کراچی : پاکستان تحریک انصاف کے وکلا نے کیپٹن صفدر کی ضمانت کا عدالتی حکم سندھ ہائی کورٹ چیلنج کرنے کا اعلان کردیا ، اسسٹنٹ اٹارنی جنرل انور کمال کا کہنا تھا سماعت کے دوران مریم صفدر کو کیسے پتا چلا ضمانت ہوگئی، جواب دینا ہوگا انہیں کس نے پہلے بتادیا ؟
تفصیلات کے مطابق پاکستان تحریک انصاف کے وکلا نے اعلان کرتے ہوئے کہا کیپٹین صفدر کی ضمانت کا عدالتی حکم چیلنج کریں گے ، ڈپٹی اٹارنی جنرل عبدالوہاب بلوچ نے کہا کہ اس آرڈر میں کئی غلطیاں ہیں ایم آئی ٹی کو بھی درخواست دیں گے اور سندھ ہائی کورٹ میں بھی فیصلہ چیلنج کریں گے۔
اسسٹنٹ اٹارنی جنرل انور کمال کا کہنا تھا سماعت کے دوران مریم صفدر کو کیسے پتا چلا ضمانت ہوگئی، جواب دینا ہوگا انہیں کس نے پہلے بتادیا ؟
مزید پڑھیں : کیپٹن (ر) صفدر کو رہا کردیا گیا
گذشتہ روز مزارقائد کے تقدس کی پامالی سےمتعلق کیس میں عدالت نے کیپٹن(ر)صفدر کی ضمانت منظور کرلی تھی، جس کے بعد کیپٹن (ر) صفدر کو رہا کردیا گیا، ان کی ضمانت ایک لاکھ روپے مچلکے کےعوض ضمانت منظور کی گئی ۔
ضمانت منظور ہونے سے قبل مسلم لیگ ن کی نائب صدر مریم نواز نے دعویٰ کیا تھا کہ مریم اورنگزیب نے ابھی بتایا ہے کہ کیپٹن (ر) صفدر کی ضمانت منظورہوگئی ہے۔
