Tag: عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ نارووال سمیت دیگر شہروں میں پولیس نفری کمی کو دور کیا جائےگا۔

تفصیلات کے مطابق وزیراعلیٰ پنجاب سردار عثمان بزدار کی زیر صدارت ڈپٹی کمشنر نارووال کے دفتر میں اعلیٰ سطح کا اجلاس ہوا جس میں کرونا روک تھام، انسداد ڈینگی وگندم خریداری مہم کے انتظامات کا جائزہ لیا گیا۔

اس موقع پر وزیراعلیٰ پنجاب کا کہنا تھا کہ پنجاب میں کرونا پھیلاؤ روکنے کے لیے غیرمعمولی اقدامات کیے ہیں،ہنگامی صورتحال سے نمٹنے کے لیے متعلقہ محکمے ہمہ وقت چوکس ہیں،کرونا کے پیش نظر رمضان بازار نہیں لگائے جائیں گے۔

سردار عثمان بزدار نے کہا کہ چیف منسٹر رمضان پیکج کے تحت مستحق خاندانوں کو کیش ٹرانسفر کیاجائے گا، کیش ٹرانسفر کا نظام انصاف امداد پروگرام کی طرز پر بنایاجائے گا۔

انہوں نے نارووال کے علاقوں کو سیلاب سے بچانے کے لیے ہنگامی پلان مرتب کرنے کی ہدایت کرتے ہوئے کہا کہ دریاؤں اورنالوں میں پانی کے بہاؤ کو 24 گھنٹے مانیٹر کیا جائے۔

وزیراعلیٰ پنجاب کا کہنا تھا کہ نارووال سمیت دیگر شہروں میں پولیس نفری کمی کودور کیا جائےگا،پولیس میں 10 ہزار بھرتیوں کی منظوری دے دی ہے۔

عثمان بزدار نے کہا کہ نارووال میں گندم خریداری مہم کا آغاز 25 اپریل سے ہوگا،باردانہ کی تقسیم کا عمل 20 اپریل سے شروع کیا جا رہا ہے،نارووال میں رواں برس65 ہزار میٹرک ٹن گندم خریدی جائےگی۔

انہوں نے کہا کہ گندم خریداری مہم کے لیے مانیٹرنگ کمیٹیاں قائم کردی گئی ہیں۔وزیراعلیٰ پنجاب نے انسداد ڈینگی کے لیے متحرک انداز میں فرائض سر انجام دینے کی ہدایت بھی کی۔

لاہور: وزیراعلیٰ پنجاب سردار عثمان بزدار کا کہنا ہے کہ لاک ڈاؤن میں توسیع پر ہر صورت عملدرآمد کرایا جائےگا۔

تفصیلات کے مطابق وزیراعلیٰ پنجاب سردار عثمان بزدار نے کہا کہ ڈاکٹرز اور دیگر عملے کو ایک ماہ کی اضافی تنخواہ دیں گے، ہیلتھ پروفیشنلز کو یہ اضافی تنخواہ یکم اپریل سے ملےگی۔

عثمان بزدار کا کہنا تھا کہ لاک ڈاؤن میں توسیع پر ہر صورت عملدرآمد کرایا جائے گا،کسی کو حکومتی اقدامات کی خلاف ورزی کی اجازت نہیں جائے گی۔

وزیراعلیٰ پنجاب نے کہا کہ پنجاب میں اب تک کرونا سے 3232 متاثرہ مریض ہیں،صوبے میں کرونا کے550 مریض صحت یاب ہوچکے ہیں۔انہوں نے مزید کہا کہ پنجاب میں تقریباً 56 ہزار ٹیسٹنگ کٹس موجود ہیں، نئی لیبارٹریز کو چندروز میں فنکشنل کر دیا جائے گا۔

پنجاب حکومت کا کرونا کے پیش نظر رمضان بازار نہ لگانےکا فیصلہ

اس سے قبل لاہور میں وزیراعلیٰ پنجاب عثمان بزدار کی زیرصدارت رمضان پیکج پر اجلاس ہوا جس میں پنجاب حکومت نے کرونا کے پیش نظر رمضان بازار نہ لگانے کا فیصلہ کیا۔

اجلاس میں وزیراعلیٰ پنجاب نے رمضان میں عوام کو براہ راست ریلیف کی منظوری دیتے ہوئے کہا کہ عوام کو براہ راست کیش رقم ادا کی جائے گی۔

راولپنڈی: وزیراعلیٰ پنجاب سردار عثمان بزدار کا کہنا ہے کہ مالی امداد تقسیم کرنے کا پروگرام شفاف ترین پروگرام ثابت ہوگا۔

تفصیلات کے مطابق وزیراعلیٰ پنجاب سردار عثمان بزدار نے راولپنڈی میں مالی امداد کی رقوم کی تقسیم کا جائزہ لیا۔ وزیراعلیٰ نے سینٹر میں موجود مستحق افراد سے ملاقات کی۔

وزیراعلیٰ پنجاب نے ویٹنگ روم میں موجود مستحق خواتین سے بھی گفتگو کی اور خواتین سے سینٹر میں کیے گئے انتظامات کے بارے میں دریافت کیا۔عثمان بزدار نے ویٹنگ ایریا میں آنے والی خواتین،افراد میں سینیٹائزر تقسیم کیے۔ خواتین نےسینٹرمیں کیے جانے والے انتظامات کی تعریف کی۔

اس موقع پر سردار عثمان بزدار کا کہنا تھا کہ مالی امداد تقسیم کرنے کا پروگرام شفاف ترین پروگرام ثابت ہوگا،ضرورت مندوں تک مالی امداد پہنچانے کا عمل ہر قیمت پر یقینی بنایا جائےگا۔

وزیراعلیٰ پنجاب نے کہا کہ احساس کفالت پروگرام میں شفافیت کو خصوصی اہمیت دی جائےگی۔ سردار عثمان بزدار نے 2 خواتین کی درخواستوں پر فوری ایکشن لیتے ہوئے انتظامیہ کو خواتین کے مسائل حل کر کے فوری رپورٹ پیش کرنے کی ہدایت بھی کی۔

ہیلتھ پروفیشنلز کے اخلاص کی قیمت ادا نہیں کرسکتے، عثمان بزدار

یاد رہے کہ دو روز قبل وزیراعلیٰ پنجاب سردار عثمان بزدار کا کہنا تھا کہ ہیلتھ پروفیشنلز، ورکرز کے اخلاص کی قیمت ادا نہیں کرسکتے۔

لاہور: وزیراعلیٰ پنجاب سردار عثمان بزدار نے کہا کہ ہیلتھ پروفیشنلز، ورکرز کے اخلاص کی قیمت ادا نہیں کرسکتے۔

تفصیلات کے مطابق سماجی رابطے کی ویب سائٹ ٹویٹر پر وزیراعلیٰ پنجاب سردار عثمان بزدار نے اپنے پیغام میں کہا کہ پنجاب میں ہیلتھ پروفیشنلز کوحفاظتی سازو سامان فراہم کر رہے ہیں۔

عثمان بزدار کا کہنا تھا کہ فرنٹ لائن پر کام کرنے والے ورکرز کو بھی حفاظتی کٹس فراہم کر رہے ہیں،شکایات کی صورت میں فوری ایکشن لیا جاتا ہے۔

وزیراعلی‌ٰ پنجاب نے اپنے پیغام میں مزید کہا کہ ورکرز، پروفیشنلز کے اخلاص کی قیمت ادا نہیں کرسکتے،ان ہیروز کو تنخواہ کے برابر الاؤنس،خدانخواستہ جانی نقصان پر شہید پیکج دیا جائےگا۔

کورونا وائرس کا مقابلہ کرنے میں جس طرح ہمارے فرنٹ لائن ورکرز/پروفیشنلز دن رات لگن سےکام کر رہےہیں وہ قابل تحسین ہے

ہم ان کے اخلاص کی قیمت ادا نہیں کر سکتےلیکن ان تمام ہیروز کو تنخواہ کےبرابر الاؤنس اور خدانخواستہ کسی جانی نقصان کی صورت میں شہید پیکج دیاجائےگا#CoronaHeroesPK

— Usman Buzdar (@UsmanAKBuzdar) April 11, 2020

پاکستان میں کرونا کیسز کی تعداد 4788 تک پہنچ گئی

واضح رہے کہ پاکستان میں 190 نئے کیسز رپورٹ ہونے کے بعد متاثرہ افراد کی تعداد ساڑھے چار ہزار سے بڑھ گئی ہے۔

لاہور: وزیراعلیٰ پنجاب سردار عثمان بزدار کا کہنا ہے کہ ایل ڈی اے کے تحت سڑکوں کی تعمیر ومرمت جلد مکمل کی جائے۔

تفصیلات کے مطابق لاہور میں وزیراعلیٰ پنجاب کی زیر صدارت ایل ڈی اے میں اجلاس ہوا جس میں عثمان بزدار نے کہا کہ کرونا کے پیش نظر ایل ڈی اے نے ادائیگیوں کو 30 اپریل تک مؤخر کیا،یہ اقدام شہریوں کو ریلیف دینے کے لیے اٹھایا گیا ہے۔

وزیراعلیٰ پنجاب کا کہنا تھا کہ جناح اسپتال کے سامنے اسٹیل بریج کو جلد مکمل کیا جائے۔ انہوں نے بتایا کہ ایل ڈی اے ایپ لانچ ہونے سے شہریوں کو دفاتر نہیں آنا پڑےگا۔

سردار عثمان بزدار کا کہنا تھا کہ فردوس مارکیٹ انڈر پاس کاسنگ بنیاد اس ماہ میں رکھا جائے گا، اس منصوبے پر 2 ارب روپے لاگت آئے گی،برکت مارکیٹ سے جناح اسپتال سگنل فری کوریڈور بنایا جائےگا۔

انہوں نے ایل ڈی اے کے تحت سڑکوں کی تعمیر ومرمت اور سڑکوں پر روڈز سائن لگانے کے کام کو جلد مکمل کرنے کی ہدایت کی۔ وزیراعلیٰ پنجاب کا کہنا تھا کہ ہر کام کے لیے وزیراعلیٰ کی جانب دیکھنا درست نہیں، آپ کام کریں،نتائج دیں، پوری سپورٹ آپ کے ساتھ ہے، عوام کو ریلیف دینے کے لیے ہر وہ کام کیا جائے جس کی ضرورت ہے۔

سردار عثمان بزدار کا کہنا تھا کہ شاہکام چوک پر فلائی اوور تعمیر پر جلد کام شروع کیا جائے، ارفع کریم آئی ٹی ٹاور سے ملحقہ اراضی کا بہترین استعمال یقینی بنایاجائے۔انہوں نے مزید کہا کہ لاہور میں واٹرسپلائی،سیوریج کے منصوبے شروع کیے جائیں گے۔