Tag: عثمان ڈار

اسلام آباد: وزیراعظم عمران خان کے معاون خصوصی عثمان ڈار نے کہا ہے کہ سعودی ولی عہد محمد بن سلمان کی آمد کے ساتھ ہی میری دعا قبول ہوگئی۔

تفصیلات کے مطابق سعودی ولی عہد کچھ دیر قبل پاکستان پہنچے ہیں، معاون خصوصی وزیراعظم عثمان ڈار نے کہا ہے کہ سعودی ولی عہد کی آمد کے ساتھ ہی میری دلی خواہش اور دعا قبول ہوئی ہے۔

عثمان ڈار نے کہا کہ میری خواہش تھی کہ وہ اسلام آباد سے وزیراعظم ہاؤس ہیلی کاپٹر کے ذریعے نہیں بلکہ بائے روڈ جائیں انہوں نے روڈ کے ذریعے وزیراعظم ہاؤس جانے سے میری دعا قبول ہوگئی ہے۔

انہوں نے کہا کہ حکومت کی جانب سے سعودی ولی عہد کی آمد سے قبل وفاقی دارالحکومت کو دلہن کی طرح سجا دیا گیا تھا اور ان کا استقبال کرنے کے لیے سڑکوں پر مختلف پورٹریٹ نصب کیے گئے ہیں۔

مزید پڑھیں: سعودی ولی عہد پاکستان پہنچ گئے، پرتپاک استقبال، وزیراعظم ہاؤس کے لیے روانہ

انہوں نے کہا کہ سعودی ولی عہد کو خوش آمدید کہنے کے لیے روایتی رقص بھی پیش کیا گیا اور محمد بن سلمان خان کی پاکستان آمد آرمی چیف اور وزیراعظم عمران خان کی کاوشوں کا ثمر ہے۔

واضح رہے کہ سعودی ولی عہد کی آمد کے ساتھ ہی مختلف معاہدوں پر دستخط کیے گئے، اس موقع پر وزیر پیٹرولیم غلام سرور، فہمیدہ مرزا ودیگر نے ایم او یو پر دستخط کیے ہیں۔

خیال رہے کہ سعودی ولی عہد دو روزہ دورے پر پاکستان پہنچے ہیں ان کی پاکستان آمد کا سہرا وزیراعظم عمران خان اور آرمی چیف جنرل قمر جاوید باجوہ کو جاتا ہے۔

اسلام آباد: وزیراعظم عمران خان کے معاون خصوصی عثمان ڈار نے کہا ہے کہ خواجہ آصف نظام منجمد کرنے کی دھمکیاں کسی اور کو دیں، پارلیمانی روایات کی آڑ میں چوروں کو عہدے نہیں دے سکتے۔

تفصیلات کے مطابق وزیراعظم کے معاون خصوصی عثمان ڈار نے سابق وزیر خارجہ خواجہ آصف کے بیان پر ردعمل دیتے ہوئے کہا ہے کہ خواجہ آصف نظام کو منجمد کرنے کی دھمکیاں کسی اور کو دیں، ن لیگ کے پاس اخلاقی اور سیاسی طاقت ختم ہوچکی ہے۔

عثمان ڈار نے کہا کہ شہباز شریف کی وفاداری میں قانون کو مذاق نہیں بننے دیں گے، ماضی میں سیاسی روایات مک مکا کی بنیاد پر بنائی گئی تھیں، وزیراعظم نے فیصلہ کرلیا ہے جو ہوگا قانون کے مطابق ہوگا۔

انہوں نے کہا کہ آئی ایم ایف سے مذاکرات پر خواجہ آصف کا بیان شرمناک ہے، وزیراعظم آئی ایم ایف کے پاس اپنی ذات کے لیے نہیں گئے ہیں، ملکی تباہ حال معیشت آپ جیسے حکمرانوں سے ورثے میں ملی ہے۔

مزید پڑھیں: شہبازشریف کو پی اے سی کی چیئرمین شپ سے ہٹایا تو حالات بگڑجائیں گے، خواجہ آصف

عثمان ڈار نے کہا کہ اپنی روزی روٹی بند ہونے پر انہیں ملک دیوالیہ ہوتا نظر آرہا ہے، 6 ماہ میں ملکی ترقی عقل کے اندھوں کو نظر نہیں آئے گی، اداروں کو جو نقصان اپوزیشن نے پہنچایا وہ ناقابل بیان ہے۔

معاون خصوصی وزیر اعظم نے کہا کہ خواجہ آصف ملک کے ناکام ترین وزیر خارجہ ثابت ہوئے، بطور وزیر خارجہ عالمی سطح پر پاکستان کا کوئی مقدمہ پیش نہیں کیا، ریاست کے انتظامی معاملات کا فیصلہ حکومت کا حق ہے۔

عثمان ڈار نے کہا کہ خواجہ آصف کو بیگانی شادی میں عبداللہ دیوانہ بننے کی ضرورت نہیں ہے، خواجہ آصف وقت رہتے اپنے لیے وکلا کی ٹیم کا بندوبست کریں، انہیں پروڈکشن آرڈرز بھی نہیں مل سکیں گے۔