Tag: عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ جنرل اسٹورز ، کریانہ دکانیں صبح 8 سے رات 8 بجے تک کھلی رہیں گی۔

تفصیلات کے مطابق وزیراعلیٰ پنجاب سردار عثمان بزدار کی زیرصدارت کرونا کی روک تھام کے لیے قائم کابینہ کمیٹی کا ویڈیو لنک اجلاس ہوا جس میں کرونا کی روک تھام کے اقدامات،مریضوں کے علاج کی سہولتوں کا جائزہ لیا گیا۔ اجلاس میں فوڈ سپلائی چین کے حوالے سے امور پر بھی غور کیا گیا۔

اس موقع پر وزیراعلیٰ پنجاب کا کہنا تھا کہ جنرل اسٹورز ، کریانہ دکانیں صبح 8 سے رات 8 بجے تک کھلی رہیں گی، فیصلے پر عملدرآمد کل سے ہوگا۔

انہوں نے کہا کہ گڈز ٹرانسپورٹ کو نقل و حمل کی اجازت دینے کا فیصلہ کیا ہے، مسافر بردار گاڑیوں پر پابندی برقرار رہے گی۔انہوں نے لاہور سمیت پنجاب بھر میں چیکنگ کا نظام سخت کرنے کی ہدایت کی۔

سردار عثمان بزدار کا کہنا تھا کہ کرونا سے متعلق حساس علاقوں کی نشاندہی کر کے ایس اوپیز پرعمل کیا جائے،کرونا کیس والے علاقوں میں نقل وحرکت کو محدود کیا جائے۔

وزیراعلیٰ پنجاب نے کہا کہ آٹے سمیت اشیا ضروریہ کی دستیابی یقینی بنائی جائے، انتہائی غریب افراد کے لیے معاشی پیکیج تیار کر رہے ہیں۔ انہوں نے کہا کہ وزیرخزانہ کی سربراہی میں قائم کمیٹی کل اس ضمن میں بریفنگ دےگی۔

عثمان بزدار کا کہنا تھا کہ کرونا کے ٹیسٹ کے لیے کٹس کی دستیابی ہر صورت یقینی بنائی جائے۔ انہوں نے کہا کہ پاکستان آرمی اور رینجرز کے کردار کو بھی سراہتے ہیں، ڈاکٹروں، نرسوں اور پیرا میڈیکل اسٹاف کی خدمات قابل تحسین ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ وزیراعظم عمران خان عام آدمی کا درد رکھتے ہیں، ہر فیصلہ عام آدمی کے لیے ہے۔

تفصیلات کے مطابق وزیراعلیٰ پنجاب سردار عثمان بزدار نے وزیراعظم عمران خان کے قوم سے خطاب کا خیر مقدم کرتے ہوئے کہا کہ وزیراعظم نے کرونا پر حقائق، اصل صورتحال سامنے رکھی۔

عثمان بزدار کا کہنا تھا کہ وزیراعظم نے موجودہ صورت حال کے تناظر میں قوم کو اعتماد میں لیا، لاک ڈاؤن نہ کرنے کا اعلان دانشمندانہ اقدام ہے، ملک افراتفری کا متحمل نہیں ہوسکتا۔

انہوں نے کہا کہ مشترکہ سوچ، اجتماعی بصیرت کے تحت قوم کے مفاد میں فیصلے کرنے ہیں، قومی مسئلے پر سیاست کرنا ملک اور 22 کروڑ عوام سے زیادتی ہے۔عثمان بزدار نے کہا کہ وزیراعظم عام آدمی کا درد رکھتے ہیں،ہر فیصلہ عام آدمی کے لیے ہے۔

چین کی طرح ہم بھی وبا کو شکست دے سکتے ہیں، عوام حکومت پر اعتماد رکھے: وزیر اعظم

اس سے قبل وزیر اعظم عمران خان نے قوم سے خطاب کرتے ہوئے کہنا تھا کہ ملک میں بحث چل رہی ہے کہ لاک ڈاؤن کر دینا چاہیئے، مکمل لاک ڈاؤن کا مطلب ہے شہریوں کو گھر میں بند کر کے پولیس اور فوج پہرا دے۔

وزیر اعظم عمران خان کا کہنا تھا کہ مکمل لاک ڈاؤن نہیں کرسکتے، 25 فیصد پاکستانی غربت کی لکیر سے نیچے ہیں، لاک ڈاؤن کر دیا تو ان کا کیا بنے گا۔

کوئٹہ: آج پورے پاکستان میں بلوچ کلچر ڈے جوش و خروش سے منایا جا رہا ہے، پاکستان کے چاروں صوبوں میں آباد بلوچ پرجوش طریقے سے اس ثقافتی دن کو منائیں گے۔

تفصیلات کے مطابق وزیر اعلیٰ پنجاب عثمان بزدار نے بلوچ کلچر ڈے کو پنجاب میں حکومتی سطح پر منانے کے کی منظوری دی تھی، اس سلسلے میں مختلف مقامات پر رنگارنگ تقریبات کا انعقاد کیا جائے گا۔

وزیر اعلیٰ بلوچستان جام کمال نے بلوچ کلچر ڈے پر پیغام دیتے ہوئے کہا ہے کہ ہمارا صوبہ مختلف اقوام اور قبیلوں کا گل دستہ ہے، منفرد ثقافت، روایات اور تہذیب یہاں کے لوگوں کی پہچان ہے، با شعور قومیں اپنے ثقافتی ورثے کا ہمیشہ تحفظ کرتی ہیں۔

وزیر اعلیٰ پنجاب عثمان بزدار نے بلوچ کلچر ڈے پر بلوچ بھائیوں کو مبارک باد دیتے ہوئے اپنے پیغام میں کہا کہ پاکستان میں بسنے والی تمام قومیں ایک لڑی میں پروئی ہوئی ہیں، بلوچستان کی ثقافت امن کی ثقافت ہے، بلوچ کلچر ڈے منانے کا مقصد محبت، بھائی چارے اور یگانگت کا فروغ ہے۔

عثمان بزدار کا کہنا تھا کہ بین الثقافتی ہم آہنگی کو فروغ دینا وقت کا تقاضا ہے، میرا اپنا قبیلہ بلوچستان میں آباد ہے، دیگر ثقافتوں کے دن بھی بھرپور طریقے سے منائیں گے۔

اسلام آباد: وزیراعلیٰ پنجاب سردار عثمان بزدار کا کہنا ہے کہ تمام اتحادی ساتھ ہیں کوئی پریشانی والی بات نہیں، مخالفین کے لیے میں صرف دعا کرسکتا ہوں۔

تفصیلات کے مطابق اتحادیوں سے مذاکرات کے لیے بننے والی کمیٹیوں کا اہم اجلاس کے بعد میڈیا سے گفتگو کرتے ہوئے وزیراعلیٰ پنجاب نے کہا کہ اتحادیوں سےمتعلق تمام تحفظات دور ہوجائیں گے، تمام اتحادی ساتھ ہیں کوئی پریشانی والی بات نہیں ہے۔

صحافی نے سردار عثمان بزدار سے سوال کیا کہ کیا ترین صاحب کمیٹی میں واپس آ رہے ہیں، جس پر انہوں نے جواب دیا ہم سب ساتھ ہیں، سب سے زیادہ کام پنجاب میں ہو رہا ہے۔

وزیراعلیٰ پنجاب سے صحافی نے سوال کیا کہ جو لوگ آپ کے مخالف ہیں ان کو کیا پیغام دیں گے؟ جس پر انہوں نے کہا کہ مخالفین کے لیے میں صرف دعا کر سکتا ہوں۔

اس ہفتے اتحادیوں سے مذاکرات شروع ہوجائیں گے، پرویز خٹک

اس سے قبل وزیر دفاع پرویز خٹک کا کہنا تھا کہ اس ہفتے اتحادیوں سے مذاکرات شروع ہوجائیں گے، اتحادیوں سے مذاکرات کے پہلے سے طے شدہ طریقہ کار پر بات ہوگی۔

جہانگیر ترین سے متعلق سوال پر پرویز خٹک کا کہنا تھا کہ جہانگیر ترین کو کمیٹیوں میں شامل کرنے کا فیصلہ وزیراعظم عمران خان نے کرنا ہے۔

لاہور: وزیراعلیٰ پنجاب سردار عثمان بزدار کا کہنا ہے کہ کسی کو میرٹ کے خلاف کام کرنے دیا ہے اور نہ کرنےدوں گا۔

تفصیلات کے مطابق وزیراعلیٰ پنجاب عثمان بزدار کی زیرصدارت سرگودھا کے اراکین قومی و صوبائی اسمبلی کا اجلاس ہوا۔ وزیراعلیٰ پنجاب نے اراکین قومی وصوبائی اسمبلی کی نشستوں پر ان سےمصافحہ کیا۔انہوں نے نےاراکین کی جانب سے پیش تجاویز پر فوری احکامات جاری کیے۔

اس موقع پر سردار عثمان بزدار کا کہنا تھا کہ اراکین قومی وصوبائی اسمبلی کے حلقوں کے مسائل حل کریں گے، سرگودھا ڈویژن کے کئی علاقے اب بھی ترقی کے سفر میں پیچھے ہیں۔

وزیراعلیٰ پنجاب نے کہا کہ اراکین قومی وصوبائی اسمبلی تعلیم،صحت کی سہولتوں کو بہتر بنائیں گے، پنجاب میں ہر کام میرٹ پر ہو رہا ہے،کسی کو میرٹ کے خلاف کام کرنے دیا ہے اور نہ کرنے دوں گا۔

عثمان بزدار کا کہنا تھا کہ اراکین قومی و صوبائی اسمبلی میرے دست و بازو ہیں، منتخب نمائندوں کی عزت پر حرف نہیں آنے دوں گا۔ انہوں نے مزید کہا کہ محکمہ بلدیات میں اسٹاف کی کمی کو فی الفور دور کیا جائے۔

فیصل آباد میں پولیس کی نفری کی کمی کو پورا کیا جائےگا، عثمان بزدار

یاد رہے کہ گزشتہ روز وزیراعلیٰ پنجاب عثمان بزدار کا کہنا تھا کہ فیصل آباد میں پولیس کی نفری کی کمی کو پورا کیا جائے گا۔

لاہور: وزیراعلیٰ پنجاب سردار عثمان بزدار نے کہا کہ فیصل آباد میں پولیس کی نفری کی کمی کو پورا کیا جائےگا۔

تفصیلات کے مطابق وزیراعلیٰ پنجاب کی زیر صدارت فیصل آباد ڈویژن کے اراکین پارلیمنٹ کا اجلاس ہوا، فیصل آباد ڈویژن میں جاری ترقیاتی منصوبوں اور اسکیموں پر پیش رفت کا جائزہ لیا گیا۔ اراکین قومی و صوبائی اسمبلی نے منصوبوں کے بارے میں تجاویز پیش کیں۔

وزیراعلیٰ پنجاب عثمان بزدار اراکین قومی و صوبائی اسمبلی کی نشستوں پر گئے اور مصافحہ کیا۔ وزیراعلیٰ پنجاب نے اجلاس سے خطاب کرتے ہوئے کہا کہ فیصل آباد ڈویژن کے مسائل اراکین کی مشاورت سے حل کریں گے۔

انہوں نے کہا کہ اراکین قومی و صوبائی اسمبلی کے عزت و احترام پر سمجھوتہ نہیں ہوگا، منتخب نمائندوں کے جائز کاموں میں کسی کو رکاوٹ نہیں ڈالنے دی جائےگی۔

وزیراعلیٰ پنجاب کا کہنا تھا کہ ماضی میں نمائشی منصوبوں کو شروع کر کے قومی خزانہ لٹایا گیا، ہماری حکومت نے ماضی کی غلط روایت کا خاتمہ کیا ہے۔

سردار عثمان بزدار نے کہا کہ فیصل آباد میں پولیس کی نفری کی کمی کو پورا کیا جائے گا، فیصل آباد ڈویژن میں واٹر فلٹریشن پلانٹس لگائے جائیں گے، آب پاک اتھارٹی کے لیے8 ارب روپے مختص کیے ہیں۔