Tag: عدالت

کراچی: عدالت نے بچی کو زیادتی کا شکار بنانے والے درندہ صفت پھوپھا کو سزا سنادی، بچی اپنی پھوپھی کے زیرِکفالت تھی۔

تفصیلات کے مطابق ڈی آئی جی ساؤتھ نے بتایا کہ عدالت نے 13 سالہ بچی کو متعدد بار زیادتی کا شکار بنانے والے مجرم پھوپھا کو بامشقت عمرقید اور 2 لاکھ روپے جرمانے کی سزا سنائی ہے، بچی اپنی چھوٹی بہن کے ہمراہ پھوپھی کے زیرکفالت تھی، مجرم بچی کو زیادتی کا نشانہ بناتا رہا۔

اسد رضا کا بتانا تھا کہ 13 سالہ بچی کے والدین نشے کا شکار تھے، مجرم بچی کو زیادتی کا نشانہ بناتا رہا جب بچی کی طبیعت خراب ہوئی تو عقدہ کھلا۔

اس گھناؤنے واقعے کا مقدمہ تھانہ اتحاد ٹاؤن میں درج تھا، ساؤتھ زون پولیس نے مؤثرانویسٹی گیشن سے مجرم کو سزا دلائی۔

ڈی آئی جی ساؤتھ اسد رضا نے بتایا کہ 2023 میں درج کیے گئے مذکورہ مقدمے کی سماعت ایڈیشنل جج ویسٹ کی عدالت نے کی۔

پی ٹی آئی کے مرکزی رہنما فیصل جاوید نے کہا ہے کہ بانی پی ٹی آئی نے عدالت کو بتایا کہ نیب چلا کون رہا ہے، یہ دیکھنا ہوگا۔

پی ٹی آئی کے سینیٹر فیصل جاوید نے سپریم کورٹ کے باہر میڈیا سے گفتگو کرتے ہوئے کہا کہ آج کی سماعت پی ٹی آئی کے لیے تاریخی لمحہ تھا، آج بانی پی ٹی آئی نے عدالت میں عوامی مسائل پر بات کی ہے، لائیو اسٹریمنگ کا مسئلہ آج عدالت کے سامنے بانی پی ٹی آئی نے رکھا ہے۔

فیصل جاوید نے کہا کہ بانی پی ٹی آئی نے کہا کہ اگر ترمیم کالعدم ہوئی تو میرا فائدہ ہوگا لیکن ملک کا دیوالیہ ہو جائے گا، بانی پی ٹی نے باہر اربوں روپے بھجیے جانے کا مسئلہ عدالت کے سامنے رکھا ہے۔

انھوں نے کہا کہ سپریم کورٹ پر پوری قوم کی نظریں ہیں، حقیقی عوامی نمائندوں سے بات ہونی چاہیے، عوام 47 والوں کو مسترد کرتی ہے.

پی ٹی آئی رہنما نے کہا کہ بانی پی ٹی آئی نے اینٹی منی لانڈرنگ میں اپنی حکومت میں اپوزیشن سے معاونت مانگی تھی، اپوزیشن نے اس وقت بانی پی ٹی آئی کا ساتھ نہیں دیا تھا، بانی پی ٹی آئی نے اپنے دور میں کسی پر پرچہ نہیں درج کیا۔

فیصل جاوید نے کہا کہ عوام نے جس کو ووٹ دیا ہے وہ اصل میں عوام کے نمائندے ہوتے ہیں، حقیقی جمہوریت ایسے ہی کام کرتی ہے منتخب نمائندے ہی پارلیمان میں آتے ہیں۔

انھوں نے کہا کہ فیٹف کی قانون سازی منی لانڈرنگ کیلئے کی گئی تھی، بانی پی ٹی آئی نے اپوزیشن کو کہا کہ فیٹف کی قانون سازی میں حصہ لیں۔

فیصل جاوید کا کہنا تھا کہ اپوزیشن نے بلیک میلنگ شروع کردی کہ ہم نیب ترامیم لائیں گے، بانی پی ٹی آئی نے دعوت دی کہ آئیں اینٹی منی لانڈرنگ قانون سازی کرتے ہیں۔

پاکستان تحریک انصاف کے رہنما علی محمد خان نے کہا ہے کہ ہمیں امید ہے کہ عدالت ہمیں جلسہ کرنے کی اجازت دے گی۔

اے آر وائی کے پروگرام اعتراض ہے میں گفتگو کرتے ہوئے رہنما پی ٹی آئی علی محمد خان کا کہنا تھا کہ ہمیں توقع تھی کہ انتظامیہ پی ٹی آئی جلسے کی اجازت نہیں دےگی، ہمارے کارکنوں نے پُرامن ریلی نکالی لیکن انھیں تشدد کا نشانہ بنایا گیا۔

انھوں نے کہا کہ فی الحال جلسوں پر توجہ دی جارہی ہے دھرنے پر کوئی بات نہیں ہوئی، ہمیں بتایا جائے ہمارا مینڈیٹ کہاں گیا اس پر بات کی جائے۔ احسن اقبال پہلے ہمارا مینڈیٹ واپس کریں پھر کوئی بات ہوسکتی ہے، گاڑی چوری کرنے والا کبھی نہیں قبول کرے گا کہ چوری کی ہے.

علی محمد خان کا غزہ کے حوالے سے کہنا تھا کہ غزہ میں بچوں اور خواتین کو قتل کیا جارہا ہے،غزہ کے لیے سب کو اپنے حصے کی ذمہ داری ادا کرنی چاہیے۔

رہنما پی ٹی آئی نے کہا کہ انوارالحق کاکڑ نے بھی خوب حکومت چلائی ہمیں ان کی یاد آتی رہے گی۔ انوارالحق کاکڑ کو لمز کے طلبا بھی بہت یاد کرتے ہیں۔

علی محمد خان نے کہا کہ ڈونلڈ لو کو کسی نے دھمکیاں دی ہیں تو ہم انکوائری میں تعاون کریں گے۔ ہم جاننا چاہیں گے کہ کس کی جرات ہے جو ایسی طاقت کو دھمکیاں دے۔

اس طاقت کو کس نے دھمکیاں دیں جو دنیا میں مسلمانوں کا خون بہا رہی ہے۔ ڈونلڈ لو کو دھمکیوں کی مذمت کرتے ہیں، انکوائری ہونی چاہیے،

انھوں نے کہا کہ ایف بی آئی اور بدنام زمانہ سی آئی اے سے انکوائری کرائیں۔ ڈونلڈ لو اپنے کام میں کامیاب ہوا، رجیم چینج تو ہوا ہے۔ ڈونلڈ لو اگر کہتے ہیں کوئی سائفر نہیں ہے تو بانی پی ٹی آئی پر کس کا کیس چلا رہے ہیں،

رہنما پی ٹی آئی نے کہا کہ ڈونلڈ لو اگر کہتے ہیں کہ کوئی دھمکی نہیں دی تو بانی پی ٹی آئی، شاہ محمود پر کیوں کیس چلا رہے ہیں۔

علی محمد خان نے کہا کہ شہباز شریف کی حکومت میں قومی سلامتی اعلامیے کی توثیق کی گئی۔ ثابت ہوا کہ بانی پی ٹی آئی سچے ہیں، انھوں نے اپنی ذمہ داری نبھائی۔

انھوں نے کہا کہ چوہدری پرویزالٰہی جیل میں کیسے زخمی ہوئے اس پر انکوائری کا مطالبہ غلط نہیں۔ وہ عمررسیدہ ہیں ان کی صحت پر رسک نہیں لینا چاہیے۔ پرویزالٰہی جس ڈاکٹر پر اعتماد کریں اس سے انکوائری کرنی چاہیے۔

لاہور: عدالت نے مسیحی برادری کے مذہبی تہوار کرسمس کے موقع پر شاپنگ سینٹرز کو رات 12 بجے تک کھولنے کی اجازت دیدی۔

لاہور ہائی کورٹ ( ایل ایچ سی) نے اسموگ، ماحولیاتی آلودگی کے تدارک سے متعلق کیس کی سماعت کی، لاہور ہائیکورٹ کے جج جسٹس شاہد کریم نے اسموگ کے خاتمے سے متعلق درخواست کی سماعت کرتے ہوئے یہ احکامات جاری کیے۔

عدالت نے جمعہ، ہفتہ اور اتوار کو مارکیٹس رات 12 بجے تک کھلی رکھنے کی ہدایت جاری کرتے ہوئے بند روڈ سے ملحق سروس روڑ کھولنے کا حکم بھی دے دیا۔

اس کے علاوہ عدالت نے کہا کہ تمام پراجیکٹس کی تکمیل کی  تاریخ 22 دسمبر ہے، لاہور ہائی کورٹ نے سوال کیا کہ ٹیپا کے روڈ ماڈلنگ پروگرام کا کیا بنا؟ اسموگ سیزن کے بعد اس پر کام شروع کریں۔

عدالے نے کہا کہ لاہور ڈیولپمنٹ اتھارٹی (ایل ڈی اے) کے پراجیکٹس کے لیے باہر سے کنسلٹنٹ لیے جائیں تو بہتر ہے۔