ARYNews.tv | Urdu – Har Lamha Bakhabar

Tag: عذرا پیچوہو

  • وزیر صحت سندھ کی دوبارہ کورونا پھیلنے کی خبروں کی تردید

    وزیر صحت سندھ کی دوبارہ کورونا پھیلنے کی خبروں کی تردید

    کراچی : وزیر صحت سندھ عذرا پیچوہو نے دوبارہ کورونا پھیلنے کی خبروں کی تردید کردی اور کہا کورونا اب موسمی زکام جیسا ہیں ، گھبرائیں نہیں۔

    تفصیلات کے مطابق کراچی میں کورونا کے پھیلاؤ کے حوالے سے وزیر صحت عذرا پیچوہو کا اہم بیان آگیا۔

    صوبائی وزیر نے سندھ نے دوبارہ کورونا پیھلنے کی خبروں کی تردید کرتے ہوئے کہا غلط خبریں پھیلا کر سنسنی نہ پھیلائی جائے۔

    ان کا کہنا تھا کہ لوگ پریشان نہ ہوں کوروناوبا نہیں پھیل رہی ، دنیا بھر سے کوروناوائرس ختم ہوچکا ہے۔

    عذرا پیچوہو نے مزید کہا کہ زکام کے مریضوں کا احتیاطاً ٹیسٹ کرایا تھا،. 100مریضوں کےکوروناٹیسٹ کیے تھے7مثبت آئے، :متاثرہ 7افرادمیں کورونا کےمعمولی اثرات پائے گئے.

    انھوں نے بتایا کہ دنیا بھرمیں کورونا اب موسمی زکام جیسا ہے۔ لوگوں کو گھبرانے کی ضرورت نہیں ہے

  • سندھ کے صحت بجٹ کی رقم کتنی ہے؟

    سندھ کے صحت بجٹ کی رقم کتنی ہے؟

    کراچی: صوبہ سندھ کی وزیر صحت عذرا پیچوہو کا کہنا ہے کہ صحت بجٹ کی رقم بڑھائی ہے، ٹراما سینٹر پیپلز پارٹی کی جانب سے عوام کے لیے تحفہ ہے۔

    تفصیلات کے مطابق صوبائی وزیر صحت عذرا پیچوہو نے سندھ اسملبی کے اجلاس میں کہا کہ 128.5 بلین روپے کراچی کے ہیلتھ بجٹ میں شامل ہیں۔

    عذرا پیچوہو کا کہنا تھا کہ ٹی بی، ہیپاٹائٹس اور ایڈز کے پروگرام میں پیسے بڑھائے ہیں۔

    انہوں نے کہا کہ ٹراما سینٹر پیپلز پارٹی کی جانب سے عوام کے لیے تحفہ ہے، ٹراما سینٹر میں اب تک 1.7 بلین مریضوں کا علاج ہو چکا ہے۔

    صوبائی وزیر کا مزید کہنا تھا کہ ایمبولینس سروس میں 2.95 بلین کا بجٹ رکھا ہے، اسی سال 60 ایمبولینسز کی تعداد میں اضافہ ہوگا۔

  • سندھ کی وزیر صحت کو سول اسپتال کی لفٹ توڑ کر نکالا گیا

    کراچی: سندھ کی وزیر صحت عذرا پیچوہو سول اسپتال کی لفٹ میں پھنس گئی تھیں، جنھیں باہر نکالنے کے لیے لفٹ کا دروازہ توڑا گیا۔

    تفصیلات کے مطابق وزیر صحت عذرا پیچوہو گزشتہ روز سول اسپتال میں بچوں کے سرجری وارڈ کا افتتاح کرنے پہنچی تھیں، افتتاح کے بعد واپسی پر لفٹ خراب ہو کر رک گئی۔

    لفٹ میں صوبائی وزرا، ایم ایس سول اسپتال اور دیگر عملہ بھی موجود تھا، جب کوشش کرنے سے بھی دروازہ نہ کھل سکا تو اسے توڑ کر صوبائی وزیر اور دیگر افراد کو باہر نکالا گیا۔

    ڈاؤ کے تعاون سے سول اسپتال میں بچوں کے کارڈیالوجی وارڈ کا افتتاح ہو گیا

    ایم ایس سول اسپتال روبینہ بشیر کے مطابق یہ لفٹ این جی او کے ماتحت چل رہی ہے۔

  • سندھ چین سے کرونا ویکسین کے 2 کروڑ ڈوز خریدے گا

    سندھ چین سے کرونا ویکسین کے 2 کروڑ ڈوز خریدے گا

    کراچی: سندھ حکومت کرونا وائرس پر قابو کے لیے چین سے ویکسین کے 2 کروڑ ڈوز خریدے گی۔

    اے آر وائی نیوز کے مطابق آج کراچی میں واقع چینی قونصل خانے میں وزیر صحت سندھ ڈاکٹر عذرا پیچوہو نے چینی قونصل جنرل لی بیجن سے ملاقات کی، جس میں سیکریٹری صحت ڈاکٹر کاظم جتوئی بھی موجود تھے۔

    وزیر صحت سندھ نے کہا کہ سندھ میں کرونا ویکسی نیشن کے لیے 2 کروڑ ڈوز کی ضرورت ہے، اور حکومت براہ راست چین سے دو کروڑ ڈوز خریدنا چاہتی ہے۔

    عذرا پیچوہو نے کہا کہ لوگوں کی زندگی محفوظ بنانے کے لیے ویکسی نیشن کو فعال رکھنا ضروری ہے، ہم ویکسین کی براہ راست خریداری کی اجازت کے لیے وفاق سے بات کر رہے ہیں۔

    انھوں نے کہا پاکستان میں کرونا کے خاتمے کے لیے چین کا تعاون قابل تحسین ہے، عذرا پیچوہو نے چین کو سندھ میں اسپتال اور ہیلتھ فیسلیٹیشن نیٹ ورک بنانے کی دعوت بھی دی، اور کہا چین سندھ میں طبی سہولتوں اور ہیلتھ ٹیکنالوجی میں مدد فراہم کرے۔

    چین کے قونصل جنرل نے وزیر صحت سندھ کو ہر ممکن تعاون کی یقین دہانی کرائی، لی بیجن نے کہا سندھ میں ہیلتھ ٹیکنالوجی فراہمی میں تعاون پر چینی حکومت سے بات کروں گا۔

    ملاقات میں سندھ کے ڈاکٹرز اور پیرا میڈیکلز کو چین کی ٹریڈیشنل چائنیز میڈیسن کی تربیت کے لیے چین بھیجنے پر اتفاق کیا گیا۔

  • بغیر علامات والے کرونا مریضوں کی تعداد کا کچھ پتا نہیں: عذرا پیچوہو

    بغیر علامات والے کرونا مریضوں کی تعداد کا کچھ پتا نہیں: عذرا پیچوہو

    کراچی: صوبائی وزیر صحت عذرا پیچوہو نے کہا ہے کہ ہمارے پاس کرونا مریضوں کے اعداد و شمار وہ ہیں جن کے ٹیسٹ کیے جا چکے ہیں، بغیر علامات والے مریضوں کی تعداد کا کچھ پتا نہیں۔

    اے آر وائی نیوز کے مطابق میڈیا سے گفتگو کرتے ہوئے وزیر صحت سندھ نے کہا کہ کرونا کی موجودہ لہر جون جولائی کے مقابلے میں تین سے چار گنا بڑی ہو سکتی ہے۔

    انھوں نے بتایا کہ کرونا کا مرض ہزاروں کی تعداد میں پھیل رہا ہے، سندھ میں یومیہ 16 سے 18 ہزار تک ٹیسٹ کیے جا رہے ہیں، سردیوں کی موجودہ لہر عین ممکن ہے گرمیوں سے کئی گنا زیادہ بڑی ہو۔

    ان کا کہنا تھا کہ کرونا مریضوں کی جو موجودہ تعداد ہے وہ ٹیسٹ کروانے والوں سے متعلق ہے، لیکن کرونا کے ایسے مریض بھی ہیں جن میں کوئی علامات نہیں ہوتیں، اس لیے وہ ٹیسٹ بھی نہیں کرواتے، ان کی تعداد کتنی ہے کچھ کہا نہیں جا سکتا۔

    کرونا کے وار جاری، 24 گھنٹے میں مزید 71 مریض دم توڑ گئے

    عذرا پیچوہو نے کہا کہ کراچی میں دستیاب وینٹی لیٹرز کی تعداد 237 ہے، ایچ ڈی یو بیڈز کی تعداد 828 ہے، جب کہ آئسولیشن وارڈز میں 1536 بیڈز کی سہولت موجود ہے۔

    واضح رہے کہ گزشتہ چوبیس گھنٹوں کے دوران ملک بھر میں مزید 2 ہزار 729 افراد میں کرونا وائرس کی تصدیق ہوئی ہے، جب کہ کو وِڈ نائنٹین کے انفیکشن کے باعث مزید 71 مریض جاں بحق ہوئے۔

  • کراچی، کرونا وائرس میں‌ مبتلا خاتون انتقال کرگئیں

    کراچی، کرونا وائرس میں‌ مبتلا خاتون انتقال کرگئیں

    کراچی: شہر قائد میں کرونا وائرس میں‌ مبتلا خاتون انتقال کرگئیں جس کے بعد سندھ میں کرونا وائرس سے اموات کی تعداد 6 ہوگئی۔

    تفصیلات کے مطابق وزیر صحت سندھ عذرا پیچوہو نے کراچی میں کرونا وائرس میں مبتلا خاتون کے انتقال کی تصدیق کردی جس کے بعد آج کراچی میں کرونا وائرس کے باعث اموات کی تعداد 3 ہوگئی۔

    محکمہ صحت سندھ کے مطابق کراچی کی 63 سالہ خاتون کو سانس کی تکلیف تھی، متاثرہ خاتون 10 روز قبل سعودی عرب سے کراچی پہنچی تھیں۔

    دوسری جانب حیدرآباد میں مزید 31 افراد میں کرونا وائرس کی تصدیق ہوگئی، محکمہ صحت سندھ کے مطابق حیدرآباد میں 24 گھنٹوں کے دوران 36 افراد کرونا وائرس سے متاثر ہوئے۔

    مزید پڑھیں: کراچی میں کورونا وائرس کے مزید 2 مریض چل بسے

    محکمہ صحت سندھ کا کہنا ہے کہ میں سندھ میں کرونا وائرس کے مریضوں کی تعداد 566 ہوگئی ہے۔

    واضح رہے کہ ملک میں کرونا وائرس کے مریضوں کی تعداد 1690 ہوگئی ہے، کرونا کے باعث اموات 21 ہوگئیں، 11 مریضوں کی حالت تشویش ناک ہے۔

    معاون خصوصی برائے صحت ڈاکٹر ظفر مرزا کی جانب سے جاری کردہ اعدادو شمار کے مطابق پنجاب میں 618، سندھ 535، کے پی میں 195 کرونا کے مریض ہیں، بلوچستان میں 152، جی بی 128، اسلام آباد 51، آزاد کشمیر میں 6 مریض زیر علاج ہیں، ملک میں کرونا وائرس کے صحت یاب مریضوں کی تعداد 53 ہے۔

  • چین میں مقیم پاکستانی طلبا کو واپس نہ لایا جائے، عذرا پیچوہو

    چین میں مقیم پاکستانی طلبا کو واپس نہ لایا جائے، عذرا پیچوہو

    کراچی: وزیر صحت سندھ عذرا پیچوہو کا کہنا ہے کہ چین میں مقیم پاکستانی طلبا کو واپس نہ لایا جائے، حالات کے سازگار ہونے کا انتظار کیا جائے۔

    تفصیلات کے مطابق صوبائی وزیر صحت عذرا پیچوہو نے کہا کہ چین میں مقیم پاکستانی طلبا کو واپس نہ لایا جائے، متاثرہ طلبا ممکنہ طور پر وائرس پھیلانے کا سبب بن سکتے ہیں۔

    وزیر صحت سندھ کا کہنا تھا کہ چینی قوانین اور صحت عامہ کے پیش نظر طلبا چین میں قیام کریں، حالات کے سازگار ہونے کا انتظار کیا جائے، وائرس کاایک مخصوص وقت ہوتا ہے،مشکل وقت بھی گزر جائے گا۔

    کرونا وائرس سے متعق صوبائی وزیر صحت عذرا پیچوہو کا کہنا تھا کہ پاکستان میں کرونا وائرس کا کوئی کیس رپورٹ نہیں ہوا۔

    اس سے قبل معاون خصوصی برائے صحت ڈاکٹر ظفر مرزا کی زیر صدارت ایمرجنسی کرونا وائرس کی کور کمیٹی کے اجلاس میں طبی ماہرین کا کہنا تھا کہ پاکستان میں فی الحال کرونا وائرس سے نمٹنے کی سہولتیں موجود نہیں، چین میں موجود پاکستانیوں کو کلیئرنس کے بعد وطن لایا جائے، بغیر کلیئرنس کسی کو بھی پاکستان واپس نہ لایا جائے۔

    دوسری جانب ترجمان دفترخارجہ عائشہ فاروقی کا کہنا ہے کہ پاکستانی سفارت خانہ چین میں موجود طلبا سے رابطے میں ہے، کسی ملک نے ابھی تک باقاعدہ چین سے اپنے لوگ نہیں نکالے۔

    چین میں 4 پاکستانی طلبہ میں کرونا وائرس کی تصدیق ہوئی ہے، ڈاکٹر ظفر مرزا

    یاد رہے کہ گزشتہ روز ڈاکٹر ظفر مرزا نے تصدیق کی تھی کہ چین کے صوبے ووہان میں زیر تعلیم 4 پاکستانی طالب علموں میں بھی کرونا وائرس کی تصدیق ہوچکی ہے۔ چاروں طالب علم تشویش ناک حالت میں اسپتال میں داخل ہیں۔

  • کتے کے کاٹے کی 13 ہزار ویکسینز موجود ہیں: وزیر صحت سندھ کا دعویٰ

    کتے کے کاٹے کی 13 ہزار ویکسینز موجود ہیں: وزیر صحت سندھ کا دعویٰ

    کراچی: صوبہ سندھ کی وزیر صحت عذرا پیچوہو نے دعویٰ کیا ہے کہ صوبے میں کتے کے کاٹے کی 13 ہزار کے قریب ویکسینز موجود ہیں، انہوں نے عوام کو احتیاط کا مشورہ دیتے ہوئے کہا ہے کہ بچے کتوں کو نہ چھیڑیں۔

    تفصیلات کے مطابق صوبہ سندھ کی وزیر صحت عذرا پیچوہو نے میڈیا سے گفتگو کرتے ہوئے کہا حسنین کو 6، 7 کتوں نے کاٹا، واقعہ افسوسناک ہے۔ بچہ این آئی سی ایچ کے آئسولیشن وارڈ میں زیر علاج ہے۔

    وزیر صحت کا کہنا تھا کہ ڈاکٹرز کل بچے کا دوبارہ معائنہ کریں گے، بچے کی سرجری مرحلہ وار ہوگی۔ کوشش ہے کہ انفیکشن نہ ہو۔ کتوں نے حسنین کے منہ پر بری طرح کاٹا ہے۔

    انہوں نے کہا کہ کوشش کر رہے ہیں کتوں کو ویکسین دی جائے، کتوں کی تعداد کم کرنے کے لیے اقدامات کر رہے ہیں۔

    صوبائی وزیر صحت نے مشورہ دیتے ہوئے کہا کہ عوام خود بھی احتیاط کریں، بچے کتوں کو نہ چھیڑیں۔ بچہ حسنین اس وقت وینٹی لیٹر پر ہے اور تکلیف دہ مرحلے سے گزر رہا ہے۔ بچے کی سرجری آسان نہیں ہے۔

    مزید پڑھیں: آصفہ بھٹو کو غصہ کیوں آگیا؟

    انہوں نے کہا کہ کے ایم سی کے اسپتال ہمارے ماتحت نہیں، اسپیشلسٹ ڈاکٹرز کراچی یا حیدر آباد میں کام کرنا پسند کرتے ہیں۔

    عذرا پیچوہو نے دعویٰ کیا کہ کتے کے کاٹے کی 13 ہزار کے قریب ویکسین موجود ہیں، حسنین کو بھی کتے کے کاٹے کی ویکسین دی گئی ہے۔

    خیال رہے کہ گزشتہ روز پیپلز پارٹی کے آبائی شہر لاڑکانہ میں سگ گزیدگی کا ہولناک واقعہ پیش آیا تھا جب 6 سالہ حسنین پر کئی آوارہ کتوں نے حملہ کیا اور اس کے چہرے کو بھنبھوڑ ڈالا۔

    بچے کو لاڑکانہ کے چانڈکا میڈیکل اسپتال لے جایا گیا تاہم ڈاکٹرز نے اس کی حالت دیکھ کر ہاتھ کھڑے کردیے اور صرف طبی امداد دے کر فارغ کردیا، بچے کو کراچی لایا گیا جہاں کئی دقتوں کے بعد نیشنل انسٹیٹیوٹ آف چائلڈ ہیلتھ (این آئی سی ایچ) میں داخل کر کے علاج شروع کیا گیا۔

    حسنین کی سرجری کا پہلا مرحلہ مکمل

    اب تک موصول ہونے والی اطلاعات کے مطابق حسنین کی سرجری کا پہلا مرحلہ مکمل ہوگیا ہے تاہم معصوم حسنین کی حالت بدستور تشویشناک ہے۔ حسنین کے لیے قائم کردہ میڈیکل بورڈ کا کہنا ہے کہ بچے کی مزید سرجریز بھی کی جائیں گی۔

    پہلی ابتدائی سرجری کے بعد حسنین کو دوبارہ انتہائی نگہداشت یونٹ (آئی سی یو) منتقل کردیا گیا ہے جبکہ بچے کی حالت سے سربراہ این آئی سی ایچ ڈاکٹر جمال رضا کو بھی آگاہ کر دیا گیا ہے۔

    مزید پڑھیں: سگ گزیدگی نے سندھ کی سیاست میں ہلچل مچا دی

    دوسری جانب سگ گزیدگی کے ہولناک واقعات کے باوجود سندھ حکومت نے ذمہ داری لینے سے صاف انکار کردیا، وزیر اعلیٰ کے مشیر مرتضیٰ وہاب نے ڈھٹائی کا مظاہرہ کرتے ہوئے واقعے کا ذمہ دار وفاقی حکوت کو قرار دے دیا۔

    اے آر وائی نیوز سے گفتگو میں ان کا کہنا تھا کہ دوائیں امپورٹ کرنا وفاقی حکومت کا کام ہے، جس کی ادائیگی سندھ حکومت کرچکی ہے۔

    ایم کیو ایم رہنما خواجہ اظہار الحسن نے وزیر صحت عذرا پیچوہو سے مستعفی ہونے یا محکمہ صحت کے افسران کو فارغ کرنے کا مطالبہ بھی کیا ہے۔

  • ہیپا ٹائیٹس ادویات کی خریداری میں گھپلوں کی تحقیقات ہوں گی، وزیر صحت عذرا پیچوہو

    ہیپا ٹائیٹس ادویات کی خریداری میں گھپلوں کی تحقیقات ہوں گی، وزیر صحت عذرا پیچوہو

    کراچی : وزیرصحت سندھ عذرا فضل پیچوہو نے کہا ہے کہ ادویات کی خریداری میں گھپلوں کی تحقیقات ہوں گی، صحت کے شعبے میں اصلاحات کریں گے، اب سفارش نہیں چلے گی۔

    ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا، انہوں نے کہا کہ سندھ میں ہیپا ٹائیٹس پروگرام اور ادویات کی خریداری میں گھپلوں کا نوٹس لے لیا گیا ہے۔

    پروگرام کو از سرنو دیکھنے کی ضرورت ہے۔ اس سے متعلق ٹیم بھی بنادی گئی ہے۔ وزیر صحت کا مزید کہنا تھا کہ صحت کی وزارت اہم ہے، اس کے مسائل بھی بہت پیچیدہ ہیں، اس لیے اصلاحات کا فیصلہ کیا گیا ہے۔

    صوبے بھرکے اسپتالوں میں بہتری لانے کی ضرورت ہے، ایم ایس، ڈی ایچ او، پروگرام منیجر کو ٹیسٹ لے کرتعینات کیا جائے گا، محکمہ صحت میں اب سفارش نہیں چلے گی۔

    لیڈی ہیلتھ ورکرز سے متعلق ان کا کہنا تھا کہ سندھ میں لیڈی ہیلتھ ورکرز کی کمی کا سامنا ہے اس لیے ورکرزکی جلد بھرتیاں شروع کر رہے ہیں، یہ بھرتیاں امیدواروں سے این ٹی ایس کے ذریعے امتحان لینے بعد کی جائیں گی۔

    عذرا فضل پیچوہو نے والدین سے اپیل کی کہ وہ اپنے پانچ سال سے عمر کے بچوں کو معذوری سے بچانے کیلئے پولیو ویکسین کے قطرے ضرور پلوائیں، پولیو ویکسینیٹرز اور لیڈی ہیلتھ ورکرز کی مکمل مانیٹرنگ کی جائے گی۔