Tag: عدالت

اسلام آباد: سپریم کورٹ نے دوہرے قتل کے ملزم سائیں داد کی سزائے موت ختم کرتے ہوئے اسے باعزت بری کردیا۔

ٹرائل کورٹ نے ملزم کو سزائے موت سنائی تھی جبکہ بلوچستان ہائی کورٹ نے ملزم کی سزائے موت عمر قید میں تبدیل کردی تھی ملزم سائیں داد پر غیرت کے نام پر شہر بانو اور نادر علی کو قتل کرنے کا الزام تھا۔

آج چیف جسٹس کی سربراہی میں تین رکنی بنچ نے ملزم کی سزائے موت و عمر قید کے خلاف اپیلوں کی سماعت کی ملزم کے وکیل صدیق بلوچ نے عدالت کو بتایا کہ وقوعہ کا کوئی چشم دید گواہ نہیں کسی نے قتل ہوتے نہیں دیکھا۔

ناکافی شواہد کی بنا پر ملزم کو سزائے موت یا عمر قید نہیں دی جاسکتی وکیل کے ان دلائل کی بمیاد پر عدالت نے غیرت کے نام پر قتل کا ملزم بری کر دیا۔

اسلام آباد: سپریم کورٹ کے جج نے کہا ہے کہ جب تک سندھ میں شاہ صاحب ہیں تب تک کوئی کام نہیں ہو سکتا۔

اراضی کاریکارڈ کمپیوٹرائز کرنے کے کیس میں سپریم کورٹ کےجج جسٹس امیر ہانی مسلم نے ریمارکس دیئے کہ جب تک سندھ میں شاہ صاحب ہیں تب تک کوئی کام نہیں ہو سکتا۔

عدالت کوبتایا گیا کہ پنجاب،بلوچستان اور خیبرپختونخوا میں لینڈ کمپیوٹرائزیشن کا نظام مکمل ہو گیا ہے اور سندھ میں معاملہ ابھی تکنیکی مراحل میں ہے۔

عدالت نے سندھ کاریکارڈ پیش نہ کرنے پر برہمی کا اظہار کرتے ہوئے کہا کہ عدالتی فیصلہ انتظامی پیچیدگیوں میں الجھا دیا جاتا ہے،عدالت نے حکم دیا کہ سندھ لینڈ کمپوٹرائزیشن جلد مکمل کرکے رپورٹ پیش کرے۔

لاہور: ہائیکورٹ راولپنڈی بینچ نے ایان علی کو کلکٹرکسٹم کی جانب سے کیا گیا پانچ کروڑ ہرجانے کاحکم معطل کر دیا۔

ماڈل گرل ایان علی نے کلکٹر کسٹمز کے ان پر عائد جرمانے کے حکم کو لاہور ہائیکورٹ میں چیلنج کرتے ہوئے موقف اختیار کیا کہ ان کے پاس جو رقم موجود تھی وہ ان کی ذاتی ملکیت تھی۔

ایان علی نے کلکٹر کسٹم کے حکم کو لاہور ہائیکورٹ راولپنڈی بینچ میں چیلنج کردیا، ڈالر گرل پر کسٹم عدالت نے پانچ کروڑ جرمانہ عائد کیا تھا، درخواست کی ابتدائی سماعت جسٹس اطہر محمود نے کی، ڈالر گرل کے وکیل کا کہنا تھا کہ کلکٹر کسٹم نے سنے بغیر یکطرفہ حکم جا ری کیا،ایان علی کے پاس رقم انکی ذاتی اور قانونی ملکیت تھی۔

وکیل نے دلائل دیتے ہوئے کہا کہ کلیکٹر کسٹم نے جرمانے کا حکم ایان علی کا موقف سنے بغیر دیا،یکطرفہ فیصلہ آرٹیکل ٹین اے کی خلاف ورزی ہے۔

عدالت نے کلکٹر کسٹمز کاپانچ کروڑ ہرجانے کا حکم معطل کر تے ہوئے متعلقہ فریقوں کونوٹس جاری کیےاور سماعت دو ہفتے کے لئے ملتوی کر دی۔

بلاول بھٹو زرداری نے کہا ہے کہ عدالت میں پیش ہوئے بغیرمشرف کوملک سے فرارکاموقع دیاجارہا ہے۔

بلاول بھٹو زرداری کا کہنا تھا کہ عوام سمجھتے ہیں معاہدے کے تحت جانے اورآنے کے ’احسان‘ کابدلہ دیاجارہاہے عوام سمجھتے ہیں آرٹیکل 6کامقدمہ درج ہی کلین چٹ دینے کیلیے کیاگیا تھا۔

بلاول نے کہا عدالت فیصلے سے پہلے اٹارنی جنرل کو دلائل دینے کاکہتی رہی اٹارنی جنرل’جوآپ کافیصلہ‘کہہ کر جان چھڑاتے رہے مشرف بینظیر بھٹوقتل کیس میں بھی نامزد ہیں،کیس میں آج تک پیش نہیں ہوئے مشرف کو اس طرح ریلیف دیاگیاتوحکومت کے پاس اقتدارمیں رہنے کاجواز نہیں رہے گا۔

بلاول نےالزام لگایاکہ بگٹی کیس میں مشرف کوبغیرپوچھ گچھ بری کرکے قانون کی دھجیاں بکھیری گئیں، ادھرسندھ حکومت کےترجمان مولابخش چانڈیونےکہا انہوں یقین تھا پرویزمشرف جائیں گے وزیراعظم کمزورہورہے ہیں،چیزیں ان کے ہاتھ سے نکلتی جارہی ہیں، حکومت صرف فرمائشی پروگرام رہ گئی مشرف کانام ای سی ایل میں رکھنےیا نہ رکھنےکافیصلہ عدالت نےسپریم پرچھوڑدیا ہے۔