوئیں نہ آئندہ ہوں گی،وزیراعظم عمران خان 22 کروڑ عوام کے لیے امیدکی کرن ہیں۔

وزیراعلیٰ پنجاب نے کہا کہ یہ عوام کی زندگیوں کا مسئلہ ہے اس پر سیاست نہیں ہونی چاہیے،پروپیگنڈا کرنے والے جان لیں عوامی خدمت نعروں یا دعوؤں سے نہیں ہوتی۔

انہوں نے کہا کہ مشکل وقت میں لندن کی فضاؤں سے لطف اندوز ہونے والوں کو قوم جان چکی ہے،یہ عناصر ہمیشہ عوام کو تنہا چھوڑ کر باہر گئے،آج عوام نے ان عناصرکے دوغلے چہروں کو پہچان لیا ہے۔

لاہور: وزیراعلیٰ پنجاب سردار عثمان بزدار نے کہا ہے کہ موجودہ حالات میں اپوزیشن سیاست کے ٹڈی دل کا کردار ادا کر رہی ہے۔

تفصیلات کے مطابق وزیراعلیٰ پنجاب سے ملتان میں رکن قومی اسمبلی عامر ڈوگر سمیت منتخب نمائندوں نے ملاقات کے دوران ملتان کے ترقیاتی پیکیج کے مختلف منصوبوں پر ہونے والی پیشرفت اور کرونا وبا سے نمٹنے کے لیے کیے جانے والےاقدامات پر بھی تبادلہ خیال کیا۔

اس موقع پر عثمان بزدار کا کہنا تھا کہ پنجاب میں کرونا سے نمٹنے کے لیے سیاسی وانتظامی ٹیم متحرک ہے،کرونا کےساتھ’’ٹڈی دل‘‘کا چیلنج بھی درپیش ہے،کرونااور’’ٹڈی دل‘‘ کے خلاف کثیرالجہتی حکمت عملی اپنائی گئی ہے۔

انہوں نے کہا کہ کرونا وائرس کے خلاف کامیابی کے لیے عوام کا تعاون ناگزیر ہے،شہریوں کو احتیاطی تدابیر پر من وعن عمل کرنا چاہیے۔ وزیراعلیٰ پنجاب کا کہنا تھا کہ کرونا سے خوفزدہ اپوزیشن رہنماؤں نے قوم کو تقسیم کرنے کی کوشش کی،موجودہ حالات میں اپوزیشن سیاست کے ٹڈی دل کا کردار ادا کر رہی ہے۔

عثمان بزدار نے کہا کہ پاکستانی قوم اپوزیشن رہنماؤں کے منفی رویے سے مایوس ہے،افسوس کا مقام ہے اپوزیشن کرونا پر بھی سیاست چمکانے سے باز نہیں آئی۔

انہوں نے کہا کہ حکومت کے بروقت اور مثبت اقدامات کو شہریوں نے سراہا ہے،بد قسمتی سے اپوزیشن کے پاس کرونا سے نمٹنے کا کوئی پلان نہیں،یہ عناصر ماضی کی طرح صرف بلند وبانگ دعوے ہی کر رہے ہیں۔

وزیراعلیٰ پنجاب کا مزید کہنا تھا کہ وزیراعظم عمران خان کی قیادت میں کرونا،ٹڈی دل اور دیگر چیلنجز سے نمٹ رہے ہیں،عوام کے تعاون سے ہر چیلنج پر قابو پائیں گے۔

لاہور: وزیراعلیٰ پنجاب سردار عثمان بزدار کا کہنا ہے کہ اب تک7 ارب87 کروڑ روپےکی رقم مستحقین میں تقسیم کرچکے ہیں۔

تفصیلات کے مطابق وزیراعلیٰ پنجاب عثمان بزدار نے کہا کہ مستحق خاندانوں کی معاونت کا بڑا پروگرام ہماری حکومت نے دیا،اب تک 7 ارب87 کروڑ روپےکی رقم مستحقین میں تقسیم کرچکے،رقم 6 لاکھ 56 ہزار سے زائد خاندانوں میں تقسیم کی گئی ہے۔

وزیراعلیٰ پنجاب کا کہنا تھا کہ مالی امداد سی ایم امداد پیکیج،احساس پروگرام کے تحت دی گئی،مالی امداد کی تقسیم کا شفاف ترین نظام وضع کیاگیا۔

سردار عثمان نے کہا کہ حکومت حقدار کو اس کاحق پہنچا رہی ہے،ماضی میں ایسے پروگرام صرف ذاتی نمائش کے لیے شروع کیےگئے،سابق ادوار میں وسائل کی بندر بانٹ کر کے حقداروں کا حق مارا گیا۔

وزیر اعلیٰ پنجاب کی غیر ضروری اخراجات میں مزید کمی کی ہدایت

اس سے قبل وزیراعلیٰ پنجاب عثمان بزدار کی زیر صدارت اجلاس ہوا جس میں آئندہ مالی سال 21-2020 کے بجٹ اور سالانہ ترقیاتی پروگرام کا جائزہ لیا گیا۔

اس موقع پر وزیر اعلیٰ پنجاب عثمان بزدار نے آئندہ مالی سال میں غیر ضروری اخراجات میں مزید کمی اور مختلف سیکٹرز میں دی جانے والی سبسڈیز میں کمی کا جائزہ لینے کی ہدایت کی۔

لاہور: وزیراعلیٰ پنجاب سردار عثمان بزدار نے کہا کہ پنجاب لوکل گورنمنٹ اکیڈمی کے قیام کا مقصد بلدیاتی نظام کو مضبوط بنانا ہے۔

تفصیلات کے مطابق جوہر ٹاؤن لاہور میں وزیراعلیٰ پنجاب عثمان بزدار نے پنجاب لوکل گورنمنٹ اکیڈمی کا سنگ بنیاد رکھ دیا۔اس موقع پر وزیراعلیٰ کو بریفنگ کے دوران بتایا گیا کہ اکیڈمی ایک ارب 86 کروڑ 38 لاکھ کی لاگت سے 18 ماہ میں مکمل کی جائے گی۔

بریفنگ کے دوران بتایا گیا کہ اکیڈمی کی جدید بلڈنگ 2 بیسٹمنٹ،4 فلورز پر مشتمل ہوگی،3 اکیڈمک فلور،2 ایڈمنسٹریٹو بلاک، ہاسٹل فلور اور وسیع کار پارکنگ بھی ہوگی،پنجاب لوکل گورنمنٹ اکیڈمی کے فرسٹ اور سیکنڈر فلور کو کرائے پر دیا جائے گا، فلور کرائے پر دینے سے تقریباً 4 کروڑ روپے سالانہ آمدن متوقع ہے۔

اس موقع پر وزیراعلیٰ پنجاب کا کہنا تھا کہ پنجاب لوکل گورنمنٹ اکیڈمی کے قیام کا مقصد بلدیاتی نظام کو مضبوط بنانا ہے،لاہور میں لوکل گورنمنٹ اکیڈمی کا قیام خوش آئنداورقابل تحسین امر ہے۔

سردار عثمان بزدار کا مزید کہنا تھا کہ اکیڈمی میں عوامی نمائندگان،آفیشلز کو عصر حاضر کے مطابق ٹریننگ دی جائے گی،محکمہ بلدیات کو دور حاضر کے تقاضوں کے مطابق اپ گریڈ کیا جائےگا۔