Tag: عثمان بزدار

لاہور: وزیراعلیٰ پنجاب عثمان بزدار نے کہا ہے کہ پاکستان تبدیلی کی راہ پر چل پڑا ہے اب یہ سفر نہیں رکے گا۔

تفصیلات کے مطابق وزیراعلیٰ پنجاب عثمان بزدار سے صوبائی وزرا، اراکین اسمبلی اور پی ٹی آئی عہدیداران نے ملاقات کی، عثمان بزدار نے کہا کہ خلوص نیت اور محنت کے ساتھ عوام کی خدمت کررہے ہیں۔

وزیراعلیٰ پنجاب نے کہا کہ 30 برس کے دوران آنے والی حکومتوں نے مسائل کے انبار لگائے ،ہم نے پنجاب میں کفایت شعاری اور بچت کی نئی مثالیں قائم کی ہیں۔

عثمان بزدار نے کہا کہ صوبے کے عوام کے مفاد میں جو کچھ بن پڑا وہ کر گزریں گے، عوامی فلاح کے وہ کام کررہے ہیں جو سابق حکمران برسوں نہ کرپائے۔

مزید پڑھیں: پنجاب کے ہر ضلع میں یونیورسٹی بنائیں گے،عثمان بزدار

انہوں نے کہا کہ پاکستان تبدیلی کی راہ پر چل پڑا ہے اب یہ سفر نہیں رکے گا، یہ تبدیلی عوام کی بہتری کے لیے ہے۔

واضح رہے کہ چند روز قبل عثمان بزدار کا کہنا تھا کہ پنجاب کے ہر ضلع میں یونیورسٹی بنائیں گے، 8 یونیورسٹیوں پر اسی سال کام شروع ہوچکا ہے۔

ان کا کہنا تھا کہ یونیورسٹیوں میں کوہسار یونیورسٹی مری، راولپنڈی یونیورسٹی، نارتھ پنجاب یونیورسٹی چکوال، تھل یونیورسٹی بھکر، میانوالی، باباگرونانک، ساؤتھ پنجاب لیہ، آئی ٹی یونیورسٹی راولپنڈی بھی شامل ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ چھت اور کھانا فراہم کرکے ریاست اپنی ذمے داری پوری کر رہی ہے، پناہ گاہوں کی تعمیر کے منصوبے کی نگرانی خود کر رہا ہوں۔

تفصیلات کے مطابق وزیراعلیٰ پنجاب سردار عثمان بزدار نے تونسہ میں پناہ گاہ کی زیر تعمیر عمارت کا دورہ کیا۔ اس موقع پر سردار عثمان بزدار نے کہا کہ یہ نیکی کا کام ہے،اس میں تاخیر نہیں ہونی چاہیے۔

وزیراعلیٰ پنجاب نے کہا کہ پناہ گاہ کا منصوبہ بے گھر افراد کے لیے نعمت کے مترادف ہے، وزیراعظم کی ہدایت پر پناہ گاہ کا دائرہ پورے پنجاب تک بڑھائیں گے، بے گھرافراد کو شدید سردی میں کھلے آسمان تلے نہیں سونا پڑے گا۔

سردار عثمان بزدار نے کہا کہ چھت اور کھانا فراہم کرکے ریاست اپنی ذمےداری پوری کر رہی ہے، معاشرے کے پسے افراد کے لیے صلہ رحمی کی ایسی کوئی مثال نہیں ملتی۔ انہوں نے مزید کہا کہ ذاتی طور پر پناہ گاہوں کی تعمیر کے منصوبے کی نگرانی کر رہا ہوں۔

یاد رہے کہ رواں سال 23 مئی کو وزیراعلیٰ پنجاب عثمان بزدار نے ریلوے اسٹیشن کے نزدیک مسافروں کے لیے بنائی گئی مستقل پناہ گاہ کا افتتاح کیا تھا۔ اس موقع پر وزیراعلیٰ پنجاب کا کہنا تھا کہ حکومت نے کھلے آسمان تلے سونے والے افراد کو چھت دی ہے یہ احسان نہیں بلکہ ان کا حق ہے۔

لاہور: پنجاب حکومت نے اسپتالوں، ڈاکٹرز اور عملے کے تحفظ کے لیے قانون سازی کا فیصلہ کرلیا، وزیراعلیٰ عثمان بزدار نے ہیلتھ پروفیشنلز سیکیورٹی بل کابینہ اجلاس میں پیش کرنے کی ہدایت کردی۔

تفصیلات کے مطابق وزیراعلیٰ پنجاب کی زیر صدارت کابینہ کمیٹی برائے امن و امان کا اجلاس ہوا جس میں پی آئی سی ہنگامہ آرائی کیس پر ہونے والی پیشرفت کا جائزہ لیا گیا، اجلاس میں اسپتال کو فنکشنل کرنے کے لیے کیے جانے والے اقدامات کا بھی جائزہ لیا گیا۔

وزیراعلیٰ پنجاب کو بریفنگ دی گئی کہ پی آئی سی کی بحالی کے لیے دن رات کام ہورہا ہے، آج رات تک پی آئی سی ایمرجنسی سروسز کو بحال کردیا جائے گا۔

عثمان بزدار کو بریفنگ دی گئی کہ جاں بحق مریضوں کے لواحقین میں امدادی چیک تقسیم کردئیے گئے ہیں، جن ڈاکٹرز، شہریوں کی گاڑیوں کو نقصان پہنچا انہیں بھی معاوضہ ادا کردیا گیا ہے۔

وزیراعلیٰ پنجاب عثمان بزدار نے کہا کہ آج رات پی آئی سی کو کھول دیا جائے گا، نقصانات کا جائزہ لینے والی کمیٹی کی سفارشات پر عملدرآمد ہوگا۔

عثمان بزدار نے کہا کہ کیا حملہ منصوبہ بندی کے ساتھ تھا اس کی تحقیقات ہوں گی، اقدام کیا پنجاب حکومت کو غیرمستحکم کرنا تھا اس کو بھی دیکھا جائے گا۔

انہوں ںے کہا کہ آئندہ ایسے واقعات کی روک تھام کے لیے ایس او پیز طے کیے جارہے ہیں۔