ARYNews.tv | Urdu – Har Lamha Bakhabar

Tag: عثمان بزدار

  • ترقیاتی اسکیمیں حکومت کا احسان نہیں، عوام کا حق ہیں: عثمان بزدار

    ترقیاتی اسکیمیں حکومت کا احسان نہیں، عوام کا حق ہیں: عثمان بزدار

    ڈی جی خان: وزیراعلیٰ پنجاب عثمان بزدار نے کہا ہے کہ ترقیاتی اسکیمیں حکومتی احسان نہیں، عوام کا حق ہیں.

    ان خیالات کا اظہارا نھوں نے ڈی جی خان میں‌ میڈیا سے گفتگو کرتے ہوئے کیا. ان کا کہنا تھا کہ پنجاب کے ہرضلع و تحصیل کے مسائل حل کرنے کی کوشش کروں گا.

    سردار عثمان بزدار نے کہا کہ عمران خان کے وژن کے مطابق صوبے کے مسائل حل کریں گے، ڈی جی خان اور راجن پور کو بجٹ میں اتنا فنڈ ملے گا، جتنا لاہورکوملے گا.

    ان کا کہنا تھا کہ ترقیاتی اسکیمیں عوام کا حق ہیں، ڈی جی خان سے مظفرگڑھ تک دو رویہ سڑک کے لئے 3 ارب فنڈز فراہم کردیے، دورویہ سڑک دو ماہ میں مکمل ہوگی، دس جدید ترین بسیں چلائی جائیں گی.

    وزیراعلیٰ پنجاب نے کہا کہ ڈ ی جی خان میں جدید کارڈ لوجی اسپتال بنائیں گے، ٹیکنیکل کالج کو  یونیورسٹی کی سطح پر لے کر جائیں گے، پانچ کروڑ روپے سے ہاکی اسٹیڈیم کو اپ گریڈ کریں گے، بی سی بی کے تعاون سے کرکٹ ٹریننگ اکیڈمی بنائیں گے.

    مزید پڑھیں: ایک تاثرتھا وزیراعلیٰ بادشاہ ہوتا ہے، جسے عثمان بزدار نے ختم کیا، وزیراعظم

    انھوں نے کہا کہ ڈی جی خان کو فرنیچر آئی ٹی مصنوعات کے لئے20 کروڑ دے جائیں گے، سڑکوں کی تعمیر ومرمت کے لئے 50 کروڑ روپے فراہم کر دیے، ڈیرھ لاکھ لاگوں کوانصاف کارڈ مہیا کیا جائے گا.

    ان کا کہنا تھا  کہ تین میٹرنٹی ایمبولینس فراہم کریں گے، ڈاکٹروں کی کمی کو پورا کرنے کے لئے میڈیکل افیسر لائیں گے، ضلع کو صحت کی سہولیات فراہم کریں گے۔

  • جس قوم کو عمران خان جیسا لیڈر ملا ہے اسے فکرکی ضرورت نہیں، عثمان بزدار

    جس قوم کو عمران خان جیسا لیڈر ملا ہے اسے فکرکی ضرورت نہیں، عثمان بزدار

    لاہور : وزیراعلیٰ پنجاب عثمان بزدار کا کہنا ہے کہ وزیراعظم کا دورہ چین ہر لحاظ سے کامیاب رہا، جس قوم کو عمران خان جیسا لیڈر ملا ہے اسے فکرکی ضرورت نہیں، وہ ہی پاکستان کو مشکلات سے نکالیں گے۔

    تفصیلات کے مطابق وزیراعلیٰ پنجاب عثمان بزدار نے کامیاب دورہ چین پر وزیراعظم عمران خان کو مبارکباد دیتے ہوئے کہا کہ وزیراعظم کی چینی لیڈرشپ سےانتہائی سود مند ملاقاتیں ہوئیں، دورے سے پاک چین تعلقات کو مزید وسعت ملے گی۔

    عثمان بزدار کا کہنا تھا کہ وزیراعظم کا دورہ چین ہر لحاظ سے کامیاب رہا، سی پیک کے ذریعے سرمایہ کاری میں اضافہ ہوگا۔

    وزیراعلیٰ پنجاب نے کہا وزیراعظم کا ہر لمحہ پاکستان کو بہتر بنانے میں صرف ہورہا ہے، عمران خان ہی پاکستان کو مشکلات سےنکالیں گے۔

    ان کا مزید کہنا تھا کہ جس قوم کو عمران خان جیسا لیڈر ملا ہے اسے فکرکی ضرورت نہیں، عمران خان نے مختصر عرصے میں اپنی لیڈر شپ کو منوایا ہے۔

    یاد رہے گذشتہ رات وزیراعظم عمران خان اپنا 5 روزہ دورہ چین مکمل کرکے وطن واپس پہنچے تھے، دورے کے موقع پر عمران خان نے چینی صدر شی جن پنگ کے علاوہ دیگر اعلیٰ عہدیداروں سے ملاقاتیں کیں اور ملکی معیشت پر تبادلہ خیال کیا۔

    مزید پڑھیں : وزیر اعظم دورہ چین مکمل کرکے وطن واپس پہنچ گئے

    وزیراعظم عمران خان کے دورہ چین پر پاک چین مذاکرات کا مشترکہ اعلامیہ بھی جاری کیا گیا تھا ، جس میں کہا گیا تھا کہ دونوں ملک اچھے ہمسائے، قریبی دوست اور قابل اعتماد شراکت دار ہیں۔

    اعلامیہ میں کہا گیا تھا کہ باہمی دوستی وتعاون کا خطے اور خطے سے باہرامن واستحکام میں اہم کردار ہے، دونوں ملک باہمی تعلقات کو اسٹریٹجک اور طویل المدت تناظرمیں دیکھتے ہیں۔

  • عمران خان کے دور میں پاکستان کھوئی ہوئی منزل دوبارہ حاصل کرے گا، عثمان بزدار

    عمران خان کے دور میں پاکستان کھوئی ہوئی منزل دوبارہ حاصل کرے گا، عثمان بزدار

    لاہور: وزیراعلیٰ پنجاب عثمان بزدار نے کہا ہے کہ عمران خان کے دور میں پاکستان کھوئی ہوئی منزل دوبارہ حاصل کرے گا، وزیراعظم کے وژن کے مطابق عوام کی امیدوں پر پورا اتریں گے۔

    تفصیلات کے مطابق وزیراعلیٰ پنجاب سردار عثمان بزدار سے وزیراعلیٰ آفس میں مختلف وفود نے ملاقات کی، وزیراعلیٰ نے مسائل سنے اور ان کے حل کے احکامات جاری کیے۔

    [bs-quote quote=”حکومت عمران خان کی قیادت میں ملک کو بحرانوں سے نکالے گی” style=”style-6″ align=”left” author_name=”عثمان بزدار”][/bs-quote]

    وزیراعلیٰ پنجاب نے کہا کہ وزیراعظم کی قیادت میں معاشی استحکام کے لیے بڑھ رہے ہیں، وزیراعظم قومی مفادات کو مقدم رکھتے ہوئے دن رات کام کررہے ہیں، ملک کی ترقی اور نئے پاکستان کی تعمیر میں سب کو اپنا کردار ادا کرنا ہے۔

    عثمان بزدار نے کہا کہ خوشحال اور ترقی یافتہ ملک کے لیے تمام تر توانائیاں بروئے کار لانی ہوں گی، حکومت عمران خان کی قیادت میں ملک کو بحرانوں سے نکالے گی، پاکستان کے عوام کی ترقی و خوشحالی کا خواب پورا ہوگا۔۔

    انہوں نے کہا کہ وزیراعظم عمران خان عوام کو کبھی مایوس نہیں کریں گے، تحریک انصاف کی حکومت کا ایجنڈا صرف عوام کی ترقی و خوشحالی ہے، عوام پرانے پاکستان سے نکل کر نئے پاکستان میں آنے پر خوش ہیں۔

    سردارعثمان بزدار کا کہنا تھا کہ کپتان کی قیادت میں پاکستان اپنی کھوئی منزل حاصل کرے گا۔

  • وزیر اعظم، وزیر اعلیٰ پنجاب کی ملاقات، سیاسی صورتحال پرتبادلہ خیال

    وزیر اعظم، وزیر اعلیٰ پنجاب کی ملاقات، سیاسی صورتحال پرتبادلہ خیال

    لاہور: وزیراعظم عمران خان سے وزیراعلیٰ پنجاب عثمان بزدار نے ملاقات کی ہے.

    تفصیلات کے مطابق اس اہم ملاقات میں‌ اسپیکر پنجاب اسمبلی چوہدری پرویزالہیٰ بھی شریک تھے.

    [bs-quote quote=”وزیراعظم نے پنجاب اسمبلی کی کارروائی احسن طریقے سے چلانے پر اسپیکر کی تعریف کی” style=”style-7″ align=”left”][/bs-quote]

    وزیراعظم اور وزیراعلیٰ پنجاب کی اس ملاقات میں صوبے کی سیاسی صورتحال پرتبادلہ خیال ہوا. ساتھ ہی پنجاب سے سینیٹ کی 2 نشستوں پر انتخابات پربھی گفتگو کی گئی.

    اس موقع پر وزیراعظم نے پنجاب اسمبلی کی کارروائی احسن طریقے سے چلانے پر اسپیکر کی تعریف کی، اسپیکرنے وزیراعظم عمران خان کو سعودی عرب کے کامیاب دورے کی مبارک باد دی.

    قبل ازیں وزیراعظم لاہور پہنچے، تو گورنر پنجاب چوہدری سرور نے ان کا استقبال کیا.

    مزید پڑھیں: وزیراعظم عمران خان کا دورہ چین ترقی کا نیا باب کھولے گا: چینی وزارت خارجہ

    وزیراعظم عمران خان سےارکان اسمبلی کی ملاقات کی، جس میں وزیراعلیٰ پنجاب بھی موجود تھے. اس موقع پر ارکان اسمبلی نے 100 روزہ ایجنڈے پرپیش رفت سے متعلق بریفنگ دی.

    وزیراعظم مختصر دورے کے بعد ایئرپورٹ روانہ ہوگئے۔

    اجلاس میں کیا ہوا؟

    پی ٹی آئی کے سینئر رہنما میاں محمود الرشید کے مطابق کہ وزیراعظم نے اجلاس میں حکومت کی مشکلات کا ذکرکیا، انھوں نے پنجاب میں صاف پانی کامعاملہ حل کرنے بھی پر زور دیا۔

    محمودالرشید کے مطابق وزیر اعظم نے واضح کیا کہ جن وزراکی کارکردگی ٹھیک نہیں، ان سےوزارتیں واپس لی جائیں گی، ساتھ ہی انھوں نے بتایا کہ 10 فیصد بیوروکریٹ پر سیاسی اثر ورسوخ ہے، باقی 90فیصد بیورکریٹ حکومت کے ساتھ کام کرناچاہتے ہیں۔

  • بجٹ الفاظ کی جادوگری نہیں، حقیقت پسندانہ اہداف پر مبنی ہے: وزیر اعلیٰ پنجاب

    بجٹ الفاظ کی جادوگری نہیں، حقیقت پسندانہ اہداف پر مبنی ہے: وزیر اعلیٰ پنجاب

    لاہور: وزیر اعلیٰ پنجاب عثمان بزدار کا کہنا ہے کہ پہلا بجٹ عوامی امنگوں کے مطابق ترتیب دیا ہے۔ بجٹ الفاظ کی جادوگری نہیں، حقیقت پسندانہ اہداف پر مبنی ہے۔

    تفصیلات کے مطابق وزیر اعلیٰ پنجاب عثمان بزدار نے پنجاب اسمبلی میں پارلیمانی پارٹی اجلاس سے خطاب کرتے ہوئے کہا کہ تحریک انصاف کی حکومت عوام کی توقعات پر پورا اترے گی۔

    انہوں نے کہا کہ تبدیلی سب کو نظر آئے گی، عوامی خدمت کے سفر میں جو ممکن ہوا کریں گے۔ اراکین اسمبلی اپنے حلقوں میں وزیر اعلیٰ ہیں۔

    وزیر اعلیٰ کا کہنا تھا کہ تحریک انصاف کی حکومت یکساں ترقی پر یقین رکھتی ہے، پہلا بجٹ عوامی امنگوں کے مطابق ترتیب دیا ہے۔ بجٹ الفاظ کی جادوگری نہیں، حقیقت پسندانہ اہداف پر مبنی ہے۔

    انہوں نے کہا کہ پارلیمانی پارٹی میں آ کر لگتا ہے میں اپنے گھر آیا ہوں، ’ہم نے مل کر اپنے گھر کو خوبصورت بنانا ہے‘۔

    عثمان بزدار کا کہنا تھا کہ آئندہ بجٹ پر پری بجٹ بحث کروائیں گے، گڈ گورننس اور مالیاتی نظم و ضبط ہمارا نصب العین ہے۔ بجٹ میں کوئی ہیر پھیر نہیں کیا عوام سے کچھ نہیں چھپایا۔

    انہوں نے کہا کہ جنوبی پنجاب سے کابینہ اجلاسوں کا آغاز کریں گے۔ بڑا ترقیاتی بجٹ رکھا ہے جس پر ارکان کی مشاورت سے عمل کریں گے۔

    انہوں نے مزید کہا کہ پنجاب میں خوشحالی لے کر آنا ہمارا منشور ہے۔

  • 100روزہ ایجنڈا ترقی اور خوشحالی کا مربوط پروگرام ہے‘ عثمان بزدار

    100روزہ ایجنڈا ترقی اور خوشحالی کا مربوط پروگرام ہے‘ عثمان بزدار

    لاہور: وزیراعلیٰ پنجاب سردارعثمان بزدار کا کہنا ہے کہ بلدیاتی نظام کونچلی سطح پرمنتقل کرنے کے لیے کام مکمل کر لیا گیا ہے۔

    تفصیلات کے مطابق لاہور میں وزیراعلیٰ پنجاب کی زیرصدارت 100 روزہ ایجنڈے سے متعلق اجلاس ہوا جس میں وزیراعظم کے 100 روزہ ایجنڈے سے 15 نکات پر تفصیلی بریفنگ دی گئی۔

    وزیراعلیٰ پنجاب کے مشیر ارباب شہزاد نے پنجاب میں 100 روزہ ایجنڈے پر ہونے والی پیش رفت پر اطمینان کا اظہارکیا۔ انہوں نے کہا کہ خوشی ہے 100 روزہ ایجنڈے کوتیزی سے آگے بڑھایا جا رہا ہے۔

    اس موقع پرسردار عثمان بزدار نے کہا کہ وزیراعظم عمران خان کا 100روزہ ایجنڈا ترقی اور خوشحالی کا مربوط پروگرام ہے۔

    وزیراعلیٰ پنجاب نے کہا کہ بلدیاتی نظام کونچلی سطح پر منتقل کرنے کے لیے کام مکمل کر لیا گیا ہے، نئے بلدیاتی نظام میں عوام با اختیار ہوں گے۔

    سردارعثمان بزدار نے کہا کہ پولیس نظام میں اصلاحات کا ایجنڈا مکمل کریں گے، پولیس کوعوام کا خادم بنائیں گے۔

    انہوں نے کہا کہ ہیلتھ کارڈ کا دائرہ کار پنجاب کے ہر ضلع تک بڑھایا جائے گا، پینے کے صاف پانی کیے لیے مربوط پلان مرتب کررہے ہیں۔

    تحریک انصا ف کی حکومت نےآتے ہی طاقتورمافیا پر ہاتھ ڈالا‘عثمان بزدار

    یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ اب تک اربوں کی ہزاروں کنال اراضی کو واگزارکرایا جا چکا ہے۔

  • سابق حکومت نے اداروں اور ملکی معیشت کو برباد کردیا، عثمان بزدار

    سابق حکومت نے اداروں اور ملکی معیشت کو برباد کردیا، عثمان بزدار

    لاہور : وزیر اعلیٰ پنجاب عثمان بزدار نے کہا ہے کہ سابق نااہل حکومت نے اداروں اور ملکی معیشت کو برباد کردیا ہے، ہم نے مل کر موجودہ چیلنجز پر قابو پانا ہے۔

    تفصیلات کے مطابق پنجاب کے وزیر اعلیٰ سردار عثمان بزدار نے کہا ہے کہ ملکی معیشت کے ساتھ سابق دور میں کھیلا گیا گھناؤنا کھیل ناقابل معافی ہے، قوم کو وزیر اعظم عمران خان پر اعتماد ہے۔

    وزیر اعلیٰ پنجاب کا کہنا تھا کہ کپتان سچ بولتا ہے اور عوام کو سچ بتاتا ہے، قوم کی حمایت سے مشکل حالات سے جلد باہر نکلیں گے، ہم نے مل کر موجودہ چیلنجز پر قابو پانا ہے۔

    سردار عثمان بزدار نے کہا تھا کہ سابق نااہل حکومت نے اداروں اور ملکی معیشت کو برباد کیا ہے، وزیر اعظم عمران خان صاحب ملک کو موجودہ مسائل سے باہر نکالیں گے۔

    واضح رہے دو روز قبل وزیراعلیٰ پنجاب کا کہنا تھا کہ ہم عوام کے مسائل سے آگاہ ہیں، پی ٹی آئی حکومت کا ہر اقدام عوامی فلاح و بہبود کے لیے ہوگا، وزیراعظم کے 100 روزہ ایجنڈے سے تبدیلی نظر آئے گی۔

    ان کا کہنا تھا کہ پانی، صحت، تعلیم اور دیگر شعبوں میں کی بہتری کے اقدامات کریں گے، ایسی پالیسیاں بنائیں گے جن کے بہتر ثمرات سے عوام استفادہ کرسکیں۔

  • ماضی کی حکومت نے صوبے کی معیشت کا دیوالیہ نکال دیا، عثمان بزدار

    ماضی کی حکومت نے صوبے کی معیشت کا دیوالیہ نکال دیا، عثمان بزدار

    لاہور: وزیراعلیٰ پنجاب عثمان بزدار نے کہا ہے کہ ماضی کی حکومت نے صوبے کی معیشت کا دیوالیہ نکال دیا ہے، سابق دور کی غلط پالیسیوں کے نقصان کا ازالہ کررہے ہیں۔

    تفصیلات کے مطابق وزیراعلیٰ پنجاب عثمان بزدار سے پی ٹی آئی اراکین قومی اسمبلی نے ملاقات کی، عوامی مسائل کے حل کے لیے تجاویز اور ترقیاتی پروگرام کے منصوبوں پر گفتگو کی گئی، عثمان بزدار نے کہا کہ اراکین اسمبلی کے لیے میرے دروازے ہر وقت کھلے ہیں۔

    [bs-quote quote=”وزیراعظم کے 100 روزہ ایجنڈے سے تبدیلی نظر آئے گی” style=”style-6″ align=”left” author_name=”عثمان بزدار”][/bs-quote]

    وزیراعلیٰ پنجاب نے کہا کہ ہم عوام کے مسائل سے آگاہ ہیں، پی ٹی آئی حکومت کا ہر اقدام عوامی فلاح و بہبود کے لیے ہوگا، وزیراعظم کے 100 روزہ ایجنڈے سے تبدیلی نظر آئے گی۔

    عثمان بزدار نے کہا کہ پانی، صحت، تعلیم اور دیگر شعبوں میں کی بہتری کے اقدامات کریں گے، ایسی پالیسیاں بنائیں گے جن کے بہتر ثمرات سے عوام استفادہ کرسکیں۔

    یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

    وزیراعلیٰ پنجاب کا کہنا تھا کہ صوبائی اراکین اسمبلی میرے دست وبازو ہیں، پنجاب اب تحریک انصاف کا قلعہ بن چکا ہے۔

  • نیا پاکستان امیر اور غریب کا فرق مٹا دے گا، وزیر اعلیٰ پنجاب عثمان بزدار

    نیا پاکستان امیر اور غریب کا فرق مٹا دے گا، وزیر اعلیٰ پنجاب عثمان بزدار

    لاہور : وزیر اعلیٰ پنجاب سردار عثمان بزدار نے کہا ہے کہ چند عاقبت نااندیش عناصر تبدیلی سے خوفزدہ ہیں، نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

    تفصیلات کے مطابق وزیر اعلٰی پنجاب عثمان بزدار نے تحریک انصاف کے نو منتخب سینیٹر ڈاکٹر شہزاد وسیم سے ملاقات میں کامیابی پر مبارکباد دی اور نیک خواہشات کا اظہار کیا۔

    اس موقع پر وزیر اعلٰی نے کہا کہ آپ کی کامیابی عمران خان کے نئے پاکستان کی جیت ہے، نئے پاکستان کی تعمیر میں ہم سب نے ٹیم ورک کے طور پر آگے بڑھنا ہے۔

    سردار عثمان بزدار کا کہنا تھا کہ نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

    انھوں نے مزید کہا کہ چند عاقبت نا اندیش عناصر تبدیلی سے خوفزدہ ہیں، فرسودہ اور بوسیدہ نظام سے عوام کو کچھ نہیں ملا، اب عوام کی خاطر سب کچھ بدلنا ہے۔

    مزید پڑھیں : پی ٹی آئی کے شہزاد وسیم پنجاب سے سینیٹ کی نشست پر کامیاب

    یاد رہے گذشتہ روز گورنر پنجاب چوہدری سرور کے استعفیٰ سے پنجاب میں خالی ہونے والی سینیٹ کی نشست پرانتخاب ہوا، پی ٹی آئی کے شہزاد وسیم نےایک سو اکاسی ووٹ حاصل کرکے کامیابی حاصل کی جبکہ مسلم لیگ ن کے خواجہ حسان کو ایک سو انہتر ووٹ ملے۔

    یہ نشست پی ٹی آئی کے رہنما چوہدری سرور کے استعفے کےبعد خالی ہوئی تھی، چوہدری سروراس وقت پنجاب کے گورنرہیں۔

  • فواد چوہدری اور عثمان بزدار کی اہم ملاقات، 100 روزہ ایجنڈے پر پیش رفت کا جائزہ

    فواد چوہدری اور عثمان بزدار کی اہم ملاقات، 100 روزہ ایجنڈے پر پیش رفت کا جائزہ

    لاہور: وفاقی وزیرِ اطلاعات اور وزیرِ اعلیٰ پنجاب کے درمیان اہم ملاقات ہوئی، جس میں پی ٹی آئی حکومت کے 100 روزہ ایجنڈے پر پیش رفت کا جائزہ لیا گیا۔

    تفصیلات کے مطابق فواد چوہدری اور عثمان بزدار کے درمیان ہونے والی ملاقات میں حکومتی اقدامات کو بھر پور طریقے سے اجاگر کرنے کا فیصلہ کیا گیا۔

    وزیرِ اعلیٰ پنجاب عثمان بزدار نے کہا کہ حکومت کی 30 روز کی کارکردگی بھی ماضی کی حکومت سے کہیں بہتر ہے، وزیرِ اعظم کا ایجنڈا 22 کروڑ عوام کی زندگیاں بدل دے گا۔

    عثمان بزدرا نے مزید کہا کہ حکومتی اقدامات عوام کے سامنے لانے میں میڈیا کا کردار اہم ہے، میڈیا کی تعمیری تنقید سے حکومت کو رہنمائی ملتی ہے۔

    وزیرِ اعلیٰ پنجاب سے ملاقات میں وفاقی وزیرِ اطلاعات نے کہا کہ حکومتی کارکردگی کی جانچ پڑتال سب سے بہترین طریقے سے عوام کر سکتے ہیں۔

    یہ بھی پڑھیں:  پنجاب میں قبضہ مافیا اور تجاوزات کے خلاف بڑے آپریشن کی منظوری

    فواد چوہدری نے اس موقع پر کہا کہ اشتہاری حکومت کی ترقی اشتہاری ہو چکی ہے، تحریکِ انصاف کی حکومت کا فوکس عوام کے حقیقی مسائل ہیں۔

    خیال رہے کہ وزیرِ اعلیٰ پنجاب نے صوبے میں قبضہ مافیا اور تجاوزات کے خلاف ایک بڑے آپریشن کی منظوری دی ہے، ان کا کہنا تھا کہ قبضہ گروپس اور تجاوزات کے خلاف آپریشن طاقت ور مافیا سے شروع ہوگا۔