Tag: عثمان بزدار

لاہور : احتساب عدالت نے سابق وزیراعلیٰ عثمان بزدار  کی عبوری ضمانت میں7مارچ تک توسیع کرتے ہوئے نیب کے پاس شامل تفتیش ہونے کا حکم دے دیا۔

تفصیلات کے مطابق احتساب عدالت میں عثمان بزدار کی عبوری ضمانت پر سماعت ہوئی۔

عثمان بزدار کو انکوائری کی کاپی نہ دینے پر عدالت نے نیب پراسیکیوٹر کی سرزنش کی، فاضل جج نے کہا کہ ملزم کوعلم ہوناچاہیےان پر کیا الزام ہے۔

نیب پراسیکیوٹر نے بتایا کہ عثمان بزدارنےتحریری جواب نیب کوبھجوایاہےشامل تفتیش نہیں ہوئے ، جس پر عدالت نے عثمان بزدار سے استفسار کیا کہ آپ شامل تفتیش کیوں نہیں ہو رہے۔

عثمان بزدار نے کہا کہ میں جلدشامل تفتیش ہوجاؤں گا، جس پر فاضل جج کا کہنا تھا کہ آج ہی جاکرشامل تفتیش ہو۔

عثمان بزدار نے عدالت کو بتایا کہ آج ڈیرہ غازی خان میں ایک شادی کی تقریب ہے مہلت دیں تو فاضل جج نے جواب دیا کہ آپ بہانےنہ بنائیں شادی کوئی بہانہ نہیں ہے۔

عثمان بزدار کا کہنا تھا کہ نیب والے کہتے ہیں میرے10ارب کےاثاثےہیں، میرے پورے قبیلے کے 10ارب کےاثاثےنہیں ہیں۔

فاضل جج نے کہا کہ بزدارصاحب نےشادی میں کیاکرناہے10دن کی تاریخ مانگ رہےہیں ، آپ شامل تفتیش نہیں ہوتےتوآپ مجھ سےریلیف کانہیں کہنا۔

احتساب عدالت نے عثمان بزدارعبوری ضمانت میں7مارچ تک توسیع کردی اور عثمان بزدارکونیب کےپاس شامل تفتیش ہونےکاحکم دے دیا۔

سابق وزیر اعلیٰ پنجاب عثمان بزدار نے کہا کہ میرے سینے میں بھی بہت سے راز دفن ہیں لیکن یہ مناسب وقت نہیں ہے۔

لاہورکی احتساب عدالت کے باہر سردار عثمان بزدار نے میڈیا سے گفتگو کررہے تھے کہ ایک صحافی نے سوال پوچھا کہ پرویز الٰہی نےکہا ہے کہ عثمان بزدارساری خرابیوں کے ذمہ دارہیں۔

اس پر عثمان بزدار کا کہنا تھا کہ ساڑھے 3 سال سے زیادہ صوبےکی خدمت کی میرا ضمیرمطمئن ہے، ہم نے صوبے بھر میں ریکارڈ ترقیاتی کام کرائے ہیں۔

انہوں نے کہا کہ ہمارے دور میں بہترین گڈ گورنس تھی، کسی کے خلاف کوئی انتقامی کارروائی نہیں کی، میں دوستوں ‍کا احترام کرتا ہوں، مستقبل میں بھی ساتھ مل کر چلیں گے۔

سابق وزیراعلیٰ پنجاب عثمان بزدار نے کہا کہ میرے سینے میں بھی بہت سے راز دفن ہیں لیکن یہ مناسب وقت نہیں، یہ ہر کسی کے اپنے ظرف کی بات ہے، میں نےکبھی کسی کیخلاف کوئی بات نہیں کی ہے۔

انہوں نے کہا کہ ہم نے پاکستان اور اس صوبے کی خدمت کی ہے، لیکن جب کوئی مجھ پر تنقید کرتا تو اس کا مطلب وہ پاکستان تحریک انصاف اور اسکے بیانیے پر تنقید کررہا ہے۔

عثمان بزدار کا کہنا تھا کہ جب میں تحصیل ناظم بنا اس وقت چوہدری پرویزالٰہی وزیر اعلیٰ نہیں تھے، میں دوسری بار بھی تحصیل ناظم منتخب ہوا، جب میں ہار گیا تو منتخب کیسے ہوا، ہم نے صوبے میں ہر ضلع کو فنڈز جاری کیے، کسی کے ساتھ نا انصافی نہیں کی اس لیے دوبارہ منتحب ہوا۔

 

View this post on Instagram

 

A post shared by ARY News (@arynewstv)