Tag: عدالتیں

اسلام آباد: چیف جسٹس آصف سعید کھوسہ نے کہا ہے کہ وکلا کی عزت بحالی کی تحریک کی ضرورت ہے کیوں کہ وکلا بہت تیزی سے اپنی عزت گنوا رہے ہیں۔

تفصیلات کے مطابق چیف جسٹس اسلام آباد میں ایک تقریب سے خطاب کر رہے تھے، انھوں نے وکلا کے رویوں اور قانون کے پیشے سے متعلق تفصیلی بات کی، اور وکلا کی کم ہوتی عزت سے متعلق تشویش کا اظہار کیا۔

[bs-quote quote=”کام یاب وکیل بننے کے لیے تاریخ، حساب اور ادب پر عبور لازمی ہے۔” style=”style-8″ align=”left” author_name=”چیف جسٹس آف پاکستان”][/bs-quote]

چیف جسٹس نے کہا کہ عدلیہ بحالی تحریک کے نتیجے میں عدلیہ آزاد ہوئی تھی، سینئر وکلا سے کہا اب تحریک بحالیٔ عزتِ وکلا شروع کرنے کی ضرورت پڑ گئی ہے۔

آصف سعید کھوسہ کا کہنا تھا کہ پاکستان میں وکلا کے لیے ٹریننگ کا کوئی سسٹم نہیں ہے جس کی بہت ضرورت ہے، قانون کا پیشہ مقدس ہے، وکیل دوسروں کے حقوق کی جنگ لڑتے ہیں، ان کی ایسی تربیت ہونی چاہیے کہ دنیا میں یہ کسی کا بھی مقابلہ کر سکیں۔

انھوں نے کہا کہ وکالت میں دھوکا دینے والوں کی کوئی گنجایش نہیں، یہ پیشہ پیسا بنانے کے لیے نہیں، وکلا سے ابھی بھی امید ہے، پرانے ادوار میں وکلا فیس نہیں لیا کرتے تھے، لوگوں کی خدمت کریں پیسا خود آئے گا۔ چیف جسٹس نے وکلا سے کہا کہ اللہ خود آپ تک پیسا پہنچائے گا۔

چیف جسٹس نے وکلا اور ججز کی ہاتھا پائی پر بھی بات کی، کہا یہ ایک دوسرے کو ماریں گے تو کیا یہ ٹھیک ہوگا، وکیل نے بحث زبان اور دماغ سے کرنا ہوتی ہے ہاتھوں سے نہیں، جج جب عدالت میں سوال کرے تو وکیل کو چپ ہو جانا چاہیے، اسے اس وقت جج کا دماغ پڑھنا چاہیے۔

آصف سعید کھوسہ نے خطاب میں کام یاب وکیل بننے کے لیے اہم چیزوں کا بھی ذکر کیا، کہا کام یاب وکیل بننے کے لیے تاریخ، حساب اور ادب پر عبور لازمی ہے۔

چیف جسٹس پاکستان نے مزید کہا کہ وکلا کم زور کیس لینے سے انکار کریں اور سائل کو درست مشورہ دیں۔

لاہور: چیف جسٹس آف پاکستان ثاقب نثار کا کہنا ہے کہ ججز فیصلہ کرتے وقت قانون کو مدنظر رکھنے کے پابند ہیں، انصاف کی فراہمی میں عجلت انصاف دفن کرنے کے مترادف ہے۔

تفصیلات کے مطابق لاہور میں خواتین ججز کی 3 روزہ کانفرنس کی اختتامی تقریب سے خطاب کرتے ہوئے چیف جسٹس ثاقب نثار نے کہا کہ ججز فیصلہ کرتے وقت قانون کومدنظررکھنے کے پابند ہیں، کوئی بھی جج قانونی تقاضے پورے کیے بغیرفیصلہ نہیں سناتا۔

چیف جسٹس آف پاکستان نے کہا کہ ہم ملک میں قانونی کی حکمرانی چاہتے ہیں، ماڈل عدالتوں کا قیام بہت اچھا آئیڈیا ہے، ماڈل عدالتوں کے ساتھ دوسری عدالتیں بھی کردار ادا کریں۔

انہوں نے کہا کہ ہمیں جج کی حیثیت سےسائل کی مشکلات کومدنظررکھناچاہیے، ہمارے لیےمقدمات نمٹانا ایک مشکل مرحلہ ہوتا ہے۔

خواتین کوعدالتی شعبےمیں مشکلات کا سامنا ہے‘ جسٹس منصورعلی شاہ

چیف جسٹس ثاقب نثار نے کہا کہ عدلیہ میں صنفی امتیاز کا خاتمہ اچھا اقدام ہے، ایسا سسٹم بنانا ہوگا جہاں خاتون آسانی سے مسئلہ بتاسکے جبکہ بطور جج ہرشہری کو فوری اور معیاری انصاف فراہم کرنے کے پابند ہیں۔

واضح رہے کہ چیف جسٹس آف پاکستان نے کہا کہ کبھی یہ نہ سمجھیں کیس غلط ہے، سوال کریں سمجھنےکی کوشش کریں، قانون کی حکمرانی ہمارے لیےسب سے اہم ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

لاہور : چیف جسٹس لاہورہائی کورٹ منصورعلی شاہ کا کہنا ہے کہ ضلعی عدالتوں میں خواتین کے حقوق کے لیے اقدامات کیے ہیں۔

تفصیلات کے مطابق لاہور میں خواتین ججز کی 3 روزہ کانفرنس کی اختتامی تقریب سے خطاب کرتے ہوئے چیف جسٹس لاہورہائی کورٹ منصورعلی شاہ نے کہا کہ ہائی کورٹ میں کیس مینجمنٹ کی کوشش کی۔

انہوں نے کہا کہ خواتین سےمتعلق مقدمات میں کیس مینجمنٹ سےمددملتی ہے، ایک دواقدامات سے خواتین کے مسائل کا حل ممکن نہیں تھا۔

چیف جسٹس لاہورہائی کورٹ نے کہا کہ ماتحت عدالتوں کے 36 ججوں سے تفصیلی بات کی جبکہ ججوں کے مسائل کا ہرممکن جائزہ لیا گیا۔ انہوں نے ایک دوسرے سے رابطےکے بغیرعدلیہ میں بہتری ممکن نہیں۔

جسٹس منصورعلی شاہ نے کہا کہ ضلعی عدالتوں میں خواتین کےحقوق کے لیےاقدامات کیے ہیں جبکہ اسٹیک ہولڈرزکومل کرآئندہ کا لائحہ عمل تیارکرنا ہوگا۔

انہوں نے کہا کہ سیشن ججزکوعدلیہ کا اہم حصہ ہونے کا احساس دلایا، ایڈوائزری کمیٹی کی مدد سے سیشن ججزکے مسائل جانے۔

چیف جسٹس لاہورہائی کورٹ نے کہا کہ ہائی کورٹ میں اسپیشل بینچزقائم کررہےہیں، سیشن ججزکوعدلیہ کا اہم حصہ ہونے کا احساس دلایا۔

انہوں نے کہا کہ ایڈوائزری کمیٹی کی مددسےسیشن ججزکےمسائل جانے، آج کے سیشن کا مقصد خواتین ججزکے مسائل سے آگاہی ہے۔

جسٹس منصورعلی شاہ نے کہا کہ کوشش ہے ماڈل کورٹ کا دائرہ پورے پنجاب میں پھیلائیں۔ انہوں نے کہا کہ پنجاب میں 12لاکھ سےزائدمقدمات زیرسماعت ہیں۔

واضح رہے کہ ڈسٹرکٹ کورٹ میں آڈٹ کےذریعےمسائل کی نوعیت سےآگاہی حاصل کی،عدالتوں میں ڈسٹرکٹ ججوں کے بچوں کے لیے کیئر سینٹر قائم کررہے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔