Tag: عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ ٹوٹی سڑکوں کے باعث شہریوں کو مشکلات کا سامنا کرنا پڑتا ہے۔

تفصیلات کے مطابق وزیراعلیٰ پنجاب کی زیرصدارت لاہور ڈویلپمنٹ اتھارٹی کی گورننگ باڈی کے اجلاس میں کثیرمنزلہ عمارتوں کی تعمیرکی حوصلہ افزائی کے لیے قواعد آسان اور بہتر بنانے کا فیصلہ کیا گیا۔

سردار عثمان بزدار نے کثیرمنزلہ عمارتوں پرکمیٹی کو جلد قواعد حتمی شکل دینے کی ہدایت کردی۔ اجلاس میں بتایا گیا کہ جوہرٹاؤن میں پاکستان کی دوسری بلند ترین عمارت کا سنگ بنیاد جلد رکھا جائے گا، 44 کنال پر تعمیرعمارت 45 منزلہ ہوگی جس میں 3 بیسمنٹ بھی ہوں گے۔

وزیراعلیٰ پنجاب نے اجلاس سے خطاب کرتے ہوئے کہا کہ ٹوٹی سڑکوں کے باعث شہریوں کو مشکلات کا سامنا کرنا پڑتا ہے، ایل ڈی اے کو سڑکوں کی حالت پر بھی توجہ دینی چاہیے۔

سردار عثمان بزدار نے کہا کہ لاہور میں کثیرمنزلہ عمارتوں کی تعمیر خوش آئند ہے، کثیرمنزلہ عمارتوں میں ریسکیو کا خصوصی انتظام کیا جائے۔

یاد رہے کہ رواں سال مارچ میں وزیراعظم عمران خان نے ٹویٹر پر اپنے پیغام میں کہا تھا کہ ہم حفاظت کے بین الاقوامی معیار کو سامنے رکھتے ہوئے کثیرالمنزلہ عمارت کی تعمیر کی اجازت دینے کے لیے قوانین تشکیل دے رہے ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ پیشہ ورانہ تربیت ناگہانی حادثات کے نقصانات کوکم کر دیتی ہے۔

تفصیلات کے مطابق وزیراعلیٰ پنجاب سردار عثمان بزدار نے فائرفائٹرز کے عالمی دن پراپنے پیغام میں کہا کہ جان ومال کے نقصان کو کم کرنے میں فائر فائٹرز کا کرداراہم ہے۔

انہوں نے کہا کہ جدید تقاضوں کے مطابق فائرفائٹرزکی تربیت وقت کا تقاضہ ہے، پیشہ ورانہ تربیت ناگہانی حادثات کے نقصانات کوکم کر دیتی ہے۔

وزیراعلیٰ پنجاب نے کہا کہ فائر فائٹرز کو ہرممکن وسائل فراہم کیے جا رہے ہیں، ریسکیو 1122 کا دائرہ کار نچلی سطح تک بڑھایا جا رہا ہے۔

بے خوف و خطر آگ میں کود جانے والے جانباز سپاہیوں کا عالمی دن

واضح رہے کہ دنیا بھر میں آج آگ سے لڑنے والے جانباز سپاہیوں یعنی فائر فائٹرز کا عالمی دن منایا جارہا ہے۔ آج کا دن زندگیاں بچانے کے لیے سلگتی بھڑکتی آگ میں کود جانے والے بہادر فائر فائٹرز کے نام منسوب ہے۔

اس دن کو منانے کا آغاز سنہ 1999 سے شروع کیا گیا۔ 4 جنوری 1998 کو آسٹریلیا کے شہر لنٹن کے جنگلات میں لگنے والی آگ کو بجھاتے ہوئے 5 فائر فائٹرز جان کی بازی ہار گئے جس کے بعد فائر فائٹرز کی اہمیت کو اجاگر کرنے کی مہم شروع کی گئی اگلے برس سے اس دن کو باقاعدہ منانا شروع کیا گیا۔

لاہور: وزیراعلیٰ پنجاب سردار عثمان بزدار نے کہا کہ صحافت اور صحافیوں کو محفوظ ماحول فراہم کرنا ہماری ترجیح ہے۔

تفصیلات کے مطابق وزیراعلیٰ پنجاب نے ورلڈ پریس فریڈم ڈے کے موقع پر اپنے پیغام میں کہ آزاد میڈیا بہترین ترجمان، نقیب اور نقاد ہوتا ہے۔

سردار عثمان بزدار نے کہا کہ سچائی سب سے بڑی طاقت ہے جسے چھپایا نہیں جاسکتا، میڈیا کی آزادی معاشرتی احساس ذمہ داری سے مشروط ہے۔

وزیراعلیٰ پنجاب نے کہا کہ عوامی مفاد کے لیے سچائی کو سامنے لانے والے صحافی قابل تحسین ہیں، صحافت اور صحافیوں کو محفوظ ماحول فراہم کرنا ہماری ترجیح ہے۔

سردار عثمان بزدار نے کہا کہ آزادی صحافت کے لیے قربانیاں دینے والے صحافیوں کو ہمیشہ یاد رکھا جائے گا۔

نئے پاکستان کی بنیاد رکھ دی گئی، اب ہر آدمی فخر سے زندگی بسر کرے گا، عثمان بزدار

یاد رہے کہ گزشتہ ماہ عثمان بزدار کا کہنا تھا کہ وزیراعظم کی قیادت میں نئے پاکستان کی بنیاد رکھ دی گئی، اب ہر آدمی سر اٹھا کر فخر سے زندگی بسر کرے گا۔

وزیراعلیٰ پنجاب کا کہنا تھا کہ قومی وسائل عوام کی امانت ہیں اور یہ اُن ہی پر خرچ ہوں گے، سابق دور میں لوٹ مار کر کے ذاتی تجوریاں بھری گئیں۔

ملتان: وزیراعلیٰ پنجاب سردار عثمان بزدار کا کہنا ہے کہ نشتراسپتال 2 میں 120 بستروں پرمشتمل ایمرجنسی وارڈ بنایا جائے گا۔

تفصیلات کے مطابق وزیراعلیٰ پنجاب نے نشتراسپتال 2 کا سنگ بنیاد رکھنے کی تقریب سے خطاب کرتے ہوئے کہا کہ ملتان کا نشتراسپتال معیاری سہولتیں فراہم کررہا ہے۔

وزیراعلیٰ پنجاب نے کہا کہ اوپی ڈی میں روزانہ 6 ہزارمریضوں کوچیک کیا جاتا ہے، اسپتال میں بلوچستان اورکے پی کے افراد بھی علاج کے لیے آتے ہیں۔

عثمان بزدار نے کہا کہ منصوبہ ملتان کے لوگوں کے لیے ایک تحفہ ہے، نشتراسپتال کے فیز 2 کو بہت پہلے شروع کیا جانا تھا، ماضی کی حکومتوں کی غفلت کی وجہ سے منصوبہ تاخیرکا شکار ہوا۔

انہوں نے کہا کہ پہلے مرحلے میں 500 بستروں کا اسپتال بنایا جائے گا، نشتراسپتال 2 میں 120 بستروں پرمشتمل ایمرجنسی وارڈ بنایا جائے گا۔

وزیراعلیٰ پنجاب نے کہا کہ جنوبی پنجاب سیکریٹریٹ کے لیے کام کررہے ہیں، عوام کی خدمت کا سفرجاری رہے گا۔

ہمارا وژن غریب اورامیر میں فرق کوختم کرنا ہے، عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ ہمارا وژن غریب اورامیر میں فرق کوختم کرنا ہے، عوام کا معیارزندگی بلند کرنے کے لیے مثبت حکمت عملی سے کام کیا جا رہا ہے۔

لاہور: وزیراعلیٰ پنجاب سردار عثمان بزدار نے پرائس کنٹرول میکانزم کومزید مؤثربنانے کا حکم دے دیا۔

تفصیلات کے مطابق لاہور میں وزیراعلیٰ پنجاب کی زیرصدارت اجلاس میں چینی کے نرخوں میں استحکام کے لیے اقدام اٹھانے کا فیصلہ کیا گیا۔

سردار عثمان بزدار نے پرائس کنٹرول میکانزم کومزید مؤثربنانے کا حکم دیتے ہوئے ذخیرہ اندوزوں اورناجائزمنافع خوروں کے خلاف کریک ڈاؤن کی ہدایت کردی۔

یاد رہے کہ گزشتہ روز عثمان بزدار کا کہنا تھا کہ پنجاب حکومت چینی کی قیمت میں استحکام کے لیے ہرممکن اقدام کرے گی، عوام کوزیادہ ریلیف فراہم کرنا ہماری حکومت کا ایجنڈا ہے۔

وزیراعلیٰ پنجاب کا کہنا تھا کہ مجھےصوبے کے عوام کا مفاد بے حد عزیزہے، کسی کو من مانی نہیں کرنے دیں گے۔

چینی کی قیمت میں بلا جوازاضافہ برداشت نہیں کیا جائے گا، عثمان بزدار

سردار عثمان بزدار کا کہنا تھا کہ چینی کی قیمت میں بلاجوازاضافہ روکنے کے لیے ہرآپشن استعمال ہوگا، متعلقہ محکمے چینی کے نرخوں میں استحکام کے لیے اقدامات کریں۔

وزیراعلیٰ پنجاب نے مزید کہا تھا کہ کسی کی پرواہ نہیں،عوام کوریلیف دینے کے لیے ہراقدام کیا جائے گا۔