کوئٹہ: عدالت نے ٹریفک سارجنٹ کوگاڑی سےکچلنے کے مقدمے میں رکن اسمبلی بلوچستان عبدالمجید اچکزئی پر فرد جرم عائد کردی۔
تفصیلات کے مطابق بلوچستان اسمبلی کے ایم پی اے کوقتل کےمقدمے میں سیشن کورٹ میں پیش کیا گیا جہاں عدالت نے عبدالمجید اچکزئی پر فرد جرم عائد کردی تاہم ملزم نے عدالت میں صحت جرم سے انکار کردیا۔
عدالت نے آئندہ سماعت پر کیس کےگواہان کو پیش کرنے کا حکم دیا ہے۔
خیال رہے کہ عبدالمجید اچکزئی پختونخواہ ملی عوامی پارٹی کے رکن ہیں اور وہ حلقہ پی بی 13 سے بلوچستان اسمبلی کے رکن منتخب ہوئے تھے۔
کوئٹہ میں رکن بلوچستان اسمبلی کی گاڑی نے ٹریفک اہلکار کو کچل دیا
یاد رہے کہ رواں برس 23 جون کو کوئٹہ میں بلوچستان کے رکن صوبائی اسمبلی مجید اچکزئی کی گاڑی نے ٹریفک پولیس اہلکار کو کچل دیا تھا جس کے نتیجے میں ٹریفک اہلکار عطااللہ جاں بحق ہوگیا تھا
جس جگہ میرے والد کو کچلا گیا ملزم کو وہیں پھانسی دی جائے، بیٹی
واضح رہے کہ رکن بلوچستان اسمبلی مجید اچکزئی کی گاڑی سے کچلے گئے ٹریفک پولیس اہلکار عطا اللہ کی بیٹی کا کہنا تھا کہ جس جگہ میرے باپ کو کچلا گیا ایم پی اے کو اسی جگہ پھانسی دی جائے۔
