Tag: عثمان بزدار

ننکانہ صاحب: وزیراعلیٰ پنجاب عثمان بزدار نے ننکانہ صاحب میں انصاف امداد پروگرام کا آغاز کردیا۔

تفصیلات کے مطابق عثمان بزدار نے پنجاب کے شہر ننکانہ صاحب کا دورہ کیا اور انصاف امداد پروگرام کا آغاز کردیا، پروگرام کے تحت 25لاکھ مستحق خاندانوں کو 12ہزار روپے فی خاندان مالی امداد دی جائے گی۔

عثمان بزدار نے گورنمنٹ ایم سی گرلزاسکول میں قائم انصاف امدا دسینٹر کا دورہ کیا، وزیراعلیٰ نے انصاف امداد سینٹر میں مستحق افراد سے ملاقات کی اور مستحق افراد میں امدادی رقوم تقسیم کیں۔

اس موقع پر وزیراعلیٰ پنجاب کا کہنا تھا کہ انصاف امداد پروگرام کی شفافیت پر کوئی انگلی نہیں اٹھا سکتا، یہ پروگرام متاثرہ خاندانوں کی مدد کے لیے ہے، پنجاب حکومت نے متاثرہ خاندانوں کو تنہاچھوڑا ہے نہ چھوڑے گی، سیاست سے بالا ترہوکر عوام کی بے لوث خدمت کررہے ہیں، سیاست کیلئے آگے بہت وقت ہے۔

وزیراعلیٰ پنجاب عثمان بزدار نے جو کہا وہ کر دکھایا

انہوں نے کہا کہ کروناوبا پر سیاست چمکانے والوں نے عوام کو مایوس کیا ہے، ننکانہ میں160بستروں پر مشتمل3فیلڈاسپتال قائم کیے گئے ہیں، فیلڈاسپتال میں 4وینٹی لیٹربھی فراہم کیے گئے ہیں، کرونا وبا کا پھیلاؤ روکنے کیلئے ہراقدام کی خود نگرانی کررہاہوں، پنجاب میں مخصوص کاروبار اور دکانیں کھولنےکی اجازت دی گئی ہے۔

عثمان بزدار کا کہنا تھا کہ مزیدصنعتی یونٹس کوبھی آج سے کھول دیا گیا ہے، دکانداروں کو حکومت کی وضع کردہ ہدایات پر عمل درآمد کرنا ہوگا، ایس او پیز کی خلاف ورزی پر قانون کے تحت کارروائی ہوگی۔

دورے کے موقع پر وزیراعلیٰ پنجاب کو فیلڈاسپتال کے بارے میں بریفنگ دی گئی۔ عثمان بزدار نے سڑکوں کی خراب حالت پر برہمی کا اظہار کیا اور سید والاروڈ کا بقیہ تعمیراتی کام 15روز میں مکمل کرنے کا حکم دیا۔ وزیراعلیٰ عثمان بزدار نے کشمیر روڈ اور پیر احمد شاہ روڈکا بھی معائنہ کیا۔

لاہور: وزیراعلیٰ پنجاب سردار عثمان بزدار کا کہنا ہے کہ کرونا وبا پرقابو پانےتک ڈاکٹروطبی عملے کو اضافی تنخواہ ملتی رہےگی۔

تفصیلات کے مطابق وزیراعلیٰ پنجاب عثمان بزدار نے ڈاکٹروں،نرسوں اور دیگراسٹاف کوسلام پیش کرتے ہوئے کہا کہ قوم ڈاکٹروں، عملے کے مثالی کردار کو تحسین کی نظرسے دیکھتی ہے۔

عثمان بزدار کا کہنا تھا کہ کرونا مریضوں کا علاج کرنے والوں کو اپریل سے اضافی تنخواہ دیں گے، وبا پر قابو پانے تک ڈاکٹر وطبی عملے کو اضافی تنخواہ ملتی رہےگی۔

انہوں نے کہا کہ ڈاکٹروں اور طبی عملے نے حقیقی مسیحا ہونے کا ثبوت دیا ہے،ڈاکٹروں وطبی عملے کا نام تاریخ میں سنہری حروف سے لکھا جائےگا، فرنٹ لائن ڈاکٹرز، طبی عملے کی خدمات کو ہمیشہ یاد رکھیں گے۔

وزیراعلیٰ پنجاب کا کہنا تھا کہ کرونا پھیلاؤ روکنے کے لیے جو کچھ بس میں ہوا وہ اقدام کریں گے، غیرمعمولی حالات میں غیر معمولی اقدامات لینا وقت کا تقاضا ہے۔

عثمان بزدار نے کہا کہ حکومت نے عوام کی حفاظت کے لیے بروقت اقدامات کیے ہیں،حکومتی اقدامات پر عملدرآمدمیں کوتاہی کی کوئی گنجائش نہیں ہے،کرونا وائرس کے خلاف جنگ میں جیت ہی واحد آپشن ہے،موجودہ حالات میں عوام کے ساتھ کھڑے ہیں اور رہیں گے۔

لاہور: وزیراعلیٰ پنجاب سردار عثمان بزدار کا کہنا ہے کہ یہ وقت خدمت کا ہے،سب کو یکجا ہو کر کرونا کا مقابلہ کرنا ہے۔

تفصیلات کے مطابق وزیراعلیٰ پنجاب سردار عثمان بزدار سے صنعت سے وابستہ شخصیات نے ملاقات کی جس میں صنعت سے وابستہ شخصیات نے وزیراعلیٰ پنجاب کو کروناحفاظتی سامان کا عطیہ دیا۔

اس موقع پر وزیراعلیٰ پنجاب کا کہنا تھا کہ آزمائش کے وقت متاثرہ لوگوں کی مدد کا جذبہ قابل ستائش ہے،قوم نے ہمیشہ مصیبت میں بہن بھائیوں کی دل کھول کر مدد کی۔

سردار عثمان بزدار نے کہا کہ یہ وقت خدمت کا ہے، سب کو یکجا ہو کر کرونا کا مقابلہ کرنا ہے،آج پاکستان ہم سب سے یکجہتی اور بھائی چارے کا تقاضا کر رہا ہے،گھر میں رہنا سب سے بہتر ین آپشن ہے،شہریوں سے اپیل ہے کہ وہ بلا ضرورت باہر نہ نکلیں۔

وزیراعلیٰ پنجاب کا کہنا تھا کہ امدادی سرگرمیوں کی خود نگرانی کر رہا ہوں،رمضان المبارک میں شہریوں کو مزید محتاط رہنے کی ضرورت ہے۔انہوں نے مزید کہا کہ شہری احتیاطی تدابیر سے اپنی اور پیاروں کی زندگیوں کا تحفظ کریں۔

پاکستان میں کرونا سے ایک دن میں 13 ہلاکتیں، اموات کی تعداد 237 تک جاپہنچی

واضح رہے کہ پاکستان میں میں کرونا وائرس نے مزید 13 جانیں لے لیں، جس کے بعد کرونا سے اموات کی تعداد 237 ہوگئی جبکہ 111 مریضوں کی حالت تشویش ناک ہے۔