Tag: عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ غیرفعال واٹرسپلائی اسکیموں کی بحالی کے لیے اقدامات کریں گے۔

تفصیلات کے مطابق لاہور میں وزیراعلیٰ پنجاب سردار عثمان بزدار کی زیرصدارت اجلاس ہوا جس میں چیف سیکرٹری، چیئرمین منصوبہ بندی وترقیات، سیکرٹری تعمیرات اوردیگر نے شرکت کی۔

اجلاس میں پنجاب میں بنیادی سہولتوں کی فراہمی کے لیے نیا پروگرام شروع کرنے کا فیصلہ کیا گیا۔ وزیراعلیٰ پنجاب نے دہلیز پربنیادی ضروریات دینے کے پروگرام کی منظوری دے دی۔

سردار عثمان بزدار نے کہا کہ پروگرام پر مجموعی طور پر25 ارب روپے خرچ ہوں گے، صوبے کے ہرشہر اور دیہات کی ترقی چاہتا ہوں، بنیادی سہولتیں بہتر بنا کرعوام کو ان کا حق لوٹائیں گے۔

وزیراعلیٰ پنجاب نے کہا کہ صفائی ،پینے کے پانی اور سیوریج سسٹم کو بہتر بنایا جائے گا، غیرفعال واٹر سپلائی اسکیموں کی بحالی کے لیے اقدامات کریں گے۔

سردار عثمان بزدار نے کہا کہ صفائی بہتر بنانے کے لیے ضروری مشینری خریدی جائے گی۔

پنجاب میں نئے اضلاع اور تحصیلیں بنائی جائیں گی، سردار عثمان بزدار

یاد رہے کہ گزشتہ ماہ وزیراعلیٰ پنجاب کا کہنا تھا کہ ماضی کے حکمرانوں نے ذاتی نمائش کے منصوبوں پر اربوں روپے کے وسائل برباد کیے۔ عوام سابق ادوار کے حکمرانوں کو یکسر فراموش کرچکی ہے۔ نیا پاکستان بن رہا ہے اور بن کر رہے گا۔

سردار عثمان بزدار کا کہنا تھا کہ صوبے میں نئے اضلاع اور تحصیلیں بنانے کے لیے کمیٹی قائم کر دی گئی ہے۔ کمیٹی کی سفارشات کی روشنی میں نئے اضلاع اور تحصیلیں بنائیں گے۔

لاہور: وزیراعلیٰ پنجاب سردار عثمان بزدار کا کہنا ہے کہ اسلام بیراج کی توسیع سے10 لاکھ ایکڑ اراضی کو پانی میسر ہوگا۔

تفصیلات کے مطابق وزیراعلیٰ پنجاب سردار عثمان بزدار کا کہنا ہے کہ واٹرپالیسی اورایکٹ 2019 پی ٹی آئی حکومت کے نمایاں اقدامات ہیں۔

عثمان بزدار نے کہا کہ راولپنڈی کوصاف پانی کی فراہمی کے لیے ڈاڈوچہ ڈیم بنا رہے ہیں، ضلع چکوال کے لیے ڈیم بنایا جائے گا، دریائے ستلج پر واقع اسلام بیراج کی توسیع کی جائے گی۔

وزیراعلیٰ پنجاب نے کہا کہ اسلام بیراج کی توسیع سے10لاکھ ایکڑاراضی کو پانی میسرہوگا، کھالوں کی لائننگ کامنصوبہ ساڑھے 9 ارب کی لاگت سے مکمل ہوگا۔

سردار عثمان بزدار نے کہا کہ عوام کا پیسہ عوام کی فلاح و بہبود پر ہی خرچ کریں گے۔

پنجاب میں نئے اضلاع اور تحصیلیں بنائی جائیں گی، سردار عثمان بزدار

یاد رہے کہ گزشتہ ہفتے وزیراعلیٰ پنجاب کا کہنا تھا کہ ماضی کے حکمرانوں نے ذاتی نمائش کے منصوبوں پر اربوں روپے کے وسائل برباد کیے۔ عوام سابق ادوار کے حکمرانوں کو یکسر فراموش کرچکی ہے۔ نیا پاکستان بن رہا ہے اور بن کر رہے گا۔

سردار عثمان بزدار کا کہنا تھا کہ صوبے میں نئے اضلاع اور تحصیلیں بنانے کے لیے کمیٹی قائم کر دی گئی ہے۔ کمیٹی کی سفارشات کی روشنی میں نئے اضلاع اور تحصیلیں بنائیں گے۔

لاہور :وزیر اعلٰی پنجاب عثمان بزدار نے کہا ہے کہ پنجاب کے پرائمری اسکولوں میں آئندہ تعلیمی سال سے ذریعہ تعلیم اردو ہوگا، تعلیم انگریزی ہونے سے توجہ ترجمے پر رہ جاتی ہے اور بچے کچھ نیا سیکھ نہیں پاتے۔

تفصیلات کے مطابق وزیر اعلٰی پنجاب عثمان بزدار نے سماجی رابطے کی ویب سائٹ ٹوئٹر پر اپنے پیغام میں کہا ہے کہ محکمہ اسکول ایجوکیشن کی جانب سے صوبے کے 22 اضلاع میں طلباء، والدین اور اساتذہ سے ذریعہ تعلیم سے متعلق سروے کیا ہے، جس میں 85 فیصد سے زائد رائے اردو کے حق میں آئی ہے۔

عثمان بزدار کا کہنا تھا کہ مارچ 2020 سے پرائمری کی سطح تک ذریعہ تعلیم اردو کر دیا جائے گا، پرائمری سطح پر ذریعہ تعلیم انگریزی ہونے کی وجہ سے اساتذہ اور بچوں کا سارا وقت مضمون کو سمجھنے کی بجائے ترجمہ کرنے میں صرف ہو جاتا ہے اور بچے کچھ نیا نہیں سیکھ پاتے۔

پرائمری سطح پر ذریعہ تعلیم (Medium of Instruction) انگلش ہونے کی وجہ سے اساتذہ اور بچوں کا سارا وقت مضمون کو سمجھنے کی بجائے ترجمہ کرنے میں صرف ہو جاتا ہے اور بچے کچھ نیا سیکھ نہیں پاتے

اگلے تعلیمی سال (مارچ 2020) سے پنجاب کے پرائمری سکولوں میں ذریعہ تعلیم اردو کر دیا جائے گا pic.twitter.com/yzXSyz0YHH

— Usman Buzdar (@UsmanAKBuzdar) July 27, 2019

یاد رہے وزیر اعلٰی پنجاب کا کہنا تھا پنجاب کے ہربچے کواعلیٰ ترین تعلیم کے مواقع فراہم کرنا چاہتے ہیں، دانش اسکول اورسینٹرآف ایکسی لینس کے منصوبے میں بہتری لائیں گے۔

انہوں نے کہا کہ دانش اسکول کے اخراجات میں کمی پرانتظامی تبدیلیاں کی جائیں گی، اسکولوں کی تعمیرمیں گھپلے پرقومی خزانے کی پائی پائی وصول کریں گے۔