Tag: عدنان سمیع

گلوکار عدنان سمیع اپنے نئے ملک بھارت میں ایئرپورٹ سروس سے نالاں نظر آتے ہیں، بالی ووڈ سنگر نے اسے انہتائی ناکارہ قرار دیدیا۔

بھارتی ذرائع ابلاغ کے مطابق گلوکار عدنان سمیع نے ہفتے کے روز ممبئی ایئرپورٹ’ پرنام سروس’ اور استقبال سروس کو تنقید کا نشانہ بنایا، سوشل میڈیا پلیٹ فارم ایکس پر اپنے اکاؤنٹ انھوں نے اس سروس کو ناکارہ کہنے کے ساتھ ساتھ ممبئی ایئرپورٹ کے آفیشل اکاؤنٹ کو بھی ٹیگ کیا۔

‘پرنام سروس’ پر کی گئی پوسٹ میں عدنان سمیع نے لکھا کہ "ممبئی ایئرپورٹ پر ‘پرنام سروس’ پورے ہندوستان میں سب سے زیادہ ناکارہ، لاپرواہ اور سست بن چکی ہے!

انھوں نے مزید لکھا کہ یہ لوگ اپنے کلائنٹس کی کوئی پرواہ نہیں کرتے تھے! یہ خوفناک ہے! بہت سارے خوفناک تجربات لوگ شیئر کرچکے ہیں یہ شرمناک ہے۔

Pranaam service at Mumbai airport has become the most inefficient, careless & lazy as hell service in all of India! They couldn’t care a damn for their clients!! Awful!! So many horrible experiences. Shameful. @CSMIA_Official needs to take serious note & pull Pranaam’s socks up-… pic.twitter.com/6ShbMzIqRe

— Adnan Sami (@AdnanSamiLive) May 31, 2025

عدنان نے ممبئی ایئرپورٹ حکام سے مزید کہا کہ وہ اس خرابی پر ایک نظر ڈالیں اور اصلاح کریں، ساتھ ہی انھوں نے @CSMIA_Official کو ٹیگ کرتے ہوئے سنجیدگی سے نوٹس لینے کا بھی کہا۔

عدنان سمیع کی پوسٹ پر ممبئی ایئرپورٹ نے اپنے ردعمل کا اظہار کرتے ہوئے کہا کہ "محترم جناب سمیع، ہمیں اطلاع دینے کے لیے آپ کا شکریہ، ہمیں یہ سن کر واقعی تشویش ہوئی ہے۔

ہم نے آپ کے خیالات اور باتوں کو بہت سنجیدگی سے لیا ہے اور متعلقہ ٹیم کو اس طرف توجہ دینے کے لیے انھیں آگاہ کردیا ہے۔ ہمارے مسافروں کا آرام، حفاظت اور بہبود ہماری اولین ترجیح ہے، ٹیم سی ایس ایم آئی ہے۔”

سابق وفاقی وزیر فواد چوہدری نے بھارتی شہریت حاصل کرنے والے گلوکار عدنان سمیع کو ایسا جواب دیا کہ وہ لاجواب ہوگئے۔

عدنان سمیع اور فواد چوہدری سوشل میڈیا پلیٹ فارم ایکس پر اکثر ایک دوسرے سے بحث کرتے نظر آتے ہیں، حال ہی میں عدنان سمیع نے ایکس پر اپنی تصویر لگائی جس میں وہ اپنے نئے ‘ان ایئر مانیٹرز’ کان پر لگائے ہوئے تھے جس پر بھارتی پرچم بنا ہوا تھا۔

ایکس پر اس پوسٹ پر فواد چوہدری نے لکھا کہ کچھ دماغ بھی آرڈر کردو، ایئر پرو تو تمہارے لیے کافی چھوٹے ہیں جبکہ فواد نے عدان کی اس پوسٹ پر ہیش ٹیگ ’ساڈا بم واپس کرو‘ کا بھی استعمال کیا۔

اس کمنٹس سے عدنان سمیع اتنے زچ ہوئے کہ انھوں نے خاموش ہونے میں ہی عافیت جانی اور فواد چوہدری کی بات کا جواب نہیں دیا ورنہ اس سے قبل وہ کچھ نہ کچھ ضرور کہتے تھے۔

گلوکار عدنان سمیع پاکستان چھوڑ کر بھارتی شہریت حاصل کرچکے ہیں، وہ بھارت سے اپنی وفاداری ثابت کرنے کےلیے اپنے پرانے وطن پاکستان کے خلاف بولتے نظر آتے ہیں۔

انھوں نے بھارتی شہریت حاصل کرنے کے لیے لگاتار پاکستان کے خلاف منفی بیانات دیے جس پر کئی بار فواد چوہدری نے ان کو ترکی بہ ترکی جواب دیا،

پہلگام واقعے کے بعد جب عدنان سمیع نے پاکستان مخالف بیانات دیے تو فواد چوہدری نے سوال اٹھایا کہ کیا عدنان سمیع کو بھی بھارت سے نکالا جائے گا؟ اس سوال پر عدنان سمیع سیخ پا ہوگئے اور فواد چوہدری سے تلخ کلامی شروع کردی اور فواد چوہدری کو جاہل اور احمق قرار دیا۔

خیال رہے کہ عدنان سمیع یہ انکشاف کرچکے ہیں کہ انھیں بھارتی شہریت حاصل کرنے میں 18 سال لگے جبکہ ایک مرحلے پر وہ تقریباً ڈیڑھ سال تک ’بے وطن‘ بھی رہے، پاکستان میں اپنے تحفظ کے حوالے سے خدشات لاحق تھے۔

پاکستان سے بھارت منتقل ہو کر وہاں کی شہریت حاصل کرنے والے گلوکار و موسیقار عدنان سمیع نے اپنے بیٹے اذان کی سالگرہ پر محبت بھرا پیغام جاری کردیا۔

فوٹو اینڈ ویڈیو شیئرنگ ایپ انسٹاگرام پر گلوکار عدنان سمیع نے پاکستان میں مقیم بیٹے اذان سمیع خان کے ہمراہ اپنی یادگار تصویر شیئر کرتے ہوئے خصوصی پیغام جاری کیا ہے۔

عدنان سمیع نے خصوصی پیغام میں لکھا کہ’ میرے پیارے بیٹے اذان، بہت سے لوگوں کو ہمارے خوبصورت رشتے و بندھن کا اندازہ نہیں، خیر یہ ان کا مسئلہ ہے لیکن سچ تو یہ ہے کہ میں یہ اظہار نہیں کر سکتا کہ میں آپ سے کتنی محبت کرتا ہوں‘‘۔

 

View this post on Instagram

 

A post shared by ADNAN SAMI (@adnansamiworld)

انہوں نے کہا کہ مجھے آپ پر اور آپ کی تمام کامیابیوں پر ناقابلِ یقین حد تک فخر ہے اور میں یہ جانتا ہوں کہ آپ نے اپنے خوابوں کو حقیقت میں پورا کرنے کیلئے بہت محنت کی ہے ، ہمیشہ لگن سے کام کیا ہے اور یہی بات دیکھ کر میں خوشی سے پھولے نہیں سماتا۔

عدنان سمیع نے لکھا کہ میری دعا ہے کہ یہ نیا سال آپ کی زندگی میں اچھی صحت، خوشی، امن، کامیابی اور خوشحالی لائے جس کے آپ مستحق ہیں، آپ کا ستارہ چمکتا رہے اور ہر اس شخص کے دل کو اس نیکی سے روشن کرے جو اسے چھوتی ہے، آپ ہمیشہ اللہ پاک کی حفاظت میں رہیں، سالگرہ مبارک بچہ، ڈھیروں پیار و دعائیں۔

دوسری جانب بیٹے اذان  سمیع خان نے بھی اپنے والد کے پیار بھرے پیغام کا کمنٹ سیکشن میں جواب دیا، انہوں نے کہا کہ شکریہ بابا آمین، بابا میں بھی آپ سے بہت پیار کرتا ہوں۔

 

View this post on Instagram

 

A post shared by Faizan Najeeb (@faizannajeeb)

واضح رہے کہ اذان عدنان سمیع کے بڑے بیٹے ہیں جو انہیں اداکارہ زیبا بختیار سے ہیں، عدنان سمیع خان اور زیبا بختیار نے 1993 میں شادی کی تھی، بعد ازاں ان دونوں کے درمیان طلاق ہوگئی تھی، عدنان سمیع اپنی تیسری بیوی کے ہمراہ بھارت میں مقیم ہیں۔

خیال رہے کہ گزشتہ روز اذان سمیع خان نے اپنی 30ویں سالگرہ منائی جس کی ویڈیو سوشل میڈیا پر وائرل ہو گئی۔