ARYNews.tv | Urdu – Har Lamha Bakhabar

Tag: عدالت میں پیشی

  • عدالت میں پیشی : عمران خان اور بشریٰ بی بی اسلام آباد کیلئے روانہ

    عدالت میں پیشی : عمران خان اور بشریٰ بی بی اسلام آباد کیلئے روانہ

    اسلام آباد پی ٹی آئی کے چیئرمین عمران خان اور ان کی اہلیہ بشریٰ بی بی عدالت میں پیشی کے لئے اسلام آباد روانہ ہوگئے۔

    تفصیلات کے مطابق اسلام آباد میں چیئرمین پی ٹی آئی عمران خان کے خلاف 3مقدمات کی سماعت آج ہوگی جبکہ احتساب عدالت میں بشریٰ بی بی کی القادر ٹرسٹ کیس میں ضمانت پر سماعت بھی آج مقرر ہے۔

    چیئرمین پی‌ ٹی آئی عمران خان اور ان کی اہلیہ بشریٰ بی بی عدالت میں پیشی کے لئے اسلام آباد روانہ ہوگئے ہیں۔

    ایک سو نوےملین پاؤنڈ منتقلی کے کیس میں عمران خان کی درخواست ضمانت پر سماعت آج اسلام آباد ہائی کورٹ میں ہو گی، جسٹس میاں گل حسن اورنگزیب اور جسٹس ثمن رفعت امتیاز پر مشتمل اسپیشل ڈویژن بینچ درخواست پر کرے گا۔

    اس کے علاوہ دفعہ ایک سو چوالیس کی خلاف ورزی پر درج مقدمہ میں درخواست ضمانت کی سماعت ہوگی جبکہ نو مئی کے بعد درج مقدمات میں گرفتار نہ کرنے کی درخواست پر سماعت بھی آج ہوگی۔

    یاد رہے اسلام آباد ہائی کورٹ نے سابق وزیر اعظم عمران خان کے خلاف سو سے زائد کیسزمیں گرفتاری سے روکنے کے حکم میں 31 مئی تک توسیع کی تھی۔

    گذشتہ روز چیئرمین تحریک انصاف عمران خان نے جناح ہاوس حملہ سمیت چار مقدمات میں لاہور ہاٸی کورٹ اور انسداد دہشت گردی عدالت میں پیش ہوئے تھے اور ضمانتی مچلکے داخل جمع کروائے تھے۔

    سابق وزیر اعظم کی چاروں مقدمات میں عبوری ضمانت کی معیاد 2 جون کو ختم ہو رہی تھی۔

  • عمران خان عدالت میں پیشی کیلئے اسلام آباد روانہ

    عمران خان عدالت میں پیشی کیلئے اسلام آباد روانہ

    لاہور : چیئرمین تحریک انصاف عمران خان عدالت میں پیشی کیلئے اسلام آباد روانہ ہوگئے ، ان کی دو مقدمات میں ضمانت آج ختم ہو رہی ہے۔

    تفصیلات کے مطابق چیئرمین پی ٹی آئی عمران خان زمان پارک سے اسلام آباد روانہ ہوگئے، عمران خان آج 2 مقدمات میں ضمانت کے لئے اسلام آباد ہائی کورٹ میں میں پیش ہوں گے۔

    یاد رہے عمران خان کی دو مقدمات میں ضمانت آج ختم ہو رہی ہے، عسکری ادارے کے افسران کے خلاف بیان بازی کے مقدمے اور بیرسٹر شاہنواز رانجھا کی مدعیت میں درج اقدام قتل کے مقدمے ضمانت کی درخواست پر آج سماعت ہوگی۔

    اسلام آباد ہائیکورٹ کے چیف جسٹس عامر فاروق سماعت کریں گے ، چیئرمین پی ٹی آئی عمران خان اپنے وکلاء ٹیم کے ساتھ عدالت میں پیش ہوں گے۔

    عمران خان کی جانب سے بیرسٹر سلمان صفدر پیش ہوں، عمران خان کی 2 مقدمات میں عبوری درخواست ضمانت پر سماعت آج دن 2:30 بجے ہوگی۔

    خیال رہے گزشتہ سماعت پر عدالت نے دو مقدمات میں عمران خان کی 9 مئی تک عبوری ضمانت منظور کی تھی، عمران خان کے خلاف محسن شاہنواز پر حملہ کا مقدمہ تھانہ سیکریٹریٹ جبکہ عسکری قیادت کے خلاف بیان کا مقدمہ تھانہ رمنہ میں درج کیا گیا تھا۔

    عمران خان کی پیشی کے پیش نظر رجسٹرار اسلام آباد ہائی کورٹ نے سرکلر جاری کردیا ہے ، جس میں آئی جی اور ضلع انتظامیہ کو سیکورٹی انتظامات کی ہدایت کی گئی ہے۔

  • عمران خان عدالت میں پیشی کیلئے اسلام آباد روانہ

    عمران خان عدالت میں پیشی کیلئے اسلام آباد روانہ

    لاہور : چیئرمین تحریک انصاف عمران خان زمان پارک سے عدالت پیشی کیلئے اسلام آباد روانہ ہوگئے ، عمران خان کی طرف سے ضمانت کی درخواست دائرکی جائے گی۔

    تفصیلات کے مطابق چیئرمین پی ٹی آئی عمران خان زمان پارک سے اسلام آباد روانہ ہوگئے، عمران خان آج آٹھ مختلف مقدمات میں اسلام آباد کی عدالت میں پیش ہوں گے۔

    پی ٹی آئی کے کارکنوں کی بڑی تعداد عمران خان کے ساتھ موجود ہیں، اسلام آباد ہائی کورٹ میں عمران خان کی طرف سے ضمانت کی درخواست دائر کی جائے گی اور درخواست کو آج ہی سماعت کیلئے مقرر کرنے کی استدعا کی جائے گی۔

    اشتعال انگیز بیان پر عمران خان کے خلاف سات اپریل کو مقدمہ درج کیا گیا تھا، مقدمہ مجسٹریٹ منظور احمد کی مدعیت میں تھانہ رمنا میں درج کیا گیا تھا۔۔

    جس میں لاہور ہائیکورٹ نے عمران خان کی چھبیس اپریل تک حفاظتی ضمانت منظور کی تھی۔

    دوسری جانب عمران خان کی اسلام آبادہائیکورٹ آمد سے قبل سیکورٹی ہائی الرٹ کردی گئی ہے، اسلام آباد ہائی کورٹ کےاطراف تمام دکانیں مکمل طور پر بند ہیں۔

    گذشتہ روز تحریک انصاف کے چیئرمین عمران خان نے اپنے ٹوئٹ میں لکھا تھا کی ‘کل میں ایک انتہائی عجیب ایف آئی آرمیں عدالت میں پیش ہوں گا، ایف آئی آرسےتصدیق ہوتی ہےکہ ہم واقعی جنگل کےقانون میں ہیں، طاقتوراورخودکوقانون سے بالاتر سمجھنے والوں نے غداری کامقدمہ کرایا۔

  • سلیمان شہباز نے عدالت میں پیشی پر پھولوں کا گلدستہ لانے والے کارکن کا ہاتھ جھٹک دیا

    سلیمان شہباز نے عدالت میں پیشی پر پھولوں کا گلدستہ لانے والے کارکن کا ہاتھ جھٹک دیا

    لاہور : وزیراعظم کے بیٹے سلیمان شہباز کی پیشی پر پھول لانے والے کارکن کا ہاتھ جھٹک دیا اور گارڈزنے بھی دھکے دیکر اسے دور کردیا۔

    تفصیلات کے مطابق وزیراعظم کے بیٹے سلیمان شہباز کی پیشی پر پھول لانے والے کارکن کو دھکے پڑگئے۔

    کارکن سلیمان شہباز کے لیے پھولوں کو گلدستہ لایا تو سلیمان شہباز نے ہاتھ جھٹک دیا اور گارڈزنے بھی دھکے دیکر اسے دورکردیا۔

    کارکن نے گلدستہ دینے پر اصرار کیا تو گارڈر نے گلدستہ وصول کرلیا۔

    لیگی کارکن کا کہنا تھا کہ سلیمان شہباز کے لئے گلدستہ لایا ہوں ، ان کا کام ہے کہ وہ وصول کریں ، وزیراعظم کی گاڑی روکتا ہوں، وہ بھی

    میں اس واقعہ کی حمزہ شہباز سے شکایت کروں گا۔

  • عمران خان کی 9 مارچ کو عدالت میں پیشی ، ایس او پیز کا نوٹیفکیشن جاری

    عمران خان کی 9 مارچ کو عدالت میں پیشی ، ایس او پیز کا نوٹیفکیشن جاری

    اسلام آباد : اسلام آباد ہائی کورٹ میں پی ٹی آئی چیئرمین عمران خان کی 9 مارچ کو پیشی  کے حوالے سے  ایس اوپیز کا نوٹیفکیشن جاری کردیا گیا۔

    تفصیلات کے مطابق اسلام آباد ہائی کورٹ نے عمران خان کی 9مارچ کو پیشی کے معاملے پر سیکیورٹی اور دیگر ایس او پیز کا نوٹیفیکیشن جاری کردیا۔

    جس میں کہا ہے کہ چیف جسٹس عامر فاروق کے کیمرہ عدالت میں انٹری پاس کے ذریعے داخلے کی اجازت ہوگی۔

    سرکلر میں اسلام آباد انتظامیہ اور اسلام آباد پولیس کو سیکیورٹی انتظامات کرنےاور عمران خان کے وکلاء کو پندرہ ناموں کی لسٹ مہیا کرنے کی ہدایت کردی ہے۔

    رجسٹرارہائیکورٹ نے اٹارنی جنرل آفس اور ایڈووکیٹ جنرل اسلام آباد کو پانچ پانچ ناموں کی لسٹ اور اسلام آباد ہائی کورٹ جرنلسٹ ایسوسی ایشن کو 30 صحافیوں کی لسٹ مہیا کرنے کی ہدایات جاری کردیں۔

    سرکلر میں 8 مارچ دوپہر تین بجے سے پہلے تمام متعلقہ افراد کی لسٹ مہیا کرنے کی ہدایت کی۔

    عمران خان کے خلاف اقدامِ قتل کیس کی ضمانت میں توسیع کی سماعت کورٹ روم نمبر 1 میں 3 بجے مقرر ہے۔

  • بھتے کے ملزم کا عدالت میں کرونا میں مبتلا ہونے کا انکشاف

    بھتے کے ملزم کا عدالت میں کرونا میں مبتلا ہونے کا انکشاف

    کراچی: انسداد دہشت گردی کی عدالت میں آج بھتے کے ایک ملزم نے انکشاف کیا کہ وہ کرونا وائرس میں مبتلا ہے، جس پر کمرہ عدالت میں کھلبلی مچ گئی۔

    تفصیلات کے مطابق کراچی میں تاجر سے بھتہ طلب کرنے کے ایک کیس میں ایک ملزم کو آج انسداد دہشت گردی کی عدالت میں پیش کیا گیا، ضمانت پر رہا ملزم نے سماعت پر کرونا میں مبتلا ہونے کا انکشاف کر دیا۔

    اس انکشاف کے بعد عدالت میں موجود وکلا اور عملہ عدالتی امور چھوڑ کر باہر نکل گیا، جب کہ ملزم کو فوری طور پر کورٹ کی حدود سے باہر نکال دیاگیا۔

    ملزم کے جانے کے بعد عملے نے کمرہ عدالت اور دفاتر میں اسپرے کیا، معلوم ہوا کہ ملزم صبح 8 بجے انسداد دہشت گردی کی عدالت نمبر 16 میں پیشی پر آیا تھا، دوپہر میں اس نے کورٹ اسسٹنٹ کو کرونا ٹیسٹ مثبت آنے کی اطلاع دی۔

    کرونا میں مبتلا وکیل کی پیشی پر عدالت میں کھلبلی

    بھتہ کیس کے تفتیشی افسر کے مطابق مذکورہ ملزم عبوری ضمانت پر تھا، انھوں نے بتایا کہ انھیں بھی علم نہیں تھا کہ ملزم کو کرونا لاحق ہے۔

    یاد رہے کہ گزشتہ ماہ سپریم کورٹ آف پاکستان میں ایک کیس کے سلسلے میں کرونا میں مبتلا وکیل پیش ہوئے تھے، جیسے ہی عدالت میں انکشاف ہوا، کمرہ عدالت میں موجود لوگوں میں کھلبلی مچ گئی، وکیل کے اس انکشاف پر چیف جسٹس نے اس پر برہم ہو کر کہا آپ عدالت میں کیوں آئے ہیں؟ آپ دوسروں کی زندگیوں سے کھیل رہے ہیں۔

  • بد قسمت مرغا رہا نہ ہو سکا، عدالت میں پیشیاں جاری

    بد قسمت مرغا رہا نہ ہو سکا، عدالت میں پیشیاں جاری

    گھوٹکی: سندھ کے شہر گھوٹکی میں ملزمان نے تو عدالت سے ضمانتیں کرا لیں لیکن بد قسمت مرغا اپنی ضمانت نہ کرا سکا، اور بدستور عدالت کی پیشیاں بھگت رہا ہے۔

    تفصیلات کے مطابق پولیس نے گھوٹکی میں ایک جوئے کے ایک اڈے پر چھاپے میں ملزمان سے مرغا بھی برآمد کر لیا تھا، اڈے میں مرغوں کی لڑائی پر جوا ہو رہا تھا، تاہم برآمد ہونے والا یہ مرغا اہل کاروں کے لیے بھی اب درد سر بن گیا ہے۔

    پولیس کے مطابق گھوٹکی میں 8 ماہ قبل مرغوں کی لڑائی پر جوئے کے دوران چھاپا مارا گیا تھا، چند ملزمان کو بھی گرفتار کر لیا گیا تھا، تاہم انھوں نے اپنی ضمانتیں تو کرا لیں لیکن مرغے کا کچھ نہ ہو سکا۔

    چوں کہ پولیس نے مقدمے میں مرغے کی برآمدگی کا بھی ذکر کیا تھا اس لیے عدالت میں سماعت پر ہر بار پولیس اہل کاروں کو مرغے کو بھی پیش کرنا پڑ رہا ہے، ادھر تھانے میں موجود اہل کار مرغے کی دیکھ بھال اور خوراک سے بھی پریشان ہو گئے ہیں۔

    بیلو میرپور پولیس کا ایک اہل کار مرغے کو درخت کے تنے سے باندھ رہا ہے، اہل کار کے منہ میں سگریٹ بھی ہے، جس کا دھواں مرغے کے لیے نقصان دہ ثابت ہو سکتا ہے

    ایک پولیس اہل کار نے بتایا کہ انھیں تھانے میں مرغے کی دیکھ بھال کرنے میں کافی مشکل کا سامنا کرنا پڑ رہا ہے، یہ ڈر بھی لگا رہتا ہے کہ کہیں کوئی جانور مرغے کو کھا نہ جائے۔

    یاد رہے کہ چند ماہ قبل بیلو میرپور پولیس نے سید پور کے علاقے میں ایک جوئے کے اڈے پر چھاپا مار کر تین جواریوں حمزو محمدانی، غلام حیدر شیخ اور فدا حسین کو ایک لڑاکا مرغے کے ساتھ گرفتار کیا تھا، ملزمان نے اپنی ضمانت کرانے کے بعد مرغے کی ضمانت کے لیے بھی عدالت سے رجوع کیا تاہم اس کی ضمانت نہیں ہو سکی، ملزمان کا مؤقف تھا کہ تھانے میں مرغے کی صحیح طور پر دیکھ بھال نہیں ہو رہی ہے۔

  • کراچی: لاک ڈاؤن کی خلاف ورزی‌‌، گرفتار تاجروں کو 14روزہ جوڈیشل ریمانڈپر جیل بھیج دیا

    کراچی: لاک ڈاؤن کی خلاف ورزی‌‌، گرفتار تاجروں کو 14روزہ جوڈیشل ریمانڈپر جیل بھیج دیا

    کراچی: مجسٹریٹ کی عدالت نے لاک ڈاؤن کی خلاف ورزی اور لوگوں کو اکسانے پر گرفتار تاجروں کو 14روزہ جوڈیشل ریمانڈپر جیل بھیج دیا۔

    تفصیلات کے مطابق کراچی میں لاک ڈاؤن کے دوران آئرن مارکیٹ میں دکانیں کھولنے سےمتعلق سماعت ہوئی، صدرآل سٹی تاجر اتحاد حماد پونا والا اوردیگر تاجروں کو مجسٹریٹ جنوبی کی عدالت میں پیش کیا گیا، دیگر تاجروں میں محمداحسان ،محمد خلیل، جاوید عبد الشکور، ملک عقیل اور فیصل حسن زئی شامل ہیں ، اس موقع پر تاجروں کی بڑی تعداد بھی عدالت کے باہر موجود تھی۔

    پیشی پر پولیس نے عدالت سےملزمان کےجسمانی ریمانڈکی استدعا کی اور کہا ملزمان پر لاک ڈاؤن کی خلاف ورزی، لوگوں کو اکسانے کا الزام ہے، جس پر عدالت نے تاجروں کے وکلا کی درخواست ضمانت مسترد کرتے ہوئے تاجر رہنما سمیت 6تاجروں کو 14روزہ جوڈیشل ریمانڈپر جیل بھیج دیا۔

    تاجر رہنما حماد پوناوالا نے کہا کہ ہم نے تمام ٹارچر کو فیس کیا،ہم پردباؤڈالاجارہاتھا، کراچی کےتاجروں کولاک اپ کیاگیا،یلیف نہیں دیاگیا، آل سٹی تاجراتحادکاصدرہوں،تمام ہی اجلاسوں میں شریک تھا، ہم نےکل صرف ڈیمو دیا تھا۔

    حماد پوناوالا کا کہنا تھا کہ کاروباری مراکزکھولنےاورایس او پیزپرعمل کی کوشش کی جارہی تھی، گورنرصاحب نےکہاتھا لاک ڈاؤن وفاق کی طرف سےہے، سفارشات دیں ایک گھنٹےمیں کاروبارکھولنےکی اجازت دیں گے۔

    تاجر رہنما نے مزید کہا کہ سی ایم کی طرف سےکاروبارکھولنےپرجواب نہیں ملاتوہم نےڈیمودیا، سی ایم ہاؤس میں اجلاس ہواتھا،اس کے بعد حکومت سندھ نے رابطہ نہیں کیا۔

    یاد رہے گذشتہ روز تاجر رہنماؤں کو آئرن مارکیٹ کی دکانیں کھولنے اور ہنگامہ آرائی پرگرفتار کرکے جیکسن اور ڈاکس تھانے منتقل کیا گیا اور یپئر تھانے میں مقدمہ درج کرلیا تھا، ایف آئی آر میں ہنگامہ آرائی، تشدد، لاک ڈاون کی خلاف ورزی، کار سرکار میں مداخلت اور دفعہ ایک سو چوالیس کی خلاف ورزی کی دفعات شامل کی گئیں تھیں۔

    پولیس حکام کا کہنا تھا کہ کسی شخص کوگرفتارنہیں کیاگیاہے، تاجروں کی جانب سےخوداحتجاجاًگرفتاری دی گئی تھی۔

  • گوجرانوالہ: پیشی پر جانے والے باپ بیٹے سمیت 4 افراد قتل

    گوجرانوالہ: پیشی پر جانے والے باپ بیٹے سمیت 4 افراد قتل

    گوجرانوالہ: پنجاب کی ایک تحصیل نوشہرہ ورکاں میں باپ بیٹے سمیت 4 افراد کو فائرنگ کر کے قتل کر دیا گیا۔

    تفصیلات کے مطابق ضلع گوجرانوالہ کی تحصیل نوشہرہ ورکاں میں ملزمان نے کار پر فائرنگ کر کے باپ بیٹے سمیت چار افراد کو قتل کر دیا، پولیس کا کہنا ہے کہ جاں بحق افراد میں اعظم، بیٹا توقیر اور 2 گن مین شامل ہیں، جنھیں پیشی پر جاتے ہوئے نشانہ بنایا گیا، فائرنگ کرنے والے موٹر سائیکل پر سوار تھے۔

    پولیس کے مطابق قتل ہونے والے افراد کی اپنے رشتہ دار اقبال اور دیگر کے ساتھ مقدمے بازی کے معاملے پر دشمنی چل رہی تھی، مقتول اعظم کچھ روز قبل ہی قتل کے مقدمے سے ضمانت پر رہا ہوا تھا۔

    یہ بھی پڑھیں:  گوجرانوالہ میں 8 سالہ بچی زیادتی کے بعد قتل

    وزیر اعلیٰ پنجاب عثمان بزدار نے نوشہرہ ورکاں میں 4 افراد کے قتل کے واقعے کا نوٹس لے لیا ہے، انھوں نے آر پی او گوجرانوالہ سے واقعے کی رپورٹ طلب کر لی اور واقعے میں ملوث ملزمان کی جلد گرفتار ی کا حکم بھی جاری کیا۔

    وزیر اعلیٰ نے ہدایت کی کہ مقتولین کے لواحقین کو انصاف کی فراہمی یقینی بنائی جائے۔

    یاد رہے کہ چند دن قبل گوجرانوالہ میں 8 سالہ معصوم بچی مریم کو مبینہ زیادتی کے بعد گلا دبا کر قتل کیا گیا تھا، پولیس نے شک کی بنیاد پر ہمسائے عبد الغنی کو حراست میں لے کر تفتیش کی تو اس نے قتل کا اعتراف کیا اور اس کی نشان دہی پر کھیتوں سے تین دن پرانی لاش برآمد کی۔

  • عدالت میں پیشی پراداکارہ میرا کی ادائیں اورگلابی انگریزی

    عدالت میں پیشی پراداکارہ میرا کی ادائیں اورگلابی انگریزی

    لاہور: اداکارہ میرا نے کہا ہے کہ لاس اینجلس میں بین الاقوامی شہرت یافتہ ڈائریکٹروں سے ملاقات ہوئی جن سےبہت کچھ سیکھنے کو ملا، میرا نے عدالت میں پیشی کے موقع پر ڈالر گرل کی یاد تازہ کردی۔

    تفصیلات کے مطابق تکذیب نکاح کیس میں لاہور ہائی کورٹ میں پیشی کے موقع پر اداکارہ میرا نے ڈالر گرل ایان علی کی یاد تازہ کردی، بلو جینز، اورنج کیپ، کالا چشمہ، کالی شرٹ اورجوگرز پہنے ہوئے اسکینڈل کوئین نے عدالت میں انٹری دی۔

    عدالت کے احاطے میں موجود ہر شخص کی آنکھیں میرا کو دیکھتی رہ گئیں، عدالتی عملے اور لوگوں نے میرا کے ساتھ سلفیاں بھی بنوائیں۔ میرا جی نے ادائیں دکھائیں اور اپنی خاص گلابی انگریزی میں اپنے ٹور کی کہانی بھی سنائی۔

    عدالت میں پیشی کے بعد صحافیوں سے اپنے دورہ لاس اینجلس کے بارے میں گفتگو کرتے ہوئے میرا جی کا کہنا تھا کہ لاس اینجلس میں بین الاقوامی شہرت یافتہ ڈائریکٹروں سے ملاقات ہوئی جن سےبہت کچھ سیکھنے کو ملا۔

    شادی کے حوالے سے ایک سوال کے جواب میں انہوں نے کہا کہ کیس کا فیصلہ آجائے گا تو پھر شادی بھی کرلوں گی، سیاست میں آنے کے سوال پر ان کا کہنا تھا کہ میرے والد، والدہ اورچھوٹی بہن کو سیاست میں دلچسپی ہے، خود سیاست میں حصہ لینےکےحوالےسے کچھ نہیں بتاسکتی، کیس کےبعد اگلےلائحہ عمل کا اعلان کروں گی۔

    مزید پڑھیں: اداکارہ میرا تکذیب نکاح کیس ‘ فیصلہ محفوظ

    تکذیب نکاح کیس سےمتعلق سوال پرتو میرا کی زبان کو تالا لگ گیا، تاہم انہوں نے عدالتوں پر اپنے مکمل اعتماد کا اظہار بھی کیا۔

    مزید پڑھیں: روہنگیا مسلمانوں پر مظالم، اداکارہ میرا کا برما جانے کا اعلان

    علاوہ ازیں خاتون جج کے رخصت پر ہونے کے باعث تکذیب نکاح کیس کا فیصلہ نہیں سنایا جا سکا، فیملی کورٹ نے کیس کی سماعت25اکتوبر تک ملتوی کردی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔