Tag: عثمان بزدار

لاہور: صوبائی وزیر اطلاعات و ثقافت صمصام علی بخاری نے کہا ہے کہ وزیر اعظم تمام فیصلے خود کرتے ہیں، ضرورت محسوس ہو ، تو تبدیلی کی جاتی ہے.

ان خیالات کا اظہار انھوں نے میڈیا سے گفتگو کرتے ہوئے کیا. صمصام بخاری کا کہنا تھا کہ ملکی معاملات صحیح نہج پر چلانے کے لئے وزیراعظم جہاں تبدیلی کی ضرورت محسوس کرتے ہیں تبدیلی کر دیتے ہیں، وزیراعظم نے عثمان بزدار کو میرٹ پروزیر اعلی مقرر کیا، انھیں ہٹانے کی تمام باتیں محض افواہیں ہیں۔

صمصام بخاری نے کہا کہ وزیر اعلی پنجاب سردار عثمان بزدار کا پنجاب کی تمام انتظامی مشینری پر مکمل کنٹرول ہے، پنجاب کے عوام ان سے محبت کرتے ہیں، پنجاب میں وزارت اعلیٰ کی دوڑ کا کوئی وجو نہیں، کوئی رکن اسمبلی وزارت اعلی کا امیدوار نہیں ہے۔

مزید پڑھیں: وفاقی کابینہ کا مصنوعی مہنگائی کرنے والوں پر کڑی نظر رکھنے کا فیصلہ

انھوں نے کہا کہ گورنر پنجاب کے حوالے سے بھی گمراہ کن افواہیں پھیلائی جا رہی ہیں، وزیر اعلی پنجاب کی اب تک کی کارکردگی شاندار ہے، وہ اسکولوں اسپتالوں اور پولیس اسٹیشنز کے دورے کر رہے ہیں اور سسٹم کو درست کرنے کی بھرپور سعی کر رہے ہیں۔

وزیر اعلی پنجاب کی قیادت میں پنجاب میں مختصر عرصے میں نئے بلدیاتی نظام سمیت 22 بل اسمبلی سے پاس کروائے گئے ہیں، جو ہماری پارٹی کی اعلیٰ کارکردگی کا ثبوت ہے۔

لودھراں: تحریک انصاف کے رہنما جہانگیر ترین نے کہا ہے کہ ملک میں صدارتی نظام کی کوئی گنجائش نہیں ہے۔

تفصیلات کے مطابق تحریک انصاف کے رہنما جہانگیر ترین نے گرین اینڈ کلین لودھراں مہم کا افتتاح کیا، گرین اینڈ کلین مہم کے تحت ایک لاکھ پودے لگائے جائیں گے، جہانگیر ترین نے نواحی علاقہ دورہٹہ میں سوئی گیس سپلائی کا بھی افتتاح کیا۔

جہانگیر ترین نے کہا کہ عمران خان ضرورت کے مطابق بیٹنگ لائن چینج کرتے ہیں، وزیراعلیٰ پنجاب عثمان بزدار کہیں نہیں جارہے ہیں، ن لیگ والے وزیر اعلیٰ کی تبدیلی کی افواہیں پھیلا رہے ہیں۔

انہوں نے کہا کہ وزیراعظم عمران خان نے ووٹوں سے حکومت بنائی ہے، وزیراعظم معیشت کی گاڑی ٹریک پر لے آئے ہیں، برآمدات میں اضافہ ہرہا ہے۔

مزید پڑھیں: صرف ایک شخص ہے جسے لیڈر مانتا ، وہ عمران خان ہیں ، جہانگیر ترین

جہانگیر ترین نے کہا کہ سابقہ حکومت نے صنعتوں کو بند کردیا تھا، دنیا بھر سے ایکسپورٹ آرڈر آرہے ہیں۔

ان کا کہنا تھا کہ لوگوں نے پی ٹی آئی کو ووٹ عوام دوست قانون سازی کیلئے دیئے ہیں، عمران خان کی قیادت میں پاکستان کو فلاحی ریاست بنائیں گے۔

واضح رہے کہ رواں ماہ کے اوائل میں جہانگیر ترین کا کہنا تھا کہ صرف ایک شخص ہے جسے لیڈر مانتا ہوں اور اس کے سامنے جوابدہ ہوں، وہ لیڈر عمران خان ہیں، آخری سانس تک ان کے ساتھ رہوں گا۔

ان کا کہنا تھا جہاں بھی جاتا ہوں وزیراعظم کی خواہش پرجاتاہوں، سیاسی معاملات پرصرف وزیر اعظم کوجوابدہ ہوں، پاکستان کی خدمت میراحق ہے اور اس کوکوئی نہیں چھین سکتا۔

اسلام آباد: وفاقی وزیر ریلوے شیخ رشید احمد نے کہا ہے کہ اسد عمر بہت قیمتی انسان ہیں انہیں منانے کے لیے جاؤں گا، وزیر اعلیٰ پنجاب اور خیبرپختونخواہ کو تبدیل نہیں کیا جارہا۔

عمران خان کی زبرصدارت اجلاس ختم ہونے کے بعد بنی گالہ کے باہر  میڈیا سے گفتگو کرتے ہوئے شیخ رشید احمد کا کہنا تھا کہ اسدعمربہت قیمتی انسان ہیں، اُن کو مشورہ ہے کہ کابینہ کا حصہ رہیں۔ وفاقی وزیر ریلوے نے کہا کہ جو بھی ناراضی ہوئی میں خود اسد عمر کو منانے کے لیے جاؤں گا۔

شیخ رشید کا کہنا تھا کہ اسد عمر تحریک انصاف کا حصہ تھے اور رہیں گے، معیشت کو خطرہ چوروں اور لٹیروں سے تھا، عمران خان نے ملک کو معاشی بحران سے نکالنے کے لیے اہم فیصلے کیے اور مستقبل میں بھی کریں گے۔ وفاقی وزیر ریلوے کا کہنا تھا کہ وزیر اعظم کل کوئٹہ ہاؤسنگ اسکیم کا افتتاح کرنے جارہے ہیں۔

اُن کا کہنا تھا کہ ’وزیراعلیٰ پنجاب اورخیبرپختونخواتبدیل نہیں ہورہے کیونکہ اُن کی کارکردگی بہتر ہے‘۔ وفاقی وزیر صحت کی تبدیلی پر شیخ رشید کا کہنا تھا کہ عامر کیانی کو ادویات کی قیمتوں میں اضافے پر نکالا گیا۔

مزید پڑھیں: اسد عمر ذمہ داریوں سے سبکدوشی کے بعد واپس کراچی پہنچ گئے

یاد رہے کہ عمران خان نے گزشتہ روز پارٹی رہنماؤں کا اجلاس طلب کیا تھا جس میں موجودہ صورتحال کے ساتھ اپوزیشن سے نمٹنے پر بھی غور کیا جانا تھا، کپتان کی ہدایت پر بلایا جانے والا اجلاس چیئرمین سیکریٹریٹ بنی گالہ میں ہوا۔ جس میں وزیر اعظم کی جانب سے کابینہ میں حالیہ تبدیلیوں پر ارکان کو بریفنگ دی گئی۔

اجلاس میں شیخ رشید، عمر ایوب، مراد سعید، عثمان ڈار، افتخار درانی، ندیم افضل چن، خسرو بختیار، حماد اظہر، مرزا شہزاد اکبر، فیصل جاوید، عمر چیمہ، فیصل واوڈا اور فردوس عاشق اعوان شرکت کی۔