اسلام آباد: وزیر خارجہ خواجہ آصف کی مشکلات میں اضافہ ہوگیا، مسلم لیگ ن کے سینئر رہنما کے سر پر نااہلی کی تلوار لٹکنے لگی.
تفصیلات کے مطابق وزیرخارجہ خواجہ آصف نااہلی کیس میں یواے ای کمپنی کے نمائندے نے خواجہ آصف کی نوکری اور معاہدے پرگواہی دینے پر آمادگی ظاہرکردی ہے۔
ذرایع کے مطابق یو اے ای کمپنی کے نمائندے کا کہنا ہے کہ خواجہ آصف کمپنی کے ملازم ہیں، مگر معاہدے کے تحت کپمنی میں ان کی فل ٹائم حاضری ضروری نہیں، خواجہ آصف سے کسی بھی معاملے پرتجاویرفون یا ان کے دورہ دبئی کے دوران لی جاتی ہیں.
دوسری خواجہ آصف نے عدالت میں اضافی دستاویز بھی جمع کرائی ہیں، واضح رہے کہ عدالت نے فریقین کو اضافی دستاویز جمع کرانے کے لیے آج تک کا وقت دیا تھا۔
وزیرخارجہ ٓخواجہ آصف کے خلاف پی ٹی آئی رہنما عثمان ڈارکی درخواست پر فیصلہ محفوظ کر لیا ہے. یہ فیصلہ ایک ہفتے میں سنائے جانے کا امکان ہے.
تجزیہ کاروںکے مطابق کیس میں ہونے والی حالیہ پیش رفت کے بعد وزیرخارجہ خواجہ آصف کی نااہلی کا خطرہ بڑھ گیا ہے اور اگر ایسا ہوا، تو یہ ن لیگ کے لیے ایک جھٹکا ہوگا.
مشرف دورمیں شہری پیسوں کے عوض امریکا کو دیے گئے، خواجہ آصف
