اسلام آباد : الیکشن کمیشن آف پاکستان نے متحدہ قومی مومنٹ پرپابندی کی درخواست عدم پیروی پر خارج کردی.
تفصیلات کے مطابق الیکشن کمیشن آف پاکستان میں اقبال ہزاروی نے ایم کیو ایم پر پابندی کے لیے درخواست دائر کی تھی جس میں موقف اختیار کیا گیا تھا کہ ایم کیو ایم کے بانی نے پاکستان مخالف نعرے لگا کر غداری کی.
*کراچی ضلع کونسل کا پہلااجلاس:ایم کیو ایم کے بانی کے خلاف قرارداد منظور
درخواست میں موقف اختیار کیا گیا تھا کہ پاکستان کے خلاف نعرے بازی پر ایم کیو ایم پر پابندی عائد کی جائے اور ایم کیو ایم کے تمام ارکان قومی اور صوبائی اسمبلی سمیت سینیٹرز کو بھی نااہل قرار دیا جائے.
*بلوچستان اسمبلی : قائد ایم کیو ایم کی تقریر کیخلاف مذمتی قرارداد منظور
الیکشن کمیشن نے درخواست سماعت کے لیے منظور کرتے ہوئے کارروائی کے لیے پیر کی تاریخ مقرر کی تھی تاہم آج سماعت کے دوران درخواست گزار ہی غیر حاضر تھا.الیکشن کمیشن نے درخواست گزار کی جانب سے عدم پیروی پر درخواست خارج کردی.
*کراچی: ایم کیو ایم کارکنان کا اے آر وائی نیوز کے دفتر پر حملہ
واضح رہے کہ 22 اگست کو الطاف حسین کی کراچی پریس کلب کے باہر اشتعال انگیز تقریر اور ملک کے خلاف نعرے لگائے تھے جس کے بعد ایم کیو ایم کے بانی کے خلاف عوام میں شدید غم و غصہ پیدا ہوا تھا.