پاکستان کے معروف اداکار و گلوکار اذان سمیع خان نے اپنے والد، عدنان سمیع خان کو شادی کی سالگرہ پر مبارکباد دی ہے۔
اداکار و گلوکار اذان سمیع خان نے فوٹو اینڈ شیئرنگ ایپ انسٹاگرام پر اپنے والد، بھارت کے نامور گلوکار و موسیقار عدنان سمیع خان کے لیے ایک خصوصی اسٹوری شیئر کی ہے۔
View this post on Instagram
اذان خان نے والد اور ان کی تیسری اہلیہ رویا فریابی کی تصویر شیئر کرتے ہوئے انہیں شادی کی سالگرہ کی مبارک باد دی ہے۔
اداکار نے اسٹوری میں والد اور ان کی اہلیہ کو ٹیگ کرتے ہوئے پیغام میں لکھا ہے کہ ’ہیپی اینی ورسَری، آپ کو محبتوں اور برکتوں سے بھرے بہت سے ناقابلِ یقین سال ملیں، ان شاء اللّٰہ، بہت ساری محبتیں۔‘
View this post on Instagram
واضح رہے کہ اداکار اذان سمیع خان عدنان سمیع اور پاکستانی سینئر اداکارہ زیبا بختیار کے بیٹے ہیں، عدنان سمیع اور زیبا بختیار کی شادی 1993 میں ہوئی تھی تاہم 1997 میں ان کی طلاق ہوگئی تھی۔
عدنان سمیع نے اس کے بعد دوسری شادی کی جو کہ وہ بھی کچھ عرصے چلنے کے بعد ختم ہوگئی بعد ازاں عدنان سمیع خان نے تیسری شادی رویا فریابی سے 2010 میں کی تھی، ان کی ایک بیٹی بھی ہے۔
