ARYNews.tv | Urdu – Har Lamha Bakhabar

Tag: عدالت

  • روس: گرل فرینڈ کو قتل کرنے والے مجرم کو 14 برس قید کی سزا

    روس: گرل فرینڈ کو قتل کرنے والے مجرم کو 14 برس قید کی سزا

    ماسکو : عدالت نے گرل فرینڈ کو جنسی زیادتی کا نشانہ بنانے کے بعد بے دردی سے قتل کرنے والے نوجوان کو 14 برس قید کی سزا سناتے ہوئے جیل منتقل کرنے کا حکم دے دیا۔

    تفصیلات کے مطابق روسی پولیس نے اپنی گرل فرینڈ کا جنسی استحصال کرنے کے بعد ٹکڑے ٹکڑے کرکے قتل کرنے والے 18 سالہ سفاک نوجوان کو گرفتار کرکے جیل منتقل کردیا ہے۔

    غیر ملکی خبر رساں ادارے کا کہنا تھا کہ ولادی میر شاروف نامی نوجوان نے تیز دھار کلہاڑی کے متعدد وار کرکے 16 سالہ ماریہ کونووا کے ٹکڑے ٹکڑے کردیئے تھے، جس کی آخری رسومات کی ادائیگی اور تحقیقاتی کارروائی کے لیے مقتول کے ٹکڑوں کو ڈی این ٹیسٹ کے ذریعے ملایا گیا۔

    روسی میڈیا کا کہنا تھا کہ درندہ صفت انسان نے 16 سالہ لڑکی کو قتل کرکے سپر مارکیٹ کے شاپنگ بیگ میں ڈال کر مقتولہ کے پڑوسی کے گھر کےباہر لگے کچرے کے ڈبّے میں ڈال آیا تھا۔

    روسی پولیس کا کہنا ہے کہ دوران تفتیش ولادی میر شاروف نے دعویٰ کیا تھا کہ گرل فرینڈ کو قتل کرتے وقت میں بیمار تھا، پولیس نے بتایا کہ ملزم نے اپنے دعوے کو سچ ثابت کرنے کے لیے قتل کے بعد بیماری کی حالت میں اپنی ویڈیو بھی تھی۔

    پولیس کا مؤقف ہے کہ مقتول اور مذکورہ نوجوان کے درمیان کچھ عرصہ قبل ہی سوشل میڈیا کے ذریعے دوستی ہوئی، سفاک قاتل نے دوشیزہ کو قتل کرنے سے پہلے جنسی زیادتی کا نشانہ بنایا اور بعد میں اسے قتل کردیا۔

    غیر ملکی خبر رساں ادارے کا کہنا تھا کہ عدالت نے شاروف کو لڑکی کے ساتھ جنسی زیادتی کرنے اور اسے بے دردی سے قتل کرنے کے جرم میں میں 14 برس قید کی سزا سنائی ہے۔

    دوشیزہ قتل کیس کی تحقیقات کے حوالے سے عدالت کو بتایا کہ مقتول ماریہ کے اعضاء ایک ہفتہ قبل ہی کچرے دان سے برآمد ہوئے تھے جو کافی حد تک خراب ہوچکے تھے۔

    پولیس نے عدالت کو بتایا کہ مذکورہ ملزم نے تفتیش کے دوران ایک اور اسکول میں زیر تعلیم لڑکی کو زیادہ کا نشانہ بنایا تھا، عدالت نے دونوں فریقین کا مؤقف سننے کے بعد نوجوان قاتل کو 14 برس قید کی سزا سنا دی۔

  • مراد علی شاہ کی دہری شہریت اور اقامہ عدالت میں چیلنج

    مراد علی شاہ کی دہری شہریت اور اقامہ عدالت میں چیلنج

    کراچی: سابق وزیراعلیٰ سندھ اور پیپلزپارٹی کے رہنما مراد علی شاہ کی دہری شہریت اور اقامے کو سندھ ہائی کورٹ چیلنج کردیا گیا۔

    تفصیلات کے مطابق سندھ ہائی کورٹ میں شہری کی جانب سے درخواست دائر کی گئی جس میں مؤقف اختیار کیا گیا کہ ’مراد علی شاہ دہری شہریت کے حامل اور اقامہ ہولڈر ہیں‘۔

    درخواست گزار نے مؤقف اختیار کیا کہ سابق وزیراعلیٰ سندھ نے کینیڈا کی شہریت چھپائی اور انہوں نے متحدہ عرب امارات کے ہوٹل میں سپر وائزر کے اقامے کا بھی ذکر نہیں کیا۔

    سندھ ہائی کورٹ نے درخواست کو سماعت کے لیے منظور کرتے ہوئے مراد علی شاہ، الیکشن کمیشن اور دیگر فریقین کو نوٹس جاری کرتے ہوئے 25 جون تک جواب جمع کرانے کا حکم دے دیا۔

    مزید پڑھیں: پیپلز پارٹی کا ایک اور رہنما اقامہ ہولڈر نکلا

    واضح رہے کہ سندھ حکومت کے سابق وزیراطلاعات ونشریات ناصر حسین شاہ اور وزیر صنعت و تجارت منظور وسان کے اقامے بھی سامنے آچکے ہیں جن کے خلاف عدالتوں میں درخواستیں دائر کی گئیں تھیں۔

    دوسری جانب عام انتخابات میں حصہ لینے والے مختلف جماعتوں کے امیدواروں کی جانچ پڑتال کے دوران 122 امیدواران کی دہری شہریت نکلی تھی، فیڈرل انویسٹی گیشن ایجنسی (ایف آئی اے) کی جانب سے الیکشن کمیشن کو اس ضمن میں رپورٹ بھی پیش کی تھی۔

    یہ بھی پڑھیں: مسلم لیگ ن کے بعد پیپلز پارٹی کے رہنما بھی اقامہ ہولڈرز نکلے

    رپورٹ میں کہا گیا تھا کہ ملک بھر سے قومی و صوبائی اسمبلی کے 122 امیدواروں کی دہری شہریت کا انکشاف ہوا، جن لوگوں کے پاس اقامے یا دیگر ممالک کی شہریت ہے اُن میں سابق وزیر اعلیٰ سندھ مراد علی شاہ، تحریک انصاف کے رہنما فیصل واؤڈا اور نادر لغاری سمیت دیگر افراد شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • عدالت نے وزیر اعظم کی لگژری گاڑیوں کی منظوری کا ریکارڈ طلب کرلیا

    عدالت نے وزیر اعظم کی لگژری گاڑیوں کی منظوری کا ریکارڈ طلب کرلیا

    لاہور: لگژری گاڑیوں کے استعمال سے متعلق از خود نوٹس کی سماعت کے دوران عدالت کو بتایا گیا کہ وزیر اعظم نے سیکیورٹی خدشات پر بڑی گاڑیوں کی منظوری دی جس پر عدالت نے وزیر اعظم کی منظوری کا ریکارڈ طلب کرلیا۔

    تفصیلات کے مطابق سپریم کورٹ لاہور رجسٹری میں لگژری گاڑیوں کے استعمال سے متعلق از خود نوٹس پر سماعت ہوئی۔ عدالتی حکم پر سابق وفاقی وزیر قانون زاہد حامد عدالت میں پیش ہوئے۔

    چیف جسٹس نے سابق وزیر سے استفسار کیا کہ آپ 3 لگژری گاڑیاں کس حیثیت سے استعمال کر رہے تھے؟ زاہد حامد نے جواب دیا کہ زیر استعمال صرف ایک گاڑی تھی، کابینہ ڈویژن کی منظوری سے استعمال کی۔

    چیف جسٹس نے ایڈیشنل اٹارنی جنرل سے استفسار کیا کہ قانون میں بطور وزیر کتنے سی سی گاڑی استعمال کرنے کا استحقاق ہے؟ ایڈیشنل اٹارنی جنرل نے جواب دیا کہ وزرا 1800 سی سی گاڑی کا استحقاق رکھتے ہیں۔

    تاہم زاہد حامد نے کہا کہ میرے علم میں نہیں جس پر چیف جسٹس نے کہا کہ آپ نے قوانین دیکھے بغیر گاڑی کا استعمال کیسے شروع کردیا۔

    ایڈیشنل اے جی نے بتایا کہ وزیر اعظم نے سیکیورٹی خدشات پر بڑی گاڑیوں کی منظوری دی۔ چیف جسٹس نے کہا کہ بیرون ملک تو وزیر اعظم کھوکھا بھی نہیں دے سکتا۔ جائزہ لیں گے وزیر اعظم نے کس قانون کے تحت منظوری دی۔

    عدالت نے کل وزیر اعظم کی منظوری کا ریکارڈ طلب کرلیا۔ چیف جسٹس نے ریمارکس دیے کہ ٹیکس گزار رو رہا ہے، وزیر ڈھائی کروڑ کی گاڑیاں استعمال کر رہے ہیں۔ وزرا کھاتے پیتے لوگ ہیں اپنے پاس سے گاڑیاں کیوں نہیں رکھتے۔

    گزشتہ روز سماعت میں چیف جسٹس نے وزرا اور محکموں سے استحقاق کے بغیر زیر استعمال گاڑیاں رات 12 بجے تک واپس لینے کا حکم دیتے ہوئے کہا تھا کہ عوام اپنے ٹیکس کا پیسہ وزرا کی عیاشی کے لیے نہیں دیتے، کسی کو بلٹ پروف گاڑی کی ضرورت ہے تو اپنی جیب سے خرید لے۔

    ایڈیشنل اے جی نے بتایا کہ عدالتی حکم کے بعد استحقاق کے بغیر دی گئی 30 گاڑیاں واپس لے لی گئی ہیں۔

    عدالت نے کیس کی مزید سماعت کل تک ملتوی کر دی گئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نواز شریف اورمریم نواز لندن سے وطن واپس پہنچ گئے

    نواز شریف اورمریم نواز لندن سے وطن واپس پہنچ گئے

    لندن : سابق وزیراعظم نوازشریف اور ان کی صاحبزادی مریم نواز لندن سے واپس وطن پہنچ گئے، نواز شریف اور اُن کی بیٹی آج احتساب عدالت میں پیش ہوں گے۔

    تفصیلات کے مطابق پاکستان مسلم لیگ (ن) کے مرکزی رہنما و سابق وزیراعظم نواز شریف اور ان کی صاحبزادی مریم نواز صبح لندن سے واپس وطن پہنچ گئے.

    سابق وزیر اعظم اور مسلم لیگ ن کی رہنما مریم نواز بے نظیرانٹرنیشنل ایئرپورٹ سے اسلام آباد روانہ ہو گئے، نواز شریف اور ان کی صاحبزادی آج ایون فیلڈ ریفرنس کیس کے حوالے سے احتساب عدالت میں پیش ہوں گے.

    یاد رہے کہ گذشتہ روز سماجی رابطے کی ویب سائٹ ٹویٹر پر سابق وزیراعظم کی صاحبزادی مریم نواز نے ٹویٹ کیا تھا جس میں ان کا کہنا تھا کہ احتساب عدالت میں پیش ہونے کے لیے ہیتھرو ایئر پورٹ سے کچھ دیر میں اسلام آباد روانی ہوں گے.

    خیال رہے کہ ایک روز مریم نواز نے سماجی رابطے کی ویب سائٹ ٹویٹر پر اپنے پیغام میں کہا تھا کہ مائی لارڈ! دہشت گردی پرکاری ضرب لگانے والے اور آنکھوں میں آنکھیں ڈال کر دیکھنے والے وزیراعظم کی سیکورٹی چھین لو، لیکن خدانخواستہ اُسے کچھ ہوا تو ذمہ دار صرف آپ ہوں گے۔

    دوسری جانب میاں نواز شریف نے لندن میں میڈیا سے گفتگو کرتے ہوئے کہا تھا کہ پاکستان میں اظہار رائے پر پابندی عائد کی جارہی ہے، آئندہ الیکشن ریفرنڈم ہوگا۔

    واضح رہے کہ 20 اپریل کو احتساب عدالت نے نواز شریف اور مریم نواز کی جانب سے 7 دن کے لیے حاضری سے استثنیٰ کی درخواست دی گئی تھی، جسے عدالت نے مسترد کردیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • عدالت کا فرانس کےسابق صدرنکولس سرکوزی پرمقدمہ چلانےکا حکم

    عدالت کا فرانس کےسابق صدرنکولس سرکوزی پرمقدمہ چلانےکا حکم

    پیرس : فرانیسیسی عدالت نے سابق صدر نکولس سرکوزی پر مقدمہ چلانے کا حکم دے دیا، انہیں رواں ماہ 20 مارچ کو گرفتار کیا گیا تھا۔

    تفصیلات کے مطابق فرانس کے سابق صدر نکولس سرکوزی کے خلاف کرپشن اور اختیارات کے ناجائز استعمال پر عدالت نے مقدمہ چلانے کا حکم دے دیا۔

    نکولس سرکوزی نے اپنے اوپرلگائے گئے تمام الزامات کو مسترد کرتے ہوئے اس امید کا اظہار کیا ہے کہ ان کے خلاف تمام کیسزختم ہوجائیں گے۔

    دوسری جانب سابق فرانسیسی صدر کے وکیل کا کہنا ہے کہ ان کے موکل کی اپیل 25 جون کو سنی جائے اور وہ پرامید ہیں کہ سچ سب کے سامنے آجائے گا۔

    فرانس کے سابق صدر نکولس سرکوزی پر 2007 کے صدارتی انتخابات میں لیبیا کے سابق ڈکیٹیٹرکرنل معمرقذافی سے فنڈز لینے کا بھی الزام ہے۔

    فرانس کے سابق صدر نکولس سرکوزی کو گرفتار کرلیا گیا

    خیال رہے کہ رواں ماہ 20 مارچ کو فرانس کے سابق صدر نکولس سرکوزی کو انتخابات میں لییبا کے سابق رہنما معمر قذافی سے فنڈز حاصل کرنے کے الزام میں گرفتار کیا گیا تھا۔

    یاد رہے کہ جولائی 2014 میں بھی نکولس سرکوزی کو مبینہ طور پر اپنے اثرو رسوخ کے استعمال کے الزام میں حراست میں لے کر ان سے تفتیش کی گئی تھی۔

    واضح رہے کہ فرانسیسی صدر نکولس سرکوزی 2007 سے 2012 کے دوران فرانس کے صدر رہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • فاروق ستار کا بہادر آباد رابطہ کمیٹی کے خلاف قانونی جنگ لڑنے کا اعلان

    فاروق ستار کا بہادر آباد رابطہ کمیٹی کے خلاف قانونی جنگ لڑنے کا اعلان

    کراچی: متحدہ قومی مومنٹ(پاکستان) میں جاری کشیدگی اور الیکشن کمیشن کی جانب سے خالد مقبول صدیقی کو ایم کیو ایم کا نیا ڈپنی کنوینئر تسلیم کرنے پر فاروق ستار نے ایم کیو ایم بہادر آباد کے خلاف قانونی جنگ لڑنے کا اعلان کردیا۔

    تفصیلات کے مطابق پارٹی تنازعات کے باعث دو حصوں میں منقسم ہونے والی ایم کیو ایم (پی آئی بی اور بہادر آباد) کے درمیان شدید لفظوں اور الزامات کی جنگ جاری ہے، جبکہ فاروق ستار جو کہ پی آئی بی میں موجود ایڈہاک کمیٹی کی نمائندگی کر رہے ہیں نے فیصلہ کیا ہے کہ وہ اب قانونی جنگ لڑیں گے۔

    ذرائع کے مطابق الیکشن کمیشن میں فاروق ستار کل رابطہ کمیٹی کی تحلیل کی درخواست دیں گے، جبکہ انہوں نے تنظیمی امورچلانےکیلئےایڈہاک کمیٹی بنانےکا بھی اعلان کردیا ہے۔

    فاروق ستار کا کہنا تھا کہ آرٹیکل6جےکےتحت کارکنان کی جنرل اسمبلی کو اختیار حاصل ہے، کارکنان کی جنرل اسمبلی نےرابطہ کمیٹی کوتحلیل کردیاہے، کارکنان،ذمہ داران بہادرآبادسےسیاسی تنظیمی رشتےختم کردیں، پتنگ کےنشان ،ایم کیوایم کےنام پرکوئی سمجھوتا نہیں کریں گے۔

    الیکشن کمیشن نے خالد مقبول صدیقی ایم کیوایم کا نیا کنوینئرتسلیم کرلیا

    دوسری جانب ترجمان الیکشن کمیشن کا کہنا ہےکہ پارٹی کی کنوینر شپ کی تبدیلی کا باقاعدہ ایک طریقہ کار ہے، ریٹرننگ افسر نے رابطہ کمیٹی کے فیصلے پر خالد مقبول صدیقی کے جاری کردہ ٹکٹ منظور کیے۔

    ترجمان کے مطابق عہدوں کی تبدیلی کےلیے ایم کیو ایم کو انٹرا پارٹی الیکشن کرانا ہونگے اس کے بعد ہی الیکشن کمیشن سیکریٹریٹ نوٹیفکیشن جاری کرے گا، جبکہ صوبائی الیکشن کمیشن کے پاس نوٹیفکیشن جاری کرنے کا کوئی اختیار نہیں۔

    پارٹی میں اب نئےلوگوں کوسامنےلےکرآنا ہے‘ فاروق ستار

    خیال رہے کہ گزشتہ دنوں خالد مقبول صدیقی کا بحیثیت ڈپٹی کنوینئر کا انتخاب ڈاکٹر فاروق ستار کو کنونیر کے عہدے سے سبکدوش کرنے کے بعد رابطہ کمیٹی کے ہونے والے اہم اجلاس میں کیا گیا تھا، اور اب الیکشن کمیشن نے بھی انہیں ایم کیو ایم کا نیا ڈپٹی کنوینئر تسلم کر لیا ہے۔

    بعدازاں ایم کیو ایم کے رہنما ڈاکٹر فاروق ستار نے رابطہ کمیٹی کے اختیارات اور اس کو تحلیل کرتے ہوئے نئے انٹرا پارٹی انتخابات کرانے کا اعلان کیا تھا، ان کا کہنا تھا کہ بہادرآباد والوں کے تمام اقدامات غیر آئینی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
  • فیض آباد دھرنا کیس: حکومت کی نالائقی پروزیراعظم کوبھی بلاسکتےہیں‘ عدالت

    فیض آباد دھرنا کیس: حکومت کی نالائقی پروزیراعظم کوبھی بلاسکتےہیں‘ عدالت

    اسلام آباد: اسلام آباد ہائی کورٹ نے دھرنا اورالیکشن ایکٹ کیس کی سماعت کے دوران ریمارکس دیے کہ وفاقی حکومت کی نالائقی پروزیراعظم کوبھی بلاسکتے ہیں۔

    تفصیلات کے مطابق اسلام آباد ہائی کورٹ میں جسٹس شوکت عزیز صدیق نے فیض آباد دھرنا اور الیکشن ایکٹ کیس کی سماعت کی۔

    عدالت نے کیس کی سماعت کے دوران سیکریٹری داخلہ کی سر زنش کرتے ہوئے کہا کہ آپ کو بلایا ہے تو روسٹرم پرآنے سے کیوں گھبراتے ہیں، جب عدالت بلائے تو سامنے پیش ہوا کریں۔

    اسلام آباد ہائی کورٹ میں سیکریٹری دفاع اور ڈی جی آئی بی کی جانب سے الگ الگ رپورٹس جمع کرائی گئی، ڈپٹی اٹانی جنرل نے کہا کہ راجا ظفرالحق کمیٹی رپورٹ مکمل نہیں اس لیے جمع نہیں کرا رہے۔

    عدالت نے ریمارکس دیے کہ گزشتہ سماعت پرحکم دیا تھا کہ رپورٹ مکمل نہ ہو تب بھی جمع کرائیں، وفاقی حکومت کی نالائقی پروزیراعظم کوبھی بلاسکتے ہیں۔

    ڈپٹی اٹانی جنرل نے کہا کہ ناز ک اورحساس معاملہ ہے جس پر جسٹس شوکت عزیزصدیقی نے ریمارکس دیے کہ آپ کے لیے نازک معاملہ نہیں ہے۔

    عدالت نے ریمارکس دیے کہ رپورٹ پیش نہ ہوئی تو وزرائے داخلہ، قانون، آئی ٹی، مذہبی امور کے خلاف کارروائی ہوگی۔

    بعدازاں اسلام آباد ہائی کورٹ نے کیس کی سماعت 20 فروری تک ملتوی کردی۔

    راجہ ظفرالحق کمیٹی کی رپورٹ پیش نہ کرنےپرعدالت برہم

    یاد رہے کہ گزشتہ سماعت پر فیض آباد دھرنا کیس کی سماعت کے دوران راجہ ظفرالحق کمیٹی کی رپورٹ پیش نہ کرنے عدالت نے برہمی کا اظہار کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • جرمنی میں لاؤڈ اسپیکرپراذان دینےپرپابندی

    جرمنی میں لاؤڈ اسپیکرپراذان دینےپرپابندی

    برلن : جرمنی کی عدالت نے مقامی جوڑے کی شکایت پرمسجد میں لاؤڈ اسپیکرپر اذان دینے پرپابندی عائد کردی۔

    تفصیلات کے مطابق جرمنی کے شہر ڈورٹمنڈ کے نواحی قصبے اوہر ایرکنشویک میں واقع مسجد میں لاؤڈ اسپیکر پراذان دینے پرپابندی عائد کردی گئی۔

    مسجد میں لاؤڈ اسپیکر پراذان دینے کے خلاف 69 سالہ ہانس یوآخم لیمہان نے اپنی بیوی کے ہمراہ مقامی عدالت میں درخواست دائر کی تھی۔

    درخواست گزار نے موقف اختیار کیا کہ اذان میں الفاظ کے ذریعے عقائد کا اظہار کیا جاتا ہے اور اذان سننے والے کو نماز میں شرکت کے لیے مجبورکیا جاتا ہے اور یہ ان کے مسیحی عقائد اور مذہبی آزادی کے منافی ہے۔

    عدالت نے مقدمے کا فیصلہ سناتے ہوئے لاؤڈ اسپیکر پراذان دینے پرپابندی عائد کرتے ہوئے کہا کہ حکام نے قواعد وضوابط کو بالائے طاق رکھتے ہوئے مسجد میں لاؤڈ اسپیکرپراذان دینے کی اجازت دی۔

    جرمنی کی مقامی عدالت نے درخواست گزار کے اس موقف کی تردید کی کہ اذان ان کی مذہبی آزادی کے خلاف ہے۔

    برطانوی ریفری نےاذان کےاحترام میں فٹبال میچ روک دیا

    یاد رہے کہ گزشتہ ماہ 27 جنوری کو عالمی شہرت یافتہ برطانوی ریفری مارک کلیٹن برگ نے اذان کے احترام میں میچ روک کرمسلمانوں کے دل جیت لیے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • راوٴانوارکےحق میں بہترہےوہ خودگرفتاری دیں‘ آئی جی سندھ

    راوٴانوارکےحق میں بہترہےوہ خودگرفتاری دیں‘ آئی جی سندھ

    کراچی : آئی جی سندھ پولیس اے ڈی خواجہ کا کہنا ہے کہ راؤانوارکا معلوم ہوتا کہ کہاں ہیں توخود گرفتارکرلیتا۔

    تفصیلات کے مطابق کراچی میں سپریم کورٹ کے باہر میڈیا سے گفتگو کرتے ہوئے آئی جی سندھ اے ڈی خواجہ نے کہا کہ راؤ انوار کے حق میں بہتر ہے کہ وہ خود گرفتاری دیں۔

    آئی جی سندھ کا کہنا تھا کہ سابق ایس ایس پی ملیر راؤ انوار کےحق میں بہتر ہے کہ وہ عدالت میں گرفتاری دیں۔

    اے ڈی خواجہ نےایک سوال کے جواب میں کہا کہ سپریم کورٹ کا حکم ہے کہ تین روز میں راؤ انوار کی گرفتاری کو یقینی بنایا جائے جس کے لیے ہرممکن کوشش کریں گے۔

    آئی جی سندھ اے ڈی خواجہ نے کہا کہ اگر مجھے پتہ ہوتا کہ راؤانوار کہاں ہیں تو پہلے ہی پکڑ کرلےآتا۔ انہوں نے کہا کہ
    راؤ انوار کو چاہیے کہ وہ عدالتوں کا سامنا اور قانون کا احترام کریں۔

    نقیب اللہ قتل کیس: سپریم کورٹ کا راؤانوارکو3 دن میں گرفتارکرنےکا حکم

    واضح رہے کہ سپریم کورٹ آف پاکستان نے نقیب اللہ محسود قتل کیس میں سابق ایس ایس پی ملیر راؤ انوار کو 3 دن میں گرفتار کرنے کا حکم دیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • توہین مذہب کیس، ملزم کو پانچ لاکھ درہم جرمانہ اور تین ماہ قید کی سزا

    توہین مذہب کیس، ملزم کو پانچ لاکھ درہم جرمانہ اور تین ماہ قید کی سزا

    دبئی : عدالت نے توہین مذہب کرنے والے ملزم کو پانچ لاکھ درہم کا جرمانہ اور تین ماہ قید کی سزا سناتے ہوئے شراب نوشی اور خواتین سے دست درازی کے مقدمات دوسری عدالت کو منتقل کردیئے گئے۔

    تفصیلات کے مطابق دبئی عدالت نے 29 سالہ لبنانی شخص کو توہینِ مذہب کا مرتکب ہونے پر تین ماہ قید اور پانچ لاکھ درہم کا جرمانہ عائد کیا ہے جرمانے کی ادائیگی نہ کرنے پر مزید قید کاٹنا ہو گی۔

    پبلک پراسیکیوشن کے ریکارڈ کے مطابق اہانت مذہب کا واقعہ 5 اپریل 2017 کو البشرہ کے نائٹ کلب میں پیش آیا جب ایک لبنانی شخص نے دو بہنوں سے گفتگو کے دوران مذہب کے بارے میں توہین آمیز کلمات ادا کیے اور خواتین کی جانب سے انتباہ کے باوجود وہ نازیبا الفاظ استعمال کرتا رہا۔

    دونوں بہنوں کی شکایت پر پولیس نے 6 جولائی 2017 کو لبنانی شخص کو حراست میں لے کر اہانت مذہب، شراب نوشی اور خواتین سے دست درازی کی دفعات کے تحت مقدمات قائم کیے تاہم عدالت نے صرف اہانت مذہب کے جرم میں سنائی ہے اور بقیہ مقدمات جرم کی سزا پوری ہونے کے بعد ازسر نو چلانے کا حکم دیا۔

    عدالت کے حکم کے تحت لبنانی شخص پر شراب نوشی اور خواتین سے دست درازی کے مقدمات کو اخلاقی جرائم کے مقدمات کی سماعت کرنے والی عدالت منتقل کردیا گیا جہاں اہانت مذہب کے جرم کی سزا پوری ہونے کے بعد سماعت کا آغاز ہوگا۔

    شکایت کنندہ خواتین کا تعلق بھی لبنان سے ہے جن کا کہنا تھا کہ وقوعہ کے روز یہ شخص شراب کے نشے میں دھت ہو کر ہماری جانب آیا اور دست درازی کی جب کہ اس دوران وہ مسلسل مذہب کے بارے میں نازیبا الفاظ ادا کرتا رہا جس کے گواہ سی سی ٹی وی فوٹیجز اور دیگر افراد بھی ہیں۔

    پولیس نے عدالت کو بتایا کہ خواتین کی شکایت کے بعد ہم نے ملزم کو کئی فون کیے تاہم وہ حاضر نہیں ہوا جس کے بعد اسے حراست میں لیا گیا اور اپنے ابتدائی بیان میں ملزم نے شراب نوشی اور خواتین سے دست برداری کا اقرار کیا تھا تاہم اہانت مذہب کا الزام سی سی ٹی وی فوٹیجز اور ریسٹورینٹ کے عملے کی گواہی سے ثابت ہوگیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔