ARYNews.tv | Urdu – Har Lamha Bakhabar

Tag: عثمان ڈار

  • ماضی کی حکومتوں نے جوانوں کو نظرانداز کیا، عثمان ڈار

    ماضی کی حکومتوں نے جوانوں کو نظرانداز کیا، عثمان ڈار

    کراچی: وزیر اعظم کے معاون خصوصی عثمان ڈار کا کہنا ہے کہ پروگرام کے تحت میرٹ پر نوجوانوں کو قرضے دیے جا رہے ہیں، ماضی کی حکومتوں نے جوانوں کو نظرانداز کیا۔

    تفصیلات کے مطابق کراچی میں کامیاب جوان پروگرام کی تقریب سے خطاب کرتے ہوئے عثمان ڈار کا کہنا تھا کہ کامیاب جوان پروگرام وزیراعظم عمران خان کا وژن ہے۔

    معاون خصوصی نے کہا کہ پروگرام کا مقصد نوجوانون کے لیے روزگار کے مواقع پیدا کرنا ہے، پروگرام کے تحت میرٹ پر نوجوانوں کو قرضے دیے جا رہے ہیں، ماضی کی حکومتوں نے جوانوں کو نظرانداز کیا۔

    عثمان ڈار کا کہنا تھا کہ ماضی کی حکومتوں نے چھوٹے کاروبار کو بری طرح متاثر کیا، کامیاب جوان پروگرام کا مقصد کاروبارمیں مدد فراہم کرناہے، چھوٹے اور درمیانے درجے کے کاروباری جی ڈی پی کا 40 فیصد ہیں، بینکنگ شعبے کو بھی ایس ایم ای سے متعلق سوچ بدلنا ہوگی۔

    معاون خصوصی نے کہا کہ اسکیم کا آغازکیا تو 15 دن میں ساڑھے 12 لاکھ نوجوانوں نے درخواست دی، ڈھائی لاکھ نوجوانوں کی درخواست غلط بیانی کی وجہ سے مسترد ہوئیں۔

    واضح رہے کہ وزیر اعظم کے معاون خصوصی عثمان ڈار نے کہا کہ کامیاب جوان پروگرام کے بعد کامیاب دکاندار پروجیکٹ شروع کریں گے، ابتدائی طور پر 1 سے 50 لاکھ روپے تک کا قرض دیا جائے گا۔

  • کامیاب جوان پروگرام کے بعد کامیاب دکاندار پروجیکٹ شروع کریں گے: عثمان ڈار

    کامیاب جوان پروگرام کے بعد کامیاب دکاندار پروجیکٹ شروع کریں گے: عثمان ڈار

    کراچی: وزیر اعظم کے معاون خصوصی عثمان ڈار کا کہنا ہے کہ کامیاب جوان پروگرام کے بعد کامیاب دکاندار پروجیکٹ شروع کریں گے، ابتدائی طور پر 1 سے 50 لاکھ روپے تک کا قرض دیا جائے گا۔

    تفصیلات کے مطابق وزیر اعظم کے معاون خصوصی برائے امور نوجوانان عثمان ڈار نے میڈیا سے گفتگو کرتے ہوئے کہا کہ سندھ کے نوجوانوں کو مبارکباد دینا چاہتا ہوں، آج وزیر اعظم سندھ میں کامیاب جوان پروگرام کا آغاز کریں گے۔

    عثمان ڈار کا کہنا تھا کہ سندھ سے تقریباً 1 لاکھ نوجوانوں نے اپلائی کیا تھا، 18 ویں ترمیم کے بعد سندھ حکومت کو نوجوانوں کے لیے یوتھ منسٹر بنانا چاہیئے تھا۔ کامیاب جوان پروگرام کا بنیادی مقصد روزگار میں تعاون فراہم کرنا ہے۔

    انہوں نے کہا کہ سندھ کے تقریباً 15 ہزار کے قریب نوجوانوں نے بزنس پلان دیا، کئی نوجوانوں نے اپلائی کیا مگر ان کے پاس بزنس پلان نہیں تھا۔ نوجوان پورے بزنس پلان کے ساتھ اپلائی کریں یہ آپ کا پیسہ ہے۔ 10 ارب روپے سندھ کے نوجوانوں کو کامیاب جوان پروگرام کے ذریعے ملیں گے۔

    عثمان ڈار کا کہنا تھا کہ کامیاب جوان پروگرام مہنگائی اور بیروزگاری کا تدارک کرے گا، ہم کامیاب دکاندار پروجیکٹ پر کام کر رہے ہیں، ابتدائی طور پر 1 سے 50 لاکھ روپے تک کا قرض دیا جائے گا، نوجوانوں کو ہنر سکھانے کے لیے 30 ارب روپے کی لاگت سے منصوبہ شروع کیا ہے۔

    انہوں نے کہا کہ حکومت معیشت کو بہتر کرنے کے لیے ہر ممکن کوشش کر رہی ہے، وزیر اعظم کا پیغام واضح ہے جو کام نہیں کرے گا وہ تبدیل ہوگا۔ 72 سالوں میں کسی وزیر اعظم نے پناہ گاہوں کے بارے میں نہیں سوچا۔ ملک مشکل ترین حالات سے گزر چکا ہے، وزیر اعظم پر امید ہیں۔ 35 سال کی مس مینجمنٹ کو ٹھیک کرنے میں وقت لگے گا۔

  • نوجوانوں کو 15 روز میں قرضے فراہم کرنے کا فیصلہ

    نوجوانوں کو 15 روز میں قرضے فراہم کرنے کا فیصلہ

    لاہور: کامیاب جوان پروگرام کے تحت قرضوں کی تقسیم تیز کرنے کا فیصلہ کرلیا گیا، وزیر اعظم عمران خان فروری کے پہلے ہفتے میں لاہور کا دورہ کریں گے اور نوجوانوں میں چیک تقسیم کریں گے۔

    تفصیلات کے مطابق وزیر اعلیٰ پنجاب سردار عثمان بزدار سے وزیر اعظم عمران خان کے معاون خصوصی برائے امور نوجوانان عثمان ڈار کی ملاقات ہوئی، ملاقات میں کامیاب جوان پروگرام کے تحت پنجاب بھر میں قرض کی فوری ادائیگی پر مشاورت ہوئی۔

    پنجاب میں نوجوانوں کو 15 دن میں قرض کی فراہمی کا سلسلہ شروع کرنے کا فیصلہ کیا گیا۔ وزیر اعظم عمران خان خود نوجوانوں میں رقم کے چیک تقسیم کریں گے۔

    اس مقصد کے لیے وزیر اعظم عمران خان فروری کے پہلے ہفتے میں لاہور کا دورہ کریں گے، ملاقات میں وزیر اعظم کے دورے اور شیڈول کو حتمی شکل دے دی گئی۔

    وزیر اعلیٰ پنجاب عثمان بزدار کا کہنا تھا کہ کامیاب جوان اور ہنر مند پروگرام نوجوانوں کے لیے سنہری موقع ہے، ماضی میں کسی نے نوجوانوں پر اتنی بڑی سرمایہ کاری نہیں کی۔ پروگرام سے روزگار میں اضافہ اور غربت میں کمی آسکے گی۔

    عثمان ڈار کا کہنا تھا کہ حکومت نے نوجوانوں کے لیے ملکی تاریخ کا سب سے زیادہ بجٹ مختص کیا، پنجاب سے 8 لاکھ نوجوان کامیاب جوان پروگرام کے بینر تلے آچکے ہیں۔

    انہوں نے کہا کہ حکومتی سرپرستی میں نوجوانوں کو بہترین رہنمائی اور تربیت دیں گے۔ وزیر اعظم کی ہدایت پر قرض کی فوری تقسیم شروع کر رہے ہیں۔ نوجوانوں کو جلد روزگار کی فراہمی حکومت کی اولین ترجیح ہے۔

  • نوجوان کیلئے پہلے کامیاب جوان پروگرام میں رجسٹریشن کی آخری تاریخ

    نوجوان کیلئے پہلے کامیاب جوان پروگرام میں رجسٹریشن کی آخری تاریخ

    اسلام آباد : وزیراعظم کے معاون خصوصی برائے یوتھ افیئرزعثمان ڈار کا کہنا ہے کہ 24 جنوری تک پہلے کامیاب جوان پروگرام میں رجسٹرڈ ہونا ہوگا، وزیراعظم کا ہر پروگرام پاکستانی عوام کو طاقت دینے کیلئے ہے۔

    تفصیلات کے مطابق اسلام آباد کے کنویشن سینٹر میں  ہنر مند پاکستان کے پروگرام کی افتتاحی تقریب کا انعقاد کیا گیا ،وزیراعظم عمران خان افتتاحی تقریب میں شریک ہوئے ۔

    ہنرمند پاکستان پروگرام کی افتتاحی تقریب سے وزیراعظم کے معاون خصوصی برائے یوتھ افیئرزعثمان ڈار نے خطاب کرتے ہوئے کہا 24 جنوری تک پہلے کامیاب جوان پروگرام میں رجسٹرڈ ہونا ہوگا، کامیاب جوان پروگرام کے تحت کامیابی نوجوانوں کے قدم چومے گی۔

    عثمان ڈار کا کہنا تھا کہ اس سے پہلے اسکل ڈیولپمنٹ پروگرامز میں صرف سیاست کی گئی ، وزیراعظم کی ہدایت تھی کہ پروگرام 21ویں چیلنجز کے پیش نظر ہونا چاہیے۔

    معاون خصوصی نے مزید کہا کہ جرمنی اور جاپان کی حکومتوں نے اپنے لوگوں پر پیسہ لگایا ، عمران خان بھی پاکستانیوں پر سرمایہ کاری کررہےہیں، وزیراعظم کا ہر پروگرام پاکستانی عوام کو طاقت دینے کیلئے ہے۔

    خیال رہے وزیراعظم عمران خان آج ہنر مندپاکستان منصوبےکاآغازکریں گے ،ہنرمند جوان پروگرام کےتحت لاکھوں نوجوانوں کوفنی تربیت دی جائے گی۔

    مزید پڑھیں : 50 ہزار نوجوانوں کوجدید ترین صلاحیتیوں پر مبنی تربیت دی جائے گی، عثمان ڈار

    یاد رہے وزیراعظم کےمعاون خصوصی برائے یوتھ افیئرزعثمان ڈار کا کنونشن سینٹرکے دورے کے موقع پر کہنا تھا کہ ہنرمند جوان پروگرام کےتحت لاکھوں نوجوانوں کوفنی تربیت دی جائے گی، 50 ہزار نوجوانوں کوجدید ترین صلاحیتیوں پر مبنی تربیت دی جائے گی۔

    عثمان ڈار نے کہا تھا آرٹیفیشل انٹیلی جنس،روبوٹکس،کلاؤڈ کمپیوٹنگ کےعلوم شامل ہوں گے، 70 مدارس میں بھی تکنیکی تعلیم کی فراہمی کا انتظام کیا جائے گا اور دوست ممالک کےاشتراک سے سینٹرآف ایکسیلینس قائم کیے جائیں گے۔

    ان کا مزید کہنا تھا ہنر یافتہ نوجوانوں کو عالمی اداروں کےخصوصی سرٹیفیکیٹس دیےجائیں گے، ہنر حاصل کرنیوالےنوجوان قرض حاصل کرکے اپنا روزگارشروع کر سکیں گے، پروگرام کے تحت ملک میں نیشنل اکریڈیٹیشن کونسل کا قیام عمل میں لایا جائے گا۔

  • مدارس میں بھی تکنیکی تعلیم کا انتظام کیا جائے گا: عثمان ڈار

    مدارس میں بھی تکنیکی تعلیم کا انتظام کیا جائے گا: عثمان ڈار

    اسلام آباد: وزیر اعظم کے مشیر برائے امور نوجوان عثمان ڈار کا کہنا ہے کہ فنی تعلیم سے متعلق ملک بھر میں 75 اسمارٹ کلاس رومز قائم کیے جائیں گے، 70 مدارس میں بھی تکنیکی تعلیم کی فراہمی کا انتظام کیا جائے گا۔

    تفصیلات کے مطابق وزیر اعظم عمران خان کے مشیر برائے امور نوجوان عثمان ڈار نے نیوز کانفرنس سے خطاب کرتے ہوئے کہا کہ پہلے مرحلے میں ایک لاکھ 70 ہزار نوجوانوں کو ہنر مند بنایا جائے گا، پہلے سے ہنر مند نوجوانوں کو جانچ کے بعد سرٹیفیکیٹ دیے جائیں گے۔

    عثمان ڈار کا کہنا تھا کہ ملک میں نیشنل ایکریڈیشن کونسل کا قیام عمل میں لایا جائے گا، ٹیوٹا کے 2 ہزار اداروں کی ایکریڈیشن کی جائے گی۔ پیشہ وارانہ تربیت کے حوالے سے معیار مقرر کیے جائیں گے۔

    انہوں نے کہا کہ 75 اسمارٹ کلاس رومز قائم کیے جائیں گے، 70 مدارس میں بھی تکنیکی تعلیم کی فراہمی کا انتظام کیا جائے گا۔ دوست ملکوں کے اشتراک سے 5 سینٹر آف ایکسی لنس قائم کیے جائیں گے۔

    معاون خصوصی کا کہنا تھا کہ ٹیوٹا انسٹی ٹیوٹس کو عالمی اداروں سے منسلک کیا جائے گا، شفقت محمود سمیت دیگر افراد نے بہت زبردست کام کیا۔ ایسا پروگرام تاریخ میں پہلے شروع نہیں کیا گیا۔

    خیال رہے کہ اس سے قبل وزیر اعظم عمران خان کی زیر صدارت نوجوانوں کی فلاح و بہبود سے متعلق اجلاس منعقد ہوا تھا جس میں وزیر اعظم نے ہنر مند پاکستان منصوبے کی منظوری دے دی تھی۔

    منصوبے کے لیے 30 ارب روپے کی خطیر رقم مختص کی گئی ہے۔ وزیر اعظم کل ہنرمند پاکستان پروگرام کا افتتاح کریں گے۔

    اس موقع پر وزیر اعظم عمران خان کا کہنا تھا کہ نوجوان ملک کا اصل اثاثہ ہیں، بدقسمتی سے ماضی کی حکومتوں نے نوجوانوں کو نظر انداز کیا۔ نوجوانوں کو تعلیم کے باوجود نوکری کے لیے مشکلات کا سامنا کرنا پڑتا ہے۔

    خیال رہے کہ ہنرمند پاکستان پروگرام نیشنل اسکل اسٹریٹجی ٹاسک فورس کی تجاویز پر تیار کیا گیا ہے، پرگرام کے تحت لاکھوں نوجوانوں کو فنی مہارت دی جائے گی۔

    پروگرام کے تحت ٹیچر ٹریننگ، اسمارٹ لیب اور بزنس انکیوبیشن سینٹر قائم ہوں گے۔ تربیت پانے پر نوجوانوں کو بین الاقوامی اجازت نامے ملیں گے، ہنر کی تربیت دینے والے اداروں کی صلاحیت میں بھی اضافہ کیا جائے گا۔

  • کامیاب جوان پروگرام: قرضوں کی فراہمی میں شفافیت کو یقینی بنایا گیا ہے، عثمان ڈار

    کامیاب جوان پروگرام: قرضوں کی فراہمی میں شفافیت کو یقینی بنایا گیا ہے، عثمان ڈار

    اسلام آباد: وزیر اعظم کے معاون خصوصی برائے امور نوجوان عثمان ڈار کا کہنا ہے کہ کامیاب جوان پروگرام کے قرضوں کے تعین کے لیے کردار اور اہلیت دونوں اہم ہیں۔ قرضوں کی فراہمی میں شفافیت کو یقینی بنایا گیا ہے۔

    تفصیلات کے مطابق وزیر اعظم کے معاون خصوصی برائے امور نوجوان عثمان ڈار کا کہنا ہے کہ نوجوانوں کو جدید ٹیکنالوجیز میں آگے لانا چاہتے ہیں، کامیاب نوجوان پروگرام کے لیے 15 ہزار درخواستیں وصول ہوئیں۔

    عثمان ڈار کا کہنا تھا کہ فاٹا کے نوجوان کو 35 لاکھ روپے اپنا سافٹ ویئر ہاؤس شروع کرنے کے لیے دیا گیا، آئی ٹی اور سیاحت کے شعبوں میں نوجوانوں کو قرضے دیے گئے۔

    انہوں نے کہا کہ سیاحت کے شعبے میں انفرا اسٹرکچر موجود نہیں، قرضوں کے تعین کے لیے کردار اور اہلیت دونوں اہم ہیں۔ قرضوں کی فراہمی میں شفافیت کو یقینی بنایا گیا ہے۔

    خیال رہے کہ گزشتہ روز وزیر اعظم عمران خان نے کامیاب جوان پروگرام کی تقریب سے خطاب کرتے ہوئے کہا تھا کہ نوجوانوں پر توجہ دیں تو یہ پاکستان کو ترقی دیں گے، یہ ایک شروعات ہے انشا اللہ مزید منصوبے بھی آئیں گے۔

    وزیر اعظم نے کہا تھا کہ ایک لاکھ 90 ہزار خواتین نے قرضوں کے لیے درخواستیں دیں، پروگرام کی بڑی بات یہ ہے کہ حکومت سہولت فراہم کر رہی ہے۔

  • چیف الیکشن کمشنر کی تقرری پر ڈیڈ لاک نہیں ہے: عثمان ڈار

    چیف الیکشن کمشنر کی تقرری پر ڈیڈ لاک نہیں ہے: عثمان ڈار

    اسلام آباد: وزیر اعظم عمران خان کے معاون خصوصی عثمان ڈار کا کہنا ہے کہ زرداری باہر جانا چاہیں گے تو اس وقت معاملہ دیکھیں گے، چیف الیکشن کمشنر کی تقرری پر ڈیڈ لاک نہیں ہے۔

    تفصیلات کے مطابق وزیر اعظم عمران خان کے معاون خصوصی برائے امور نوجوان عثمان ڈار کا کہنا ہے کہ نواز شریف کے کیس میں ایک مثال موجود ہے، زرداری باہر جانا چاہیں گے تو اس وقت معاملہ دیکھیں گے۔

    عثمان ڈار کا کہنا تھا کہ میڈیکل بورڈ کی تجاویز کی صورت میں فیصلہ کیا جائے گا۔ چیف الیکشن کمشنر کی تقرری پر ڈیڈ لاک نہیں ہے۔

    انہوں نے مزید کہا کہ فضل الرحمٰن کے جائز مطالبات حل کیے جائیں گے، رہبر کمیٹی اور حکومتی ٹیم جلد کسی نتیجے پر پہنچ جائے گی۔

    اس سے قبل ایک موقع پر عثمان ڈار نے مریم نواز اور محسن رانجھا کو مناظرے کا چیلنج دیتے ہوئے کہا تھا کہ حکومت کے کامیاب جوان اور ن لیگ کے یوتھ پروگرام کا براہ راست مناظرہ کریں۔

    عثمان ڈار کا کہنا تھا کہ ماضی کے یوتھ پروگرام سیاست کی نذر ہوئے تھے، کوشش ہے دسمبر سے قرض کی فراہمی شروع ہوجائے۔ 21 سے 45 سال تک کے نوجوان درخواست دے سکتے ہیں جبکہ ملازمت پیشہ نوجوان بھی پروگرام میں درخواست دے سکتے ہیں۔

  • کامیاب جوان پروگرام کا مقصد نوجوانوں کو آگے بڑھنے کا موقع دیناہے، عثمان ڈار

    کامیاب جوان پروگرام کا مقصد نوجوانوں کو آگے بڑھنے کا موقع دیناہے، عثمان ڈار

    اسلام آباد : وزیراعظم کے معاون خصوصی عثمان ڈار کا کہنا ہے کہ کامیاب جوان کا فیصلہ دینا ایک لینڈ مارک ہوگا، کامیاب جوان پروگرام میں اسد عمر کا اہم کردار ہے ، پروگرام کا مقصد نوجوانوں کو پاکستان میں آگے بڑھنے کا موقع دیناہے۔

    تفصیلات کے مطابق وزیراعظم کے معاون خصوصی عثمان ڈار نے تقریب سے خطاب کرتے ہوئے کہا کامیاب جوان کا فیصلہ دینا ایک لینڈ مارک ہوگا، وزیراعظم کےہمراہ اسدعمر ہر جگہ ہماری رہنمائی کررہےہیں، کامیاب جوان پروگرام میں اسد عمر کا اہم کردار ہے ، پروگرام کو نواجونوں نے سراہا ہے۔

    عثمان ڈار کا کہنا تھا کہ پروگرام نوجوانوں کی کامیاب زندگی کیلئے مددگار ثابت ہوگا، بہت جلد نوجوانوں میں چیک تقسیم کئےجائیں گے ، نوجوانوں کو عالمی معیار کے مطابق ہنرسکھائیں گے۔

    معاون خصوصی نے کہا پاکستان میں ہرقسم کاٹیلنٹ موجود ہے ، حکومت کا مقصد کامیاب جوان پروگرام کےذریعے سہولت فراہم کرناہے ، نوجواجوں کو نوکریاں دینے کیلئے حکومت نجی سیکٹر کو مضبوط کرے گی ، طلبا تنظیموں کی بحال کی حمایت کرتا ہوں۔

    مزید پڑھیں : حکومت نے نوجوانوں کو اسلامی بینکنگ کےتحت بلاسود قرضوں کی فراہمی کا فیصلہ کرلیا

    اس سے قبل ایچ ای سی کےزیراہتمام مائیکروسافٹ امیجن کپ کی لانچنگ تقریب سے خطاب میں عثمان ڈار کا کہنا تھا پاکستان میں نوجوانوں کوزیادہ آگے بڑھنے کا موقع ملناچاہئے، پاکستان میں اسٹارٹ اپ شروع کرنے جارہے ہیں۔

    انھوں نے کہا کہ کامیاب جوان پروگرام کےتحت میں بڑاپلیٹ فارم بنائیں گے، اسٹارٹ اپ پروگرام کےبغیرکوئی پراجیکٹ کامیاب نہیں ہوسکےگا، کامیاب جوان پروگرام کابنیادی مقصدہی نوجوانوں کوسہولتیں دیناہے۔

    معاون خصوصی کا کہنا تھا کہ نوجوان سرکاری ملازمتیں چاہتے ہیں، اس مائنڈسیٹ کوتبدیل کرنا چاہتےہیں، ہم یوتھ انٹرپنیورشپ کوفروغ دینا چاہتے ہیں ، نوجوانوں نے6 لاکھ نئے بزنس کے لئے اپلائی کیا ہے، جس میں 2 لاکھ خواتین نے شامل ہیں۔

    عثمان ڈار نے مزید کہا کہ  ہنرمند نوجوان پروگرام بھی شروع کرنے جارہے ہیں، کوشش ہے اکیسویں صدی مدنظر رکھتے ہوئے نوجوانوں کو اسکلز دی جائیں اور سپورٹ کیا جائے تو نوجوان اکانومی کو بہتر کرسکتے ہیں، ہم لاکھوں نوجوانوں کے لئے انٹرن شپ بھی شروع کررہےہیں۔

  • عثمان ڈار کا مریم نواز اور لیگی رہنماؤں کو مناظرے کا چیلنج

    عثمان ڈار کا مریم نواز اور لیگی رہنماؤں کو مناظرے کا چیلنج

    اسلام آباد : وزیراعظم کے معاون خصوصی عثمان ڈار نے لیگی رہنماؤں اورمریم نواز کو حکومت کے کامیاب جوان اور ن لیگ کے یوتھ پروگرام کے مناظرے کا چیلنج دے دیا اور کہا عوام فیصلہ کریں گے کونسا پروگرام بہتر ہے۔

    تفصیلات کے مطابق مسلم لیگ ن رہنما محسن رانجھا کی جانب سے حکومت پر منصوبوں میں نقل کے الزام کے بعد وزیراعظم کے معاون خصوصی عثمان ڈار نے لیگی رہنماؤں اورمریم نوازکو چیلنج دے دیا ، عثمان ڈارنے اے آر وائی نیوز کے پروگرام پاور پلے میں مناظرے کا چیلنج دیا۔

    عثمان ڈار نے کہا پوری ن لیگ بشمول مریم نواز، محسن رانجھا مناظرے کا چیلنج قبول کریں، حکومت کےکامیاب جوان،ن لیگ کے یوتھ پروگرام کا براہ راست مناظرہ کریں، کونسا پروگرام بہتر ہے فیصلہ عوام کریں گے۔

    عثمان ڈاراور محسن رانجھا میں اےآروائی کے پروگرام میں بحث وتکرارہوئی تھی جبکہ عثمان ڈارنے اے آر وائی نیوز کا کلپ شیئرکرتے ہوئے مریم نوازکو بھی ٹیگ کیا تھا، مریم نوازلیگی دورحکومت میں یوتھ پروگرام کی چیئرپرسن تھیں۔

    یاد رہے 17 اکتوبر کو وزیراعظم عمران خان نے ملکی تاریخ کے سب سے بڑے فلاحی منصو بے کامیاب جوان پروگرام کا افتتاح کیا تھا ، پروگرام کے تحت نوجوانوں کو ایک لاکھ روپے تک کا بلاسود جبکہ پچاس لاکھ روپے تک کا کم شرح سود پر قرض مل سکے گا۔

    وزیراعظم نے افتتاحی تقریب سے خطاب میں کہا تھا کہ ہمارا ٹارگٹ ہوگا اپنے کاروبار کے لیے 10 لاکھ نوجوانوں کو قرضے دیے جائیں، کامیاب جوان پروگرام میں سفارش نہیں چلے گی، میرٹ پر کام ہوگا۔

    بعد ازاں عثمان ڈار کا کہنا تھا کہ ماضی کے یوتھ پروگرام سیاست کی نذر ہوئے تھے ، کوشش ہےدسمبر سے قرض کی فراہمی شروع ہوجائے، 21 سے 45سال تک کے نوجوان درخواست دے سکتے ہیں جبکہ ملازمت پیشہ نوجوان بھی پروگرام میں درخواست دے سکتے ہیں۔

  • صوبائی حکومتیں تعلیم و تربیت میں اہم کردار ادا کر رہی ہیں: عثمان بزدار

    صوبائی حکومتیں تعلیم و تربیت میں اہم کردار ادا کر رہی ہیں: عثمان بزدار

    لاہور: وزیر اعلیٰ پنجاب عثمان بزدار کا کہنا ہے کہ صوبائی حکومتیں تعلیم و تربیت میں اہم کردار ادا کر رہی ہیں، وفاق سے مل کر نوجوانوں کو کامیابی کے مزید مواقع دیں گے۔

    تفصیلات کے مطابق وزیر اعلیٰ پنجاب عثمان بزدار اور وزیر اعظم کے معاون خصوصی برائے امور نوجوان عثمان ڈار کی ملاقات ہوئی۔

    ملاقات میں کامیاب جوان یوتھ پروگرام سے متعلق معاملات پر تبادلہ خیال کیا گیا۔ نوجوانوں کو با اختیار بنانے میں صوبائی سطح پر کوششوں میں تیزی پر مشاورت بھی ہوئی۔

    وزیر اعلیٰ پنجاب عثمان بزدار کا کہنا تھا کہ صوبائی حکومتیں تعلیم و تربیت میں اہم کردار ادا کر رہی ہیں، وفاق سے مل کر نوجوانوں کو کامیابی کے مزید مواقع دیں گے۔ کامیاب جوان پروگرام حکومت کا نوجوانوں پر اعتماد کا مظہر ہے۔

    انہوں نے کہا کہ وزیر اعظم کی سرپرستی میں نوجوانوں کے لیے بڑے فیصلے کیے ہیں۔

    معاون خصوصی عثمان ڈار کا کہنا تھا کہ منصوبے کی کامیابی کے لیے صوبائی حکومتوں سے مل کر کام کریں گے، آئندہ ماہ سے نوجوانوں میں قرض کی تقسیم شروع کردی جائے گی۔

    عثمان ڈار نے مزید کہا کہ چاہتے ہیں نوجوان کاروبار کے میدان میں کامیاب ہوں، کامیاب جوان پروگرام کے دوسرے مرحلے کا آغاز 2 ماہ میں کیا جائے گا۔